Randau Lyana

Betemu baru.

2010-11-21T06:59:00.003+01:00

Minta ampun ke bala ke suah macha blog aku tu, ketegal ke lama ninggal ke iya. Iya tik bendar ukai ditinggal enda diabas. Diabas belama tang ati bedau besedia deka mungkal berita baru udah ke di tinggal niang indai aku ke disayau.

Nyadi sebedau aku ngepun ke berita aku ditu baka selama, aku dulu deka meri besai terima kasih ke bala kita ke bisi ninggal ke jaku pesan penyinu ati ke kami sebilik ditu. Semua nya disimpan dalam ati lalu jadi ke pemeransang ke aku, maik aku enda selalu sinu ati serta beraie ke iya belama.

Munyi ka ribai 'life must goes on'. Auk, baka nya meh. Pagi tu, tumu aku dani. Asai ke udah puas tinduk. Jam pukul 6.00 tadi udah kasak2 enggai di pejam agi ke mata nya. Endang enda ulih pajak, ka pan enda angkat meh. Sekumbang ke bisi internet tu, dudi ka ngachuk ke tunjuk jari nya kebukai ma mata udah enchelak. Lalu nekan PC. Perut engkerau lapar pan tau dudi dilayan..kenu ka jaku bala nembiak diatu. 'Di layan'...di turut ka...ney....turut kini?? Ke dapur ! Bedau makai pagi ku diatu. Ai kupi bedau ditunyau. Bah, enda tau sebut gak ke ka makai nya...nyu balat sebalat gak perut 'belagu'...aishhhh...mupuk ku brekfes! :-)

Oh, sebedau aku ngundur ke diri, ka madah ke berita gaya ari kami ditu. Majak chelap. Meda temperature ba thermometer di luar din, naka 7°C aja ! eeeechakkkkk...nyamai agi bekindu dalam rumah. Belabuh ari minggu baru nyin ila, ukai pagila deh, seminggu gik, udah di padah ke ari upis kaji cuaca, deka labuh salji. Tumu endar taun tu. Tang gaga ati laban nyuka semak ngintu Krismas, rindu meda 'white krimas' ila...

Eh, udah mansau ai angat. Maya lantang berandau baru. Enti nadai penanggul bisi gambar deka dibantai lemai lagi. Gambar baru ari Paris...hehehe

Meri Pemesai Terima Kasih !

2010-10-19T07:45:00.003+02:00

Aku ngari ke kami sebilik meri besai terima kasih ke bala kaban enggau pangan ke bisi datai meri basa ke penudi maya nyengayie niang indai kami, ke nadai kena 6hb Oktober 2010. Iya udah selamat di kubur kena 9hb Oktober.

Taja udah ngejang ke kami selama lama iya, tang iya mengkang dikenang belama.

Berita ari saritu.

2010-09-10T23:45:00.003+02:00

Madang jagung.

'Paraglider' ba ujung kanan gambar tu.

Crecy Town.

Rumput rangkai.

Gambar diambi benung ke bejalai raun ngelinggi aku diau saritu. Manah endar ari saritu. Rindu endar pansut raun ke madang umai jagung ke enda jauh ari rumah tu.

Enda lama agi musim gugur. Nitih ke ba kalenda, kena 23hb Sept. tu lagi, musim autumn - musim daun gugur. Nyu lain agi gaya rampa menua maya nya ila. Belabuh chelap meh dunya ditu. Akai daiii...lembau endar ngerunding ke maya nya ila.....

Selamat Hari Raya, Aidil Fitri !

2010-09-10T15:23:00.002+02:00

Sekali agi, genap tiap taun, bala kaban belayan, pangan suku juru kitai, ke berugama Islam nyambut ari besai sida iya, ke teleba agi dikumbai kitai 'ari raya'.

Aku ngambi peluang tu, meri - 'Selamat ngintu ari mulia pengabis bulan puasa ke bala menyadi, petunggal, kaban belayan bukai jauh tauka semak. Minta ampun enti bisi tekasar jaku, beselisih penemu. Aram kitai enggau 'taun baru' dalam kalenda muslim tu, ngiga azam baru, nith jalai tik badas lalu begulai manah enggau pangan diri' oooooohaaaaa! :-) ....aku anak Malaysia !

Hepi baday, Lydia!

2010-09-01T23:46:00.003+02:00

Sweet 17 meh anak dara aku ke tuai tu. Saritu 2hb September. Anak majak ngangkat ke diri dara, umur apai indai pan majak ke niki jauh agi! Nadai meh ulih diseliah agi. hehehe... Nyu enda berasai meh meda udah ngemesai nya.

Nya meh, nadai utai bukai meh sampi aku, minta diberkat Tuhan, manah pendiau serta mujur dalam pelajar pia mega dalam semua pengawa ke bukai.

Joyeux anniversaire ma fille!

Menua di pansa raun.

2010-08-29T15:02:00.010+02:00

Enti ulih, nadai penanggul ba driba, ngarap ke selalu baka nya, endang lembau endar aku dribing bejam-jam. Sigi besyukur meh, munyi ka kaban kitai sida melayu, ke laki aku ke enda nemu lelak dribing 8 jam enda ngetu maya mindah. Kami menyanak suah mindah maya kemisi ke endur naka penyauh nya gak dituju. Jauh agi endur dituju, manah endar gak rampa menua di peda. Nyelai endar !

Mulai ke jaku, bisi gak ngetu enda lama. Ngetu ngejang ke kaki, ngirup, kemik, ulah kitai meh nya. Ni ulih enda ngetu sepi aku. Iya ke dribing nya enggai ngetu, aku meh maik iya ngetu belelak enda lama sebelah tisi jalai. Di menua tu nyamai endar, endang bisi ditaga ke urang endur ngetu tiap 20km antara siti siti endur. Nya meh, jalai panjai endar di menua tu.

Sekumbang ke udah ngembuan kamera ke canggih (aisehh!), aku endang enda ngetu ngachit-mengachit dini2 endur penunga mindah. Ditu aku mantai ke sekeda gambar ke ulih diambi ari dalam kerita. Ukai nyamai gak ngambar ari cermin kerita. Puas endar ngeliah ke bekau indu utai ke udah pambar ba cermin nya. Kamah endar. Tang nasit aku, chun ba endur aku ke selalu ngambar nya, tak baka ke ngawak ke endur aku ke ngambar sekitar endur ke dipansa pejalai pulai kemari. Enda ulih ngetu ba tiap endur ketegal ka begambar. Pelaba aku nyu laun endar datai di rumah, enti nitih ke aku ke suah ngambar nya. Naka ulih meh ngachit ke kamera, ari dalam kerita. :-)

Chestnuts

2010-08-27T11:01:00.003+02:00

Pun kacang chestnuts.

Chestnuts udah tau di ulam.

Kelimpah ari buah epul, buah prune enggau buah cherry, mentua aku bisi ngembuan sepun kacang chestnuts ba kompaun belakang rumah iya. Iya tik bendar, pun buah ditanam urang ke dulu diau ba rumah nya kelia. Laban ke lama enda diintu, lama puang sebedau mentua ku meli rumah nya, kira 5 taun udah, nadai gamal agi sida pun buah.

Mentua aku laban ke rindu serta puh kerja tanah, gaga amat iya ke semua pun buah nya. Galak endar sida buah diintu iya diatu.

Tang kati ka kitai ngumbai chestnuts ney ??

Bisi ati aku mega deka mai paung ubi enggau changkuk ari menua nyin. Ka ditanam ke bak kompaun rumah mentua ku ditu. Ngica ke ari ditu manah agi ari kami di menua atas din. Tang lembau endar gak berunding ke 8 jam dribing kitu, enti deka makai kantuk daun ubi enggau cangkuk ! ishhhh

Perigord

2010-08-26T11:37:00.010+02:00

Madang anggur di menua Montbazillac.

Buah anggur.

Chateau Montbazillac - Istana Montbazillac

Gerija di Montbazillac.

Tu meh endur menua ke dituju bejalai sekali tu. Taja udah endur nemuai, enda jauh ari endur mentua ku diau. Tang asai ke terubah iya gak kitu. Manah dipeda. Menua tu pan endang tebilang ke alai nanam buah anggur kena ngaga wain Peranchis. Kelimpah ari nya, mayuh endur bukai 'besejarah' kena ngayit ke ati urang mayuh ke nemuai kitu.

Bah, naka tu dulu berita aku sekali tu. Munyi ka ribai 'to be continue.....'

Ari angat !

2010-08-21T18:21:00.005+02:00

Angat kami saritu ! 31°C aja tang nadai angin, asai ke diau sendi bara api, ka sida niang inik kelia. 2 ari dah ari tu beturut angat. Tinduk malam, masang kipas baru berasai jenak tinduk.

Nyah, maya angat tu tenguk ka makai ais krim. Mansang aku kepasar tadi, tu aja ais krim agi di jual. Pama meh, kena ngenyelap ke nyawa. Bah, tu naka berita aku sekali tu. Ka bekemas baru. Raun enda lama. Mupuk ka urang, angkat gak aku...pemai meh nya! hehehe

Anang ngalau agi !

2010-08-15T15:58:00.004+02:00

Anais Emilie - 13 taun!

2010-08-12T21:39:00.008+02:00

Agi belala ka meda bala anak, mit belama. Munyi ka Indai Dara, enti ulih asai ke enggai ngasuh sida iya besai, ka dikembuan baka anak patung kenu !

Selamat Ngintu ari pengada ke 13 ke anak dara biak aku tu !

Aram makai....

2010-07-16T04:24:00.003+02:00

Ensanus, indai aku pulai meli lauk, bisi tetemu ke 'kuih' tu. Penganan iri ka kami. Aku enda tentu berapa makai penganan iri, kelalu beminyak sepi aku. Penganan chuan enggau penganan jala ka aku makai. Tang anak aku ke biak, Anais, agi belala ! Lalu ngasuh inik iya meli baru. Nyahhh, mupuk meh indai enggau apai ku ke pasar tadi, ngica ke pangan sida ke bejual ba market sayur bisi ngaga penganan iri saritu.

Buah belimbing. Ulih meli mega. Dini cino ka meri ! Lama udah tetengguk ke buah belimbing tu.

Tu sayur dikerindu aku! Sayur ari sabah. Enda nemu dama sayur tu endar, semina nemu iya datai ari menua Sabah. Panduk gulai pusu enggau bawang aja, akaiii...tepantup ati !

Raun raun.....

2010-07-07T07:28:00.006+02:00

Kemari nadai pengawa, kami menyanak lalu raun ke puak bandar Kuching. Endang sigi 'tabiat' aku diatu, munyi ke kaban kitai bansa melayu, enti mindah enda jauh ari kamera. Nasit ari enda tentu angat alai bisi ati ka ngambar utai ke di pansa.

Berita ari bumi kenyalang.

2010-07-05T06:25:00.005+02:00

Mayau digari sama ngerami ke pekit main bol sedunya ke diatur di South Africa.

Dewan Undang Negara baru negeri Sarawak, digambar ari Waterfront.

Astana lama enggau ayuk iya ba sungai Sarawak.

Lydia enggau Anais, raun enggau aki seduai iya ke Wisma Saberkas.

Udah datai di menua ditu kami menyanak. Kemisi nyentuk ke pun bulan 8 ila. Gaga ati betemu enggau diri sebilik, kaban belayan serta bala pangan. Nyu baka ke enda ibuh ke ruai tu agi. Bah, tu dulu bala gambar ulih dibantai sekali tu.

Nama berita kita deh?

Bunga poppy.

2010-06-14T18:53:00.004+02:00

Tengah ari tadi, nurun ngambi anak pulai sekula meda mayuh endar bunga poppy ngembai. Nyadi bunga tu ka endar tumbuh ngimbai madang gandum enggau jagung.

Lebih dua taun udah meda bunga tu galak endar ba ladang umai kami ditu. Ngelamatu, nyu ka pupus bunga tu, laban di masuk ke dalam kategori rumput lalang. Ngachau utai tanam. Nya ke munuh enggau racun. Ukai semina bunga poppy ke pupus, mayuh bunga babas bukai meh ke pupus mega, nadai agi dipeda diatu. Bala indu utai pan bela nyadi mangsa, baka sida kesulai. Nadai agi kesulai ba menua kami tu. Ketegal bunga babas ke bisi madu, pemakai kesulai, nadai agi tumbuh. Kira ke belelang ke bukai meh sida iya, ngiga pemakai tauka punas nadai agi!

Diatu enda ngena rachun kemikal agi urang bumai munuh rumput lalang. Nyu mulai ke diri ke chara lama. Rumput nya ditebas enggau injin. Enggai nyadi enda ngena injin, beratus ikar pemesai ladang ke diintu ! Luput ngena parang enggau bikung aja ngereja nebas rumput !!

Bah, naka tu aja berita sekali tu. Benung kiruh bekemas meh aku diatu. Bekemas ka mupuk kemisi minggu baru ila. Panjai endar ari enti dianti ka mindah.....

Football World Cup - South Africa 2010

2010-06-11T20:56:00.002+02:00

Aram enggau nyukung menua ke dipilih, dikerindu maya pesta main bul sedunya di menua Afrika Selatan taun tu, taun 2010. Tiap empat taun meh pengawa milih menua ke landik serta tegas main bul tu. Taun 2006 suba, menua Italy menang, megai mangkuk piala dunya. Ni maya menua Malaysia enggau ney??

Selamat Ari Gawai !

2010-05-30T08:56:00.000+02:00

Tanda poco poco

2010-05-28T20:47:00.005+02:00

Semadi ke ngenat ke ikak enda lama laban udah bebendar nyendia ke sekeda utai di dapur, ngemas ruang bilik, kena ngenatai ke pengabang maya gawai ila; udah badu ngemas enggau nyapu di mua rumah, ambik ke utai(mayuh macam barang tengkira meh) enda ngarey baka ke selama ! ahahaha Udah siap ke endur ngelulun di belakang rumah? Adu memanah ke endur nya, enggai ke kiruh ngapa gak bekangau ke sida bomba maya begawai! kuuuuss semangat, anang ngajih. Kiruh kita ney, bala ibuk, aya, kaban, suku juru serta pangan. Sigi gaya, setaun sekali. Enti enda dua kali gak...nyambut ari krimas deh. Ila gak kitai berandau ke nya......

Bah, aram wai, unggal, igat, dara, entak ke kaki enda lama, gilik ke pungung, angguk ke pala, meda tanda poco poco ari Sweden ! Enda kitai arap enti ditusui pia aja enti enda meda video tu. Rindu meda sida ribai nemu nitih rentak poco poco nya. Terima kasih ke Pak Shony (ari Indonesia) ke ngajar sida iya.

Burung achang.

2010-05-22T19:20:00.003+02:00

Suah endar aku udah deka ngambar burung achang. Selalu enda mujur. Di beri ke umpan meh, tang nemu endar sida iya. Maya aku leju nganti, sida iya lalu datai makai umpan. Nemu endar beduan! Tengah ari tadi, enda dikibuh aku. Enggai mujuk agi. Kapa meri umpan. Nyahhh! nemu gak siku tu datai, lalu inggap ba dan kayu. Baka ke berati ke ulah aku. Enti nemu bejaku, pelaba aku, deka nanya nama kebuah nadai ruti ba sendi pun kayu endur iya inggap nya! Benung iya ke 'belagu' nya, aku lalu ngambar iya. Naka pemesai burung achang nya. Lama iya jadi 'model' aku, malik ke kiba, malik ke kanan iya......gap lah iya ka ati iya !! ;p

Burung achang.

auk, gap nuan....!

Bemain enggau kamera 2

2010-05-20T20:59:00.006+02:00

Indu kemindang di gambar tengah ari tadi. Gaga ati, laban pedis endar ngambar sida tu. Enggai jenuh ! Benung ke ngambar seduai tu tadi, nasit endar, tak sama enda mindah lekat ba daun bunga. Engka udah kenyang merarau kini? Mayuh endar indu kemindang tu ba kebun bunga dia. Kenu ka urang tuai ditu, manah ngembuan indu kemindang, laban makai 'kutu' ke inggap ba bunga. Bunga galak agi enti nadai kutu nya. Petua bekebun meh nya!

Indu kemindang ...no 1.

Indu kemindang..no 2. (Ni bajik agi??)

Nyu udah lemai ari, tu jam pukul 6:00 lemai, meda bulan baru ngembung ka kitai. Tampak endar, laban langit ciru, nadai remang. Tambah mega mayuh endar bilun mansa maya nya tadi. Aku lalu ka ngambi peluang ngambar bilun enggau bulan sama. Tang utai ke dianti aku endar, bilun enggau bulan kira ke berimbai, enda tentu jauh iga ari pangan. Kala aku meda gambar baka nya. Ka nguji gak aku. Sejam aku nganti, nyu pedis pegu, bai ke suah melenggik ke langit. Lalu enda gak 'berimbai' nunda ka ati aku. Naka penyemak seduai iya meh ke ulih digambar aku sekali tu. Pama meh.....

Bemain enggau kamera.

2010-05-19T21:37:00.012+02:00

Dulu aku meri besai terima kasih ke Puteri ke udah nulung aku ngadu ke gambar template header datas blog tu. Tenkiu wai!

Bah,lama endar gak aku enda ngabas ruai ku tu. Nyu lelenggau! Saritu tadi, ari balat manah. Panas terang, ati pan enggai tentu diau dalam rumah aja. Kompaun rumah udah dibersi kilah ensanus, rumput udah 'diinjin', lantang endar endur ngabas sida bunga ke benung galak ngembai. Aku lalu nyengkau kamera aku, lalu belabuh nguji 'bemain' enggau iya. Aku nguji ke option macro. Rindu endar meda bunga tik keremit jadi dua kali besai, udah digambar! Kaler bunga nya pan nyu memanah. Tang aku enda tentu nemu nama bansa sida bunga. Jiran aku ke sepiak nya, ke landik agi pasal tu, udah gak pulai ke Paris. Bisi rumah siti gak agi seduai melaki bini din. mmmmm..aram meh enggau aku meda bunga2 nya....

Siti tu aja kelala aku dama....blue lila.

Kati deh? Enda geram kita meda pemanah bunga nya?

Pangan baru.

2010-05-15T21:21:00.005+02:00

Lemai tadi Fanny enggau laki iya Eric datai nemuai. Fanny sama datai ari Sarawak. Kami duai dulu bekalala ari FB (mua bup!). Gaga meh ati bisi siku agi pangan ari sama menua enggau aku di menua Peranchis tu. Bendar meh kami sebuat berandau ruai, lelenggau! Alai seduai iya laun datai ba aku, laban ngabas kaban seduai iya, ke diau enda jauh ari aku ditu gak. What a coincidence!....ka ribai... :-))

Selamat ari Indai !

2010-05-09T12:12:00.002+02:00

Ke indai aku...taja jauh pendiau tang seruran di ati belama !

Ke bala indai ke mansa ruai aku saritu....'Tabi ke kita semua'...Selamat Ari Indai !!

Burung.

2010-05-06T23:01:00.011+02:00

Nguji ngambar burung gak aku. Bala burung ke bisi di peda maya raun. Siga endar sida burung nya. Baka ke aku nya ke nimbak sida iya enggau senapang!! Baka kebu terebai tajapan aku semina ngena zoom kamera. peiiiii

Manah endar siku tu. Burung achang atas cheminee. Langit biru....

Burung seagulls.

Burung pipit. Siku tu, diumpan enggau sedak ruti baru ka malik !

Seagull atas pantai.

Dua iku burung achang, benung 'beromen'! I lap u...u lap mi ??

Burung seagull ngetu belelak sambil cirit...endO berapO !!

Gaya ari.

2010-05-05T21:06:00.009+02:00

Maya ke raun tu tadi, ukai semina pemanah rampa menua ke di gambar. Gaya ari ke betukar curak pan bela manah endar mega. Untung endar maya ke raun nya, pengelama dua minggu, ari panas belama. Taja pia, laban diatu ke agi dalam kandang musim bunga, agi gak berasai celap. Kira celap baka ke dalam bilik air-cond. Manah iya meh nya.

Matapanas benung ka 'ngelesap' ke diri. (Beauvoir)

Matapanas udah 'terbenam', langit aja dipeda agi dilamun 'nyang' ka kitai. (Beauvoir)

Tu maya ari udah laun lemai tang panas baka ke agi belala nerang ke langit. (Murviel-les-Beziers)

Ari malam, bulan udah 'ngembung' tang agi kelalu jauh digambar. (Chateau Mus)

Jam pukul 9:00pm. Malam terang laban bulan purnama. (Chateau Mus)

Enggai enda madah, penyampau suhu penyelap kami saritu, 6°C aja(!!). Pengelama udah diau menua tu, enda kala meda salji labuh musim bunga, di sekeda endur aja. Ari tak bebali celap baru. Nasit endar tunga ke endur kami ditu, semina tak balat berangin aja. Ngujung ke celap amat. Arap ke nadai salji meh. Sayau ke bala bunga ke baru nyumbuk enda nyadi ila.

Kemisi Easter 2

2010-05-03T23:27:00.025+02:00

Sinu ninga bala nanya ke kemaya agi aku ka mantai ke bala gambar pulai kemisi Easter sekali tu. Ukai enggai mantai ba blog, ukai ngemelakang ke bala kaban2 aku ditu tang pemayuh gambar diambi aku sekali tu nyu bingung aku ngerunding iya ke ni deka di pilih. Ukai gak muji gambar diambi aku nya manah magang, mali 'ngangkat bakul' diri empu ka urang tuai! ....tang ati aku ka mai bekunsi enggau kita meda pemanah menua Peranchis ke dipansa maya ke bepeluang raun maya kemisi. Tambah raun sekali tu, mayuh endar menua endur sangkai. Nyu ngachit mengachit kamera ! :-)

Stidi begambar baka tu ney?? Mont St. Michel di peda ari rumah temuai endur kami menyanak bemalam.

Mont St. Michel tu monastery ba tengah tasik. Maya ai tasik surut, kerita, bas, bala pelancung ulih datai ngabas kin. Tang ngadang enti ai pasang, enda tau enda bemalam nganti ai surut ari siti. Hotel endang bisi ditu.

Bandaraya Montpellier.

Arc de Triumph. Pintu 'penama' ke Montpellier.

Roquebrun. Siti ari menua petisir menua Peranchis ke dipansa.

Pazenas

Sete. Menua tu tunga ke selatan Peranchis. Kira 4 jam ari sempadan Spain.

Murviel-les-Beziers.

Bah, kini tuju kita menyanak raun baru deh?? tanya menyadi aku pagi tadi... Saut aku : Ke Kuching !! Nyah, enda lama agi, nyu enda berasai, kemisi pulai ke menua meh kami sebuat. Enti nadai penanggul ujung bulan enam tu ila. woohooo... ;p

Kemisi Easter

2010-04-21T11:30:00.004+02:00

Siti tu dulu gambar dibantai ke aku sekali tu. Gambar di ambi ensanus ba mua Mont St. Michel. Abbey di gaga atas bukit batu tungga ke utara menua Peranchis.

Raun bejalai kemisi easter kami menyanak sekali tu. Udah nyuka seminggu ninggal ke rumah diri. Lima ari ke dulu, nadai internet ba endur kami sebuat ke nemuai din. Merinsa endar. Tang tat ke aja meh. Saritu lantang mimit laban udah datai ba menua mentua aku ditu. Nginjau internet line ari iya. :-)

Ansa enggau itit.

2010-04-12T23:57:00.007+02:00

Kira ensanus jauh aku mai kamera aku benung ke bejalai ngangat ke tubuh ba taman bunga enda jauh ari aku diau ditu. Taman nya mega di pansa sungai. Ba sungai nya bisi dua iku ansa. Dua iku aja laban nya ansa 'datai' ka kitai. Ukai menua asal bisi ansa burak baka nya ba ditu. Naka siku ansa nya aja ulih digambar. Sigat endar! Au, lelaki iya tu, ka apai tuai ribai siku ke benung nginti semak aku ke ngambar ansa nya. Ansa lelaki besai agi gamal ari ansa indu ka apai tuai nya. Pia ney! Baru aku nemu...hehehe

Tu sekeda itit ke sempat kena gambar mega. Itit ai. Manah endar gak gamal sida itit nya.

Pengawa saritu.

2010-04-09T21:38:00.012+02:00

Manah endar ari saritu. Kelalu gaga ati ke ari manah, laban lama dah enda meda 'panas terang' pia deh...aku mai anak aku ka biak (Anais) bejalai kaki ngelinggi endur kami ke diau ditu. Enti enda di'suap' kapa anak nya ka nitih aku. Semadi asuh aku mai kamera aku ke lama baru iya ka enggau. Iya ngambi gambar iya gak, aku majak ke enggi aku gak. Tang asal bisi urang nyempulang bejalai aja. Bejalai sambil ngambar....hehehe

Jelu kuda tu ditupi baka nupi ukui enggau mayau di menua tu. Bala ke ka meh. Kami menyanak nupi Calisto, pama meh.

Tunga ke madang gandum.

Jalai nurun ke jalai besai.

Anais ngambar tu.

Gambar penudi tu, gambar mata panas ka tinduk (sunset)! Manah endar lemai tu tadi. Baka sunset di tebing tasik.

Bah, naka tu aja berita sekali tu. Ngarap ke ari majak manah kedung ke udah musim bunga diatu.

Kayu-sikal !

2010-04-07T18:46:00.004+02:00

Kepuas ke reragau ba dunya siber tu, aku tepeda ke gambar siti tu. Pemadu mayuh meh penumbuh serta penemu siku siku kitai di dunya tu ney!

Kati ka runding kita? Jauh ke enda pejalai ngena kayu-sikal tu? Ba aku semina kena nurun ari jalai bukit aja. Laban nadai jalai ka ngemudi ke utai nya enti nadai injin enggau minyak.

Ari ni enda gak bansa asal seduai tu. Enda kala aku meda ngepan baka nya. Engka bala sida Senggalang Burung ari Pangau Libau kini?? :-)

Selamat Ngintu ari Easter !

2010-04-03T23:56:00.001+02:00

'Good Friday'

2010-04-02T00:03:00.002+02:00

Nadai ai paip....

2010-03-30T22:01:00.004+02:00

Lemai tu teringat ke video mayau ke ngirup serta mandi ba ai paip nya. Jeles aku ke mayau nya !!

Kebuah jeles, laban kami nadai ai ari paip lemai tu. Amat merinsa nadai ai. Ka pan enda, ngena ai mineral (ai dalam butul) meh beberus ngeli serta empungas mua lagi. Nasip ari enda angat, tambah saritu enda gawa di luar din. Bedau engkasak ba kebun bunga. Ari agi enda tentu berapa gak ditu. Nadai bepeluh kami sebuat. Nadai nyangka ke ngelama nya gak putus ai nya. Nadai gak urang ari municipal kunsil tadi ngerah ke nimbun ai. Aku enda gak irau ati. Nya alai enda nimbun ai. Sekumbang ke diau ditu, nyu udah 20 taun, terubah iya meh nadai ai ditu.

Kebuah alai nadai ai, ketegal paip besai ke nuju ke kami kitu pecah tengah ari tadi. Nyu buchur2 ai meruap ari lubang tanah. Nyu baka ai sungai ngalir ke jalai besai pemayuh ai udah pansut. Kira 2 jam lebih udah nya baru bala pekerja ari municipal kunsil nya datai lalu nutup paip penatai ai nya.

Ngarap ke pagila ulih diadu ke paip nya. Enda tan nadai ai. Sapa tan enda mandi, tajapan enda bepeluh balat. ishhhhh

Balat landik !

2010-03-26T16:54:00.004+01:00

Landik endar anak mit tu main dram ! Baru berumur 3 taun. Go, Howard go !! Nama lagu ke ditunda iya nya 'I hate myself for loving you' ari Joan Jett.

Bekau kabut.

2010-03-25T20:55:00.006+01:00

Lemai tadi kira ari pukul 6:00 lemai nyentuk ke kira pukul 7:00 lemai, ari jaik amat. Angin deras, guntur, kilat enggau ujan bangat. Endang udah di pesan ba radio, ari upis penyaga ari, ari pun minggu tadi pasal kabut ngenyit nya. Kebuah tik nyadi laban ke udah betukar musim diatu. Angin celap belaban enggau angin angat ka datai, ke mai ari tu manah maya musim bunga. Rindu endar gak belajar pasal pejalai ari tu ney?!

Udah teduh ujan serta angin pan enda balat ari betiup, aku berati ke langit majak terang baru. Panas nya agi gak tampak. Tang laban ke udah nyu laun lemai, kira pukul 7:30 lemai tadi panas 'padam', betukar curak gaya remang enggau langit. Rindu endar meda. Sayau, nadai meda 'anak raja' gak. Bah, nadai betangguh agi meh, lalu nyengkau ke kamera aku. Tu dua iti gambar pemanah ari maya nya tadi. Kati deh, enda rindu kita meda iya mega??

Ladang 'umai'

2010-03-24T18:37:00.004+01:00

Lemai tadi aku enggau geng aku ke selalu enggau bejalai mupuk raun ngangat ke tubuh. Sejam pejalai kami duai, nengah babas, jalai lucak. Babas ka jaku tang ukai utan tebal. Jalai nya lucak ketegal ari balat ujan minggu nyin kemari. Taja ari udah manah ke diatu, tang bedau ulih ngerangkai ke jalai gak panas nya.

Gambar tu diambi maya ke ngetu belelak. Bala utai tanam ba ladang benung nyumbuk magang. Enda aku nemu nama enda utai tanam sida urang bumai ditu sekali tu. Tiap taun sida betukar utai tanam. Taun 2009 kutai, jagung ditanam ba ladang tu. Enti nanam 'sunflower' taun tu, gaga amat aku. Rindu meda ladang sunflower.

Enti udah dipeda endar utai tanam ila, aku ngambar endur tu baru. Until then, ka ribai, mupuk aku. :-)

Musim Bunga

2010-03-20T18:23:00.003+01:00

Saritu 20hb March belabuh musim bunga. Bala bunga pan majak nyumbuk. Nyu berasai lantang ati. Ukai semina lantang ati meda bunga, ari pan lama siang. Panas pan belabuh ngangat ke tubuh.

Bah, nak tu dulu berita aku. Ngarap ke kita begulai rindu ati enggau kaban belayan, suku juru maya ujung mingu tu.

Aram ketawa.....

2010-03-18T16:49:00.000+01:00

Sapa ka nepan bilun enggau Kapten Bilun tu ?????

Pisin angin !

2010-03-15T23:30:00.003+01:00

Tu gambar kirum ke pangan aku siku ditu. Gambar pisin tanchut jean baru. Pisin ke pemadu di'gila' ke nembiak indu ke rebak baru diatu. Ari menua Jipun kenu.

Kati asai ngena tanchut baka nya, bejalai sebelah pasar din??

Bisi ari bala kerita ba jalai, teguling tegulek, laban bala driba nyu enda agi ngemata ke jalai benung dribing! Pechuma bebadi ngapa ketegal nyu 'meliur' keda ney ?!! :p

20 taun udah begulai !

2010-03-12T22:51:00.006+01:00

Enda berasai taun tu kena 13hb March, saritu, kami duai laling aku nyambut taun ke 20 udah niri ke rumahtangga, begulai sejalai meh!

Nadai berami besai kami menyanak tang deka begelumu makai enggau diri sebilik, kaban belayan serta pangan rapat maya pulai kemisi ke menua ila.

We met and we fall in love. Worlds apart and languages barrier to endure. But no regrets and no pains, we were made for each other ! Here we are 20 years later. The flame is still burning bright. And the stars shines forever up above. For you and I are always one in hearts, spirits and souls !

Mon Amour, je t'aime pour toujours !! ( bebasa ke tudah ke bansa peranchis...heeeeee)

Berita saritu.

2010-03-10T21:17:00.004+01:00

Gambar diambi sulu ati lemai tadi. Maya tumbuh nyang ka kitai, 'sunset' ka ribai.

Manah endar ari kami ditu seminggu tu udah. Panas terang ari pagi nyentuk ke lemai. Tang balat ribut. Ribut celap ari menua Siberia nyin. Enti enda ketegal angin balat nya, endang asai ke udah musim panas. Nyu berasai lantang ati, meda ari nadai selalu ujan serta besalji.

Bala bunga pan majak nyumbuk. Tang aku bedau ka ngerajin ke diri ngerungkai kompaun aku dia. Nya meh, agi enda tan di'sembur' ke angin celap !

Bah, naka tu dulu berita aku sekali tu. Ila berandau baru. :-)

Ari Inik (Grandmother's Day)

2010-03-06T21:27:00.003+01:00

Pagila 7hb March, menua Peranchis enggau sekeda menua bukai di menua Europah deka nyambut ari ungkup ke bala inik.

Bah, aku ngari ke sida anak aku, meri 'Selamat Ari Inik' ke indai aku enggau mentua indu aku empu. Arap ke seduai iya bela gerai belama.

Bunga rumput.

2010-03-02T21:04:00.007+01:00

Manah endar saritu tu. Panas terang ari pagi nynetuk ke lemai. Ba kompaun rumah, nyu baka belik gamal bunga rumput udah nyumbuk.

Tu sekeda gambar bunga rumput diambi pagi tadi.

Rindu endar meda 'anak' bunga tu tajapan bunga babas ka kitai. Bunga ba pun buah pan nyu belabuh nyumbuk mega. Ninga jaku urang tuai ditu, enti taun nya suah besalji, taun mayuh buah kenu. Laban salji munuh segala penyakit ke nganu pun buah. Ngarap pun cherry aku dia bebuah lebat meh tuan tu. :-))

1hb March....

2010-03-01T18:27:00.005+01:00

Enda berasai saritu udah mangai ke bulan tiga.

Kena aku nyempulang penatai ari sereta bulan baru sekali tu, aku mandang ke gambar Anais enggau Calisto. Diambi pagi tadi. Calisto 'bejembui'(sunbathing, ka ribai) ba mua jendila. Manah endar ari saritu. Baka ke muru remang celum di langit din, kabut ke mangka kemarik.

Anais enggau akak iya ngambi peluang maya kemisi tu, suah dani laun pagi ari. Kapa deh! Bansi ke maya sekula tumu amat seduai iya dani.

Bah, naka tu dulu berita aku sekali tu. Enti ari manah pagila ka bejalai ngelinggi menua kami tu. Ngiga bala bunga, bala burung digambar. Lama dah enda raun mai kamera sebelah tu ditu... ;p

Kabut Xynthia.

2010-02-28T17:22:00.003+01:00

Xynthia, nama kabut ke muput kami ditu ari lemai kemari. Manah endar nama nya ! Pama pengelaju puput Xynthia, 120km sejam ba menua kami tu tang ba endur bukai sampai ke 160km sejam !! Mangah endar 'indu' tu. Mayuh urang bebadi tubuh enggau nyawa ketegal ribut balat sekali tu. Kayu abis tumbang. Sekeda rumah tekebu atap. Nyentuk ke atap ba endur nganti bilun di CDG deh runtuh. Urang ke ka mupuk nepan bilun tekandas ketegal bilun enda ulih terebai, angin kelalu balat.

Maya aku nulis post aku tu, udah reda mimit angin diatu. Bedau berani bala keluar. Utai di luar din nyu teberai, pelanting kin kitu. Pasu bunga tumbang. Tong sampah enti enda di tanchang ba tiang, pelaba aku tungkup meh. Pagila ngemas bala utai ke nagchir sebelah kompaun dia. Enda rindu gak mata meda kawasan rumah nyu baka reba rarat, ka niang inik ku kelia.

Bah, tu gambar Calisto diambi lemai kemari. Enda berapa bagak tudah tuai. Takut ninga kabut kini? Sinu gamal mua, prugrim 'evening walks' iya tergendala ketegal kabut nya.

Rindu ngenang.......

2010-02-25T22:27:00.003+01:00

Gambar lama. Diambi maya musim panas taun 2008. Siti ari gambar ba mua kompaun rumah aku.

Alai aku mantai ke gambar tu laban nyu enda sabar agi nganti musim bunga. Gagit ati deka meda ari manah. Enda kelalu celap endar. Rindu nanam bunga bemacam bansa enggau curak.

Maya ke diatu, nadai ulih pansut, mendam dalam rumah aja. Lesa serta lelak belama asai tubuh. Ngumba endar kami di menua Peranchis taun tu. Balat endar digasak ke salji. Ngelama udah diau menua tu, taun tu meh baru iya aku meda salji suah labuh. Rindu gak meda salji nya. Suah endar gak udah digambar, ambik ke pengingat.

Nitih ke ba kalinda printah, 20hb March tu ila belabuh musim bunga. Tat ke meh, enda lama nya agi ! :-)

Ngaga popia.

2010-02-20T20:49:00.005+01:00

Pun minggu nyin kemari siku geng rapat aku ditu, telefon ke aku tumu pagi. Minta tulung ngaga popia. Iya bisi temuai datai ngusung sida sebilik ari lima ila, iya nya kemari. Enti aku nadai penanggul , nadai mindah ke bukai gak sari nya ka iya. Aku nyaut iya, madah ke lama gak aku enda ngaga, nyu tetengguk gak. Iya pan gaga ati, lalu ngasuh aku ngaga list ke utai ke patut di beli kena ngaga popia. Geng aku siku tu, endang manah endar, manah ati. Iya lalu mai aku nurun ke pasar, tekala nya.

Nurun meh kami duai supping ke perangka ngaga popia. Enda sabar gamal ka makai popia, sinu meda!(Iya empu bansa peranchis.) Kala gak tudah ngaga kediri empu, tang enda nyadi ka iya, enda nyamai meh ka iya. Aku kelia pan enda nemu ngaga popia tu. Bisi 'cikgu' gak aku!hehe Indu vietnam, geng lama gak siku tu. Nyah, ba stail popia aku nya stail popia bansa vietnam...nadai beza, nadai nyelai asai ari popia ke gaga di menua kitai, asai sepi aku. Sama2 nyamai ! :p

Berita kedua saritu :

Saritu belabuh kemisi nembiak sekula ditu. Kemisi musim celap. 2 minggu kemisi tu. Munyi ka aku kutai, nadai mindah kebukai kami menyanak. Sulu ati benung sekula baru. Belajar naka iya meh tedah, ngambi ke pass peresa ke penudi maya badu kursus nya ila. Iya nya kena 20hb March.

Ketegal kedua enda mindah mega laban anak aku ke tuai nyabut ngeli iya, pagi tadi. Ngeli gam (wisdom teeth, ka ribai). 4 igi sekali gus! Laban di temu dentist, maya peresa ngeli dua bulan kutai, ngeli iya empat igi nya enda tumbuh lurus, singgit magang. Lalu ngacau ngeli ke bukai, deka ngujung ke ngeli ba ari mua, ba atas enggau ba baruh iya balat besukik ila.

Dibius meh iya pagi tadi. Sejam lutur ngereja ngeli iya. Tang enda bemalam. Semina ditan di klinik seketak ari aja. Laban puji Tuhan, nadai apa nama meh. Lemai tadi kami duai apai iya ngambi iya pulai ari klinik nya. Sinu meda belabuh ari lemai tu, nyentuk ke lusa ila, semina tau makai bubur, yoghurt enggau ais klim aja. Bubur nya enda tau diempa kelalu angat, bubur udah suam, nyilu kuku. Ampit gak tedah enggau makai popia lemai kemari.....

Bah, naka tu dulu berita aku sekali tu. Selamat ujung minggu !

Pengawa saritu.

2010-02-17T18:27:00.013+01:00

Ok sebedau aku mantai ke berita aku nya. Sapa bisi berati ke ruai aku udah bisi insur mimit ?? hehehe Enggai enda madah. Lantang agi ati aku meda ruai aku tu nyu luas agi. Ulih engkah gambar besai. Enda mit, nyu juling mata meda sapa bagi urang ke digambar. Bah, baka selama, minta ajar mentor aku. Taja pan aku bisi penemu seleka dua dalam dunya IT tu tang agi beguna ke cikgu ngajar y. Kira ke bedau bisi pengelandik ngati ke diri meh. Sekali agi aku meri besai terima kasih ke Puteri ! Terima kasih , mayuh2 y petunggal! :-))

Berita saritu: Tadi sebedau sida anak mupuk ke kelas 'nunggang kudo' bepesan gak siku, madah ke aku enti ulih ngaga 'crepes'. Pancakes nipis tauka 'ruti canai' stail gaga ribai.

Kemari kena 16hb Feb, iya nya ari ngintu 'Mardi Gras'. Tiap ari dua, ke ketiga dalam bulan dua. Nyadi sarinya, belabuh ari rami nanda ke musim bunga nyu ka datai. Ba kelinda kitai Kristin, nya nanda ke sari sebedau ash Wednesday. Pia mega berengkah musim Lent. Sekeda endur diau di menua Europe bisi mansut ke mayuh macam pengerami, baka Carnival of Venice di Italy din.

Mask parade, Carnival of Venice. (courtesy from Google images)

Taja pan ba endur kami menyanak ditu bedau ngintu pengawa nya secara tebuka tang bala mantai ke adat nya ba ruang bilik diri aja. Nyadi sekeda ari pengawa ke kena nanda ke maya tu udah Mardi Gras, iya nya ngaga 'crepes'. Nadai bemacam cara makai crepes. Empa cara masin tau, manis pan tau. Bala aku , rindu ke manis. Di gulai enggau butter enggau honey. Tauka dipalit ngena cokelat nutella. Gulai gula aja pan nyamai. Sekeda urang ke endang landik endar, lalu diinti enggau dagin pepat mit serta di balut keju udah diparut. Enggau pengelandik jari di dapur meh.

Tu gambar diambi saritu. Tengah ari tadi, manduk spaghetti bolognaise kena makai tengah ari. Mee panduk cara Italian. Gaga ati anak siku tu deh! Endang sigi pemakai dikerindu iya.

Aku agi tengguk ka ngulam crepes nya...... :P

Meli DVD

2010-02-15T23:46:00.006+01:00

Pagi tadi aku enggau anak dara ke tuai aku nya supping ke supermarket ke pemadu besai sendi endur kami diau ditu. Tak muat ati ke mansang supping kia. Nadai besemaya. Nyadi Lydia nadai kelas ga saritu laban pagila sida iya deka belabuh exam. Peresa ke semester ke kedua.

Enda lama kami duai din. Tang sempat meli utai ke diati. Bisi meli mee hoon enggau oyster sos tadi. Gaga ati laban nyu udah abis stock ke dibai ari menua. Taja pan enda sebaka baka ke selalu dibeli ngelama tu. Brand di gaga di Thailand. Tang pama meh, asal bisi ney.

Udah nya, kami duai menyanak mega mansa kedai nyual perengka hifi enggau perengka musik ke bukai, tekenyit meda agi bisi jual murah(WINTER MEGA SALE) gak. Taja WINTER SALE udah badu minggu nyin kutai. Sapa enggai meli DVD ngemurah nya di jual dia. 30euros aja enti meli 5 iti DVD nya. 10euro enti meli siti aja! huhuhu Aku lalu milih 5 iti cerita 'light comedy' ka ribai, ke sigi diati ngelamatu. Kenu ka ati, enti bisi ari deka meda DVD nya maya kemisi nembiak sekula ke belabuh ujung minggu tu ila. Nadai mindah jauh kami menyanak kemisi nembiak sekali tu. Sulu ati agi kursus ke pengawa iya. Lama kursus iya sekali tu, nyentuk ke tengan bulan 3 ila. Nyu sekula baru tedah...

Bah, naka tu aja berita aku sekali tu. Selamat ngenat ke diri ke bala ke diau maya kemisi ngintu Taun baru Cina tu.

XING NIAN KUAI LE !

2010-02-13T22:20:00.008+01:00

Selamat Ngintu Taun Baru Cina ke semua bala pangan serta kaban belayan ke bisi mansa ruai aku sekali tu. Ngarap ke taun rimau tu maik mayuh agi pengelantang, tuah limpah, serta pengerai tubuh ari taun ke udah!

Berserimbai enggau ngintu taun baru Cina sekali tu, taun tu mega kitai nyambut 'Ari Valentine'. Ari pengerindu ke pangan diri(sulu ati) tauka ke kitai sama diri sebilik, ba jaku kitai iban.

Enggau ari tu mega, aku mantai ke bala sulu ati aku ke disayau ! :-))

Gambar baru ditambah ditu :

Wahhhh! Manah endar bouquet bunga rose diberi sulu ati tampun puji pagi tadi...Merci dear! Love you always !! muahhhhssss ;p

Pelukis tubuh.

2010-02-06T14:10:00.009+01:00

Peda pemanah lukisan tu.

......................................

............................

.....................

............

......

Nadai meh nyangka mensia tau jadi 'remaung' !

Nama pelukis tu Craig Tracy. Berasal ari New orleans, USA. Taun 2005, iya muka studio di New Orleans lalu ngiga barang sapa urang ka (volunteers), alai iya ngelukis tubuh sida iya baka tu.

Tu siti agi lukisan ke pemadu mayuh udah dpeda di internet tu. Sapa bisi meda tubuh mensia dia?? Angkat jari !

P/S : Merci Minter Dial! I saw this painting from your blog. It's wonderful!!

Badu renggak....

2010-02-03T23:27:00.004+01:00

Udah dua ari tuk pama mimit. Udah tau ensium utai dempa. Idung enda sendat agi. Tinduk pan jenak gak. Tabin laban celap meh nya.

Tulang pan enda lembau agi. Lalu ngering ke diri ngeruah jemari di dapur din. puuuu...mayuh pemanah bansa utai ditemu aku din ! Sambil ke ngeruah jemari sambil ngemas meh nya. Nyu enda temu tuju utai disimpan dalam nyin. ishhhhhh

Kemari tetemu ke sos sambal rujak. Lalu beguai ngaga rujak. Nasip cukup perengka kena ngaga bisi magang. Dah nya tepeda ke bungkus cucur ikan bilis, bisi mega! uhuhu.....lalu kerus2 aku lemai tadi ngaga cucur. Kati deh, enda tengguk kita meda cucur ikan bilis nya?? Akai dai...tepantup asai ati.

Nama enda utai temu aku baru dalam jemari nya ila ney??? ;p

Rujak buah.

2010-02-03T00:09:00.004+01:00

Rujak buah digaga saritu. Nanas, timun, buah apple, kacang tutuk enggau sambal rujak. Sambal rujak dibai pulai kemisi taun 2009. Baru diuji diatu. Pama gak, tau dikenyadi. Semina nadai tahu rangkai. Agi miskin kedai cina ditu. Nadai nyual utai baka nya. Tang tepantup ati makai rujak gaga diri empu.

Bah, ka mupuk ngeninduk ke diri. Udah jauh malam aku ke ngaga post tu. Agi lelak tubuh tuk. Baru gerai renggak. Renggak laban celap. Engka nya kebuah majak ngiga utai pakai ari menua ney ??!

Saritu 1hb Feb.

2010-02-01T09:54:00.003+01:00

Gambar diambi pagi tadi. Bisi salji kami saritu. Kira seminggu lebih udah reda mimit. Enda tebal salji turun nya. Alus ari selama tu.

Baka tepung sagun ! hehehe Sapa kala ampit makai sagun agi mit kelia ?? Aku ampit. Niang inik aku selalu ngaga ke kami menyadi kelia. Ka luput sedekan, enti tersalah sintak seput maya ke nelan sagun nya. Baka berai ai mata, kaung2 ngiga gelas ai amat! ahahaha ulah agi mit nya! Sinu mega ati ngenang tudah niang inik ku nya.

Bah, nama hal aku tu deh ! Besebana pagi ari...hehehe Udah lelenggau meh nya. Ngitung ari deka pulai kemisi ke menua ila. Agi lama gak nya, ujung bulan 6 ila ke pulai. Nya meh, kira ke enda sabar agi meh deka betemu enggau bala kami sebilik, kaban belayan enggau pangan din.

Nusun puzzles.

2010-01-31T15:41:00.010+01:00

Puzzles Petronas Twin Tower.

Puzzles mayau.

Pemesai *puzzles pieces* udah tembu tu 70cm by 50cm. 1000 pieces. Sama bela pemesai 2 iti puzzles ke diadu ke Lydia. Petronas Twin Tower nyin ditembu iya taun 2007. Lama iya nembu ke nya ketegal ke bisi peresa besai sekula maya nya. Nyu enda ingat agi berapa pengelama tebengkalai prujik tudah tuai. Puzzles mayau nya naka 5 ari aja iya nembu ke nya. Sebedau Krismas 2009 tu tadi. Laban gambar mayau nya kiut endar, ka iya !

Anak aku siku tuk endang rindu ngadu puzzles kenyau ari mit. Umur iya 4 taun iya ulih nembu ke puzzles ke 200 pieces nya! Nadai beleman iya nembu ke puzzles nya. Nadai pengirau gamal iya ngadu ke utai nya. Nyu aku tik alit ati. Alit, laban kaler tik ka sebaka serta sebaka saiz meh. Keni kati ney?? Enda aku ngemedis ke untak bekira ke nya, neju ke anak aja ngereja ahhh... :-)

*jaku enda ulih salin ke iban.

Rumah mit.......

2010-01-27T23:42:00.003+01:00

Naka pengerindu agi mit kelia meda cerita sida Laura Ingalls sebilik tu. Agi diingat belama. Nasip ga RTM maya nya enda ngayan ke cerita tu laun malam. Enti enda salah ingat aku, tiap ari lima, jam pukul 8:30 malam, belabuh kami sebuat begau berebut ke penuduk ke semak TV. Nadai pengirau ka nurun sekula ari siti. Enda sekula ari enam. Gagit ati semua meda cerita 'Little House on the Prairie '. Nostalgia wai !! :-))

Video ABC Ngelantak Kening !

2010-01-23T18:31:00.004+01:00

Lama enda ngabas ruai aku tu. Ukai nama, nadai ketegal berat, ketegal ari. Nadai nemu ka mindah maya ari enda berapa musim celap tu. Tak ati diau di rumah meh, ngambi ke enda pedis tulang enggau tubuh gasak celap. Tambah nadai endur ngerindang ati ke badas meh maya tuk. Lembau gak mantai ke gambar enda manah dipeda. Bedau maya kemisi gak diatu. Bisi kemisi, maya tengan bulan 2 ila tang kami menyanak nadai pugrim mindah kini2 sekali tu. Bisi pekara berat ke anak gak udah diagih maya kemisi sekula bulan 2 ila. Ila bekunsi cerita ke perkara nya enti semua dah di 'bereskan' munyi ka suah didinga dalam cerita indonesia.

ahhhhh! berandau ke wayang...ditu aku mantai ke video cerita niang P.Ramlee di salin ke jaku iban. Amat stidi bala 'kaban' kitai ke nyalin ke wayang nya. Rangkai ngeli ketawa ninga jaku sebut bala kitai dia. Bravo !

Raun ke Paris malam ari.

2010-01-11T13:55:00.009+01:00

Lama udah besemaya enggau sida anak ka mai raun ke Paris maya malam ari. Kenyau ari urang belabuh masang api pelip2 kena ngintu ari krismas kutai. Tang semaya tu sudah tebengkalai, ketegal ari enda manah. Enti celap aja kira ke ulih ditat ke. Tang enti nyu enggau ujan kabut, celap gak agi, tau enda ibuh nurun. Ukai nyamai sakit renggak tegal celap.

Demalam kami menyanak mujur mupuk raun ke Paris. Begari naka iya, mayuh kereneh. Bebaju berapa lapis, baju jikit tebal, betupi, bestukin tebal, bekarung jari, ngena kasut ke betul. Laban ari agi balat celap, taja -2°C, pama ngenat ke nya deh enti di luar din. Pasal kasut, enda aku ka ngena kasut tunjik lawa nya, taja ke Paris kin. Manah agi ngena kasut ke endang malut kaki,ngambi ke enda celap lalu tan kena bejalai ba endur ke licin. Licin laban ais.

Sebedau datai din, aku telipun ke pangan aku siku, ke baru pindah gawa di menua Peranchis tuk. Kami sebuat lalu betemu janji ba siti kedai sendi Champs Elysée. Laban tudah ke bedau tentu lama udah ditu, ngiga kaban meh enggau raun di Paris din, maya ke bisi peluang. Bendar kami sebuat bejalai. 3 jam bejalai lubah sambil begambar ke endur ke badas dipeda, baka sida turis kenu ! :p

Berita chelap!

2010-01-05T23:59:00.008+01:00

Nadai tentu berita ka dibantai sekali tu. Semina berita chelap aja2. Nitih ke maya ari tu, bulan satu tu meh bulan ke pemadu chelap ba menua Peranchis tu.

Pama gak penyelap dua ari tuk ke udah. Nyu pedis lengan ku ngikis ais ke malut cermin kerita. Lebih 10 minit ngangat ke kerita sebedau bejalai. Lemai tadi, udah bekau ke ninga pesan ari ramalan cuaca madah ke salji labuh baru malam tu lagi serta suhu penyelap -5°C, aku lalu ngiga pua tebal ke enda dikena agi, ba bilik store din, kena mungkur kerita aku. Pagila ka tumu gak mindah ngena keritanya, nganjung nembiak sekula.

Ais enda tebal tang 'binking' ! Maya tu benung -4°C....

Tukang kikis....

1hb Januari, 2010....

2010-01-01T16:23:00.002+01:00

Selamat Nyambut Taun Baru 2010 !

2009-12-30T21:52:00.004+01:00

Aku ngari ke kami sebilik meri 'Selamat Nyambut Taun Baru 2010' ke kita semua. Tumu aku mantai ke pesan enggi aku laban kami menyanak enda ngintu di rumah kami empu sekali tu. Udah besemaya enggau bala kaban deka begempuru makai ba rumah sida iya lemai 31hb Dis. ila.

Aku ngarap ke kitai sama ninggal ke taun ke 2009 tu enggau andal ati lalu ngelalu ke penatai taun baru enggau ati ti badas, lantang, nadai ngingat ke barang utai ke bisi nanggul ke ati kita ngelamatu, muai pengirau lalu besampi ke pengerai tubuh, ngenyauh ke diri ari pemedis, limpah tuah datai mayuh agi ba taun 2010. oooohaaaaaa oooohaaaaaa :-))

SELAMAT TAUN BARU !!

Penunga Burung

2009-12-28T21:27:00.005+01:00

Sekumbang kemisi nembiak ujung taun tu, ke beserempak enggau ngintu Ari Krismas serta nyambut taun baru dideka datai ila, memanah wayang dibantai ba TV maya lemai ari belabuh ari pukul 8:30 malam. Prugrim siang ari ungkup ke bala nembiak. Baka cerita ari Disney Channel enggau wayang katun.

Lemai tu aku meda cerita wayang baka ke dibantai diatas nya. Cerita burung - 'Winged Migration'. Rindu endar meda pasal penunga serta penyauh sida iya terebai ari siti endur ke siti endur. Ngiga endur ngenduh ke diri betelu ngambi ke enda pupus. Ukai nya ari sungai ulu ke sungai ili aja penunga sida iya nya terbai. Alit gak ati meda sida iya ngidup ke diri ari menua celap (nitih ke gaya ari mega), lalu ngiga menua ke angat, lalu mulai ke diri baru ke menua asal sida iya. Besai meh kuasa Tuhan meri tiap jelu ke idup didunya tu penemu taja pan ukai baka gamal kitai mensia.

Benung meda bala burung tu mega aku ingat ke Puteri ke rindu begambar ke burung. Bah, Puteri, enti bisi ari anang enda meda cerita tu nuan, lots of useful ideas here, ka ribai!! hehehe

Nyah naka tu berita aku lemai tu. Ka meda pengujung cerita burung nya. Mupuk aku.

Kari manuk enggau ketupat.

2009-12-27T23:19:00.006+01:00

Lemai tadi, aku manduk kari manuk enggau ketupat ke kami menyanak. Suah gak udah manduk kari manuk tu. Tang tu terubah iya aku manduk kari dempa enggau ketupat ditu. Tekenyit pangan aku siku tadi ninga aku madah ke iya aku deka manduk pulut ketupat! Lalu nanya aku, dini bulih daun nyiur kena ngaga ketupat di menua Peranchis tu?! Gelik ati aku!! Auk, amat bemimpi tetemu ke daun nyiur nya ditu! Peda ba gambar di baruh nya....

Nyah, tu ketupat dipanduk aku tadi. Pikit beli dibai pulai kemisi bulan enam kutai. Pama gak ulih dikenyadi ketupat pulut disedia baka tu. Tu meh gaya pemakai ke di ketengguk maya ngenang bala kaban, pangan, diri sebilik ke berami ngintu ari Krismas di menua din.

Bah, mayuh udah rumah endur kita ngabang saritu ??

Biskit krismas.

2009-12-23T22:29:00.006+01:00

Tengah ari tadi aku sempat ngaga dua macam biskit tu. Butter cookies bepuak ke jam enggau butter cookies 'cap' gaga Anais. Gagit ati anak dara aku ke lumur dua nya bai aku ngaga biskit nya. Siku tu endang sigi rajin enggau aku didapur. Bagas ringat ngelamatu laban suah diburu ari dapur. Endang sigi gaya kitai ke indai tu, enggai tentu diselut anak maya ke kiruh 'entepa' kin kitu baka maya dia tu.

Pagila deka ngaga kek kami duai. Lemon pie iya ke endar udah diati aku. Rindu makai lemon pie, laban bisi asai masam!

Tajapan nadai nyambut pengabang datai maya krismas ila, tang semampai begaga ke pemakai bemacam bansa gak kami sebuat. Baka taun ke udah mai jiran siku dua beserumpu enggau kami menyanak. Tang taun tu, kami menyanak aja, bala jiran mayuh 'balek kampung' taun tu.

Taun siti nyin suba, enda enggau ngintu krismas di menua peranchis tu kami menyanak. Terubah iya pulai ke Malaysia ngintu krismas enggau kami sebilik. Naka pengerindu bala aku meda pengerami kitai ngintu ari besai Tuhan Jesus kitai din. Nya meh, enti nitih ke ati endang ka pulai belama maya tu.....

Bah, ka nyendia ke bala utai panduk ke pagila. Tumu berapi laban ka nurun sembiang lemai. Ngarap ke ari enda kelalu jai (ramalan cuaca naga ke ari kabut lemai pagila)....endO berapO !

Krismas mood......!

2009-12-20T15:21:00.005+01:00

Nginjau lagu Krismas 'Jingle Bells' ari Ray Coniff Singers kena nyempulang video sekali tu. Video maya salji ari ke tiga. Balat gak labuh pagi tu. Suhu penyelap di luar din -2°c aja! Aku enda rajin 'beganjuh' maya dia tu. Semina mayau aja keluar masuk ari rumah. Rindu endar iya meda salji nya, begagai enggau anak mayau jiran aku sepiak nya. Nyamai endar jadi jelu mayau, enda nemu takut ke celap!!

Salji, salji !!

2009-12-17T17:17:00.007+01:00

Hehehe...gaga ati meda salji mayuh labuh saritu! Kira ke 'sah' meh ngintu ari Krismas ke ka datai enda lama agi bisi meda salji. Nitih ka berita ari upis pemansik ari (betul kini tu??), salji deka nurun nyentuk ke ujung minggu ila. Reti nya balat pemayuh serta tebal nya ila. woohooooo...ka ngaga snowman bala anak !!

Ari taun ke udah, tu meh terubah iya kami meda salji nurun tumu. Ngelamatu suah nyambut ari Krismas maya ujan. Ujan tang celap gak deh! Musim salji belabuh tengan bulan satu aja.

Let it snow, let it snow, let it snow..... :-)) (Lagu ari Ray Coniff Singers!)

Christmas Greetings!

2009-12-16T22:09:00.003+01:00

"Selamat Ngintu Ari Krismas ari kami sebilik ke semua kaban belayan serta pangan ke mansa ruai aku sekali tu"

Have a blessed Christmas everyone !

Kayu krismas.

2009-11-30T22:24:00.008+01:00

Bah, udah bediri kayu krismas kami menyanak. Kaler mirah enggau burak dikedeka anak taun tu. Aku tu nitih aja. Kelia aku aja gagau ke pengawa bansa tu. Diatu udah bisi 'pembantu', wahhhh...jadi inspektor aku diatu nyeh!

Pagila enti ari enda ujan, ka ngadu ke api kelip2 sebelah jendila rumah tu. Kami ditu, gagit magang ngiyas ke rumah maya krismas tu. Ukai nama, puas endar meda ari mendung serta nadai ngetu ujan maya celap tu. Tambah rindu meh ati meda pemanah api kelip2 nya! :-)

Rugby

2009-11-28T17:58:00.006+01:00

Ka meda pemain ari New Zealand (The All Blacks) enggau pemain ari France (Les Quinze de France) belaban, 'friendly match', ka ribai, ba TV malam lagi. Belabuh pemain kira pukul 8:35pm jam peranchis.

Nadai minat meda rugby ngelamatu, tang enti pasukan 'tuai rumah' bemain ka gak meda. Nyukung kaban! Nyerauh ngapa maya ngemasuk ke gol, sambil makai kacang, ngirup kupi....ngarap ke urang ke disukung menang meh!

Bah, mupuk aku..ka berapi enggai ke laun makai...

Ari jai.

2009-11-23T17:47:00.007+01:00

Tu gamal gaya ari di menua peranchis saritu. Ujan ari pagi nyentuk ke lemai serta balat berangin. Temperature ari pan enda pungkang ari 15°C. 'Angat' nya!! Kira ka seminggu tu, ari tu bakatu belama. Endo berapo!!!

Ngarap ke salji turun maya nyuka ngintu Christmas ila. Munyi ka ribai, "Christmas time is more fun when there are snowfalls!" I wish........

Christmas mood.

2009-11-19T22:36:00.010+01:00

Tumu endar udah meda hiasan krismas di shopping complex ba endur kami menyanak selalu supping. Tadi sebedau bebeli ke sayur, dulu raun ngelinggi supermarket, sambil ngambi gambar. Pama ga pemesai pasar nya, berasai pedis kaki bai bejalai baka nya. Kamera endang selalu dibai. Laban ke rumpas agi ari iya ke dulu suba, nyamai endar di tepuk ke dalam handbag aja.

hohohoho....

Teddy bears nyu baka kitang begantung kin kitu.

Kiut endar seduai tu!

Nya iya...! Bisi meh utai diati dia........

Ni Rudolph ke beidung mirah nya??

Bekelip2 dah kayu krismas....hmmmmm...enda sabar agi deka ngadu enggi aku empu!

PhotoScape

2009-11-11T23:06:00.010+01:00

Tu meh pengawa aku dua ari ke udah. Betundi enggau programme ngadu gambar 'photoscape'. Tu sekeda gambar ke bai di peda ditu, bala anak jadi model. Semua gambar background/latar belakang, gambar diambi maya raun.

Anais enggau geng iya, Léa.

Norman & Denzel(nephews). Diambi di Hiltop Damai. Batu karangan ari Sarlat, France.

Eliya(niece). Bunga bouganvilla indai aku di Kuching.

Denzel. Gambar background ari Elne, France.

Aurélie (god-daughter). Bunga rose, tanam aku last summer. France

Lydia. Val d'Europe Aquarium, France.

Bejalai ngagai kaban....

2009-11-08T18:08:00.005+01:00

Kemari, lemai ari enam, kami menyanak dikangau ke kaban aku (nyu udah betusut, enggai enda dikumbai kaban ga diatu), ke sama diau ditu beserumpu makai enggau sida menyanak ga. Lama udah enda betemu, nyu lelenggau ga. Taja 'semak' pendiau, tang jarang betemu , ketegal ke sama-sama ngati ke diri. Ngintu ruang bilik serta periuk ke diri empu, munyi ka urang tuai. Semak enda jaku, taja diau sama rumahpanjai, pan enda ga ulih betunga mua selalu, ney?

Ukai enda ransing, nyu enda berasai, jam mangkung pukul 1.30pagi baru mutar ke diri pulai ke rumah diri empu. Pama gak penyauh endur kami sebuat ari sida iya. Nyu sejam drivng baru datai di rumah. Bala anak nyu baka lengkung udah tinduk di belakang kerita. Bendar ngerak, madah ke udah datai...sinu meda, nyu ngigau ke mit !

Enggai enda mantai ke gambar mayau pangan aku mega. 2 iku. Sama2 rindu nupi mayau kami duai. Iya ke ari atas nyin, benama Jade. Iya ke kuning nya, Caramel. Pemerat lebih 6 kilo siku. Pama nanggung seduai nya. Kiut endar!

Bah, manah ari ujung minggu tadi? Bisi mindah?

Happy Weekends !

2009-11-06T17:36:00.006+01:00

Nadai tentu berita aku sekali tu. Semina deka meri, "selamat ari ujung minggu (hepi wikin)", ke kitai semua.

Ngarap ke ari manah endur bbq, piknik, mandi di tasik tauka di sungai. Ngemata ke matapanas terbenam (sunset). Betundi enggau pangan diri, tang anang kelalu mancal, au !!

Aku pan deka beserumpu enggau pangan lemai ari enam lagi. Lama dah enda betemu enggau kaban, nyu lelenggau. Bah, mupuk aku.......

ABC special !

2009-11-02T21:15:00.011+01:00

Semadi ke nadai pengawa saritu, tambah ari majak ujan, nadai endur ngeransing ke ati gak di luar. Aku lalu 'betilik' ke album lama aku ba internet tu. Siti ari gambar ke ditemu narit ati saritu, gambar mangkuk ABC spisil nya (dikumbai chandut tau meh.....), diambi di Kuching kemisi bulan enam tu tadi.

Naka gak pemesai kuasa chandut nya! Enti baka tau dijengkau ari skrin nya, endang nyuap menyuap chandut dalam mangkuk nya, ka asai ati din ! peiiiii dadak endar utai runding maya ari celap tu...... uuuu lalu berunding deka meli injin kena nganchur ais tu ila. Kena ngaga chandut/ABC spisil ditu. Prizin krismas sekali tu ahhh !

Ujan oh ujan !

2009-11-01T20:38:00.006+01:00

Nadai ngetu ujan saritu! Ujan serta kabut. Ari pagi tadi nyentuk ke lemai tu. Berasai endar celap. Asai tik kak belungun enggau pua belama. Lalu enggai engkubut agi, ngenat ke penyamai dibungkur pua tebal! Mayau aku pan nemu enggai pansut keluar kin. Enti ari manah, tak kiau2 iya enggai lama dalam rumah tu. Tu gamal iya tinduk ba atas kerusi bekusyen urang empu !! Chit mansa deh enda dikibuh. Tang iya endang nemu, nadai chit ditu....mereti endar, ringat enti dikeduan! mut mut gamal mua iya...peiiiiii

Berita ari enam.

2009-10-31T22:21:00.012+01:00

Tembu meh kemisi tu, nyu udah datai di rumah enggau selamat kami menyanak. Tu sekeda gambar ke sempat diambi ari dalam kerita tadi. Maya musim gugur tu, bala daun ba pun kayu betukar curak magang. Nyu ngujung ke pemanah rampa menua ke dipansa peda aku.

****************************************

Gambar ke dibaruh tu, sekeda gambar alam semulajadi ke dikerindu aku endar maya ke bejalai raun nya. Aku mai kita meda iya mega. Tambah kena aku nguji ke pengelandik ayam baru aku meh. Gambar burung jauh, ulih disemak ke. Makin jauh makin ransing zoom ke kamera nya...asiehhhh!

Have a nice weekend and 'Happy All Saints Day' everyone!

Nemuai ke Sarlat-le-Caneda

2009-10-30T21:11:00.015+01:00

Saritu, ari ke penudi kemisi kami menyanak. Tembu meh kemisi kami ke sekali tu. Sulu ati endang besemaya deka mai ke menua ke dikumbai Sarlat. Suah ga udah kitu tang enda nemu leju meda pemanah bandar tu. Bandar Sarlat tu endang suah mega endur urang pengaga filem peranchis tauka ari menua bukai ngaga filem sida iya. Laban bangunan ditu, mayuh agi stail lama ke agi diintu enggau badas. Cerita baka 'The Hunchback of Notredam' nya meh gaya cerita wayang ke suah di lakun ditu.

Aku mega enggai enda madah petunggal aku Puteri udah dibai nemuai kitu taun 1995 suba. Agi belala iya meda pemanah bandar tu, serta ingat endar ke jalai sempit ke suah ditengah kami sebuat maya nya. Agi jalai sempit nya, ke nyu penuh tai ukui! cihhh enda berapo lebuh nya suba. Diatu anang irau agi Puteri, nadai pengirau ke ngindik tai ukui agi kita bejalai din. Udah bisi undang2 ngukum sida ke bisi ukui, ke neju ukui birak sebarang endur. Besai saman diatu! Tau masuk jil sida iya enti enda nitih ke nya !! Likun serta beresi agi meh Sarlat diatu.

Bah, mupuk aku! :-)

Ngelinggi Autoire.

2009-10-29T22:29:00.018+01:00

Pagi tadi tumu kami menyanak mupuk ngagai 'Gouffre de Padirac'(klik ditu), enggai ke laun datai din. Irau ke jam tebasau laban ari enam ila deka mulai ke diri ke Paris. Agi mayuh gak endur deka di abas. Kira sejam lebih dribing kin. Datai ba endur gua baruh tanah din, nemu enda diasuh mai kamera...'no camera allowed', kenu notis ba penama din. apuuuu...hugi amai ! Tang bisi tukang gambar ngambi gambar kami sebuat. Siti aja !! :-(

Ngena perau melancung dalam nyin. Gua tu, gua baruh tanah ke pemadu besai di France.

Kira sejam lebih aja di pemendar ke nemuai kin. Udah tembu nya, ari nyu udah pukul duabelas tengah ari. Perut pan belabuh lapar. Mansang gak dribing ke bandar Autoire, ngiga endur makai. Ba restoran. Enti nyebut restoran ditu, baka kitai ke ka makai mee di pasar jauh kin. Canggih ka gamal restoran nya tang anang bekira agi...aram makai dulu. Enda tan lapar ! hehe

Entree: Foie gras - ati itit udah dikasam dalam cognac....mmmmmmm

Main course: Confit de canard - Pah itit, distew dulu udah nya dipanggang dalam oven. Disempulang ubi kentang enggau carrots. Masakn tebilang urang menua tu.

Cheese susu kambing. Salade nya kena ngiyas aja. Ka sejeput.

Desserte: 'Malakoff'- Whipped eggs desserte on english cream with caramel.

hahaha...enggi Anais, vanilla ice-cream dalam mangkuk 'sapi' !

Udah tembu makai lalu raun ngelinggi menua Autoire. Asai ke diau di 'middle-age'(zaman purba kala!) urang ditu. Gaya rumah, agi stail lama magang. Enti enda meda tiang antenna TV serta parabola satelite, ke nyu baka chuit ba perabung rumah urang, nadai nyangka sida tu udah masuk ke zaman modern. Tang tajapia, cukup manah menua tu, agi 'country' ka ribai.

Chateau de Biron.

2009-10-28T21:52:00.016+01:00

Tengah ari tadi kami menyanak raun ngagai Chateau de Biron - Biron's Castle, ka ribai ari Inglan. Sebut kitai Astana Biron. Nyuka lebih 900 taun, famili Biron ngempu istana tu. Uchu ichit keluarga Biron tu pan bisi ngembuan 2 igi hotel ke tebilang di puak negeri Paris din. Hotel Biron. Sendi Champ d'Elysée.

Endur astana ke di abas tadi, kira sejam ari endur kami ke bemalam tu.

Ngelinggi Domme.

2009-10-27T23:10:00.022+01:00

Bejalai ngagai tebing sungai Dordogne.

Rindu meda batu baka tu sebelah sungai nya.

The fort city of Domme. Nyin ba atas bukit.

Pun kayu chestnut.

Tractor ngangkut buah chestnut.

The Dordogne valley, di peda ari bandar bekubu Domme

Point of view of Domme.

The cathedral of Domme.

Rumah dikelinggi bunga.

Town center.

Lemai tumbuh nyang.

Nyu gian endar begambar ngena ayam baru nya. "Beauty is in the eyes of the beholder"....cheers !! ;-)

Ngelinggi Roquecombe.

2009-10-26T21:11:00.030+01:00

Gambar aku sekali tu di selang seli enggau bunga. Mayuh endar ga bunga babas ke dipansa raun kemari. Enda jauh, semina ngelinggi endur kami ke bemalam ditu. Raun bejalai kaki dulu. Lubah-lubah meh. Bedau dapat iga ga tukang gambar tu. Anang irau....naka iya meh nyaga pengerai diri enggau manah ditu. :-)

Tu gamal view rumah temuai ke disewa kami menyanak kemisi sekali tu. Tang ukai semua rumah nya, bilik siti aja. Ba senentang jendila ke atas perabung nyin.

Ari penama rumah. Landik endar bansa peranchis ngaga bilik. Diatas perabung deh tau endur diau!

Bunga babas becurak kelabu.

View jalai mit.

Bunga babas tu dikumbai urang ditu, 'monnaie du pape' - the pope's money (!)

Rumah batu, rumah kampung peranchis.

Bunga daisy bekaler orange..yuhuuu....siti tu aja bunga dikelala aku!

'La borie' - langkau umai!

Daun babas....enda nemu nama. :-(

Siti agi stail rumah batu.

Four-leaf clover...enti tetemu ke daun empat iti, manah nasip!

ahaaaa...penyauh bulan ulih diambi gambar! Tu gaya bulan dipeda lemai kemari....

Bah, naka tu dulu neh....agi bisi gambar pagila.... hehe

St. Cyprien sunday market.

2009-10-25T22:00:00.019+01:00

Saritu nadai mindah kebukai kami menyanak. Semina supping ngagai market ari minggu di menua ke dikumbai, St.Cyprien. Kira 30 minits nepan kerita mansang kitu ari endur kami menyanak ke bemalam ba 'rumah temuai'. Endur rumah temuai sekali tu di Roquecombe, enda jauh ari menua Sarlat, tunga ke selatan France. Ari agi angat, manah, tunga kitu. Bedau celap endar. Tajapan udah musim gugur, bala daun bedau tentu mayuh udah labuh. Rindu meda gamal daun kayu becurak kaler, ukai ke pemanah nya, ma udah baka nya, enda lama agi gugur meh.

Mansang ngagai pasar minggu di St. Cyprien.

Gerai nyual kerang enggau lukan.

Sekeda ari sayur ke bisi di pansa.

Anais tertengguk ka meli 'dried prunes'.

Dried fruits.(buah rangkai??)

Fantasy jewelleries...'mas palsu', ka kitai !

Bala patung mayau, ari kayu, kaca, kertas...macam2.

Bunga chrysentemums bemacam curak ga. Tradisi urang peranchis, bunga tu kena ngiyas kubur maya 'all saints day'.

Gamal penama ke bandar St. Cyprien.

Tu gamal kompaun 'rumah temuai' endur kami menyanak diau di Roquecombe. Seminggu kemisi sekali tu ba menua sendi Sarlat tu, ke suah di usung kami menyanak ga.
Nyah, ransing endar aku 'bemain' enggau ayam baru aku nya! Nyu nyenep menyenep.... :-)

Prizin baday!

2009-10-22T20:44:00.007+02:00

ahaaa! Tu iya ayam baru aku. Prizin baday, ka laling.(24th October!) Wahhh! manah endar prizin aku sekali tu. Nasip ga datai sebedau kami menyanak deka mupuk kemisi. Auk, raun baru belabuh ari, ari enam tu lagi. Semester break nembiak sekula (10 ari), beserempak enggau cuti 'All Saints Day' di menua Peranchis tu. Enda sabar agi ati tu ka, nguji 'ayam' aku nya!

Tu siti ari gambar diambi aku tengah ari tadi. Anak mayau jiran aku. Nemu endar gak seduai tu, nemu diri deka digambar. Nyu ngenat kediri! Jauh endur seduai iya tu. Kira 3 meter ari aku ke ngambar. Udah di zoom, naka penyemak ka gamal seduai iya. Bah! Kati runding kita? Manah ke enda gambar aku nya?? hehehe

Pulai suping.....

2009-10-13T15:18:00.004+02:00

Pagi tadi aku mai laling aku suping ngagai supermarket cina. Kira ke jauh endur nya, nya aku enggai ke diri kin. Takut tesat. Tambah ari enda berapa gak saritu.

Sebedau datai ba supermarket nya, irau gak ati aku tadi. Irau ke bala sayur ke diati nadai dijual pagi tu. Lama udah ngidam ke buah periak enggau lubak masin. Datai din, dulu ngagai endur sayur. Gaga ati deh! Bisi, kangkung, bayam, sayur cina, periak, retak, entekai...enggai agi ngira, ka dibeli magang enti ulih!

Buah durian deh bisi. Tang enda berapa agi gamal durian nya, nyu madai gamal. Tambah enti buah rian nadai bau agi, enda tentu berapa agi, enda pia?! Tempuyak deh bisi. Tang aku enda meli, laban nyawa aku lembau makai tempuyak.

Bah, nya aja utai beli aku tadi. Baka ke dibantai ba gambar nya. Pama meh, kena muai ke tengguk. Ila mansang kin baru.

Lemai lagi aku manduk periak nya. Guring gulai pusu, bawang, cabi padi mimit, umbas meh.....

Betucuk

2009-10-11T23:08:00.006+02:00

Lembau endar aku tu mansang betucuk pagila. Betucuk kena nagang ari kena jangkit winter flu (rengak musim celap).

Terubah iya meh taun tu aku nerima surat ari 'social insurance' kami ngasuh aku betucuk nya. Laban ke enda kala 'dikangau' baka nya pengelama aku udah diau menua tu, irau gak ati aku, nama kebuah taun tu aku diasuh betucuk. Dalam pengirau nya, bisi gak lantang ati mimit engka tak tau nagang ari kena rampit rengak ke disebut kitai belama kediatu - H1N1 - nya gak.

Serta aku nerima 'surat gerah' nya kutai, beguai aku telipun ke lutur kami sebilik. Ukai nya ka ga dicucuk sebarang nadai kebuah! Dia lutur aku nya madah, enda ngasuh aku irau ati. Manah meh nya, ka iya...(huh?!!). Iya mega madah ke aku, ketegal laling aku ke kena pemedis 'lungs infections' pun taun tu tadi (udah ba rikut sida 'SI' din), enggai ke aku bisi ngembuan pemedis baka nya mega, laban 'lungs infection' nya tau datai maya kitai kena rengak balat....oh pia (bejangkit kini?!!). wohhh enti munyi nya...ka meh aku, lembau masuk spital ! Tambah mega, ubat tucuk nya, pri...nadai bayar, semina ngambi ngagai pamasi aja. Udah diambi ubat, tang agi meh aku takut dicucuk pagila. Sigi buyan belama betucuk, takut ke jarum........ :-((

Human screen!

2009-10-09T22:58:00.007+02:00

A typical sport entertainment from Korea. Amazing.............!

'Compote' buah epal

2009-10-07T21:19:00.015+02:00

Compote selalu iya di gaga ari buah epal(benung musim epal ditu). Bansa peranchis makai compote kena pencuci mulut, maya desserte.

Endang tiap taun, jiran aku sepiak jalai nyin selalu meri kami menyanak buah epal. Laban ke tekelalu mayuh ba kebun sida din. Nyu enda alah agi. Tang seduai iya enggai nyual epal nya. Nyu 'sekampung' kami ditu ampit makai epal ari kebun nya! Manah endar gak seduai melaki bini tu.

Udah ngaga kuih, pie, enggau cucur ari epal. Sekali tu aku ngaga compote buah epal.

Buah epal ari kebun jiran ku. Lebih 5 kg!

Tu penulung aku munsi kulit epal.

Udah dibersi, epal nganti ke dipanduk.

Epal udah di tepu dalam periuk. Semina digulai enggai segelas ai, gula penumbas asai, cinnamon mimit enggau perah ai buah limau kuning (sigi aja).

Digaul enda ngetu, nyentuk ke buah epal lembut baka bubur. Api anang kelalu mau iga.

Compote buah epal udah mansau. Di teju ke celap dulu sebedau dipakai.

Compote tu tau diempa disempulang enggau 'fresh cream' tauka vanilla ice-cream.....mmmmmm

Miss World 2009.

2009-10-04T14:19:00.026+02:00

Miss Australia

Miss Brazil

Miss Canada

Miss India

Miss Philippines

Miss China

Miss France

Miss Denmark

Miss Sweden

Miss Phuket

Mistaken!

Miss U !

************************

“For every beauty there is an eye somewhere to see it. For every truth there is an ear somewhere to hear it. For every love there is a heart somewhere to receive it.”

Ivan Panin (Russian mathematician 1855-1942)

P/S : Thanks again Corinna for sharing!

5 lelaki pemadu sigat di dunya!

2009-10-02T21:08:00.026+02:00

Thanks Corinna for sharing these photos..........!

Most handsome Saudi man.. the grandson of king Faisal (uchu King Faisal)

Most handsome Indian man.... actor (Hrithik Roshan )....pelakun Bollywood.

Most handsome Pakistani man.... actor (Imran Abbas)....pelakun ari Pakistan.

Tarkan (Most handsome Turkish man... singer)...penyanyi tebilang ari menua Turki.

Fazza....Most handsome Emeriti man...lelaki pemadu sigat menua Emerit.

...

..

.

Dudy...Most handsome employee in Saudi Aramco after yearsssss !!....owhhhhh?!!!!!!

...

..

.

anang nilik agi y....nadai agi bujang sigat ditu !!! :-))

St. Michel Funfair 2009

2009-09-28T22:22:00.014+02:00

Kena ari minggu kemari, baka tiap taun, kena nyambut penatai musim gugur/luruh serta berserimbai enggau ari pengada St. Michael (St.Michel), mayuh macam pengerami ditaga ke diseluruh menua France tu. Nitih ke penemu ari gerija katolik menua peranchis, injil St. Michael tu meh ke nyaga penglikun menua France tu kelia ari di serang munsuh. Nya alai nyentuk ke diatu, jasa budi iya nya agi diingat belama. Tajapan cara ngintu nya nyu udah mayuh berubah.

Kelia bala nembiak ari gerija berarak ngelinggi bandar siti2 lalu belagu ke lagu ari bup lagu sembiang kitai sambil mansut ke persembahan tradisi sida iya. Diatu semina sembiang ke gerija, udah nya nadai ke bukai, lalu berami ngagai funfair. Jauh endar bida enti dibanding ke ari pengerami sida iya kelia, ka tudah jiran aku ke pemadu tuai ke kami ditu. Aku rindu endar berandau enggau seduai melaki bini tu. Rindu ninga cerita lama pasal menua tu. Bisi maya aku mantai ke cerita sejarah endur aku diau/netap tu ila. Tang kediatu aku mai meda sekeda gambar ke diambi kemari....

Mini Formula 1.

Biskit tradisi peranchis.

'Teddy' tiger! Baka pemesai jelu rimau ke endar.

'Les churros'...cucur manis.....

Mini 'merry-go-round'

Bumpy cars ride....

Indu ke bebaju gadung nyin, geng gak...bebisness nyual fantasy jewelleries, gaga iya empu.

Lydia & Anais. Udah besai, enda ibuh diibun agi. Indai seduai iya berambih enggau bala iya, bala anak enggau geng seduai iya empu gak...! Udah puas ati, baru begiga ke pangan....nembiak agi rindu begelut enggau urang mayuh.

Aku enggau geng aku gak, sama ngemata ke bala anak enda jauh, nganti ba buvette stand sambil ngerapak...!! haha

Pommes d'amour....love apples! Buah apples disepuh dalam gula jelly becurak mirah.

Hepi Baday, Google !

2009-09-27T10:36:00.005+02:00

Google genap 11 taun saritu. Mayuh endar jasa bakti 'uchak' tu ba aku. Ke kitai semua mega.

Nyu baka ke meri selamat ari pengada ke diri sebilik. Ngarap ke panjai umur, murah rejeki!

Happy Birthday and continue the good work, guys !! :-)

Musim Autumn.

2009-09-21T21:34:00.007+02:00

An Autumn Day

Pumpkins in the cornfields,
Gold among the brown,
Leaves of rust and scarlet
Trembling slowly down;
Birds that travel southward,
Lovely time to play;
Nothing is as pleasant
As an autumn day!

(Carmen Lagos Signes)

Ari beganti minggu, minggu beganti bulan, nyu udah beganti musim ga bak kami ditu. Pagila nitih ke ba kalenda belabuh musim gugur. Alai ngumbai musim gugur, ketegal ke maya tu meh semua daun kayu, mit tauka besai, gugur magang. Maya ari pan majak celap. Siang ari pandak agi ari maya summer.

Agi terubah iya kelia, enda rindu endar aku maya musim gugur tu. Lalu belabuh sesengit ati din, 'berai' ka asai! Diatu nyu udah teleba, mayuh agi pengawa kena ngerindang ati, nadai berasai agi gak nya ke musim ngasuh 'labuh ai mata'!! hehe

Bah, nama rita kita udah bekau ngintu Hari Raya? Semangat Satu malaysia diatu, bekunsi la berita enggau kami kitu, lelenggau ga ka enggau ngabang........

Selamat Hari Raya, Aidil Fitri !

2009-09-19T21:37:00.002+02:00

"Excuse My French"

2009-09-17T18:12:00.009+02:00

Tekenyit endar ninga berita penyanyi kumpulan tu ( Filip Nikolic, iya ke sigat agi nyin !!) udah nadai pagi kemari. Agi biak endar, baru berumur 35 taun. Kenu ka berita ke udah didinga, iya mati kena sakit jantung ketegal nelan kelalu mayuh ubat ngasuh tinduk (sleeping pills). Nama kebuah makai ubat ngemayuh nya kini? Balat endar ga mata nya enggai tinduk ! Kenu ke ari berita kaban iya siku, madah ke nadai patut iya ka munuh diri, laban benung kiruh deka ngaga konsert baru enda lama agi. Taja pan sida tiga udah 'beserara' diatu tang agi ga berambih belagu. Enda indah baka pemati tudah Michael Jackson ga.

Lydia begambar enggau group penyanyi peranchis "2 Be 3" di Crowne Square shopping complex, Kuching. Kena 12hb July 2001. Ari kiba: Adel, Lydia, Filip enggau Franck, ke kiruh nyain autographs ke sida sekaban!

Kumpulan '2 Be 3' tu bisi rembus ke Malaysia taun 2001 kelia, cun maya kami menyanak bisi nemuai kemisi ga. Laban ke baru ia ninga penyanyi ari menua peranchis ngaga konsert baka nya di menua kitai, ukai tak minat endar, mansang meh kami enggau urang meda. Enda besai iga konsert nya, engka ketegal ke belagu dalam jaku peranchis kini? Tang kena narit ati peminat ari luar negeri peranchis, sida tiga iya bisi ngaga lagu dalam jaku english. Siti ari lagu nya, benama 'Excuse my French' baka ke dibantai ba video datas nya.

Sinu ga ninga pemati siku nya laban ke udah 'bekelala' meh, taja enda lama. Nyu jadi kenangan meh nya diatu. May he (Filip) rest in peace.

Jelu ukoi tau bejaku !

2009-09-16T22:50:00.003+02:00

Nadai berita dibantai iga aku sekali tu. Semina mai kita bekunsi meda video siti tu. Amat ke enda ukoi nya tau bejaku baka nya ney??? *ngaru pala*........

Begempuru nyambut 30 taun.....

2009-09-14T21:27:00.017+02:00

Kena lemai ari enam (12th Sept.), kami duai sulu ati aku enggau sida sekelas kelia nyambut genap 30 taun udah graduate ari sekula kompeni bilun menua peranchis, di siti restoran ke benama enda jauh ari Paris. Enda tau disebut nama kompeni tu ditu, maya dunya kitai agi 'angat' udah bekau penusah 11/09/2001 kelia. Nya alai aku enda mantai ke mua/gambar bala sida iya ditu mega enggai kena pansik sida 'man in black' aku ila...eeeechak !!
Anang saru, ukai pilot laling aku. Semina sida iya tau di kumbai urang kemaya ari tu 'expert' ba pengawa nerebai ke bilun tauka 'aeronautic experts'. Lalu meresa injin bilun ngambi ke sentiasa badas dibai terebai. Tau di kumbai mekanik bilun meh sida iya mega.

Gambar graduate taun 1979-1982.

Mija makai di restoran endur gempuru.

Benung makai.

Kek anniversary ke 30 taun.( Strawberry cream cake..sedap!!)

Yamseng ngena ai champagne!

Kami ke bala 'madamme' di beri ke sekuntum bunga rose, siti siku...pama meh!

Ngedye buk.....

2009-09-10T18:52:00.013+02:00

Betul kini jaku 'ngedye' buk nya??

Tengahari tadi aku ngedye buk kediri empu. Pama ga, ka bala aku ke meda, nadai tampak uban agi ! woohoo!! Suah aku ngadu buk ke saloon tang selalu enda puas ati ke gaya dye diadu sida indu nya, enda telalai ke uban ke nyu majak mayuh ba palak aku dia. Endang sigi udah maya umur beruban ga diatu, tang agi lembau ka meda uban ba pala diri, enda pia?!!

Semadi ke ngetat ke dye nya nyadi ba pala, bisi ga ari aku ngabas ba internet, gaya curak dye kena nembiak tauka sida ke enda biak agi kemaya ari tu. Apuuu ney...naka2 meh enti aku ngadu ke buk aku baka dalam gambar 3 iti nya! Sut meh aku ka urang !!! Eh, mayuh macam ulah kena sekeda kitai mensia ngelagu diri ney ??! Curak kena aku tadi nadai mayuh macam, semadi kena ngelalai ke uban banan aku. Bah, kati ka jaku kitai ngumbai curak 'dark brown' ga deh? Nya meh curak kena aku wai wai......

Buk biru

Buk gadung

Buk curak 'anak raja'......rainbow.

Evian babies!

2009-09-06T21:17:00.003+02:00

Selamat ari satu ke bala kita ke bisi mansa ruai aku sari tu ! cheers !! :-)

Ikan oh ikan...!

2009-09-05T21:14:00.009+02:00

Apa nama ikan tu? Lalu bakani gaya manduk ke nyamai?

Enggai bula, enda kala aku meda ikan bansa tu. Kilah ensanus jauh, pangan aku siku meri ke aku ikan panjai mulut tu, sagu hati meh nya! Urang meri, kitai nerima enda pia ??
Ikan tasik ke bendar. Sementara ke ka nemu cara manduk si ikan tu, seminggu udah nganti dalam freezer din. Asai ke ka di panduk pagila.........