Pait Manis pulai kemisi

Minta ampun mayuh mayuh dulu laban ke kira ke bula ke semaya ke deka update ruai aku tu sekumbang ke cuti tu tadi. Ukai enggai tang kadang-kadang semaya enggau diri empu pan tau tumpas laban baka kitai ke bejalai enda milih kini-kini tau bisi penanggul di rantau jalai.

Taja pia sekali tu aku sempat betemu enggau bala kaban belayan ke udah lama udah enda enggau betunga mua ketegal ke nitih arus pengidup kitai jemah ari tu, sama-sama nitih ke periuk asi diri empu munyi ke sempama jaku sida ke tuai.

Baru ke lima malam kami menyanak udah datai di Kuching, inik ipar aku mati, sakit tuai meh nya. Taja pan aku enda sempat bekelala enggau ia tang bebasa ke urang tuai, kami sebilik lalu enggau nyenggai ke menua ipar aku nya, tunga ke kampung Taie kin. Menyadi aku ke biak nya baru niri ke rumah tangga ia enggau indu bansa bidayuh ari kampung nya. Kasih ga tudah. Deka ngerami ke pengawa tikah seduai ia meh kami sekaban kena 2hb August tu tadi. Tang laban bebasa ke ulit mati enda meh jadi taun tu. Lalu enti nadai penanggul taun baru ila meh seduai ia deka ngurus ke pengawa seduai ia baru.

Aku laban ke apin nyandik litup enti enda mansa cyber café, nadai ga ari deka natuk seleka dua berita. Tambah mega, ukai ngelembung diri empu, tak asai ke jadi tourist ba menua diri empu diatu. Mayuh endar utai ka peda, ka digagai. Nyu menyenep kin kitu ke kamera nya! Kadang-kadang di perening urang meh pengawa aku nya, enda ibuh. Ma merening lama, bisi ga ari negur urang nya...... nak foto ke??! Enti senyum, ka ga ngambi gambar sida ia, nya tak merening baka ke kitai tu 'alien' ari planet Jupiter!!

Kami duai petunggal aku Doris (Puteri) nyu bepeluk gaga betemu baru di Miri din. Bisi ga nitis ai mata mimit, enda nemu bagi enggi sapa mayuh lah! Balat lelenggau kami duai nya, udah 17 taun enda kala betemu. Ari kami duai ngangkat diri dara kelia (kenu ka sida inik) kami duai belabuh rapat enggau pangan diri. Aku ninggal ke ia dulu, nitih ke sulu ati ke menua ribai tu. Enda aku sangka ia pan bisi ga sulu ati jauh baka aku. Diatu kami duai sesama nitih ke pengidup, bisi ruai bilik kediri and a family to call our own (enda ulih di salin ke jaku kitai, wai.)

Pulai ari Miri, indai aku enda mukai-mukai kena asthma, kira ke balat meh nya, lalu di bai ke hospital (SGH) laban ia pedis enseput. Ia endang lama ngembuan pemedis tu, tang enda kala ngemalat sekali tu. Udah ke diperesa bala lutur din, dia ia bisi ga darah tinggi enggau diabetes (category 2). Akai rai, nyu 3 in 1 pengawa geng tu!! Ngelama tu ia makai ubat aja kena ngurang ke gula dalam darah ia. Seminggu ia ditan sida lutur di SGH din, lalu diatu nucuk diri enggau insulin sekali sari, laban nyu balat diabetes ia nya. Senggak (asthma) ia udah kurang ga. Macam-macam meh pemakai ari2 kitai baka asi nya disekat serta di kontrol ke, enti enda tau nganu pengerai ia ga.

Bah, lama udah aku tu nusui berita aku tu. Bala gambar udah di upload tadi tang udah ke lama enda ngena komputer tu, tau enda ingat ni bagi utai ditekan. Engka agi lelak kini. Dalam bilun kami pulai tu tadi balat endar di guyat ke angin di langit din. Tigabelas jam ari Singapore enda ngetu kubut-kubut bilun nya. Pedis amat ka ngenat ke diri. Bisi berasai takut ga, nyu ngenggam semengat sekali dua laban kelalu balat beguyang. Enda kala asai nya sepi aku. Baru ia buyan nepan bilun.

Saritu udah ga berasai nyamai mimit, taja pan mata nya kadang-kadang agi ka tinduk. Enti di tunduk 3 ari, 3 malam enda angkat ari katil baru ia nyamai amat. Enda ga sampai ati baka nya, mayuh endar gari serta barang deka di kemas dulu. Aha, sida serai, daun kari, ikan pusu.....mesti di simpan dulu nya, nadai cina nyual ditu!

Berita udah datai di Malaysia.

Gaga amat ati ulih betemu baru enggau kaban belayan, suku juru di menua tu. Taja pan apin ulih betemu enggau semua tang berasai puas lah.

Mayuh amat udah pemansang di menua Sarawak tu. Perumahan endur urang diau nyu majak betambah. Kedai, pasar endur bejual nyu majak besai serta tinggi. Utai di jual pan bermacam bansa cukup kena guna mensia mayuh di menua tu serta ngerami mata urang luar ke datai. Aku laban ke bisi peluang pulai ninting taun pan ngasai ke pengubah tu. Nyu enda nemu jalai agi di tengah. Enda aku nemu agi dribing di negeri tu agi. Enti mai kereta ke outstations ka urang, ka ga aku, semina nguna co-pilot aja nunjuk ke simpang menua ke ka di gagai.

Tang nemuai ke Miri tu, enda ga aku sanggup dribing lebih kurang 10 jam kitu.Kelalu jauh ba aku, enda tan! Tambah mega diatu, bisi bilun tambang murah nya (enda tau sebut nama ditu, cheap publisiti, ka urang lagi!) nyamai endar deh. Booking online agi ari menua kami din, semina mai tikit bilun ke udah di cetak dulu nya mansang check-in.

Minta ampun ke kita semua apin ulih ngepost gambar, nganti dulu, bisi tabin mimit aku sari tu. Engka kelalu angat kini, apin teleba iga. Baka ke ka flu aku tu, nasit kita enda di sembur aku benung beresin ke naip blog tu! Nyu basah towel mit aku tu endur ngensing insak! Munyi ke seredah nusui utai, tang sigi baka, ma udah ka betusui ke berita.

Au, ka ngundur ke diri dulu. Enggai ke raya tabin tu ka makai ubat dulu. Udah besemaya enggau bala anak ka mai sida ia ke swimming pool pagila. Mesti bemain serta nyelam kin ga sida tu, enti enda baka ke enda sah kemisi sida ia. Bau endar ga ubat nyamuk tunu baruh mija tu, nyu majak semajak aku tu beresin, cihhhhh...enda berapa endar pendiau baka tu.

Ok, ila berandau baru kitai, naka tu dulu neh.

Cuti musim panas

........kami menyanak ka pulai kemisi ke Malaysia. Enti nadai penanggul deka berangkat kena ari satu tu lagi 30hb June. Maya tu nembiak sekula belabuh cuti ke summer (3 bulan). Jadi kami menyanak deka 'ngenjoy' ke diri sampai 9hb August ila di Kuching. Kena 11hb July ila deka nemuai 5 ari ngagai petunggal aku Puteri di Miri din. Lama ga udah kami duai enda betemu mua. Ke penudi ia kami duai begulai berambih ia nya lebuh ia datai nemuai ke kami kitu (taun 1995 kelia). Sebulan ia enggau kami menyanak ngasai ke pengidup urang di menua peranchis ditu. Maya nya, agi single kawan kitai nya. Nya lah ia agi ingat endar ke dibai raun ke Rocamadour, siti ari endur palan pelancung tunga ke selatan menua France tu. Bejalai ke Paris malam ari, sama-sama gagit meda jalai di hias enggau lampu bermacam kaler laban kena nyambut X'mas enggau taun baru maya nya. Udah nya singah enda lama ke Geneva, tang kena ari minggu, haiya...kedai mayuh tutup, nadai ulih shopping tang bisi sempat begambar kena pengingat, rugi suntuk ari kami, kemisi kami sebuat nyu datai ba adan tang lantang ati rindu meda pemanah rampa menua urang. Ngarap ke maya bukai ulih berambih baru ga kitai, wai.


Baka aku ka bisi peluang ngeruh ai urang ditu, ukai muji serta ngelangkung ke diri, tang enggau ati ke rindu serta gaga aku mai kita bekunsi enggau aku ngasai ke pait manis diau ba menua jauh tu. Jauh ari apai indai, diri menyadi serta kaban belayan ke disayau. Bala pangan sekula menya, serta pangan bukai ke enggau begulai kenyau ari mit endang meruan di ati belama. Nya meh, ma maya kemisi panjai baka tu, ninting taun kami menyanak enggau iring tuhan kitai, endang kena aku muai ke lenggau meh, mulai ke diri ke menua asal kin. Taja pan sebulan nya pandak amat kena ngemantup ke ati ke lelenggau tang ba aku udah cukup umbas. Enggau dunya IT diatu, tau pandak ga ari, kenu ka engkatak! Sebelas bulan bejauhan kira enda ibuh di kenangi ke agi.

Maya aku bisi ari udah tu ila, engka bisi ga nyengguk sekejap ngagai ruai aku tu. Bedau ngema litup, munyi ka ini Andan ! Nya ke enda temu maya ka nyengguk. So, selamat cuti ga ke bala bukai ke bisi pulai ke menua kin tauka bala ke endang netap din mega, enti bepansa di pasar tauka dini-dini alai anang malu nyapa neh!

Like they say here, "Au revoir et a bientôt !" (bye and 'see' you soon !)

Summer Time

Manah amat gamal tupi bala sida 'indu-mem' tu. Bemacam-macam kaler enggau gaya. Sida ia tu benung ngemata ke pengerami lumba kuda ke tebilang endar benung musim panas tu di Ascot, Bershire, UK. Tiap taun kenyung ari taun 1911 (taun terubah ia Royal Ascot di tubuh) kelia, kelimpah ari ngemata ke kuda belumba, bala sida ke indu, enda milih tuai ke biak lalu begari (ngena fashion) ke deka ati lalu ngelagu pala sida ia ngena tupi bermacam gaya enggau pengelandik diri empu meh nya. Nadai irau ke diri nya nyelai meh, asal enda sebaka enggau pangan kenu. Amat manah, tang enda aku nemu sapa berani, enda malu nguji bejalai ngena tupi baka tu di pasar din ??

Monster Mosquito...nyamuk !

Enda kita arap enti aku madah ke kami ditu bisi nyamuk. Maya nyu ka musim summer tu (kira ke udah summer meh diatu) - 21hb June summer date - belabuh bisi nyamuk diatu. Baka di menua kitai, maya pun lemai ka endar sida ia nutu, nyu merengung bunyi ngelinggi kitai ka ngigit. Gaya ari diatu, tajapan udah pukul 7.00 lemai tang agi berupai terang. Matapanas belabuh nurun kira pukul 10.00 malam aja. Jadi mensia meda ari agi terang bakatu, enti nadai programme menyana peda ba TV udah tembu makai lemai (unless bisi football - diatu begau ke UEFA Cup nya) mayuh deka raun sekejap di luar dia, nganti mata ke ka tinduk. TAAANG! salah ari bulan tau kena gigit nyamuk. Pama ngetat ke belaga udah di sambar nyamuk tu. Enda nemu ari ni penatai bansa nyamuk baka tu. Nya ga pemesai ia.

Bangkai nyamuk tu di temu ba jendila dapur.

Peda pemesai nyamuk tu, bebanding enggau batang machis nya. Siku tu sempat masuk ke dalam rumah tang sangka aku nyu udah lalu umur ia tu. Enda tekabir agi, ka kitai, nya ke di temu luput ba sendi jendila. Ia ke endar nutu bala jelu, baka sapi enggau kambing biri-biri nyamuk bansa tu, jarang endar ga ka makai kitai mensia, semina sida ke enda benasip meh kena tempuh ia kini.

A cook's nightmare !

Jadi baka selama, udah meda jam pukul dua belas tengah ari, lalu belabuh ka kiruh di dapur ma laki aku bisi di rumah enggau aku makai tengah ari. Bala anak makai di kantin sekula. Laki aku nya gawa ngena shift, retinya,ma gawa pagi, tengah ari tauka malam. Bisi 'break' lah antara nya, dua tiga ari off sebedau ke belabuh gawa baru. Minggu tu 'afternoon' shift lah tudah tuai. Jadi ka nyumailah aku kenu, nanya nama ka menu ia..bemenu enda indah! Enti aku empu kediri, enti bisi di rumah sebarang utai papa, asal enda lapar, udah lah ! Tang bisi 'geng' enggau dia sinu ga meda pangan nurun gawa lapar, enda pia ? Lalu ia madah, ingin ka makai 'pork chop', sekerat dagin janik, ka kitai. Au, udah pansut ari 'freezer' lalu di 'difreeze' ga ba micro-wave oven, endur muai tekang ais ke malut ke dagin nya tadi, enti enda lama keras baka batu ga.

Nyamai endar ga bisi mw-oven, semina berapa minit aja lalu lembut dagin nya lalu tau di sumai. Aku lalu nyengkau kali siti, lalu nungkun ke api ba dapur aku nya. Nyu bau rengut 'pork chop' nya, nyu mertih bunyi ba kali. Aku lalu kiruh enda lama kebukai, berandau enda lama enggau laki aku mega. Dia aku lalu tebelengga sekejap, nama tak senyap bunyi ba dapur nya, tadi ingar endar bunyi minyak meretih , nya tak lesap..aihhh heran ! Lalu mulai ke diri ke dapur baru kin meh tudah kawan tu...meda, haiya ka cina...api padam, padu nadai agi gas !! Guyat tung gas nya tadi..guyat baka ni pan enti udah kosong nadai meh ka enggau. Eh..ooiii, my sayang, ka aku nganggau laki aku, lauk enda mansau, nadai agi gas ! Don't worry, ka ia..I'll get one in the store room...dalam jaku french, ia bejaku :)...oh! ka aku..i think there is a BIG problem dear !...What ? ka ia. Hehehehe...no other stock..forgotten to get one, sorry!!!! apuuuu..belabuh begaru pala kami duai, angkat ia dulu mansut ke runding ia, jampat endar ia tu, laban 'pork chop' nya endang favorite food ia ga! Asuh makai asi lembau agi ia berunding kini ?

Our camping gas cooker, can do too, ka ia!...still of course in french !!..Amat ney, ka ati aku din. So, tudah tuai meh, ngiga ba storeroom kami din. Angkat bisi temu, laban ia empu ke ngemas kelia, nyalai ia ingat amat endur diri empu nyimpan! Enti enda, bengut2 urang menua nya, enda tetemu ka utai giga diri. Well, enda muai masa agi, lalu ditungkun ke api ba camping gas ke ngemit nya, lalu di duduk ke kali enggau dagin atas nya. Nama agi deh, idup nyawa, kira sepuluh minit udah nya lalu mansau lauk kami duai.

Gas KO ditu !!

*Tu gamal camping gas cooker ke endur berapi tengah ari tadi.

Nanya baru ga aku ke laki aku, kati ga deh, laban cooker nya mit endar lama alai nyumai utai bukai. Suntuk jam ia nganti periuk ai angat melidih dia kena manduk utai bukai kena nyempulang makai pork chop nya, laban ia ka nurun gawa dalam masa sejam agi. Nadai hal ga, ka ia...aisehhh manah mood kawan saritu! 'Nadai hal' aja ! Anything simple, like a bowl of salade, ka ia ga. Tomatos salade, is it ok dearrrrrrrrrrr...?? ka aku ga nanya. "Why not", ka ia ga. Heeheehee..'nadai hal' and 'why not'...it's just one of my lucky day !! Taja pan bisi berasai serba salah ke enda ingat meli tung gas kena reserve tadi.

Nyah, tu gamal tomatos salade ke di sedia aku kena makai enggau pork chop nya.

Lemai tu tadi nyu udah ke pasar meli tung gas (2 igi!) baru nyamai berapi. Masakan sayuran kami tiga menyanak aja enggau asi !

*NB : Alai cooker tu diduduk ke di luar bakanya, laban ke lama enda di kena, bisi pengirau mimit ga ati kami duai. Takut jadi mini boom ! ihhhhhhh!

Happy Fathers' Day

Apai aku...... pak, terima kasih ke peransang ari nuan selalu !!



Lalu enda ketinggalan " Bonne Fête des Péres " ke apai tuai aku empu, Nico !

" Selamat Ari Apai" mega ke semua bala 'apai' ke bisi ari nemuai ke ruai aku tu.

Daddy, daddy......!!!

Friday the 13th

The fear of Friday the 13th is called paraskavedekatriaphobia, a word derived from the concatenation of the Greek words Paraskeví (Παρασκευή) (meaning Friday), and dekatreís (δεκατρείς) (meaning thirteen), attached to phobía (φοβία) (meaning fear). The term is a specialized form of triskaidekaphobia, a simple phobia (fear) of the number thirteen appearing in any case.

Gambar contoh ari Wikipedia.

Sekeda kompeni bilun nadai penuduk lumur tigabelas. Mayuh urang arap ke lumur tigabelas tu mai nasib jai.

Sekeda urang ke arap ke lumur tigabelas tu mai rezeki, tuah serta nasib, lalu belabuh bebeli ke tikit loto (super Loto) pun minggu tu. Ba kami ditu nitih ke padah ba radio enggau TV, 15 million euros duit di beri ke urang ke bulih lumur betuah sida nya !

Kati bala kita deh ? Anang enda ingat ke diri ke udah meli lumur loto ba endur kita diau, rugi enti kena tikit, ka kitai, tang enda ingat dini endur engkah ia agi. Maya pengidup kitai ke dalam cabaran ketegal rega minyak petrol niki nya amat gaga bulih duit nyampau nya.

grrrrrrrrrrrrr........!!

Rega minyak petrol niki, barang niki, gaji...???

Ari Berita Iban, Borneo Post, Friday 6th June 2008.

KUCHING: Peniki rega minyak petrol ke RM0.78 seliter ngagai RM2.70 belabuh ari kemari, ngasuh sida ke bejual ka pemakai ba bandar raya ditu nikika rega pemakai kena nampung kos belanja.

Menteri Pengeraja Asal enggau Rampa Menua, Datuk Doughlas Uggah Embas, lebuh ditalipaun Utusan Borneo, madahka rega minyak petrol ke niki, nitihka rega ba pasar dunya, ti dipadah iya rega minyak petrol ke enda ulih dikuntrol kitai ba menua tu.

“Aku nemu peniki rega minyak petrol tu deka ngachau belanja orang mayuh kelebih agi sida ke diau ba menua pesisir. Taja pia, perintah bisi chara bukai baka meri rebet ti patut diadu enggau penyampat iya, ke mega deka nguntungka rayat,” ku iya.

Iya mesan ngagai orang mayuh ngasuh sida iya ngubah chara pendiau sida iya, laban barang majak mar, ku iya.

******************

Tanya ari aku : Datuk, ni maya perintah deka madah ke kemaya deka niki ke gaji ke mensia mayuh ke gawa deh ? Nadai urang deka diau ngapa nganti ke semua barang niki, mata peli-peli aja tiap kali nurun ke pasar meli barang. Penemu kita ke merintah madah ke diatu kitai patut ngubah pendiau kitai amat enda salah. Tang siti ari jaku ke udah didinga, bekebun kitai, berunding ke tanah kita di belakang rumah dia endur betanam ke sayur, jagung enggau ubi. Amat betul, tang enda meh utai tu tau tumbuh, tanam lemai lagi, lalu di ambi pagi pagila ! Enda sinu ke sida ke begaji kurang ari 500MRinggit sebulan, ke bisi bini enggau anak. Kati jalai idup ngena belanja ngemimit nya ? Ukai enda ngelimat ga tudah tuai ke belanja, tang ungkus pengidup dalam taun 2008 tu, enda agi baka 10 taun kelia.



Aram kitai maca pasal KUASA menua dalam OPEC ke megai ekonomi dunya ngena minyak petrol. Minta seribu ampun aku enda ulih nyalin ia dalam jaku iban.


OPEC
From Wikipedia, the free encyclopedia

The Organization of the Petroleum Exporting Countries (OPEC) is a group of twelve states made up of Algeria, Angola, Indonesia, Iran, Iraq, Kuwait, Libya, Nigeria, Qatar, Saudi Arabia, the United Arab Emirates, and Venezuela. Recently, Indonesia has decided to quit the organization, though it will remain a member until the end of 2008. The organization has maintained its headquarters in Vienna since 1965, hosting regular meetings between the oil ministers of its member states.
According to its statute, the principal goal is the determination of the best means for safeguarding their interests, individually and collectively; devising ways and means of ensuring the stabilization of prices in international oil markets with a view to eliminating harmful and unnecessary fluctuations; giving due regard at all times to the interests of the producing nations and to the necessity of securing a steady income to the producing countries; an efficient, economic and regular supply of petroleum to consuming nations, and a fair return on their capital to those investing in the petroleum industry.
OPEC's influence on the market has been negatively criticized. Several members of OPEC alarmed the world and triggered high inflation across both the developing and developed world when they used oil embargoes in the 1973 oil crisis. OPEC's ability to control the price of oil has diminished somewhat since then, due to the subsequent discovery and development of large oil reserves in the Gulf of Mexico and the North Sea, the opening up of Russia, and market modernization. OPEC nations still account for two-thirds of the world's oil reserves, and, as of March 2008, 35.6% of the world's oil production, affording them considerable control over the global market. The next largest group of producers, members of the OECD and the Post-Soviet states produced only 23.8% and 14.8%, respectively, of the world's total oil production. As early as 2003, concerns that OPEC members had little excess pumping capacity sparked speculation that their influence on crude oil prices would begin to slip.



NB:Alit ga ati kati ka menua baka Algeria, Angola, Iran, Iraq, Libya enggau Nigeria, menua ke temu kitai, kira ka enda berapa maju enggau enda stable dalam politik sida ia tau 'ngetan' dunya enggau penatai minyak petrol sida ia. Kitai ke selalu ibuh ke berita dunya, selalu amat ninga menua ke disebut nya bendar endar kacau bilau nyentuk ke saritu. Enti tak amat kaya raya sida ia ketegal ke ngembuan 'emas celum' sida ia nya, nama kebuah agi minta 'sedekah' ari menua bukai engkaum tulung ari kitai Malaysia mega. Rakyat sida ia nyu papa kedana, nadai gari baju serta utai diempa kena ngidup kediri, amat alit ga ati aku din, kini ke penunga pengaya perintah sida ia ? Lalu nama tuju ati sida ia neju ke rega minyak niki serta nagang ngeluar minyak mayuh agi ngambi ke cukup guna sedunya tu ?

Roland Garros 2008

Gaël Monfils

" Anak aku "!...di salin ke jaku kitai nama Monfils reti ia - "anak aku" or dalam jaku English, "my son". Ia ada kena 1hb September 1986 di Paris. Peninggi ia 1m 93, pemerat tubuh 80kg. Apai enggau indai ia berasal ari French Caribbean islands of Martinique enggau Guadeloupe.

2002 - ia jadi French Tennis Champion ke terubah ia, ngari ke sida ke berumur antara 15/16 taun.

2004 - World Champion Tennis Junior di Australia, Roland Garros (France) enggau Wimbledon ( London).

Taun tu (kemari, 6th June) ia ulih ngagai semi-final Roland Garros, tang di alah (alah di gelanggang diri empu!) ke pemain tennis ari Switzerland, Roger Federer - No. 1 World Tennisman.

Roger Federer

Ke final pagila - 8th June - Roger Federer deka belaban enggau Rafael Nadal, triple French Open Champion ari Spain.

Rafael Nadal

"Kopi O pekat....pok"! Aku enda tentu andal ke tennis, tang rindu ga ati meda sekejap. So, ke kita ke minat ke sport tu, anang enda ingat, direct transmission belabuh bemain enti enda salah aku jam 3.00 lemai kami ditu, kira ke pukul 9.00 malam Malaysia (Sunday).

Gaga endar ati Ana Ivanovic ari menua Serbia, jadi champion tennis indu ke French Open/Roland Garros saritu - 7th June 2008.