Wednesday, June 25, 2008

Cuti musim panas

Image Hosted by ImageShack.us



........kami menyanak ka pulai kemisi ke Malaysia. Enti nadai penanggul deka berangkat kena ari satu tu lagi 30hb June. Maya tu nembiak sekula belabuh cuti ke summer (3 bulan). Jadi kami menyanak deka 'ngenjoy' ke diri sampai 9hb August ila di Kuching. Kena 11hb July ila deka nemuai 5 ari ngagai petunggal aku Puteri di Miri din. Lama ga udah kami duai enda betemu mua. Ke penudi ia kami duai begulai berambih ia nya lebuh ia datai nemuai ke kami kitu (taun 1995 kelia). Sebulan ia enggau kami menyanak ngasai ke pengidup urang di menua peranchis ditu. Maya nya, agi single kawan kitai nya. Nya lah ia agi ingat endar ke dibai raun ke Rocamadour, siti ari endur palan pelancung tunga ke selatan menua France tu. Bejalai ke Paris malam ari, sama-sama gagit meda jalai di hias enggau lampu bermacam kaler laban kena nyambut X'mas enggau taun baru maya nya. Udah nya singah enda lama ke Geneva, tang kena ari minggu, haiya...kedai mayuh tutup, nadai ulih shopping tang bisi sempat begambar kena pengingat, rugi suntuk ari kami, kemisi kami sebuat nyu datai ba adan tang lantang ati rindu meda pemanah rampa menua urang. Ngarap ke maya bukai ulih berambih baru ga kitai, wai.


Baka aku ka bisi peluang ngeruh ai urang ditu, ukai muji serta ngelangkung ke diri, tang enggau ati ke rindu serta gaga aku mai kita bekunsi enggau aku ngasai ke pait manis diau ba menua jauh tu. Jauh ari apai indai, diri menyadi serta kaban belayan ke disayau. Bala pangan sekula menya, serta pangan bukai ke enggau begulai kenyau ari mit endang meruan di ati belama. Nya meh, ma maya kemisi panjai baka tu, ninting taun kami menyanak enggau iring tuhan kitai, endang kena aku muai ke lenggau meh, mulai ke diri ke menua asal kin. Taja pan sebulan nya pandak amat kena ngemantup ke ati ke lelenggau tang ba aku udah cukup umbas. Enggau dunya IT diatu, tau pandak ga ari, kenu ka engkatak! Sebelas bulan bejauhan kira enda ibuh di kenangi ke agi.


Maya aku bisi ari udah tu ila, engka bisi ga nyengguk sekejap ngagai ruai aku tu. Bedau ngema litup, munyi ka ini Andan ! Nya ke enda temu maya ka nyengguk. So, selamat cuti ga ke bala bukai ke bisi pulai ke menua kin tauka bala ke endang netap din mega, enti bepansa di pasar tauka dini-dini alai anang malu nyapa neh!


Like they say here, "Au revoir et a bientôt !" (bye and 'see' you soon !)

Sunday, June 22, 2008

Summer Time

Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us




Manah amat gamal tupi bala sida 'indu-mem' tu. Bemacam-macam kaler enggau gaya. Sida ia tu benung ngemata ke pengerami lumba kuda ke tebilang endar benung musim panas tu di Ascot, Bershire, UK. Tiap taun kenyung ari taun 1911 (taun terubah ia Royal Ascot di tubuh) kelia, kelimpah ari ngemata ke kuda belumba, bala sida ke indu, enda milih tuai ke biak lalu begari (ngena fashion) ke deka ati lalu ngelagu pala sida ia ngena tupi bermacam gaya enggau pengelandik diri empu meh nya. Nadai irau ke diri nya nyelai meh, asal enda sebaka enggau pangan kenu. Amat manah, tang enda aku nemu sapa berani, enda malu nguji bejalai ngena tupi baka tu di pasar din ??



Wednesday, June 18, 2008

Monster Mosquito...nyamuk !

Enda kita arap enti aku madah ke kami ditu bisi nyamuk. Maya nyu ka musim summer tu (kira ke udah summer meh diatu) - 21hb June summer date - belabuh bisi nyamuk diatu. Baka di menua kitai, maya pun lemai ka endar sida ia nutu, nyu merengung bunyi ngelinggi kitai ka ngigit. Gaya ari diatu, tajapan udah pukul 7.00 lemai tang agi berupai terang. Matapanas belabuh nurun kira pukul 10.00 malam aja. Jadi mensia meda ari agi terang bakatu, enti nadai programme menyana peda ba TV udah tembu makai lemai (unless bisi football - diatu begau ke UEFA Cup nya) mayuh deka raun sekejap di luar dia, nganti mata ke ka tinduk. TAAANG! salah ari bulan tau kena gigit nyamuk. Pama ngetat ke belaga udah di sambar nyamuk tu. Enda nemu ari ni penatai bansa nyamuk baka tu. Nya ga pemesai ia.


Image Hosted by ImageShack.us
Bangkai nyamuk tu di temu ba jendila dapur.



Image Hosted by ImageShack.us



Peda pemesai nyamuk tu, bebanding enggau batang machis nya. Siku tu sempat masuk ke dalam rumah tang sangka aku nyu udah lalu umur ia tu. Enda tekabir agi, ka kitai, nya ke di temu luput ba sendi jendila. Ia ke endar nutu bala jelu, baka sapi enggau kambing biri-biri nyamuk bansa tu, jarang endar ga ka makai kitai mensia, semina sida ke enda benasip meh kena tempuh ia kini.

Monday, June 16, 2008

A cook's nightmare !

Jadi baka selama, udah meda jam pukul dua belas tengah ari, lalu belabuh ka kiruh di dapur ma laki aku bisi di rumah enggau aku makai tengah ari. Bala anak makai di kantin sekula. Laki aku nya gawa ngena shift, retinya,ma gawa pagi, tengah ari tauka malam. Bisi 'break' lah antara nya, dua tiga ari off sebedau ke belabuh gawa baru. Minggu tu 'afternoon' shift lah tudah tuai. Jadi ka nyumailah aku kenu, nanya nama ka menu ia..bemenu enda indah! Enti aku empu kediri, enti bisi di rumah sebarang utai papa, asal enda lapar, udah lah ! Tang bisi 'geng' enggau dia sinu ga meda pangan nurun gawa lapar, enda pia ? Lalu ia madah, ingin ka makai 'pork chop', sekerat dagin janik, ka kitai. Au, udah pansut ari 'freezer' lalu di 'difreeze' ga ba micro-wave oven, endur muai tekang ais ke malut ke dagin nya tadi, enti enda lama keras baka batu ga.

Nyamai endar ga bisi mw-oven, semina berapa minit aja lalu lembut dagin nya lalu tau di sumai. Aku lalu nyengkau kali siti, lalu nungkun ke api ba dapur aku nya. Nyu bau rengut 'pork chop' nya, nyu mertih bunyi ba kali. Aku lalu kiruh enda lama kebukai, berandau enda lama enggau laki aku mega. Dia aku lalu tebelengga sekejap, nama tak senyap bunyi ba dapur nya, tadi ingar endar bunyi minyak meretih , nya tak lesap..aihhh heran ! Lalu mulai ke diri ke dapur baru kin meh tudah kawan tu...meda, haiya ka cina...api padam, padu nadai agi gas !! Guyat tung gas nya tadi..guyat baka ni pan enti udah kosong nadai meh ka enggau. Eh..ooiii, my sayang, ka aku nganggau laki aku, lauk enda mansau, nadai agi gas ! Don't worry, ka ia..I'll get one in the store room...dalam jaku french, ia bejaku :)...oh! ka aku..i think there is a BIG problem dear !...What ? ka ia. Hehehehe...no other stock..forgotten to get one, sorry!!!! apuuuu..belabuh begaru pala kami duai, angkat ia dulu mansut ke runding ia, jampat endar ia tu, laban 'pork chop' nya endang favorite food ia ga! Asuh makai asi lembau agi ia berunding kini ?

Our camping gas cooker, can do too, ka ia!...still of course in french !!..Amat ney, ka ati aku din. So, tudah tuai meh, ngiga ba storeroom kami din. Angkat bisi temu, laban ia empu ke ngemas kelia, nyalai ia ingat amat endur diri empu nyimpan! Enti enda, bengut2 urang menua nya, enda tetemu ka utai giga diri. Well, enda muai masa agi, lalu ditungkun ke api ba camping gas ke ngemit nya, lalu di duduk ke kali enggau dagin atas nya. Nama agi deh, idup nyawa, kira sepuluh minit udah nya lalu mansau lauk kami duai.



Image Hosted by ImageShack.us
Gas KO ditu !!

Image Hosted by ImageShack.us

*Tu gamal camping gas cooker ke endur berapi tengah ari tadi.


Nanya baru ga aku ke laki aku, kati ga deh, laban cooker nya mit endar lama alai nyumai utai bukai. Suntuk jam ia nganti periuk ai angat melidih dia kena manduk utai bukai kena nyempulang makai pork chop nya, laban ia ka nurun gawa dalam masa sejam agi. Nadai hal ga, ka ia...aisehhh manah mood kawan saritu! 'Nadai hal' aja ! Anything simple, like a bowl of salade, ka ia ga. Tomatos salade, is it ok dearrrrrrrrrrr...?? ka aku ga nanya. "Why not", ka ia ga. Heeheehee..'nadai hal' and 'why not'...it's just one of my lucky day !! Taja pan bisi berasai serba salah ke enda ingat meli tung gas kena reserve tadi.

Image Hosted by ImageShack.us

Nyah, tu gamal tomatos salade ke di sedia aku kena makai enggau pork chop nya.

Lemai tu tadi nyu udah ke pasar meli tung gas (2 igi!) baru nyamai berapi. Masakan sayuran kami tiga menyanak aja enggau asi !


*NB :
Alai cooker tu diduduk ke di luar bakanya, laban ke lama enda di kena, bisi pengirau mimit ga ati kami duai. Takut jadi mini boom ! ihhhhhhh!

Saturday, June 14, 2008

Happy Fathers' Day

Image Hosted by ImageShack.us




Image Hosted by ImageShack.us

Apai aku...... pak, terima kasih ke peransang ari nuan selalu !!

Image Hosted by ImageShack.us

Lalu enda ketinggalan " Bonne Fête des Péres " ke apai tuai aku empu, Nico !


" Selamat Ari Apai" mega ke semua bala 'apai' ke bisi ari nemuai ke ruai aku tu.

Daddy, daddy...Image Hosted by ImageShack.us...!!!

Friday, June 13, 2008

Friday the 13th

The fear of Friday the 13th is called paraskavedekatriaphobia, a word derived from the concatenation of the Greek words Paraskeví (Παρασκευή) (meaning Friday), and dekatreís (δεκατρείς) (meaning thirteen), attached to phobía (φοβία) (meaning fear). The term is a specialized form of triskaidekaphobia, a simple phobia (fear) of the number thirteen appearing in any case.





Image Hosted by ImageShack.us



Gambar contoh ari Wikipedia.



Sekeda kompeni bilun nadai penuduk lumur tigabelas. Mayuh urang arap ke lumur tigabelas tu mai nasib jai.

Sekeda urang ke arap ke lumur tigabelas tu mai rezeki, tuah serta nasib, lalu belabuh bebeli ke tikit loto (super Loto) pun minggu tu. Ba kami ditu nitih ke padah ba radio enggau TV, 15 million euros duit di beri ke urang ke bulih lumur betuah sida nya !

Kati bala kita deh ? Anang enda ingat ke diri ke udah meli lumur loto ba endur kita diau, rugi enti kena tikit, ka kitai, tang enda ingat dini endur engkah ia agi. Maya pengidup kitai ke dalam cabaran ketegal rega minyak petrol niki nya amat gaga bulih duit nyampau nya.



Image Hosted by ImageShack.us

grrrrrrrrrrrrr........!!




Sunday, June 8, 2008

Rega minyak petrol niki, barang niki, gaji...???

Ari Berita Iban, Borneo Post, Friday 6th June 2008.

KUCHING: Peniki rega minyak petrol ke RM0.78 seliter ngagai RM2.70 belabuh ari kemari, ngasuh sida ke bejual ka pemakai ba bandar raya ditu nikika rega pemakai kena nampung kos belanja.

Menteri Pengeraja Asal enggau Rampa Menua, Datuk Doughlas Uggah Embas, lebuh ditalipaun Utusan Borneo, madahka rega minyak petrol ke niki, nitihka rega ba pasar dunya, ti dipadah iya rega minyak petrol ke enda ulih dikuntrol kitai ba menua tu.

“Aku nemu peniki rega minyak petrol tu deka ngachau belanja orang mayuh kelebih agi sida ke diau ba menua pesisir. Taja pia, perintah bisi chara bukai baka meri rebet ti patut diadu enggau penyampat iya, ke mega deka nguntungka rayat,” ku iya.

Iya mesan ngagai orang mayuh ngasuh sida iya ngubah chara pendiau sida iya, laban barang majak mar, ku iya.

******************

Tanya ari aku : Datuk, ni maya perintah deka madah ke kemaya deka niki ke gaji ke mensia mayuh ke gawa deh ? Nadai urang deka diau ngapa nganti ke semua barang niki, mata peli-peli aja tiap kali nurun ke pasar meli barang. Penemu kita ke merintah madah ke diatu kitai patut ngubah pendiau kitai amat enda salah. Tang siti ari jaku ke udah didinga, bekebun kitai, berunding ke tanah kita di belakang rumah dia endur betanam ke sayur, jagung enggau ubi. Amat betul, tang enda meh utai tu tau tumbuh, tanam lemai lagi, lalu di ambi pagi pagila ! Enda sinu ke sida ke begaji kurang ari 500MRinggit sebulan, ke bisi bini enggau anak. Kati jalai idup ngena belanja ngemimit nya ? Ukai enda ngelimat ga tudah tuai ke belanja, tang ungkus pengidup dalam taun 2008 tu, enda agi baka 10 taun kelia.



Aram kitai maca pasal KUASA menua dalam OPEC ke megai ekonomi dunya ngena minyak petrol. Minta seribu ampun aku enda ulih nyalin ia dalam jaku iban.


OPEC
From Wikipedia, the free encyclopedia

The Organization of the Petroleum Exporting Countries (OPEC) is a group of twelve states made up of Algeria, Angola, Indonesia, Iran, Iraq, Kuwait, Libya, Nigeria, Qatar, Saudi Arabia, the United Arab Emirates, and Venezuela. Recently, Indonesia has decided to quit the organization, though it will remain a member until the end of 2008. The organization has maintained its headquarters in Vienna since 1965, hosting regular meetings between the oil ministers of its member states.
According to its statute, the principal goal is the determination of the best means for safeguarding their interests, individually and collectively; devising ways and means of ensuring the stabilization of prices in international oil markets with a view to eliminating harmful and unnecessary fluctuations; giving due regard at all times to the interests of the producing nations and to the necessity of securing a steady income to the producing countries; an efficient, economic and regular supply of petroleum to consuming nations, and a fair return on their capital to those investing in the petroleum industry.
OPEC's influence on the market has been negatively criticized. Several members of OPEC alarmed the world and triggered high inflation across both the developing and developed world when they used oil embargoes in the 1973 oil crisis. OPEC's ability to control the price of oil has diminished somewhat since then, due to the subsequent discovery and development of large oil reserves in the Gulf of Mexico and the North Sea, the opening up of Russia, and market modernization. OPEC nations still account for two-thirds of the world's oil reserves, and, as of March 2008, 35.6% of the world's oil production, affording them considerable control over the global market. The next largest group of producers, members of the OECD and the Post-Soviet states produced only 23.8% and 14.8%, respectively, of the world's total oil production. As early as 2003, concerns that OPEC members had little excess pumping capacity sparked speculation that their influence on crude oil prices would begin to slip.



NB:Alit ga ati kati ka menua baka Algeria, Angola, Iran, Iraq, Libya enggau Nigeria, menua ke temu kitai, kira ka enda berapa maju enggau enda stable dalam politik sida ia tau 'ngetan' dunya enggau penatai minyak petrol sida ia. Kitai ke selalu ibuh ke berita dunya, selalu amat ninga menua ke disebut nya bendar endar kacau bilau nyentuk ke saritu. Enti tak amat kaya raya sida ia ketegal ke ngembuan 'emas celum' sida ia nya, nama kebuah agi minta 'sedekah' ari menua bukai engkaum tulung ari kitai Malaysia mega. Rakyat sida ia nyu papa kedana, nadai gari baju serta utai diempa kena ngidup kediri, amat alit ga ati aku din, kini ke penunga pengaya perintah sida ia ? Lalu nama tuju ati sida ia neju ke rega minyak niki serta nagang ngeluar minyak mayuh agi ngambi ke cukup guna sedunya tu ?

Image Hosted by ImageShack.us




Saturday, June 7, 2008

Roland Garros 2008

Image Hosted by ImageShack.us

Gaël Monfils


" Anak aku "!...di salin ke jaku kitai nama Monfils reti ia - "anak aku" or dalam jaku English, "my son". Ia ada kena 1hb September 1986 di Paris. Peninggi ia 1m 93, pemerat tubuh 80kg. Apai enggau indai ia berasal ari French Caribbean islands of Martinique enggau Guadeloupe.

2002 - ia jadi French Tennis Champion ke terubah ia, ngari ke sida ke berumur antara 15/16 taun.


2004 - World Champion Tennis Junior di Australia, Roland Garros (France) enggau Wimbledon ( London).


Taun tu (kemari, 6th June) ia ulih ngagai semi-final Roland Garros, tang di alah (alah di gelanggang diri empu!) ke pemain tennis ari Switzerland, Roger Federer - No. 1 World Tennisman.



Image Hosted by ImageShack.us

Roger Federer


Ke final pagila - 8th June - Roger Federer deka belaban enggau Rafael Nadal, triple French Open Champion ari Spain.

Image Hosted by ImageShack.us

Rafael Nadal

"Kopi O pekat....pok"! Aku enda tentu andal ke tennis, tang rindu ga ati meda sekejap. So, ke kita ke minat ke sport tu, anang enda ingat, direct transmission belabuh bemain enti enda salah aku jam 3.00 lemai kami ditu, kira ke pukul 9.00 malam Malaysia (Sunday).


Image Hosted by ImageShack.us

Gaga endar ati Ana Ivanovic ari menua Serbia, jadi champion tennis indu ke French Open/Roland Garros saritu - 7th June 2008.


Tuesday, June 3, 2008

Gawai Blues....

Image Hosted by ImageShack.us


Gambar hiasan ari HolyBug website.



Pengerami ngintu ari gawai kitai udah ga tembu tang apin ga datai ba adan. Bala ke agi belala, sangka aku, ke ujung minggu nyentuk ke ujung bulan ila bisi aja alasan ngemanjai ke gawai. Agi belala begulai meh, endang sigi baka kitai. Ke bala ke bepeluang pulai ke menua lantang endar ati, bebagak enggau diri sebilik, kaban belayan enggau suku juru diri empu. Taja pan maya begulai betundi, berambih makai ngirup nya tak pandak amat tang ati tepantup sekejap laban kemaya ari tu betemu enggau pangan diri taja pan segulai endur diau tauka gawa, kira ke pedis amat laban ke suntuk ari, suntuk jam ka endur bekerapak 'belepak' enggau pangan diri. Enda pia?


Ke bala kitai ke nadai peluang pulai enggau bala kaban berami, anang ga kitai sinu berai iga. Nama kebuah enda ngenang ke diri ke jauh, merantau, netap, gawa tauka sekula di menua urang tu...missing all the funs to be with all our kins and friends at this festivity of ours called GAWAI! Tang munyi ke padah aku dulu tadi, nadai guna ga kitai duwi-duwi nyabak sinu ati malai tilam!! Bisi rezeki tauka berkat, ngica ke taun ke ka datai bukai kitai ulih ngeransing ke diri enggau kaban belayan kitai meh.


Aku, ..malai tilam ?? No..no, nya meh, gelik ati ke diri empu aja. Au, enggai enda madah ke pemisi diri dulu, ngambi ke nyamai agi berandau. Telephone aku nya di connect ngagai internet ( triple play connections ), maju endar dunya IT diatu. Well, nitih ke padah 'terms and conditions' ngena programe tu aku ulih call 40 menua di dunya tu 'free'! Gaga meh, sida kaban ke diau di USA, UK, China, Thailand, Singapore, Indonesia enti bisi ari, berandau enggau sida ia, tang...akai-rai naka penyanyau, Malaysia is not included in the list!! Geram endar ati deh, tang tau ga thru' call ngagai 'telephone bimbit' nya, semina ke mayar bill mimit ujung bulan. hehehe, enti udah lelenggau nadai irau agi ke nya telephone bimbit ke enda. TANG! nya ga sebengkah ari Paris ngena *PC phone nya ke t/bimbit ke menua pendalaman, udah ngelui menua Kuching din, enda ulih 'get thru' agi. Sinu ati ke menyadi aku ke madah ke aku sebedau sida ia berangkat bekomboi (ka niang inik kelia) ke rumahpanjai kena 31/05 suba enti ulih contact sida ia kena tengah malam jam Malaysia, pukul 6:00 lemai kami di menua ribai tu. Mai 'beserumpu' ngirup ai pengayu, ngenyadi ke telephone nya, ka jaku. Nyu bendar meh kami menyanak ditu, ngemata ke jam. Udah mankung tepat jam ke besemaya nya tadi, aku lalu belabuh betatuk ke lumur h/phone adi aku nya, endang udah nyangka ke enda ulih, tang ka nguji ga, amat enda jadi. Uji ga lumur sekeda sida bukai ke ditemu aku ngembuan h/phone dalam rumahpanjai di Ng. Drau din...tang nadai ka enggau endang enda ulih sekali, asa endar ati, have to accept the facts, it's destiny wills! C'est la vie! ka sida french ditu. Ngirup 'ai pengayu', white wine instead of tuak, 'kediri' meh kami sebuat, besampi jauh beantara menua meh...oohaaaa!


Semina siti tu aja ngasuh ati aku limpang serta gaga, kami menyanak, enti nadai penanggul, ujung bulan enam ila pulai kemisi ke Kuching, ulih enggau kami sebilik 'nutup Gawai' - pengawa rami ngiling tikai. aha! berami baru kitai !! SMILE !

NB: For broadband area only.