Chalets

Gaya rumah temuai ke endur kami menyanak diau di La Balme de Phuy. Nyuka semua rumah urang empu menua digaga cara chalet 'swiss'. Manah endar.

Ari kami datai, indu ke empu chalet nya nerima penatai kami menyanak enggau bakul buah...Bienvenue, ka ia !!

Dapur enggau endur makai.

Living room.

Bilik mandi.

View ari jendila bilik tinduk.

Sekeda gaya chalet ke dipansa maya ke raun.

Rindu meda pemanah rumah2 ditu.

Kebuah alai rumah digaga ari kayu ketegal babas ditu galak alai 'kayu pines' tumbuh. Mayuh endar kilang papan mega dipansa.

Tugu Pengingat Plateau des Glières.

Mansang ngagai tugu pengingat di Plateau des Glières. Endur tu di diri ke dalam taun 1973 kena ngingat ke 149 French Maquis (soldadu belalai - members of the Resistance) kena bunuh soldadu Jerman ke beraban lebih 2000 iku, ba kandang bukit menua Haute-Savoie tu dalam taun 1943 enggau 1944 kelia. Pemayuh French Maquis nya naka 465 iku aja.

Bendira Peranchis ba tugu pengingat.

Ari 149 iku maquis nya, 105 iku aja ulih dibai serta di kubur ba pendam soldadu di Morette, Thones, kira 5 minit ngena kerita nurun ke baruh ari rumah temuai tu.

Their motto : " Live free or die" ( Lt.Tom Morrel - chief maquis, died 09 March, 1944)

Makai 'tartiflette'.

Engka nyu leju kita meda gambar rampa menua dibantai aku tiga hari tu udah. Nyu enda ulih titih pejalai Lyana, ka kita, pelaba aku. Bah, aram ngetu makai, ngirup enda lama kitai. Nyu lelak ikak mindah enda ngetu ! Ukai ga enda makai ngirup ngelama tu. Tang sekali tu menyamu selera ba siti restoran ke nyadung pemakai tradisi urang empu menua. Udah tu lagi raun baru....

'Tartiflette' tu pemakai tebilang peranchis tunga ke menua tu. Ubi gentang rebus, dagin sapi enggau ngot salai lalu di empa enggau keju/cheese tunu dalam oven. Menua La Haute Savoie tu, siti endur di France tekenal alai ngaga cheese bemacam bansa.

Lydia seduai Anais ngenat ke diri, kenyang laban tartiflette. Baka baya ke ngenat ke telan !!


Madamme tu, nyu beunjur betinggang kaki baka ba ruai rumah panjai kitai, ma udah badu makai. Tang enda ga kempang ati ka gali garing2 baka sekeda ke sendi kami menyanak. Nyu rangak2 ngenat ke diri sebelah rumput!


'Boss' kami tu, enda nemu jenuh...nyu nyenep menyenep, kiba kanan !


Peda gamal kami sebuat, nyu enda menuku agi....

Col d'Aravis & Manigod.

Kemari raun ke endur di kumbai Col d'Aravis, tang nyu udah nadai tentu agi besalji. Rindu endar meda bukit tinggi ke ngelinggi menua tu.

Ari Col d'Aravis (Aravis mountain pass), ulih meda puncak gunung Mt.Blanc. Bukit ke pemadu tinggi di Eropah, ke nanda ke garis menua Peranchis enggau menua Switzerland & Italy. Mt. Blanc ia ke agi balat dibalut salji nyin.

Sekeda bukit ke agi besalji ngelinggi Col d'Aravis.

Bunga Snowdrops. Semina ngembai maya snow nadai agi ngelamun tanah ba endur ke bebukit aja.

La Clusaz's village. Menua ke dipansa aja sebedau datai ba Manigod.

The mountain pass of Fry.

Ketebal agi gaya rumah urang empu menua, ukai semina di Manigod aja, digaga ari kayu magang. Stail baka rumah chalet. Nyuka sebaka enggau gaya rumah ribai di Switzerland ga.

Pine trees aja ketebal agi kayu babas di menua bebukit Eropah.


Nyuka tiap endur raun ditu, semampai meda jelu sapi. Berisi endar jelu sapi nya. Mayuh endar rumput di ulam sida ditu. Pemau perfume taik sapi pan umbas di sium, bengis idung! Enda anci pemanah menua tang di 'spoil' ke bau taik sapi! beurkkkk

Annecy Historical Centre and Lake.

Tengah ari kemari kami sebuat mansang raun ke 'bandar lama' ke di kumbai Annecy. Suah ga udah kitu, laban bisi urang kelala di jengguk. Tang tiap kali kitu endang mesti sangkai begambar belama, enda nemu leju meda pemanah menua tu. Menua tu mega tebilang ke 'tasik' dalam menua ke di kumbai 'Lake of Annecy'.

Limeuil Garden Parc.

Palan ngerindang ati serta kebun bunga di Limeuil tu, tunga ke selatan menua Peranchis. Endur ke terubah dituju maya kemisi ke Easter belabuh seminggu ke udah. Maya nya suba bedau tentu mayuh bunga udah ngembai. Kira ke agi 'miskin' endar utai peda ngelinggi tempat tu taja pan udah di buka ke urang mayuh. Tang taja pia bisi ga sekeda gambar ulih diambi kena pengingat.

Anais enggau Lydia begambar ba sendi kayu Sequoia. Siti pun kayu ke pemadu gayu di dunya. Ulih ngenatai ke diri ngagai lebih beratus-ratus taun.

"Le jeu de mirroir" (Bemain enggau cermin, ka kitai)

Rumah burung achang. Siti ari kebuah bansa ribai kelia rindu nupi burung tu, ngambi ke dilatih jadi posman ! Jadi surat di lipat alus serta ditanchang ba kaki burung. Kenu ka berita maya perang dunya ke dua kelia burung achang tu agi di kenyadi ke nyadung surat. Enti urang suman mai berita maya nya ke palan endur soldadu ngetan ke tugu, garanti enda datai tudah, kena tangkap tauka ditimbak munsuh rantau jalai. Diatu udah bisi Pc, Netbook lah...nyamai endar bekuntik enggau pangan diri neyy !!

Ari 'garden parc' tu, ulih meda dua iti sungai betemu. Ke kiba sungai Vezère, ia ke kanan sungai Dordogne.

Naka tu dulu sekeda gambar ulih dibantai aku lemai tu. Gaga endar ati wifi ba rumah temuai lemai tu majak manah. Pagi tadi enda tau mindah ari mua pintu penama netbook tu. Ma engkubut mimit lalu lesap connection internet...nyuka putus asa asai aku laban nya! Lemai tu udah manah agi endur aku, atas mija dapur. Selesa meh agi !!

Wifi online mujur!

Akai dai! baru ulih di kena wifi ke disemaya ia ke empu rumah temuai endur kami menyanak sekali tu. Bendar nguing ke netbook tu, kiba kanan dalam rumah tu ngambi ke ulih di kena. Ia ke bendar ukai salah netbook tang ia ke empu nya salah engkah endur 'livebox' ia. Ba kaki tangga! Rumah ia dua tingkat. Kini ke ngengkah ke 'livebox' nya ba lantai aja. Nyu udah diperesa ke laling aku kin, baru nemu nya enda betul pendiau. Diatu udah diengkah atas mija ba bilik siti ke numpu bilik dapur rumah temuai tu, nya baru mujur internet kami sebuat!

Empat malam ke dulu ari tu, sebedau ke datai ba rumah temuai tu, berambih ba menua mentua aku di selatan menua Peranchis, di Bergerac. Mentua aku ke diatu bedau bisi internet connection , tang aku ulih muka netbook aku 'nginjau' connection urang sepiak iya. Nginjau ka jaku, ia ke bendar enda nemu diri tudah diculik aku connection wifi!

Maya udah lantang pagila lusa aku bekunsi berita enggau sekeda gambar ke minggu dulu nyin suba. Agi benung raun, manah endar rampa menua tu ditu. Menua tu tunga ke timur menua peranchis, La Haute Savoie. Bekunsi garis menua enggau, Switzerland enggau menua Italy mega. Kira sejam ngena highway ke Switzerland. Kurang lebih dua jam ke Italy. Laban menua tu ke dikelinggi bukit, agi bisi salji tebal ba sekeda endur. Salji labuh kira ke nadai agi, nyu udah musim bunga diatu. Kiak2 bala anak mai bemain ba salji, ma udah disebut ukai ulih di putar agi! Ati tu lembau, ukai nama, kiruh endar begiga ke perengka kena bemain ba salji ga.

Bah, diatu udah lantang endar ati ulih mansut ke berita 'tekini'...edeh heh...ngarap ke nadai berulah agi meh wifi online tu. Baru di 'installed' ia wifi tu. Kami meh temuai sida ia keterubah ngena wifi tu, nya ke gagit ga ia ke empu nya nguji pemujur utai tu. Ok...ila berandau baru ney! :-))

Happy Easter Day!

Chataigne, a female european tabby cat.


Mayau enggi pangan enda jauh ari aku ditu. Kiut endar ! Sama umur enggau Calisto.


Bunga tulips benung ngembai enggi jiran sepiak nya.


Enggi aku ka siti tu aja. Pama meh!

Bakul present easter chocolate 'eggs' enggau manuk ari chocolate ga. Bala aku enda enggau begiga ke easter eggs agi...al maklum udah dara magang kenu ! :-(

Kemisi Easter menua peranchis tu lama ga, dua minggu. Lalu nyengkaum ke kemisi bulan 4 (Sring time holidays). Kami menyanak deka raun belabuh ari satu tu lagi - 13/04/09. Kini penungga raun?? aha! ila madah, aku mai netbook aku tu lalu deka bekunsi berita maya cuti nya meh. Ba rumah temuai ke endur kami menyanak sekali tu bisi connection Wifi. Enda sabar agi ka nemu enti nyadi ke enda nya ila.

Bah, sebedau ngundur ke diri aku aku meri 'Selamat nyambut ari Easter' ke kita semua! :-)

And he departed from our sight that we might return to our heart, and there find Him. For He departed, and behold, He is here. ~ St. Augustine

Have a blessed Good Friday!

Drinking rhum and...honey lemon!

Warm rhum and honey lemon drink.

Dua ari udah balat endar aku batuk, dua malam ga enda tinduk jenak. Merinsa endar. Bisi ga ubat batuk udah di telan, enda ga ngasi. Ngasuh balat agi.

Lemai lagi aku mai Lydia betemu enggau lutur, bisi temu janji cucuk (vaccination). Aku lalu ka bepeluang ngasuh lutur kami sebilik nya meri aku prescription ngambi ubat batuk cair ke bisi ngundan codeine ba pharmacy. Ubat batuk bansa tu enda tau di beli sebarang enti nadai precription ari lutur kitai. Munyi ke padah Puteri suba maya ia ke kena batuk keutai.

Nyadi pagi tadi siku ga kaban blogger, madah ke aku, ngasuh ngaga 'cocktail'; segelas ai campur cognac enggau ai masak suam, ka ia. Di irup kena muai batuk tambah pedis rekung. Wai Jenny, nadai butul cognac aku dia, tang bisi sebutul rhum, tu selalu bisi laban mentua indu aku ari menua penatai rhum, Martinique. Selalu mai kelia, ma iya datai nemuai. Aku lalu ngaga 'cocktail' siti tu : Tuang dalam gelas sesudu besai madu/honey, setengah ai limau kuning, 2 sudu besai arak rhum. Udah nya di tunyau enggau ai panduk suam. Diirup belubah2 tang anang nganti ai nyu celap ga. Bisi berasai pama mimit ga rekung aku udah ngirup ai petua inik Andan tu. Ka ngaga segelas baru lemai lagi sebedau tinduk, ngica ke badu agi batuk.