Tuesday, December 16, 2008

Christmas Greetings !

Image Hosted by ImageShack.us


Gaga ati meda tikit bilun udah diambi. Sebedau tu, gagit ga madah ke diri pulai kemisi Christmas ke menua tang ati bisi pengirau mimit laban tikit apin di peda. Tajapan endang nemu diri amat pulai, ukai beduan diri empu. Peda kita lawa endar endur mandang ke tikit nya, dalam stukin Santa Claus ! Christmas presents ke pemadu badas ari keudah meh nya.


Image Hosted by ImageShack.us


Tu sekeda Christmas kad ke udah datai seminggu tu. Ke bala kaban-belayan enggau pangan, jauh tauka semak, aku ngari ke kami menyanak meri besai terima kasih ke kad ke di kirum kita. Dua iti kad ke ba mua endar nya datai ari Quincy, USA enggau UK. Terubah kad di terima ari pangan blogger. Once again, many thanks to both of you for your wonderful greetings !

Sebedau aku ngundur ke diri, belepa enda lama, enggau jari sepuluh aku minta ampun enti bisi tesalah jaku maya ke berandau betundi. Di kira ke nadai tentu ari aku udah tu ka ngintu ruai tu, kiruh bekemas. Bah, mupuk dulu aku wai.

"Selamat Ngintu ari Christmas serta Selamat Nyambut Taun Baru 2009 ke ka datai ke kita semua"

"Joyeux Noël et Bonne Année à tous !"



Saturday, December 13, 2008

Penatai Santa Claus !

Image Hosted by ImageShack.us


Tepantup ati sida tiga sekawan tu udah betemu enggau Father Christmas. Ari enam minggu dulu nyin kemari ba endur kami diau ditu penatai Father Christmas endang sigi dianti bala anak mit, nembiak, apai-indai, aki-inik meh bela gagit ati ka meda ia.

Ia ke endar enti ka begambar enggau Father Christmas tu mesti bebayar. Endang bisi mai mini studio enggau tukang gambar ia empu. Studio tebuka, ba dalam tent. Di kelinggi ke gerai bukai endur nyual mayuh macam utai kena ngrindang ke mata enggau ati. Gerai makai enggau ngirup pan bisi. Nyadi kami sebuat tu, laun datai laban bisi limpang suping kebukai dulu, nyu ka tembu pengawa rami mensia mayuh baru kami datai. Belanda2 nuju studio nya tadi meda tudah apai Christmas udah ka ngemas ke diri pulai. Tang meda bala ke nyu seput2 udah belanda nuju ia, dia ia lalu ngembai ke dua piak jari ia enggau senyum, mai begambar....free !!

Tuesday, December 9, 2008

White Christmas

Image Hosted by ImageShack.us


Image Hosted by ImageShack.us


Image Hosted by ImageShack.us


Lemai kemari ngiias kayu Christmas tu. Ka jaku enggai kiruh taun tu laban ke ka pulai ke menua bekrismas. Tang enda ga nyamai ati. Sinu ga ati meda rumah diri nadai apa-nama kena ngenanda ke ari mulia kitai kristin tu. Gaga meh sida anak, bisi endur Father Christmas ninggal ke presents ila ka ia ke biak.

Bah, sapa lansik meda mua tukang gambar ba gambar ke penudi nya ??!

Image Hosted by ImageShack.us

Image Hosted by ImageShack.us


White Christmas! Yahooo !! Benung labuh salji ba luar dia. Balat agi ari keutai. Lama agi meh sekali tu. Nyu burak magang utai nya dia. Ngenang ke taun2 ke udah, baru ia meh salji suah labuh maya dia tu. Laban jarang endar bekrismas bisi salji. Ujan ke suah agi. Selalu ia tunga bulan satu ila balat endar dipuput angin celap endar serta besalji.

Enda lama lagi malam ari tu. Diatu baru ka pukul 3.00 lemai. Dalam sejam lagi malam ari. Lama udah enda meda ari terang, matapanas jarang pansut. Asai ke diau dalam lubang gua ! Well, c'est la vie et c'est ainsi, ka peranchis ! I'll be home for Christmas, ka lagu Nat King Cole. Luv ya Nat !! hahaha

Sunday, December 7, 2008

Miss France 2009

Image Hosted by ImageShack.us
Madamoiselle Chloé Mortaud, Miss France 2008-2009. Berumur 19 taun, peninggi 1m 80. Agi student, ngambi diploma International Commerce di siti universiti di Toulouse, tunga ke selatan menua peranchis.

Image Hosted by ImageShack.us
Celum miss kami taun tu. Ukai mantah, ukai bejai ke tudah tuai wai. Deka madah ke menua peranchis tu pan cukup pupu bansa diau ditu. Miss sekali tu kacukan peranchis enggau american (indai ia ari Mississipi, USA). Huhu....

Image Hosted by ImageShack.us
Anggun, penyanyi ari Indonesia ke popular endar ditu, jadi siku ari 7 juri di taga ke milih bala indu bajik lemai kemari.

Friday, December 5, 2008

Mai Calisto check-up.

Image Hosted by ImageShack.us
Gamal Calisto ringat di bai annuel check-up. Bendar ngumpan ia ngambi ke ka masuk dalam sangkar tu. Alai nyimpan ia dalam sangkar, ketegal undang2 ditu. Kena saman pulis enti jelu di peda enda dalam sangkar dalam kerita. Enggai ke ngacau kitai driving.

Image Hosted by ImageShack.us
Datai dalam bilik klinik ungkup ke jelu, ia enggai pansut agi ari sangkar. Getar-getar takut. Ukai keterubah ia, ga ia dibai kitu tang endang sigi gaya Calisto. Nangi ke urang bukai kelimpah ari kami sebilik. Pansut ari sangkar ulih nyungkil ga, lalu meruk ka diri baruh sink!

Image Hosted by ImageShack.us
Udah di peresa ngeli, jantung enggau ditimbang (6 kg), ia lalu di cucuk enggau ubat kena nagang dirampit penyakit jelu ke di kenangi baka penyakit 'gila ukui' ka kitai. Di jeling ia lutur nya, enti ulih engka ka direkak ia kini ?! Di beri ubat pil kena muai cacin dalam perut meh. Kiruh aku sari nya laban ia. Calisto tu rindu makai pemakai mayau dalam pikit, cap Wiskas. Enda anchi-anchi utai pakai ia, nya besai baka nya. Enggai makai lauk ikan, lauk dagin aja. Raya jelu tu !!

Image Hosted by ImageShack.us
Udah tembu peresa, sekali tu ia empu ngenama ke diri dalam sangkar. Lalu terus mai pulai ka gamal. Enti tau bejaku, baka nya meh runding ia, sangka aku. Kaki ia ke bakal minggu nyin kemari udah gerai. Diatu 'on diet' ia, ditagang lutur enda asuh lebih ari 6 kg pemerat ia. Asuh besenam ga..tuchum serta geli ati ninga ajar lutur nya. Baka ke ngajar ngasuh ngibun anak mit !

Wednesday, December 3, 2008

Estrella - Stay & Ternyata







Terubah aku meda video clip tu, kumbai aku group penyanyi ari Indonesia. Sida tu ke endar ari Malaysia. Syabas !!

Monday, December 1, 2008

Bulan Penudi 2008

Image Hosted by ImageShack.us
Guess whooooo ?


Apai enggau indai urang tu, kala jadi keling enggau kumang menyarung semalam aja, dalam taun 1990 kelia. Tu meh ke penudi ia aku ngena ngepan iban. Gamal tak relax aja dia, maklumlah pengantin baru ! Tang...apuuu...naka merinsa ngenat ke diri di gambar baka nya ! Malu naka ia ga agi...enti baka tekura asai ke enggai pansut agi ari tempurung. Lebih 20 kamera nuju kami duai, nyu keli-kelip kin kitu, remban semengat enti enda tan !!

Diatu bisi anak dara ngambi alih tempat. Anak aku ke tuai nya ka bengepan. Manah endar costume iban ka ia. Nemu ngerara, madah ke ngepan kena aku enda penuh ka ia. Ia meda bala gambar sida petunggal ia bengepan bisi ngena 'head dress' (sugu tinggi). Lalu nama kebuah aku nadai ngena malam nya. Alai kebuah enda ngena laban buk udah disep ba saloon, enggai kiruh agi. Amat cawey ga pala enda ngena sugu tinggi. Anak aku ke biak nya, rindu ngena baju cina 'cheongsam'. Sapa ka purih ia ??! Nadai ga kami sebilik bisi bekaban enggau cina.

Enda berasai, ari beganti minggu, minggu beganti bulan, bulan beganti taun. Umur pan majak meningkat. Sayau amat enda nemu iga nusun ke leka pantun ngena jaku bansa diri kena nyema ke tu. Aku rindu besema besampi ngena jaku iban ke bebungai-bungai ke ka urang tuai. Engka nya meh nanda ke diri udah berumur diatu. Kelia menya nadai bisi ati ka belajar. Nyesal asai ati.

Nasib kitai mensia endang nadai sebaka. Tuah limpah dijari Tuhan, enda pia? Ari-ari aku meri puji Tuhan ke udah meri ke aku pengidup umbas ia meruan, celap lindap ninting ari. Nadai tentu beguna ka mayuh reta asal diberkat enggau pengerai tubuh, likun dalam rumah tangga diri serta ulih limpang nemuai tiap taun betemu enggau kami sebilik, diri sekaban ke disayau di menua din. Puji Tuhan.....


"Selamat Nyambut Ari Christmas" ke ka datai ke semua temuai, pangan, kaban belayan ke mansa ditu.


Friday, November 28, 2008

Pengerindu ke jelu tupi.

Calisto, mayau kesayau sida anak kena rekak mayau jiran kena ari lima minggu nyin kemari. Balat endar ga abi telih tudah tuai, nyu tebabak kulit lalu bisi bekau gigit umbas ia dalam ba kaki kanan ari belakang. Bendar ngubat, enggai ke abi telih ia buruk. Lalu kena nagang ia nilat kaki ia nya, enggai ke enda gerai manah, pala tudah tuai di karung dalam 'colleret' ka kami ditu. Manah endar ga utai tu, lalu jenuh ia. Enda tegasak-gasak agi ka nilat serta ka muai balut ba kaki ia nya. Empat ari ia enda diasuh keluar ari rumah. Colleret ia diingkas maya ka makai. Geli ati meda tudah diibun ke jamban. Ia endang meruan bisi dulang endur ia kemi enggau birak dalam bilik jamban din. Rindu endar ngintu mayau mereti baka tu.

Calisto endang ari mit selalu dibai peresa ngagai lutur jelu (setaun sekali). Di menua tu, ma kitai bisi nupi jelu dalam rumah endang ditangkan mesti di tuchuk ngena ubat kena nagang jelu nya mai penyakit ngerampit ke kitai sebilik lalu nyentuk ke sepengayu jelu nya begulai enggau kitai mega. Dalam kulit pending kanan Calisto bisi 'tatoo' mandang ke lumur IC ia ! Enti sema lenyau, tauka di curi urang, ia ulih digiga. Sekeda urang ke ka, jelu sida ia bisi ngembuan 'digital code' mega. Elektronik 'chip' di tebuk ba belakang jelu nya, ngambi ke jelu sida ia nyamai di giga sema ia belelang. Pama ga ungkus belanja bisi jelu tupi ditu...tutup mata...for the love of Calisto !!

Image Hosted by ImageShack.us
Calisto ngena colleret.

Image Hosted by ImageShack.us
Z Z Z Z Z....aksen tinduk !!

Image Hosted by ImageShack.us
I'm fine now..miaow ! David Bowie's eyes. Sepiak kaler biru, sepiak kaler cokelat.

Wednesday, November 26, 2008

Aram ketawa.......

Nyadi uchak tu udah ke bejalai kediri, 'hiking' ka ribai ba endur ke bebukit di kelinggi ke ambun ga agi(di menua bukit Alpes, kenu ka cerita), tesat enda ingat ke jalai pulai agi.
Bendar endar ga ia ngiga jalai ke betul, dia ia lalu tepeda ke siti langkau mit. Ia lalu ngetuk pintu langkau nya.

-Ooooiii, bisi urang ditu?
-Bisi ! Sapa nuan?
-Aku tu tesat jalai. Ulih ke enda nuan nulung aku ngiga jalai nurun ke baruh bukit kin?
-Enda aku ulih. Aku tu anak mit, enda tau muka pintu ke urang sebarang.
-Enti munyi nya, ni apai nuan?
-Nadai ditu ia, udah keluar maya indai aku datai tadi.
-Endaiii, kangau meh indai nuan.
-Indai aku pansut maya inik aku datai.
-Apu, ni aki nuan deh....
-Aki aku keluar maya menyadi tuai aku datai tadi.
-@@@##&&§§???!! (nyu muchau tudah uchak)...kangau meh akak nuan Dom !
-Ia pan udah keluar maya aku tama ditu.......
-!?! Ya tuhan ku...enda kala begulai sama kita sebilik ?
-Kala deh, dalam rumah kami din..tang ukai ditu !!!!!!! Tu rumah jamban !!!!!


NB : Disalin ari cerita E. Hervier, pangan colleague hubby, di kirum kemari.

Monday, November 24, 2008

Cold Weekends

Tengahari ari enam tu tadi, aku mai sida anak enggau geng seduai ia raun ke siti supermarket ke pemadu besai enda jauh ari kami ditu. Tuju ati ka meda christmas decorations ke udah diadu ari pun minggu ke dulu.

Image Hosted by ImageShack.us
Siti ari kayu Christmas ke udah diias.

Image Hosted by ImageShack.us
Beposing bala sida indu dara!

Image Hosted by ImageShack.us
Sekeda decorations ke sempat di gambar.

Image Hosted by ImageShack.us
"Pas touche"...tau di peda aja tang enda tau di tegu ka notis enda jauh ari tu !

video

Tu video diambi tengahari kemari. Snowfalls !! Gaga bala nembiak taja pan enda lama. 30 minit aja udah nya ari lalu bebali kabut enggau ujan semalam-malam tu. C-E-L-A-P !!

Saturday, November 22, 2008

The Pianist

Anaïs in action! Main piano ngena sepiak jari aja. Muzik terubah ke dimain ia nya di kumbai "Von Fremden Ländern Und Manschen". Euh, enda aku nemu reti siti tu dalam jaku jerman...apin pass. Sapa nemu, angkat jari ! Muzik ke kedua nya bansa peranchis empu ia, di kumbai "L'Arlesienne de Bizet", "The Girl from Arles" by Bizet. Taun tu sida Anaïs sekelas belajar ke pengawa Alexandre Bizet, kompositer muzik klasik peranchis ada taun 1838 kelia.

Ukai ka muji anak diri wai, mali kelalu dilangkung ka urang tuai. Tang Anaïs tu bisi hidden talent ka ribai. Nadai kala ngambi piano lesson, tak nemu kediri main piano. Ari umur ia 6 taun taja sepiak jari aja. Suah diasuh masuk piano kelas, tang ia empu enggai enda minat ka ia.

video

Thursday, November 20, 2008

Pre-X'mas

Image Hosted by ImageShack.us
Champs-Elysée Avenue

Image Hosted by ImageShack.us
The two stars!


Lemai kemari siku pelakun tekenal peranchis, Marion Cotillard, di sempulang ke Datuk Bandar Paris, Mr. Betrand Delanoë enggau sekeda pemesai bukai, di beri basa muka pengerami masang lampu bemacam kaler, kena ngintu ari Christmas enggau taun baru ke ka datai tu ila. Ari Champs-Elysées ngagai Place de la Concorde lalu enda ketinggalan Eiffel Tower, semua endur tu manah endar di peda malam ari belabuh ari pukul 7.00 lemai.

Taun tu mega keterubah ia Marché de Noël (Christmas Market) pan bisi di pejadi ba sekitar endur tu. Ahaaaaa....

Ka ati, minggu baru ila, enti nadai penanggul deka mansang kin kami sebuat enggau ngeruh ke ai ! Tu meh utai ke ngerami endar mata enggau ati maya celap, ari tumu malam nadai ngetu ujan. Lama udah nadai panas menua tu. Enda berapa endar.......

Enda sabar agi ka pulai kemisi berambih enggau bala kaban, diri sebilik bulan duabelas tu ila. Kami menyanak terubah ia taun tu bisi peluang pulai enda lama berami nyambut Christmas di menua din. Gaga ati bala anak....indai pan sama !!!

Sunday, November 16, 2008

'Têtes à claques' Pilot 1 & 2

http://www.tetesaclaques.tv/video.php?vid=771

http://www.tetesaclaques.tv/video.php?vid=921


(Penerang di ambi ari Wikipedia)

Têtes à claques is a French-language humour website created on August 16, 2006. Over one million short videos are watched per day, making it one of the most popular francophone websites in Quebec and Canada. As of October 2007, there are 60 videos. The most popular of these include Le pilote, Le Willi Waller, and Halloween.

The creator, Michel Beaudet, has expressed surprise at the popularity of his site, and has said it has reached a size he would never have dreamed of.

The skits feature characters sculpted from modelling clay that are fairly simplistic. Michel Beaudet creates the figures himself, by superimposing his own moving eyes, mouth, and sometimes nose, on their faces with a computer. In addition, Beaudet has a box of fake, grotesque teeth, which he puts in while his face is being filmed. The phrase tête à claques translates loosely as "a face so ugly, you want to slap it."

The site has also become very popular in France, not only because of the intentional humour and wit, but also because of a stereotypical Quebec French pronunciation, which differs greatly from pronunciations used in France, as well as the frequent anglicisms (English words or expressions inserted into speech).


NB : Video lucu tu datai ari Quebec, Canada. Amat geli ati ninga jaku ribai beseleng peranchis kena 'katun' tu berandau.

Thursday, November 13, 2008

Kumang Mit

Image Hosted by ImageShack.us

Gambar di ambi maya kemisi bulan enam taun 2002. Bebilang bansa bala kumang tu. Ari kiba: Lydia enggau Anaïs (iban + peranchis), Farah (iban + melayu), lalu ke penudi, Tasha (iban + bidayuh). Farah enggau Tasha anak menyadi aku. Malaysia warna warni kami sebilik! Bajik comel endar sida empat ia ngena ngepan iban. oohaaaaaaa!!

Indai aku kelia landik ngayam tikai, betenun, ngait, berapi, ngaga tuak. Diatu ukai enda landik agi. Mayuh pemedis, udah tuai meh nya. Taja pia agi ga ia rajin ngereja pengawa bukai ke kurang ngemedis ke tubuh enggau mata. Ia meh ke ngaga semua kain ngepan enggau marik empang ke kena sida uchu begambar nya. Apin ada sida indu dara tu kelia, baka ke nemu diri mayuh uchu indu ga ia. Au ah, 4 iku agi uchu indu enda enggau begambar maya tu. Keling menua kami tau ambi ke 'pesaka', 2 iku aja!

Tuesday, November 11, 2008

Durian mania!

Mayuh bala ngirum ke aku ngena e-mail gambar musim buah di menua diatu. Lalu meda bala buah-buahan menua kitai baka ba 'ruai' kenergy http://roundraun.blogspot.com ngasuh balat agi ati tu lelenggau ka pulai...makai buah..daki nik!!

Ditu aku mantai ke gambar di ambi adi aku, Eileen, di Sebuyau, dua minggu ke udah. Aku besemaya enggau ia, deka mandang ke bala gambar ke sekeda nya diambi ia empu, sekeda nya bala bukai. Ma meda ia dalam gambar, assistant tukang gambar meh megai kamera! hehehe


Image Hosted by ImageShack.us
Bandar Sebuyau.

Image Hosted by ImageShack.us
Diana (cousin-in-law) ari kiba endar enggau adi aku Eileen, ngena tupi mirah. Sori, kaban dua iku ke bukai nya enda aku ngelala.

Image Hosted by ImageShack.us
Ramzi (brother-in-law) enggau cousin aku, James, ari kanan. Eh, enda nemu pengawa seduai tu, ngumpul durian, tauka ka nugal ??

Image Hosted by ImageShack.us
Langkau mit, endur nyimpan durian ke udah di gumpul.

Image Hosted by ImageShack.us
Di tancang enggau tali buah durian, enggai ke lepas rari !!

Image Hosted by ImageShack.us
Nyu sarat kerita sida ia endur ngangkut buah durian.


Sunday, November 9, 2008

Gambar penudi pulai raun.

'All good things must comes to an end' ka ribai. Bah! Naka tu aja bala gambar kami menyanak cuti sekali tu. Arap ke bala kita, tepantup ati meda ia, lalu bala ke bisi ati deka nemuai ke Peranchis kitu maya cuti ila-ila, anang nemuai naka menua Paris aja. Enti ulih, gumpul umbas ia belanja, meda menua tu jauh agi. Tang amat munyi jaku sema kitai, ma ke Egypt enda meda 'Pyramide', ke menua Merika enda meda 'The Statue of Liberty' lalu nemuai ke Peranchis enda meda 'Eiffel Tower' amat enda sah pejalai kitai nya, enda pia?

Nyu netap ditu, lain ga runding tu, pemanah negeri besai endang enda ulih di banding tang sepi aku rindu agi aku nemuai bejalai ngagai menua mit/pendalaman. Rindu ke betemu enggau urang empu menua, sida ia lebih agi mesra, welcoming ka ribai. Enda beguai baka ke ka tinggal bas aja! Castles (istana lama), rumah lama, endang meruan diintu, rindu ninga sida 'tourist guide' nusui cerita pengawa urang kelia, lalu di ambi ke teladan urang ke maya ari tu. Menua rimba ditu jauh agi beresi ari negeri besai. Bedau dikacau sebun tauka asap kerita. Kayu balak enda di tebang ngapa. 'La nature est sacré'..the nature is sacred.


Image Hosted by ImageShack.us
Endur sungai Vezere (kiba) enggau sungai La Dordogne betemu.

Image Hosted by ImageShack.us
Pintu penama ke Limeul.

Image Hosted by ImageShack.us
Limeul perihistorique village.

Image Hosted by ImageShack.us
Siti agi pintu penama.

Image Hosted by ImageShack.us
Daun bunga tumbuh atas atap rumah.

Image Hosted by ImageShack.us
Rumah 'troglodyte' di Limeul. Bisi meda rumah siti agi atas nya?

Image Hosted by ImageShack.us
Rumah setengah kayu enggau batu di Trémolat.

Image Hosted by ImageShack.us
Bandar mit, Trémolat.

Image Hosted by ImageShack.us
Kedai souvenirs di Domme.

Image Hosted by ImageShack.us
'Sunset' ari Domme.

Image Hosted by ImageShack.us
Anais nepan kuda mit (pony) di Cenac.

Image Hosted by ImageShack.us
aha!..enggi Lydia stidi agi kuda ia.

Sida ia sari nya asuh 'cikgu' sida ia nepan kuda enda ngena saddle 'penuduk' maya halloween. Balat basah tanchut ka anak, ketegal jelu kuda nya ke bepeluh! Adat halloween, kenu.......


Friday, November 7, 2008

Gambar pulai raun..2

Alai ke ngambi gambar menua tu malam ari (baru pukul 6.00 lemai maya nya) laban kami menyanak ke udah raun dalam babas maya agi siang, tukang masak tu 'mogok', lembau berapi. Udah besiap bekemas ngadu ke diri, kami menyanak nurun makai ke restoran di bandar Sarlat.


Image Hosted by ImageShack.us
Ansa gaga ari temaga, tanda menua Sarlat. Endur temuai beposing!

Image Hosted by ImageShack.us
Boutique nyual wine.

Image Hosted by ImageShack.us
Boutique nyual 'foie gras', ati ansa.

Image Hosted by ImageShack.us
Restoran endur kami menyanak makai. Sapa ka duduk makai di luar nya, celap!!

Image Hosted by ImageShack.us
Kedai nyual souvenirs enggau alai ngirup.

**********


Rumah batu dalam bukit tau mega di kumbai 'troglodyte', di Reignac. Di gaga maya abad ke 14 kelia ulih siku urang kaya ke megai kuasa ditu kelia. Nyentuk ke saritu, endur tu agi diintu bala 'historians' lalu di jadi ke muzium.

Image Hosted by ImageShack.us
Landik amat urang ke ngaga tempat tu kelia nebuk bukit nya endur berumah.

Image Hosted by ImageShack.us
Jalai penama.

Image Hosted by ImageShack.us
Endur meli tikit enggau kedai souvenirs. Zaman modern ni !

Image Hosted by ImageShack.us
Kaki tangga.

Image Hosted by ImageShack.us
Bilik dapur.

Image Hosted by ImageShack.us
Bilik makai.

Image Hosted by ImageShack.us
Bilik endur nyambut temuai.

Image Hosted by ImageShack.us
A knight armor.

Image Hosted by ImageShack.us
Bilik tinduk. Alai katil tu pandak peda kitai, bansa ribai dulu kelia enda tinduk gali. Mali ke penemu sida ia. Tinduk duduk! Semina urang udah mati tau di gali atas katil.

Image Hosted by ImageShack.us
Nadai sida kuda agi kena mindah, aram nepan kerita! Rampa menua di peda ari atas rumah troglodyte.