Friday, May 29, 2009

Kumang aku !

Image Hosted by ImageShack.us
Anais

Image Hosted by ImageShack.us
Anais

Image Hosted by ImageShack.us
Lydia

Image Hosted by ImageShack.us
Lydia

Image Hosted by ImageShack.us
Indai enggau anak.


Lama udah anak dara dua iku aku tu ngumbuk aku ngari seduai iya ngena ngepan iban. Ukai enggai ga, tang ngepan bedau cukup ka aku. Oiii nadai urang mereti utai ka aku, ke ngepan bedau cukup !! Enti kita berati ke gambar seduai iya, nyu sebaka ngepan seduai iya laban ka 'sesut' aja. Sugu tinggi meh bedau bisi. Angkat bisi tetemu ke tiara kena anak mit begari ngena 'ngepan' Barbie Doll, kena nganti sugu tinggi iban !! pama meh. Pulai cuti ila, endang udah diati deka meli sugu tinggi ngambi ke lengkap ngepan bala Kumang.

"SELAMAT ARI GAWAI "

Wednesday, May 27, 2009

Gawai 2009

Image Hosted by ImageShack.us

"SELAMAT GAWAI DAYAK 2009 !"

Gayu guru, gerai nyamai, celap lindap, nguan menoa ! oooooohhhhaaaaaaaaa

Monday, May 25, 2009

Rose, Peony & Iris

Sekeda bala bunga ke agi ngembai di taman bunga tudah cik puan tu ! Pemanah bansa bunga tu enda ibuh diintu iga, enda ibuh suah di panjah enggau ai tauka di baja. Aku enda kiruh ke pengawa dua bengkah tu, semina kiruh muai rumput aja. Angat endar sekumbang udah nyu ka summer tu. Laban ke kelalu angat tiga ari keudah, lemai tu lagi deka kabut enggau guntur baru. Irau baru ga ati tu ke sida bunga nya. Arap ke enda lama meh kabut nya lagi.



Image Hosted by ImageShack.us
Bunga rose. Wangi amat bau bunga rose tu !

Image Hosted by ImageShack.us
Gamal tambak bunga peony. 'Pivoine' dalam jaku peranchis.

Image Hosted by ImageShack.us
Sekuntum bunga peony.

Image Hosted by ImageShack.us
Bunga iris. Bansa iris siti tu baka bunga orchide.

Image Hosted by ImageShack.us
Sekuntum bunga iris orchide.

.....................

..........

.....



NB : Terima kasih ke jaku sembiang serta peransang ari kita semua sekumbang 'beau' aku (Nicolas), 'Mr. Lyana' :-) , ke benung ngenat ke diri di spital seminggu tu keudah. Pagi tadi iya dikemendar ke lutur pansut ari spital. Gaga meh tudah ! Diberi lutur seminggu agi 'sick leaves'. Thank you all !


Saturday, May 23, 2009

Pemakai di spital.

Image Hosted by ImageShack.us



Cukup seminggu udah laling aku di spital. Udah beransur manah meh diatu. Enda ngirau ke ati agi. Enti nadai penanggul bukai agi, ari dua ila pansut iya enggau pemendar ari lutur dulu meh.

Aku gelik ati ke iya sekumbang ke diintu di spital nadai sebana ke utai bukai. Sebana ke pemakai enda nyamai ! Lemai tu tadi , aku mai kamera aku ke spital. Ngena endar maya aku datai sekali tu, benung pemakai lemai baru disadung ke pesakit. Merengut mua tudah laling meda pemakai ditunga ke iya nya. Aku pan ngeriut meh kening ! Endang ukai pemakai diati meh nya....semangkuk sup buah entekai (hmmm....), seketul quiche (tabar nadai asai), retak panjai rebus (nyu luchak, nadai gulai butter !), yoghurt masam enggau desserte iya, bubur asi gulai tusu manis dalam put. Wah ! mayuh agi tusu manis ari bubur asi....enda berapo !!

Enda ga ngemalat lemai tu, pemakai nya nadai endar gamal. Bisi ga udah ampit makai buah, ka iya, dua tiga ari keudah. Kasih ! Don't worry my dear, I'll cook the best food you dream of ever, soon !! Nyeh.......

Thursday, May 21, 2009

Joshua 1:9

Image Hosted by ImageShack.us



I was strong and courageous ; neither do I afraid and dismayed ! For I knew that the Lord our God was with me now and forever ! Amen.....

Friday, May 15, 2009

Aksiden lucu !



Jera asai iya ke driba kerita nya! Tanda ka beguai, enda sabar, lalu ngelawa ke diri 'ngehon' inik tuai ke ka meraka jalai nya. Tang, sigi ke tudah inik nya sengaja tauka ka enda, selamba aja iya ka meraka jalai nya. Tambah mega betul endur iya nganti, ba zebra crossing. Nadai salah !

Engka geram kini, ninga 'hon' siku nya, lalu di suing ke ia handbeg tudah tuai ba mua kerita uchak nya, nama agi deh airbag lalu tebuka ! huhu pecuma dipangka airbag ketegal enda sabar nganti urang tuai meraka jalai !! Auk, anang enda bejimat ba jalai alun !

NB : "Selamat ari Pengajar", ke semua cikgu-cikgu ke bisi mansa ruai aku ujung minggu tu ! :-)

Wednesday, May 13, 2009

Bunga Lupines

Bunga lupines, ke benung ngembai maya musim bunga tu. Gaga amat ati aku, laban taun tu keterubah taun iya ngembai. Udah dua taun aku ngembuan tambak bunga tu. Di sangka enda jadi, lalu ka di buai. Nasip enda jadi di cabut, peda pemanah iya benung ngembai diatu!


Image Hosted by ImageShack.us
Bunga lupines.

Image Hosted by ImageShack.us
Bunga tu bisi bemacam kaler tang enggi aku bewarna biru aja. Ka ngiga leka bunga lupines tu, kaler mirah tauka kuning ila.

Image Hosted by ImageShack.us
Daun bunga lupines nyuka sebaka enggau daun empasa tauka daun ubi randau.

Image Hosted by ImageShack.us
My flower bed! Dalam bunga lupines nya bisi leka. Enti udah 'tuai' ila, maya nya baru ulih ngulih ke leka bunga tu.


Lemai tu tadi balat amat ari ujan, ujan 'batu' ka kitai. Nyu baka setik leka ais mesai buah guli ke pemadu mit, ninggang atap rumah. Irau endar ati aku, enggai ke abis patah bala bunga ke benung majak ngembai di luar din, kelebih agi lupines nya, laban ke bansa bunga tinggi. Nyu enda mindah aku ari jendila berati ke sida bunga, sayau endar ke bunga abis mati ketegal ujan kabut nya! Tang nasip enda lama ari jai, bunga pan nadai apa nama mega. Ouf !!

Monday, May 11, 2009

Lovely Susan !

Klik ba nama Susan Boyle, ke benung belagu ke lagu - 'I dreamed a dream' ba prugrim ninting taun 'Britain's Got Talent'. Baka bala mayuh ke udah meda video tu, aku berasai bisi 'sympathy' ke iya laban enggau pengeras ati ia empu enda ibuh ke diri nadai begamal, sampal ati mandang ke pengelandik iya ke urang mayuh di kaca TV. Lalu enggau pengeras ati mega, ia diatu, ari siku indu ke udah berumur meh nya, serta nadai tetap pengawa, nyu jadi tebilang seluruh dunya!

Tudah tuai laban ke nemu diri nadai pemajik naka iya meh minta penemu ari sida 'mak andan' ka kitai, bala urang ke landik dalam bidang solek menyolek ngadu gamal mua serta tubuh iya ngambi ke gap agi dipeda. Nitih ke padah ba berita, bulu bansu di cabut, nyu enda tebal agi. Buk ia di dye cura 'light brown' serta dikemas manah agi, enda nyu musu2 baka ke terubah di peda ba video suba. Gaya baju dikena pen, nyu udah diubah. Enda agi ngena baju diputung ari kain curtain inik iya kelia, ka iya empu madah ! Manah baju ke kena iya belagu keutai, semina kaler iya aja enda ngam peda aku.


Image Hosted by ImageShack.us


Nyu di 'asu' sida papparazzi tudah tuai diatu. Tu gambar Susan ke diatu, udah di 'ubah suai' ari pala nyentuk ke ujung kaki. Taja pia ngarap ke iya mujur ngenatai ke diri ngagai peringkat 'final' ila !

P/S : Go Susan go !! You are the best and be waiting for the juries results again on the coming 23rd May, on 'Britain's Got Talent' show.

Sunday, May 10, 2009

Ari Indai

Image Hosted by ImageShack.us
My mom, indai aku ke disayau!

M - O - T - H - E - R

"M" is for the million things she gave me,
"O" means only that she's growing old,
"T" is for the tears she shed to save me,
"H" is for her heart of purest gold;
"E" is for her eyes, with love-light shining,
"R" means right, and right she'll always be,
Put them all together, they spell
"MOTHER," (Howard Johnson)

'SELAMAT ARI INDAI' ke Puteri, Andan, Coki, Indai Mau, Ndath, Bintang Ati, Charlene, Alice, Sebugey, Indai Mit, Dolly, Indai Hazel, Indai Amy, Indai Titi, Cynthia F, Indai Mena, Indai Wenkimnana, lalu last but not least, ka ribai, ke nuan mega Cath ke enda lama agi bisi 'urang baru' ti deka datai.


NB : Aku laun mandang ke entry aku tu laban ditu Mother's Day diintu kena 7hb Jun ila. hehe....dua kali Mother's Day diintu aku !!

Friday, May 8, 2009

Oh pochot !!



Enti tau bejaku, naka ia latah indai panda nya, pelaba aku !!!

VE Day !

Image Hosted by ImageShack.us


Saritu 8hb Mai, 'Victory over Europe Day'. Kena 8hb Mai 1945, ketuai soldadu ari menua England, Russia enggau Amerika nyain sempekat ngetu ke Perang Dunya Kedua di Berlin, Germany. Tang sebedau tu, soldadu ari menua Senegal, Morocco, Algeria, Australia, New Zealand, Belgium, Amerika, Canada, UK, Italy, Spain enggau soldadu peranchis empu ngalah ke soldadu nazie ke beketuai ke Hitler, ari bekuasa deka megai menua Eropah.

'Cuti umum' kami tu ditu saritu. Bulan lima tu baka tiap taun mayuh endar cuti umum menua tu. Enda ulih itung, nyu ka tiap minggu. Kini tungga tu lagi ka releks neh? Ka ngaga kui kini? Supping ?? ..............*agi berunding*.............

Wednesday, May 6, 2009

Eiffel Tower genap 120 taun !

Image Hosted by ImageShack.us
Alexandre Gustave Eiffel, bansa peranchis ke tebilang merancang ngaga Menara Eiffel di tengah menua Paris enggau Statue of Liberty di New York, USA.

Image Hosted by ImageShack.us
Menara Eiffel belabuh didiri ke kena 28hb Januari, 1887 serta tembu kena 31hb Mars, 1889.

Image Hosted by ImageShack.us
Kena 06hb May, 1889, Eiffel Tower dibuka rasmi maya 'World Fair' di bandaraya Paris. Saritu cukup genap 120 taun udah menara tu jadi ke tanda menua ke narit ati bala temuai ka nemuai ke France.

Image Hosted by ImageShack.us
Eiffel Tower digambar malam ari.

Image Hosted by ImageShack.us
Dipeda ari sungai Seine.

Image Hosted by ImageShack.us
Taun 2003, apai enggau indai bisi datai nemuai ke France. Seduai iya pan sempat beposing ba menara Eiffel, ngambi ke pengingat.

Image Hosted by ImageShack.us
Gambar diambi ari tingkat dua ba menara Eiffel.

Monday, May 4, 2009

Bunga Wisteria

Image Hosted by ImageShack.us

Semadi meda ba 'wikipedia' baru aku nemu nama bunga tu di kumbai 'wisteria' ba jaku english. Laban ke teleba ngumbai nya 'glycines' ditu. Bala kitai ke kala meda cerita drama ba TV, 'Desperate Housewives' teleba endar ga ninga dama bunga tu. Wisteria Lane...anyone ??

Image Hosted by ImageShack.us

Pun kayu bunga wisteria enggi aku tumbuh ari baruh peti surat lalu ngerayap nyentuk ke pintu pagar penama. Taun tu ke empat taun iya udah galak endar bebunga. Rindu endar meda pemanah gamal bunga tu, mayuh endar sekali ngembai. Nadai curak bukai, semina biru engkudu aja kaler bunga tu.

Saturday, May 2, 2009

Meresi kompaun rumah.

Seminggu udah pulai kemisi, ari tak majak ujan ba menua kami ditu. Maya kami ke pulai bejalai ari nya, ari tu belabuh enda berapo. Ninting ari ujan belama. Kemari enggau saritu baru bisi berupai manah, bisi ayan panas, nyentuk ke gari tau rangkai jembui di luar din. Saritu mega semadi ke nadai pengawa, aku lalu bekeran ati deka meresi kompaun rumah din, laban rumput nyu udah majak bauh.


Image Hosted by ImageShack.us
Nyu sesengit ati meda pemauh rumput tinggal beganjuh 2 minggu. Enti baka enda dikeduan ujan seminggu ke udah, endang lama rumput nya udah di tebas.

Image Hosted by ImageShack.us
Sinu meda ayun nya enda di tepan bala anak ketegal rumput bauh ngelinggi tudah.

Image Hosted by ImageShack.us
jeng jeng jeng ! nya iya 'rumputator' datai, mai senjata ngalah ke sida rumput !!

Image Hosted by ImageShack.us
Enda datai sejam lebih siap pengawa, lantang endar ati !

Image Hosted by ImageShack.us
Maya musim bunga enggau panas tu, bisi lori datai sekali seminggu (tiap ari tiga) ngumpul kambut rumput tu ila. Anang aja enda ingat ngengkah nya ba luar pagar ila.

Image Hosted by ImageShack.us
Bah, nama runding kita ? Boleh tahan tak ??! ;-) Ouishhh pagila muai amau endur nunu rangkang kayu keutai...enda tekabir agi !! hehe

Image Hosted by ImageShack.us
Pagila sida anak ka main badminton ditu, ransing ati nadai agi rumput tinggi, kompaun udah beresi. Kapa enda main badminton, asal ari manah, nadai angin balat. Lembau ngumpul sida ' shuttle cox ' tepanggai sebelah dan kayu tauka labuh ke urang sepiak kin.

Friday, May 1, 2009

" Lily of the valley "

Image Hosted by ImageShack.us

Di menua Peranchis tu, baka dini2 endur kena 1hb Mai, endang ampit ngintu ari pekerja sedunya mega. Lalu kena nanda ke ari tu mega, sigi tradisi urang menua tu beberi ke kuntum bunga ke dikumbai 'lily of the valley' , ke tiap iku urang ke dikelala, baka pangan sama endur gawa, pia mega ke diri sekaban.

...

..

.


"HAPPY LABOUR DAY EVERYONE!"

"SELAMAT NGINTU ARI PEKERJA KE SEMUA!"