Tanah berenyang di L'Aquila, Italy

Sinu amat meda berita urang ke tasah laban tanah berenyang di L'Aquila, kira 120km ke utara Rome di Italy. Ke diatu lebih 1,500 urang bakal, 207 mati dalam penusah tu ke jadi kira pukul 3:00 dini ari kena 06/04/2009 kemari. Ni penyampau urang ke bedau ulih ditemu giga ari endur sida ke ditambun bala utai ke labuh benung tanah nya ke runtuh. Serta beribu-ribu iku urang ke nadai agi rumah endur diau.

Kenu ka berita, sebulan sebedau penusah tu nyadi bisi siku pakar kaji bumi bansa italian empu, Gioacchino Giuliani , madah ke datuk bandar menua L'Aquila tu tentang gas racun ke pansut ari lubang tanah, ke benung di kaji ia, enda jauh ari menua nya. Ia lalu ngasuh datuk bandar nya nesau rakyat ia ngambi ke besedia maya penusah nya ka datai. Tang nya meh, laban siku-siku kitai mensia tu enda sama runding, dia datuk bandar nya lalu nyaman Gioacchino Giuliani, madah ke ia mansut ke berita bula.

Sangka aku, ukai enggai ga datuk bandar nya enda arap ke ramalan si pakar nya. Laban ia ke megai menua, enti sema penusah tu enda nyadi, tak pecuma ngapa ga ia di kutuk rakyat ketegal kelalu beguai betindak. Tang diatu, nyu udah amat-amat nyadi, besampi meh kitai ke sida ia din, ngambi ke jampat berunding mulai ke pengidup sida ia baka ke selama tu.

Ya Habibi......

Cerita wayang di peda aku lemai tu ba TV, cerita 'spy' jenaka. Cerita dalam jaku peranchis. Ba sedutan video Youtube tu, ngayan ke Hubert Bonisseur de la Bath (agent OSS 117) benung merati ke Larmina (indu baju gadung nyin) benung 'ngetan ke panjuk' ngagai siku imam masjid ke enda manah ati, ke disangka munuh apai Larmina. OSS 117 besubahat enggau Larmina, lalu nyaru jadi pemain muzik tang enda mukai2, ngambi ke pengawa ia enda di temu ke tok imam ke ka 'dipanjuk' nyin nemu ia nya benung di intai, Hubert lalu ngaga diri jadi penyanyi ga. Lagu ia nya nadai reti mimit, taja bunyi utai sebut ia munyi jaku arab.


Benung ke meda agent OSS 117 (Hubert) ke belagu enggau gilik2 lagu arab nya, tak bemua P.Ramlee ba video Youtube siti tu ga. Dalam video tu P.Ramlee benung nyinok belagu enggau Aziz Sattar ala arab. Sedutan ari cerita "Ya Habibi Ali Baba". Enda sebaka gaya pengawa P.Ramlee enggau pelakun peranchis ke baru diatu nya?

Heart Problem

Morris, an 82 year-old man, went to the doctor to get a physical check-up.

A few days later, the doctor saw Morris walking down the street with a gorgeous young woman on his arm.

A couple of days later, the doctor spoke to Morris and said,

"You're really doing great, aren't you?"

Morris replied, "Just doing what you said, Doc: 'Get a hot mamma and be cheerful.'"


The doctor said, "I didn't say that. I said,

'You've got a heart murmur; be careful.'"
(kinglishschool.com)


Aram ketawa!!

Bon fire !

Bendar endar saritu betunu ke rangkang kayu, daun-daun kayu, sekeda rumput enggau uras ke bisi ba luar rumah din. Pama meh ! Ngemansut ke peluh enda lama. Nyu lelak diri ga kami menyanak lemai tu tadi. Tang puas ga ati din, meda kompaun rumah nyu kemas mimit.

Seminggu tu udah ari manah, nadai ujan, semina berangin aja. Bala tugung rangkang enggau daun kayu nya lama udah betugung di luar din, kenyau ari bulan sebelas nyin suba. Ka jaku ka di anjung ngagai palan 'khas' endur muai rangkang kayu nya. Tang enda jadi, nyu betangguh2 laban bisi maya ga tebuka endur nya. Udah nya kiruh ke pengawa bukai ngelama tu, ngujung ke nyu 'bekasam' di kompaun din.

Nyu enda liat ati aku saritu, nya ke mai bala anak, nunu nya sekali. Ngica ke maya tu agi di kemendar ke municipal council pengawa betunu tu. Belabuh ari pun bulan lima ila disaman perintah enti kitai bisi ditemu nunu utai sebarang taja pan dikandang rumah kitai empu. Udah tu, sari dua ila ka 'nginjin' rumput, nyu enggai ga mata meda gamal rumput udah tinggi endar sebelah nya dia.

Musim Bunga.

Galak endar pun bunga 'fortysia' aku taun tu.


Gambar 'close-up' bunga fortysia.


'Wild primrose' becura biru. Bunga tu enda ibuh di tanam. Tumbuh kediri. Nyamai endar. Tang siti aja penusah bisi bunga tu, enda ulih diseliah pemayuh di kompaun aku din. Ngujng ke bedau ulih 'nginjin' rumput bukai. Sayau..agi belala meda ngarey din!


'Wild primrose bechura burak.


'Bluette' ka peranchis ngumbai bunga tu. Alus endar pemesai iya. Tu pan bansa bunga 'babas'.


Nyu tinggi udah lupines nyin, enda lama agi bebunga. Ka sepun aja ditanam aku 2 taun keudah. Diatu nyu galak diri ga iya. Bunga ke dimua nya, bunga tanam 3 minggu keutai. Primroses enggau pansies.


Bunga 'orchide iris'. Bedau bebunga. Gamal urat bunga tu baka murih gamal lia serta balat tumbuh urat ngujung ke nyu pansut ari tanah. Tambah mega enggai kelalu dalam di ditanam urat bunga tu. Rindu ke 'fresh air' ! Enti udah bebunga, ila ngambi gambar.

NB : Peda anak mayau jiran aku nyin, selalu di rara, nemu ga tudah enggai agi bira ba kebun bunga aku dia. Selalu di ipa agi mit kelia, ma iya dipeda lain pendiau. Engka nemu jera kini...suah di pancit enggau ai !!


Gambar bunga 'orchide iris' bulan Julai, 2008. Bunga ke pemadu di kerindu aku ari semua bunga ditu !! Enda sabar agi nganti ia bebunga baru. :-))

Happy April Fools' Day !

Calisto, the lazy cat.....meowwww!

Calisto...nyembui diri ba mua jendila (sunbathing)! Tu meh gamal ia ngedang ke diri ma udah badu makai. Tang saritu ba mua jendila ia tinduk laban ngiga endur ke nyamai serta angat. Udah manggai 15°C tengah ari tu. Taja pan pagi ari agi meruran celap. Pagi tadi agi ngikis ais ke malut cermin kerita. issshhhh

Anais, Champion !!

Anais benung beraksi nepan kuda. Nyu ka enda ingat ke pagi tadi ia bisi enggau 'horse riding obstacles' ketegal DST. Nyu berumban nurun, nasip enda jauh ari rumah. Udah dua taun hobi ia nunggang kuda, tang tu keterubah ia enggau betanding - enti enda labuh ari kuda, dikira menang.

NB : Tukang gambar kelalu gaga, nyu ka tetungkam. Nya kebuah video udu engkubut ba pengujung rakaman video !!!


Lalu Anais tulih ke lumur satu, ba group sida ia, ari umur 6 ngagai 12 taun. Pengelama ia nepan kuda sambil 'trotting' (merejuk?) ; 36 sikin, meraka batang (obstacles) !!


Kebuah idung Anais aruk, ketegal ke dichunting, gaga baka mua anak mayau !! Sambil begari mayuh macam bala sida ke nepan kuda nya ga.


Falite, nama kuda ke ditepan Anais. Gamal ia mit (pony,ka ribai) tang ukai anak kuda, sigi pemesai ia.

Lemai kemari.....

Siti ari stisin TV ke enggau kimpin Earth Hour lemai kemari. Pukul 8:30pm nya endang maya mansut ke 'ramalan cuaca' udah tembu berita dunya pukul lapan. Geli ati meda siku tu megai lilin benung ke mansut berita iya!

Enggi kami sebuat 3 lilin tu ditungkun tang TV enda dipadam ketegal ka meda pekit main bol antara menua Peranchis enggau Lituania. hehehe Kumpulan Peranchis menang 1 - 0 ! Pekit nya kena nemu bagi ni menua ke ulih enggau masuk piala World Cup 2010 ila. Apuuu....nyu limpang ke bukai cerita tu, wai ! Nya diatas lagi, pansut cerita jelu kuda ga...... :-)))

Summer Time

Daylight saving time (DST; also summer time in British English) is the convention of advancing clocks so that afternoons have more daylight and mornings have less. Typically clocks are adjusted forward one hour near the start of spring and are adjusted backward in autumn. (wikipedia)

Jam pukul 1:00am pagila (ari minggu 28/03/2009), maya nya udah pukul 2:00am. Reti nya sejam dulu, laban ke nitih DST. Garanti buntau laban tu, ketegal ke lenyau sejam maya tinduk. Enti enda ditukar baka tu, meri ka cunta, pukul 6:00 pagi matapanas udah tinggi endar dilangit, baka penerang maya jam tengah ari. Enda lama ngena jam DST tu. Ujung bulan sepuluh ila betukar baru ga, ngagai Winter Time, sejam lebih ari maya jam summer tadi.

Pemanah maya ngena Summer Time tu, maya lemai ari matapanas agi terang nyentuk ke kurang lebih ngagai pukul 10:00 malam! Bala ke bisi ngereja pengawa di luar din, tauka enjoy makai lemai ba terrace rumah sida ia ngambi peluang berami begempuru rindang ati maya tu. Enti ari manah ga.

Uhaaaaaa! Mayuh udah bala blogger udah mandang ke jaku gerah tu. Aku pan enggau nyukung mega. - Anang enda ingat ke madam semua lampu dalam rumah belabuh ari pukul 8:30pm nyentuk ke pukul 9:30pm lemai lagi. Aram kitai sama besatu ati sekali agi, 'nyelamat' ke planet enggau ngurang ke tenaga baka enerji elektrik ngambi ke enda dibasau sengapa. Kimpin Earth Hour tu dipejadi ke ngambi ke tenaga ke beguna ke kitai diatu enda pupus ke rebak baru jemah ila.