Saturday, January 31, 2009

Selamat Ujung Minggu!

Image Hosted by ImageShack.us


Black cat or white cat: If it can catch mice, it's a good cat !
-Deng Xiaoping


Image Hosted by ImageShack.us

Friday, January 30, 2009

Randau aku...

Nitih ke rikut pulis lebih 300 ribu urang nurun mogok di Paris kemari. Kira lebih ari 2 juta iku urang nurun mogok ari seluruh menua Peranchis. Mogok pekerja perintah enggau swasta begulai sama ke pemadu besai ari ke ngelamatu.

Kebuah ngatur ke pengawa enda lantang ati tu bepun ari ekonomi sedunya ke majak kurang. Kilang mayuh tutup, bankrupt ka jaku, tang udah nya muka kompeni tauka dagang di menua bukai baka di India enggau China. Alai nyebut menua dua iti laban ungkus pendiau (cost of living) menua dua iti tu kurang agi ari ungkus pendiau urang peranchis empu. Enti ditu, nitih ke undang2 pengawa, urang gawa ukai semina nerima gaji aja, tang nyengkaum mayuh utai bukai baka allowances makai, minyak kerita kena nurun gawa, serta sekeda utai bukai ke enda ulih rintai ditu magang. Enti nya di menua ke udah disebut aku dulu tadi nadai mayuh kereneh. Bala urang india enggau cina di kuli gawa 7 ari dalam seminggu nya, enda ibuh di beri allowances semina gaji net nya aja. Ari cuti semadi di beri, cuti bisi tang gaji enda bejalai. Ka pan enda gawa ga tudah siang malam. Kos dagang, retinya cukai ba menua luar kelebih agi menua ke baru ka maju tauka enda maju kurang agi ari menua tu empu. Sapa tan ati dikeduan baka tu. Ditu tudah ke agi bisi utang kena meli rumah enggau kerita , agi bisi anak disekula asa amat ati. Nyangka masa depan diri tejamin, bisi pengawa tetap kenu, ari siti kompeni tutup, kekadang manager lari enda madah ngangkut semua pekakas dalam kilang enggau duit malam ari baka penchuri. Tu siti ari cunto pengawa ke dikenggai ke rakyat menua tu. Tambah perintah kediatu nadai jalai nagang ke bendar kena ngukum sida ke enda betanggung jawab baka tu.

Pengawa enda lantang ati tu mega ketegal rega barang ke kelalu mar. Apin tentu lama ke keudah kitai semua ngasai ke rega minyak petrol ke niki balat endar. Bala urang ke bejual pan enda camang2 ngambi peluang niki ke rega barang sida ia. Rega tikit bas, teksi enggau bilun pan melambung2. Endang logik ga tu, nitih ke udang2 pengawa dagang. Nasib ga krisis tu enda lama. Tang rega barang kitai di pasar din, ari siti nganti ari siti ga kitai ngica maya ia nurun baka rega minyak nya ke udah nurun diatu. Alahai...lalu lekat baka lalat ba empulut ka kitai, enda tau nginsit agi rega barang nya ! Ni enda ngeransi ga laban tu.

Ba publik sektor, semua pengawa ke di pejadi ke perintah kelia, baka kompeni api, ai, post upis udah di pegai pribit tauka setenggah pribit. Gaji nya enda tentu agi. Social advantages pan disekat. (Minta ampun ngena jaku ribai ditu). Lebih 30,000 iku pengajar taun tu kena buai kerja ! Nama kebuah ? Ketegal enda cukup budget ari ministri sida ia. Bah, nama kebuah muai cikgu ari pengawa sida ia tang udah nya, meri belanja beribu juta euros kena nulung bank ari bankrupt. Kena ngaga nuclear power plants. Pagi tu tadi aku ninga ba berita perintah deka niri ke kilang ngena tenaga nuclear baru enda lama agi. Apuuuu!

Nya meh, semadi diau ditu alai ulih ngasai ke siluk biluk pekara ke ngasuh rakyat menua tu kekadang jadi isin ! Tang pengisin nya bisi kebuah, ukai siti aja pekara ke enda ngasuh lantang mayuh utai bukai mega. Enda ulih rintai. Aku nyebut ditu, nadai bisi ka ngari ke sapa2 tang kena sebana aja. Kena berandau muai pengirau, bekunsi penemu meh....nunga ai kupi secawan !!

French motto : Egalité, Fraternité et Liberté ! Equality, brotherhood and freedom.... :)))

Monday, January 26, 2009

Penemuai VIPs taun 2003!

Tu sekeda gambar ngingat ke penemuai apai enggau indai aku ke France taun 2003 suba. Sekali tu seduai ia datai sama. Indai aku udah dibai nemuai dulu ari tu, taun 1997. Taun Anais, anak aku ke biak ada. Kediri ia maya nya ketegal apai aku enda ulah limpang. Lama seduai ia enggau kami menyanak gempuru ditu, 3 bulan. Ari pun bulan 7 ngagai bulan 10. Lantang ati seduai ia mayuh endur raun. Janji anang mancal, ila seduai datai baru !!! :)


Image Hosted by ImageShack.us
Reims Cathedrale.(click here)

Image Hosted by ImageShack.us
Apai enggau indai aku ba mua penama gerija besai di Reims. Kira sejam setengah dribing ari menua Crécy tu.

Image Hosted by ImageShack.us
Domrémy-la-Pucelle (click here), menua Joan of Arc.

Image Hosted by ImageShack.us
Rumah endur Joan of Arc di gaga jadi muzium endur ngenang ke jasa ia ke ngenan ke menua peranchis kelia.

Image Hosted by ImageShack.us
Chamonix-Mont-Blanc. Endur tu tunga ke timur menua Peranchis.

Image Hosted by ImageShack.us
The Mer de Glace (Sea of Ice) is a glacier located on the northern slopes of the Mont Blanc massif, in the Alps. At 7 kilometres long and 200 metres deep, it is the longest glacier in France. My mom was here.

Image Hosted by ImageShack.us
Saint-Cergue is a municipality in the district of Nyon in the canton of Vaud in Switzerland.

Image Hosted by ImageShack.us
Geneva, Switzerland.

Image Hosted by ImageShack.us
Notre Dame de Paris (click here)

Image Hosted by ImageShack.us
Begambar ba tingkat satu Eiffel Tower.

Image Hosted by ImageShack.us
VIPs nunga ke belakang ke Eiffel Tower.

Image Hosted by ImageShack.us
Another day in Paris, September 2003.

Image Hosted by ImageShack.us
Makai lemai. Crécy.

Image Hosted by ImageShack.us
Apai enggau Lydia, Anais & Mathilda, anak jiran. Crecy. (2003)

2009 is the year of the Ox !

Image Hosted by ImageShack.us



Have a very Happy Chinese New Year to all my chinese friends and relatives !

Gong Xi Fatt Choy !!

Friday, January 23, 2009

Angin kabut....

Benung balat endar angin di luar din. Ari pukul 9.00 pagi tadi angin tu betiup enda ngetu-ngetu. Ujan pan nyu baka ke dibubuh ari baldi ai, labuh ari langit. Bisi ga maya ngetu sekejap, ngemansut ke panas enda lama. Ngumbai ngetu, belabuh baru ga angin nya bepuput, makin laju keba. Kati ka ngumbai ari baka tu. Ujan panas? Ari kudi?

Temperature pan udah niki ngagai 9°C, kira ke angat ke maya winter. Takut meda bala kayu nyu ka tumbang dipuput ribut. Peneras angin dipadah ari stisin ramalan cuaca dipeda ba TV, kira lebih 90km sejam. Di asai aku deras agi ari nya. Eh, ukai expert tang tak lebih ari 90km sepi aku. Enti bediri cegit2 diluar din, berasai ka tumbang dipuput ribut ngeneras tu. Ari jendila dalam rumah aku meda bala daun, uras terebai kin kitu. Nyu baka derup bunyi tong sampah sida jiran tungkup ba tisi jalai. Ngumba endar ga pagi tadi, ari lori datai ngumpul sampah. Udah puang, baka lungking dipuput ribut laban udah lempung. Enti agi penuh balat meda bala sampah teberai ba jalai din.

Weekends tu lagi pan agi ujan. Nyu enda ulih mindah. Lembau ga ka pansut ari baka tu. Buring ga diau di rumah nadai pengawa. Aku ke teleba bejalai kaki, ka ngemansut ke penuh tiap tengahari ari minggu, nyu masuk ke minggu ketiga ari minggu tu lagi seruran tergendala prugrim. Enda sabar agi nganti ari manah. Look forward to Spring time soon !

Sunday, January 18, 2009

Temuai ari enam.

Lemai kemari bisi temuai enggau gempuru makai. Penatai sida menyanak tu endang dianti enggau gaga ati endar laban pangan ari Kuching, sama netap pendiau baka aku di menua peranchis tu. Menu pan ukai European agi ma udah berambih enggau pangan diri, lalu manduk asi belauk pauk panduk pan cara menua din ga. Laki enggau anak pan bai makai cara 'local'! Sapa ka berapi kereneh mayuh2, nyu teleba ga tudah sida ia ma kami sebuat gempuru makai semina mansut wine aja, ngasuh mija nya ka cangeh mimit.

Image Hosted by ImageShack.us
Sebedau makai lemai dulu suping kami duai Jenny ke Val d'Europe. Endang tu ke batang penemuai..ka suping, benung Mega Winter Sale.

Image Hosted by ImageShack.us
Aram makai, belauk ke sup dagin gulai ubi gentang enggau carrot. Serta jeruk timun enggau nanas, madamme le bikin !

Image Hosted by ImageShack.us
Bala anak beposing enggau Calisto. Jean Christophe, Anais, Lydia & Calisto.

Image Hosted by ImageShack.us
My friend Jenny. Pangan ari Kuching, indu iban kacukan bidayuh. Enda ketinggalan Calisto enggau begambar.

Tuesday, January 13, 2009

Paris - Singapore & vice-versa.

Pama ga ngenat ke pengelama dalam bilun ari menua tu ke Singapore, 13 tauka 14 jam. Enggau pengelaju dibai angin. Enti angin nerajak kira 14 jam terebai di langit din, tang enti angin niup ari kemudi 13 jam aja, tumu ga datai.

Alai ke singah di Singapore ketegal ke ngena bilun Air France. Enti ngena MAS baru ulih sangkai di KL. Sayau bilun AF nadai agi ke Kuala Lumpur. Datai di Singapore mesti bemalam laban maya AF terengkah, kira pukul 6.30 lemai bilun MAS ke penudi sari nya benung sedia ka ngangkat ke diri ke Kuching. Beselisih meh seduai tu. Hotel endur bemalam endang udah di booking dulu, semina nganti teksi mai ke hotel aja. Pama ga ngenat ke diri udah udu lelak 'bejaga' diguyat bilun laban ari ke jai. Ari siti bilun ke Kuching angkat pukul 1.30 pm.

Mansang ari Paris ke S'pore penuduk kami menyanak enda meruan laban ketegal ke ngena tikit 'standby'. Jadi enda berimbai penuduk kami sebuat ba kelas ekonomi. Tang nasib agi bisi penuduk dalam bilun AF lemai 20hb Dec. nya.

Pemulai ari KCH ke S'pore mujur ga. Nadai mayuh penumpang, puang amat bilun pagi 1hb Jan. 2009...agi belala rami bala kaban, wai. Engka sekeda enda sempat dani tumu, nyu tinggal bilun kini ?!

Datai di S'pore, baka selama ga, nadai apa nama. Enda lama nganti barang, lalu ulih pansut nadai ditagang kastam ba mua pintu keluar. Tang lama endar ga nganti bilun kena mulai ke diri ke Paris. Bording time pukul 11.30 malam, kami datai di S'pore baru pukul 12.00 tengahari ! Sari enggai nganti nadai pengawa, mata ngantuk laban ke bekau rami 31, nyambut Taun Baru. Ka pansut ke negeri S'pore lembau ga, kelalu lelak.

Check-in kaunter ke Paris tebuka pukul 6.30 lemai. Sekali tu ngena reserved tikit kami menyanak, enggai ke tepagang enda ulih pulai. Nyu semak jam 10.00 malam baru masuk ke bording lounge. Datai din, indu hostess siku madah ke lumur penuduk kami menyanak udah betukar. Bedebar jantung ati, kesal enda nemu kebuah lumur nya ditukar. Hostess nya madah baru, endur penuduk kami 3 ba Business Class. Wahhhh..yahoooo !!! Naka pengaga ati...ni enda gaga, luas endur duduk, tau jadi katil, gali telentang !! Utai pakai baka service 1st Class hotel, ngirup ai wine enggau champagne and fresh fruit juice for the kids.
Bonne Année...ka pramugari peranchis siku bebuk blond, sama peninggi kami duai. A vous aussi, saut kami menyanak ; To you too et MERCI !

Kebuah kami ditukar penuduk ketegal ba kelas ekonomi penuh, lebih 30 iku standby passengers malam nya. Jadi kami 3 menyanak menang undi kini, nya ke bulih penuduk ba Business class. Anyway, it was a memorable New Year gift of all !!

Image Hosted by ImageShack.us
Ba Terminal 2 mansang ke mupuk ke KCH.

Image Hosted by ImageShack.us
Ba bording hall mansang ke KCH.

Image Hosted by ImageShack.us
Same as above.

Image Hosted by ImageShack.us
Makai ba food bazaar di airport Changi lemai nganti bilun S'pore - Paris.

Image Hosted by ImageShack.us
Besai amat mee dalam wantan soup tu.

Image Hosted by ImageShack.us
ehemm...S'pore chicken rice. Bisi kumin kita ?

Image Hosted by ImageShack.us
Bording lounge to AF257. Ditu meh alai hostess nya ke madah ke kami entitle to business class.

Image Hosted by ImageShack.us
aha...the business class seat transformed to 'couchette', small bed.

Image Hosted by ImageShack.us
Nyamai amat meda TV gali, asai ke diau dalam rumah.

Sunday, January 11, 2009

Semadi nadai pengawa.

Ngenang ari ke kelalu celap diatu, kami menyanak nadai mindah kini2 saritu. Bela lembau magang ka ngemansut ke diri keluar kin enti nadai kebuah. Kemari aku besemaya enggau pangan siku deka bejalai raun enda lama kira 4 km ari endur kami diau tu. Endang udah sedia 'trekking shoes' kami duai, sama meli ensanus, murah diatu laban maya 'SALE' (jualan murah). Baju celap, stukin tebal, tupi, karung jari semua udah sedia endang amat ka mupuk kenu tengah ari tadi. Udah nya telipun pangan aku nya, nanya enti jadi ke enda prugrim kami duai nya. hehehe...siku baka siku meri alasan madah ke kiruh meh, ke nerika, nikal gari nyu bejumbuh ba bakul, lelak meh...ia ke bandar kami duai sama2 mutus ati enggai pansut ketegal ari nya nyu majak endar celap.
Bejanji baru kami duai, minggu baru ila enti ati ka, kaki ka bai nyingkang, ari manah...jadi bejalai raun 4 km nya !

Image Hosted by ImageShack.us
Nye...udah ke enda jadi pansut bejalai, tu pengawa aku saritu. Nukar pendiau mija mit tu lalu ngatur ia stail 'a la Sarawak' ! Lydia nulung ngemas nyimpan sida decorations Christmas. Kami duai menyanak sepagi-pagi tadi gawa enda bepeluh.

Image Hosted by ImageShack.us
Calisto pan kiruh...ninduk ke diri ba kushen ia baruh heater !!

Image Hosted by ImageShack.us
Udah tembu bekemas, enggau Anais enda lama bemain enggau Wii Game ia. Main bowling kami duai, tau ngasuh pedis berang taja pan bemain 'olok-olok' aja.

Image Hosted by ImageShack.us
This is a MUST !! Badu makai lemai ari minggu endang enda kala miss aku cerita TV serie siti tu CSI New York. 3 episodes beturut-turut, semina ngetu ke iklan tiap 30 mins aja. Ukai tiap 15 mins baka di Malaysia !! Pia mega nadai ninga bunyi .... piiiiittt, tiap kali salah jaku sebut. Nyu enda temu pun enggau ujung agi cerita di sensor ngemalat nya. Too much !!

Bah, tu meh pengawa ujung minggu ke sekali tu, nadai pengawa.....:-)

Thursday, January 8, 2009

Mayau betundi ba salji.

Image Hosted by ImageShack.us
Anak mayau jiran, Tofu, baru berumur 7 bulan. Kiuttttt !!

Image Hosted by ImageShack.us
Calisto nganti ka betundi enggau Tofu.

Image Hosted by ImageShack.us
Tofu..di salin ke jaku kitai..Tahu ke reti nama mayau tu. Exotic name ka tuan ia.

Image Hosted by ImageShack.us
Bekau tapa kaki jelu mayau ba salji.

Image Hosted by ImageShack.us
Gaga amat seduai ia betundi enggau pangan diri.

Image Hosted by ImageShack.us
"I'll gotcha......."

Image Hosted by ImageShack.us
His Majesty, Calisto the magnifique........ :)

Tuesday, January 6, 2009

Majak celap !

Aku ngelengka ke enda lama randau pulai kemisi. Ila nampung baru. Ka nusui ke kami ditu nyu majak salji labuh ari lemai kemari. Nitih ke padah berita ari tu majak celap serta bala ke mai kerita ba jalai alun di tangkan bejaga-jaga laban udah mayuh endar aksiden ketegal jalai licin pagi tu. Salji nya beku lalu jadi ais. Demalam mega lebih kurang 120 iti bilun ke terebai ke luar enggau dalam negeri di batal. Lebih 1600 iku penumpang tepagang di CDG airport din. Nyadi bisi pangan aku siku pulai ke Malaysia ngena flight demalam, delay bilun tudah tuai. Nasib bilun ia ulih angkat kira 2 jam ari scheduled. Hubby aku pulai gawa demalam nyu laun datai di rumah, semua jalai pansut ari CDG kena tutup ketegal ais ba jalai balat endar. Taja pan jalai nya udah di tabur enggau garam ngambi ke ngeluluh ke ia, ais ancur laban garam tang meku baru ga.

Lemai kemari mega baka selama ka ngambi anak pulai sekula, kerita aku enda ulih pansut ari endur aku parking ia di luar din. Merurut kediri, nasib aku ulih mai krita nya lubah-lubah mulai ke ia ke endur selama. Nyu ngangau pangan siku minta tulung ngambi Anais ari skula ia. Pagi tu tadi pan, pangan siku nya baru mai bala nembiak sejiran ditu enggau Anais dalam krita ia. Nyadi Lydia gaga ati ponteng saritu. Kompeni bas skula ditagang pansut mai nembiak laban jalai ke licin. Ngarap ke pagila, nadai agi kecoh baka saritu. Merinsa ga maya bakatu, jalai kamah laban garam, ia ga celap, nadai ulih pansut. Salji nya semina manah dipeda labuh ari langit aja. Endang manah.


Image Hosted by ImageShack.us
Gambar Eiffel Tower kemari di lamun salji.

Image Hosted by ImageShack.us
Bekau tapak kaki atas salji mua penama rumah tu.

Image Hosted by ImageShack.us
Kasih meda kerita aku nya......

Image Hosted by ImageShack.us
Tudah Anais nurun skula pagi tadi.........

Image Hosted by ImageShack.us
Nasib bisi pangan tu, ngangkut bala geng Anais ke skula.

Image Hosted by ImageShack.us
Baka ke latak jalai nya. Udah di tabur enggau garam (bekilo!) tumu pagi tadi, nya baru ulih tengah. Brrrrrrrrr....lembau ga pansut lama-lama di luar din.

Monday, January 5, 2009

Random Pictures of Kuching 2008

Maya kemisi ngerami ngintu ari Christmas tu tadi, mayuh endar ga cerita bukai ka di tusui. Benung ke kiruh nyendia ke penatai ari kudus kitai, anak petunggal aku ada, Baby Nathania, kira seminggu sebedau Christmas, manah amat nama ia, ngipak ke gamal ia ke alus serta fair skin ka ribai. Begau sekampung ga bala nyambut penatai 'urang baru' kami sebilik.

Bisi ga ari aku limpang ke bukai baka shopping, ngiga utai ke dibai pulai ke menua tu. Kelebih agi meli local foodstuffs baka pikit gulai laksa S'wak, sida ikan pusu, cabik rangkai serta pikit mee segera nyu penuh bik. Irau ati sida ke tuai meda utai dibai pulai kitu enggai ke kena 'ragut' kastam !! Ke udah tu, nadai apa nama ga, digilik ke bala pegawai kastam di Paris pala meda barang diangkut ari bumi Kenyalang. Kelimpah ari shopping, sempat ga raun enda lama ngelinggi negeri Kuching, jadi temuai menua diri enda lama.


Image Hosted by ImageShack.us
Meri besai pengaga ati ngagai petunggal aku, Cikgu Gerald enggau bini ia, laban ke udah ada enggau selamat anak indu seduai ia ke ketiga.

Image Hosted by ImageShack.us
Tu endur makai pemakai ari Tanah Latak (KL) ke baru dibuka di Rock Road Kuching. Bala ke diau menua Kuching enti dipadah ke endur tu, nyamai amat di giga. Seberai Wisma Saberkas. Rega utai pakai ditu umbas ia ga, tau diuji.

Image Hosted by ImageShack.us
Wisma Saberkas di peda endang di mua restoran 'Ashley's Nasi Kandar'. hehehe ngaga publisiti ke Mr. Ashley meh aku tu.

Image Hosted by ImageShack.us
Endang udah adat resam kitai, ma lelak nyinkang sedepa lalu ngetu ngecas enda lama ! Bala anak2 enggau indai2 nganti pemakai ke diorder datai.

Image Hosted by ImageShack.us
Senyum tekuyung siput...Eliya laparkan?

Image Hosted by ImageShack.us
Enda ingat ngambi gambar semua utai pakai. Roti canai aja sempat digambar. Tu roti canai kari.

Image Hosted by ImageShack.us
Roti canai susu cap junjung.

Image Hosted by ImageShack.us
Tu sebana kediri, tumu endar sida Cina ngiias pasar kena nyambut ari besai sida ia ke enda lama ga agi. Agi belala meda 'decorations' Christmas.....

Image Hosted by ImageShack.us
Sempat ga nemuai ke 'rumah besai' Taib apin tembu ke ditaga ke ba seberai Sg. Sarawak nya.

Image Hosted by ImageShack.us
Pasar Kuching lama di peda ari Astana.

Image Hosted by ImageShack.us
Astana lama meruan diintu, bersi, likun selalu.