Crecy-La-Chapelle

Sungai Morin

Endur orang bumai

Relax!

Itit Sungai

Kota kena nyaga menoa tu kelia ari dia alah ke munsuh.

Salon de Thé

Cokelats !

Local cakes, sorry nadai agi croissants !!

Ari minggu (24th Fev.) aku raun enggau geng aku ke ka amat bejalai kaki ngelinggi menoa endur aku diau ditu. Nama menoa tu di kumbai Crecy-la-Chapelle kira 40 km ari Paris. Kira ke ba countryside of Paris meh nya. Ari sari nya manah amat. Mupuk meh kami duai bejalai, aku sigi rindu ngambi gambar, nya aku mai kamera lalu bergambar ke 'scenery' ke di pansa kami duai. Udah ke lelak bejalai (3 jam!) kami duai lalu ngetu ba 'Salon de Thé' (tea saloon). Nyu aus, duduk enda lama ngirup kopi , serta minta mineral water segelas siko, ba tea saloon! Aku lalu minta pemendar ari ia ke empu saloon tu, ngambi gambar. Ok, ka ia! Nyah, tu meh pemanah utai diempa di pamir ia dalam kedai ia nya, kek, biskits, cokelats, gula-gula.....hmmmmmmmm.

Raun ke Rocamadour

Tu gambar menoa Rocamadour (France). Gambar tu di ambi aku maia kemisi Thanksgiving 2007. Puteri ka udah di bai aku nemuai kitu taun 1995 keliak, gaga endar ia meda endur tu baru.

Introducing Myself

Selamat Datai. Aku tu indu iban, diau di France udah 17 taun, taun tu.

Aku nadai tentu hobby 'tetap' retinya, ma maia ka, rindu ga aku bejait baju. Aku bisi anak indu dua iko, jadi rindu ga ngaga baju ke simple tauka skirts ke seduai ia. Diatu ia ke tuai nya udah berumur 14 taun, jadi fashion gaga indai ia empu, engka lembau ia ngena kini, rindu agi ia bepesen baka nembiak seumur ia empu.

Hobby aku siti nya macha bup. Nadai agi aku macha bup romantik baka 'Mils & Boon' keliak. Nyu udah berumur diatu, lain agi ga pengerindu kitai siku-siku, enda ia? Oh, bup ke dikerindu aku diatu, baka cerita mata-mata gelap (detective story) enggau misteries. Favorite writer aku ia nya Stephen King.

Aku rindu mega nanam bunga. Tu enda lama agi Spring Time (musim bunga). Macam-macam corak, shape bunga ditu. Tulips nya best endar enggau bunga mata hari (sunflowers). Bunga rose, mesti siru nanam ia, enti salah ari bulan maioh amat penyakit nutu bunga tu. Enggai enda bebeli ke insecticide lah, vitamine lah, baja lah, akai dai, nyu penuh store room endur nyimpan botol/kibut 'ubat' bunga rose tu !

Kediatu agi celap ditu, tang sayau amat bedau udah meda snow. Ngelamatu, rindu amat bemain ba snow nya, rindu meda ia labuh ari langit nyin, baka keping kapok. Begaga ke 'snowman' baka anak mit.

Nyah, bala kaban kitai iban tauka bansa bukai ke nemu jako iban, aku nerima comments kita enggau lantang ati.

Selamat bekelala ke kita semoa.