Friday the 13th

The fear of Friday the 13th is called paraskavedekatriaphobia, a word derived from the concatenation of the Greek words Paraskeví (Παρασκευή) (meaning Friday), and dekatreís (δεκατρείς) (meaning thirteen), attached to phobía (φοβία) (meaning fear). The term is a specialized form of triskaidekaphobia, a simple phobia (fear) of the number thirteen appearing in any case.

Gambar contoh ari Wikipedia.

Sekeda kompeni bilun nadai penuduk lumur tigabelas. Mayuh urang arap ke lumur tigabelas tu mai nasib jai.

Sekeda urang ke arap ke lumur tigabelas tu mai rezeki, tuah serta nasib, lalu belabuh bebeli ke tikit loto (super Loto) pun minggu tu. Ba kami ditu nitih ke padah ba radio enggau TV, 15 million euros duit di beri ke urang ke bulih lumur betuah sida nya !

Kati bala kita deh ? Anang enda ingat ke diri ke udah meli lumur loto ba endur kita diau, rugi enti kena tikit, ka kitai, tang enda ingat dini endur engkah ia agi. Maya pengidup kitai ke dalam cabaran ketegal rega minyak petrol niki nya amat gaga bulih duit nyampau nya.

grrrrrrrrrrrrr........!!

Rega minyak petrol niki, barang niki, gaji...???

Ari Berita Iban, Borneo Post, Friday 6th June 2008.

KUCHING: Peniki rega minyak petrol ke RM0.78 seliter ngagai RM2.70 belabuh ari kemari, ngasuh sida ke bejual ka pemakai ba bandar raya ditu nikika rega pemakai kena nampung kos belanja.

Menteri Pengeraja Asal enggau Rampa Menua, Datuk Doughlas Uggah Embas, lebuh ditalipaun Utusan Borneo, madahka rega minyak petrol ke niki, nitihka rega ba pasar dunya, ti dipadah iya rega minyak petrol ke enda ulih dikuntrol kitai ba menua tu.

“Aku nemu peniki rega minyak petrol tu deka ngachau belanja orang mayuh kelebih agi sida ke diau ba menua pesisir. Taja pia, perintah bisi chara bukai baka meri rebet ti patut diadu enggau penyampat iya, ke mega deka nguntungka rayat,” ku iya.

Iya mesan ngagai orang mayuh ngasuh sida iya ngubah chara pendiau sida iya, laban barang majak mar, ku iya.

******************

Tanya ari aku : Datuk, ni maya perintah deka madah ke kemaya deka niki ke gaji ke mensia mayuh ke gawa deh ? Nadai urang deka diau ngapa nganti ke semua barang niki, mata peli-peli aja tiap kali nurun ke pasar meli barang. Penemu kita ke merintah madah ke diatu kitai patut ngubah pendiau kitai amat enda salah. Tang siti ari jaku ke udah didinga, bekebun kitai, berunding ke tanah kita di belakang rumah dia endur betanam ke sayur, jagung enggau ubi. Amat betul, tang enda meh utai tu tau tumbuh, tanam lemai lagi, lalu di ambi pagi pagila ! Enda sinu ke sida ke begaji kurang ari 500MRinggit sebulan, ke bisi bini enggau anak. Kati jalai idup ngena belanja ngemimit nya ? Ukai enda ngelimat ga tudah tuai ke belanja, tang ungkus pengidup dalam taun 2008 tu, enda agi baka 10 taun kelia.



Aram kitai maca pasal KUASA menua dalam OPEC ke megai ekonomi dunya ngena minyak petrol. Minta seribu ampun aku enda ulih nyalin ia dalam jaku iban.


OPEC
From Wikipedia, the free encyclopedia

The Organization of the Petroleum Exporting Countries (OPEC) is a group of twelve states made up of Algeria, Angola, Indonesia, Iran, Iraq, Kuwait, Libya, Nigeria, Qatar, Saudi Arabia, the United Arab Emirates, and Venezuela. Recently, Indonesia has decided to quit the organization, though it will remain a member until the end of 2008. The organization has maintained its headquarters in Vienna since 1965, hosting regular meetings between the oil ministers of its member states.
According to its statute, the principal goal is the determination of the best means for safeguarding their interests, individually and collectively; devising ways and means of ensuring the stabilization of prices in international oil markets with a view to eliminating harmful and unnecessary fluctuations; giving due regard at all times to the interests of the producing nations and to the necessity of securing a steady income to the producing countries; an efficient, economic and regular supply of petroleum to consuming nations, and a fair return on their capital to those investing in the petroleum industry.
OPEC's influence on the market has been negatively criticized. Several members of OPEC alarmed the world and triggered high inflation across both the developing and developed world when they used oil embargoes in the 1973 oil crisis. OPEC's ability to control the price of oil has diminished somewhat since then, due to the subsequent discovery and development of large oil reserves in the Gulf of Mexico and the North Sea, the opening up of Russia, and market modernization. OPEC nations still account for two-thirds of the world's oil reserves, and, as of March 2008, 35.6% of the world's oil production, affording them considerable control over the global market. The next largest group of producers, members of the OECD and the Post-Soviet states produced only 23.8% and 14.8%, respectively, of the world's total oil production. As early as 2003, concerns that OPEC members had little excess pumping capacity sparked speculation that their influence on crude oil prices would begin to slip.



NB:Alit ga ati kati ka menua baka Algeria, Angola, Iran, Iraq, Libya enggau Nigeria, menua ke temu kitai, kira ka enda berapa maju enggau enda stable dalam politik sida ia tau 'ngetan' dunya enggau penatai minyak petrol sida ia. Kitai ke selalu ibuh ke berita dunya, selalu amat ninga menua ke disebut nya bendar endar kacau bilau nyentuk ke saritu. Enti tak amat kaya raya sida ia ketegal ke ngembuan 'emas celum' sida ia nya, nama kebuah agi minta 'sedekah' ari menua bukai engkaum tulung ari kitai Malaysia mega. Rakyat sida ia nyu papa kedana, nadai gari baju serta utai diempa kena ngidup kediri, amat alit ga ati aku din, kini ke penunga pengaya perintah sida ia ? Lalu nama tuju ati sida ia neju ke rega minyak niki serta nagang ngeluar minyak mayuh agi ngambi ke cukup guna sedunya tu ?

Roland Garros 2008

Gaël Monfils

" Anak aku "!...di salin ke jaku kitai nama Monfils reti ia - "anak aku" or dalam jaku English, "my son". Ia ada kena 1hb September 1986 di Paris. Peninggi ia 1m 93, pemerat tubuh 80kg. Apai enggau indai ia berasal ari French Caribbean islands of Martinique enggau Guadeloupe.

2002 - ia jadi French Tennis Champion ke terubah ia, ngari ke sida ke berumur antara 15/16 taun.

2004 - World Champion Tennis Junior di Australia, Roland Garros (France) enggau Wimbledon ( London).

Taun tu (kemari, 6th June) ia ulih ngagai semi-final Roland Garros, tang di alah (alah di gelanggang diri empu!) ke pemain tennis ari Switzerland, Roger Federer - No. 1 World Tennisman.

Roger Federer

Ke final pagila - 8th June - Roger Federer deka belaban enggau Rafael Nadal, triple French Open Champion ari Spain.

Rafael Nadal

"Kopi O pekat....pok"! Aku enda tentu andal ke tennis, tang rindu ga ati meda sekejap. So, ke kita ke minat ke sport tu, anang enda ingat, direct transmission belabuh bemain enti enda salah aku jam 3.00 lemai kami ditu, kira ke pukul 9.00 malam Malaysia (Sunday).

Gaga endar ati Ana Ivanovic ari menua Serbia, jadi champion tennis indu ke French Open/Roland Garros saritu - 7th June 2008.

Gawai Blues....

Gambar hiasan ari HolyBug website.

Pengerami ngintu ari gawai kitai udah ga tembu tang apin ga datai ba adan. Bala ke agi belala, sangka aku, ke ujung minggu nyentuk ke ujung bulan ila bisi aja alasan ngemanjai ke gawai. Agi belala begulai meh, endang sigi baka kitai. Ke bala ke bepeluang pulai ke menua lantang endar ati, bebagak enggau diri sebilik, kaban belayan enggau suku juru diri empu. Taja pan maya begulai betundi, berambih makai ngirup nya tak pandak amat tang ati tepantup sekejap laban kemaya ari tu betemu enggau pangan diri taja pan segulai endur diau tauka gawa, kira ke pedis amat laban ke suntuk ari, suntuk jam ka endur bekerapak 'belepak' enggau pangan diri. Enda pia?

Ke bala kitai ke nadai peluang pulai enggau bala kaban berami, anang ga kitai sinu berai iga. Nama kebuah enda ngenang ke diri ke jauh, merantau, netap, gawa tauka sekula di menua urang tu...missing all the funs to be with all our kins and friends at this festivity of ours called GAWAI! Tang munyi ke padah aku dulu tadi, nadai guna ga kitai duwi-duwi nyabak sinu ati malai tilam!! Bisi rezeki tauka berkat, ngica ke taun ke ka datai bukai kitai ulih ngeransing ke diri enggau kaban belayan kitai meh.

Aku, ..malai tilam ?? No..no, nya meh, gelik ati ke diri empu aja. Au, enggai enda madah ke pemisi diri dulu, ngambi ke nyamai agi berandau. Telephone aku nya di connect ngagai internet ( triple play connections ), maju endar dunya IT diatu. Well, nitih ke padah 'terms and conditions' ngena programe tu aku ulih call 40 menua di dunya tu 'free'! Gaga meh, sida kaban ke diau di USA, UK, China, Thailand, Singapore, Indonesia enti bisi ari, berandau enggau sida ia, tang...akai-rai naka penyanyau, Malaysia is not included in the list!! Geram endar ati deh, tang tau ga thru' call ngagai 'telephone bimbit' nya, semina ke mayar bill mimit ujung bulan. hehehe, enti udah lelenggau nadai irau agi ke nya telephone bimbit ke enda. TANG! nya ga sebengkah ari Paris ngena *PC phone nya ke t/bimbit ke menua pendalaman, udah ngelui menua Kuching din, enda ulih 'get thru' agi. Sinu ati ke menyadi aku ke madah ke aku sebedau sida ia berangkat bekomboi (ka niang inik kelia) ke rumahpanjai kena 31/05 suba enti ulih contact sida ia kena tengah malam jam Malaysia, pukul 6:00 lemai kami di menua ribai tu. Mai 'beserumpu' ngirup ai pengayu, ngenyadi ke telephone nya, ka jaku. Nyu bendar meh kami menyanak ditu, ngemata ke jam. Udah mankung tepat jam ke besemaya nya tadi, aku lalu belabuh betatuk ke lumur h/phone adi aku nya, endang udah nyangka ke enda ulih, tang ka nguji ga, amat enda jadi. Uji ga lumur sekeda sida bukai ke ditemu aku ngembuan h/phone dalam rumahpanjai di Ng. Drau din...tang nadai ka enggau endang enda ulih sekali, asa endar ati, have to accept the facts, it's destiny wills! C'est la vie! ka sida french ditu. Ngirup 'ai pengayu', white wine instead of tuak, 'kediri' meh kami sebuat, besampi jauh beantara menua meh...oohaaaa!

Semina siti tu aja ngasuh ati aku limpang serta gaga, kami menyanak, enti nadai penanggul, ujung bulan enam ila pulai kemisi ke Kuching, ulih enggau kami sebilik 'nutup Gawai' - pengawa rami ngiling tikai. aha! berami baru kitai !! SMILE !

NB: For broadband area only.

Gawai Greetings !

Agi enchelak agi bebatak,

Gayu -guru, Gerai nyamai, Chelap lindap

Nguan Menua.

" SELAMAT NGINTU ARI GAWAI "

ke semua raban bansa kitai dayak ke bisi mansa 'ruai' aku.

Kena Tagged Inik Andan

The rules:

1. Link to your tagger and post these rules on your blog.
2. Share 7 facts about yourself on your blog, some random, some weird.
3. Tag people at the end of your post by leaving their names as well as links their blogs.
4. Let them know they are tagged by leaving a comment on their blogs.


ok, let's start..........

1. Pemerat tubuh: 55kg. Peninggi: 1m 55. Anang nanya aku agi berapa peninggi nya ngena 'kaki enggau inchi', udah di 'brainwash' ngena 'sistem metrik'! Ba siti atikel dalam majalah ke ungkup ke kitai indu dibaca ditu, dalam jaku peranchis lah, ka pan enda, baca ga, madah ke peninggi enggau pemerat aku nya, cun! Wah, tang aku enda puas ati. Ka pemerat tubuh aku turun ngagai 50kg, like before... 20 years ago !!

2. Selalu ka ngena kasut 'high heels' diatu laban anak dara aku udah ngalah ke peninggi aku. Piiiii, dadak amat !

3. Udah ketagih ngirup wine, nemu ngiga enti pulai ke menua nadai wine ba lunch and dinner table din. Tang anang salah sangka enda ga aku tu jadi 'kaki butul'. Nyaga diri lah!

4. Nadai ngetu telipun (2 kali seminggu!) ngagai kami sebilik, kelebih agi ngagai indai aku. Isshhhhh, pejam mata meda fon bill ujung bulan ! (Destination: France - Malaysia aja). Agi ngagau indai aku 'mummy'! Doesn't matter, sigi bakanya kami menyadi ngangau ia kenyau ari mit.

5. Aha! siti tu pengawa rumah ke enda di kerindu, nerika enggau nyimpan gari dalam jemari. Nikal gari nadai problem, favorite past time ! Asuh betimbun dulu deh, udah nyu leju meda bakul penuh baru ka 'betindak'!

6. Breakfast pagi, mesti ngirup ai kupi susu panas! Enti enda, nadai mood sari nya.

7. Sensitive amat ke urang ke kena tinggang penusah kelebih agi rakyat menua Burma diatu. Perintah sida ia enda aku nyangkung (chut!). Frust mega ke diri ke nadai jalai 'direct' mantu sida ia. Besyukur ka laut, ke diri di berkat enggau pengerai manah, bemacam pemisi tang ati aku selalu ngenang ke urang ke kurang benasib dini-dini alai.

Nyah, tu aja. Lalu ke temu aku naka tiga iku aja bala kaban blogger bedau di tag. Tu nama sida ia:

daradesa http://darabie0407.blogspot.com
DomNambi http://mylonghouse.blogspot.com
Guchi mashttp://www.guchimas.blogspot.com/

Raun ke Jura 2

Aku agi nampung berita kami ke kemisi ke Jura tu tadi. Aku berati ke tiap pekampungan urang peranchis ditu semua bisi ngembuan gerija magang. Nadai mit-mit gerija sida ia. Ba menua kitai tau di kumbai cathedral, tang urang ditu ngumbai gerija aja. Lalu dalam gerija di intu manah meh, nyu baka muzium sekeda ia. Aku semina ulih mandang ke view dalam gerija diambi ari gerija ke penudi dalam gambar tu. Nama gerija nya, gerija St. Juste di Arbois.

Mulai ke Pengingat

Tuan Manang (A. Thwaites), Tuan Tuai (John K. Wilson) and me. Gambar tu diambi bulan August, 1990 di rumah Tuan Tuai di Lasswade, Scotland.

Nyu nyambung cerita 'Living Legends' kaban blogger kitai Flo http://www.indukayan.blogspot.com/, ga aku tu. Kami duai kira ke bisi cerita sama di tusui pasal asal usul serta pengawa siku urang scottish ke nguji deka ngemansang ke bansa kitai dayak di menoa ulu (Budu, Entaih & Entebai) ari taun 1949 ngagai taun 1963 menya. Apai aku, Luke Tungku Wilson, ia nya siku ari 4 nembiak rumahpanjai ke diiru JK Wilson lalu di anjung ia sekula di Nairn Academy, di Inverness, Scotland. Sida nembiak iban ke bukai nya, ia nya, Jawie Masing, Liman Numpang & Bilun Numoi, sekula di Nairn ari taun 1957 - 1961.

John Kennedy Wilson tu ada di Glasgow taun 1914. Ia graduate ari Glasgow University bulih B.Sc enggau honors ba pelajar Chemistry. Udah nya ia lalu qualify jadi cikgu udah ke ngabis pelajar ia ba Jordanhill Teachers' Training College. Ia ulih ngajar ba primary enggau secondary schools.

Taun 1939 ia masuk jadi volunteer ba Royal Air Force lalu bulih pemendar nerebai ke bilun udah ke training jadi pilot ujung minggu ba Elementary Flying Training School di Prestwick. Taun 1940 ia ngabis ke training ia jadi pilot di Salisbury, Rhodesia. Menoa Zimbabwe diatu. Pun perang dunya kedua ia lalu di taga ke nerebai bilun perang ke Aden, Western Desert, Greece,Crete, Jordan & Iraq. Benung ke duty tu bilun ia kena timbak lalu labuh terempas tang nasib ia manah semina bakal ba tulang belakang ke ngasuh ia lama enda ulih bejalai. Ia lalu minta badu ari Royal Air Force lalu minta diri ngajar jadi volunteer ba Colonial Education Service taun 1949. Ia lalu di anjung perintah British ke Sarawak jadi kepala pengajar di Teacher Training College Batu Lintang, Kuching. Tang pengawa jadi principal nya enda puas ga ia lalu ngundur kediri lalu minta gawa jadi cikgu biasa di Budu.......*(right in the heart of the Dayak Communities, remote and inaccessible). Ka ia, ia lebih agi beguna ngajar urang biasa di menoa ulu, meri peransang ke sida ia ari urang ke udah mujur lantang diau di bandar. Lima belas taun ia jadi ketuai Community Development Officers, recruiting enggau nyempulang urang putih bukai ke bisi sama ati ngereja pengawa nulung bala iban maya nya ngubah pengidup enggau pendiau sida ia. Ngada ke sekula, mai masuk kuperatif dagang serta mementing ke pengerai anak mit enggau urang mayuh. Perintah British pan gaga ga ke pengawa ia nya lalu kena masa ia meri ia pangkat ke pemadu besai the O.B.E.

Bala iban pan amat bebasa ke ia lalu sampai ke ia ninggal menua Sarawak ia endang meruan di kumbai Tuan Tuai tauka Tuan Budu. Nama ia jadi legenda. Ketegal ke angkun ke pengawa ke nulung bansa iban maya nya, ia di kira ke enda tentu setuju ke Sarawak jadi siti negeri enggau Malaysia Federal Government. Taja pan ia consider pengawa ia nya ukai politik tang perintah maya nya lalu ngambi keputusan muru ia ari Sarawak lebuh Sarawak masuk Malaysia taun 1968. Ari taun tu ia lalu di ban enda tau agi ngindik/nemuai ke Sarawak agi.

*Disalin ari bup ke ditulis ia : BUDU or Twenty Years In Sarawak. Lukisan ba bup nya di lukis ke Tuan Manang ( Arthur Thwaites). JK Wilson nadai taun 1991, A. Thwaites taun 1994.

Ari Indai

Ari kiba ke kanan : adi aku Eileen (indai Amy), Jane ipar aku (indai Hazel), indai aku enggau aku empu (indai Lydia).

Quotes of the day by George Cooper :

Hundreds of dewdrops to greet the dawn, hundreds of bees in the purple clove, hundreds of butterflies on the lawn, but only one mother the world wide over.

My mom !

Selamat ngintu ari indai mega ke semoa bala indai ke mansa 'ruai' aku saritu !

Raun ke Jura 1

Rumah ari kanan ba gambar siti tu, rumah Louis Pasteur (di Arbois), siku ari urang peranchis ke tebilang nama kelia, ke tetemu ke ubat kena ngerai ke penyakit 'rabies', penyakit 'ukui gila' ka kitai.

Kami tiga menyanak ba endur tugu pengingat ke Louis Pasteur di Arbois.

Gambar tu di ambi di luar kedai di Lons-le-Saunier. Peda kita pemesai cheese ke segala ba kanan nyin, cheese tu famous ditu, di kumbai 'le Comté'.

Baume-les-Messieurs village.

Baume-les-Messieurs peda ari jalai bukit sepiak..........

Ai wong di Baume-les-Messieurs.

Ai wong.

Penatai ai wong Baume-les-Messieurs.

Blois-sur-Seille village.

Ladang anggur di Chateau-Chalon. Siti agi bansa wine ke tebilang orang peranchis.

Sapa kala meda cerita Jurassic Park by Steven Spielberg? Leka jaku jurassic datai ari jura tu, kena bala saintis madah ke maia dunya kitai tu terubah nyadi kelia. Naka tu aja padah aku, enda tentu dalam iga ga penemu aku pasal tu. Bala ke landik dalam ilmu sejarah enggau geografi nemu sida ia.

P/S: Endur kami menyanak raun sekali tu nadai tentu meda panas, nadai agi snow tang selalu ujan. Agi celap mega, taja pan nyuka datai musim summer enda lama agi.