Tuesday, September 30, 2008

Selamat Hari Raya Aidil Fitri!

Image Hosted by ImageShack.us



" Selamat Hari Raya " ke bala kaban kitai urang muslim, pangan enggau menyadi!

Arap ke sentiasa sihat selalu, diau dalam aman enggau bala jiran, diri sebilik, lalu murah rezeki ari diatu nyentuk ke belama ia.

Wishing each and everyone, peace and joy!

Sunday, September 28, 2008

St. Michel's Funfair, Crécy

Pengawa pengerami St. Michel tu endang ditaga ke maya dia tu, tiap taun. Ia nya tiap ari penudi ujung minggu bulan sembilan. Ia diatur ke kena nanda pengujung musim panas, lalu ngelalu ke penatai musim luruh. Bemacam-macam gerai serta aturcara di pandang ke sida ke megai menua tu kena ngerami mensia mayuh ke datai ngerindang ke ati enggau pangan, kaban serta diri sebilik. Taun tu kira ke rami agi ari taun ke udah, laban ari manah beturut-turut kena ari enam enggau ari minggu tu.




Image Hosted by ImageShack.us
Pintu penama, penatai temuai.

Image Hosted by ImageShack.us
Gerai nyual wine enggau pemakai tradisi peranchis.

Image Hosted by ImageShack.us
Folklore Dance, pesembahan ari warga mas!

Image Hosted by ImageShack.us
Nganti penatai local YB.

Image Hosted by ImageShack.us
Tu ia YB nya, Monsieur Phillip. Veteran perang dunya kedua kelia.

Image Hosted by ImageShack.us
Pameran kerita, pan bisi. Kerita tu tau di pandu enda ibuh belisin.

Image Hosted by ImageShack.us
Gerai nyual bunga, autumns' flowers.

Image Hosted by ImageShack.us
Monsieur et madame, nyual 'sea food'. Geng bekerapak mega!

Image Hosted by ImageShack.us
Bala temuai.

Image Hosted by ImageShack.us
Octopussy ride. Anaïs enggau Mathieu.

Image Hosted by ImageShack.us
The monster!

Image Hosted by ImageShack.us
Bumpy ride, ke Lydia enggau Alyson.

Image Hosted by ImageShack.us
Tukang gambar tu ngemata ke pengawa urang aja!



Friday, September 26, 2008

Pont d'Austerlitz enggau Gare de Lyon, Paris.

Kemari kami tiga menyanak (Lydia enda enggau, agi sekula), ke Paris. Kami kin laban mai Anaïs temujanji enggau lutur pakar di siti spital ungkup ke anak mit. Tiap tiga bulan sekali temujanji nya. Anaïs tepaksa minta pemendar ari cigu ia, ponteng seketak ari.

Udah tembu diperesa, lutur madah ke ia tau enda ibuh dibai ke spital nya agi, tau diperesa lutur kami sebilik ditu di Crecy. Semak meh, ke Paris kin nyu dua kali betukar keretapi baru datai ba spital nya. Tang nadai ibuh ke tu ga, asal tudah anak aku nya gerai, sihat. Nadai pemedis ngirau ke ati agi.

Baka selama, aku endang ngambi peluang ma kami bisi ari ke Paris, mesti mai kamera. Laban taja pan diau enda jauh ari negeri besai tu, jarang endar ka kin. Enti nadai kebuah endang sigi lembau ga. Tambah, lembut pala patung diving kin, balat pemayuh kereta ba jalai highway. Enti enda teleba endang temati kutu meda trafik bakanya! Nya kami sebuat ke ngena keretapi tiap kali kin. Pia mega jam tebasau ngiga endur parking. Enda nemu mindah agi bala mensia ma udah tulih ke endur parking!



Image Hosted by ImageShack.us
Pont Charles de Gaulle (jembatan Ch. de Gaulle) di peda ari Pont d'Austerlitz.

Image Hosted by ImageShack.us
Bangunan ke baruh nya, endur bala 'CSI'(France) mansik ke jenayah.

Image Hosted by ImageShack.us
Siti ari bangunan ke tebilang di Paris ulih peda ari jembatan Austerlitz, the cathedral of Notre Dame.

Image Hosted by ImageShack.us
Notre Dame de Paris, sungai Seine & jalai George Pompidou.

Image Hosted by ImageShack.us
Anaïs & me.

Image Hosted by ImageShack.us
The clock tower ba stisin keretapi, Gare de Lyon.

Image Hosted by ImageShack.us
Pasar enggau restoran seberai Gare de Lyon.

Image Hosted by ImageShack.us
High Velosity Train nganti penumpang dalam Gare de Lyon.


Image Hosted by ImageShack.us
Apu..lelak jadi tourists!


Tu aja gambar ulih ambi aku kemari. Bisi ari nemuai ke Paris, ila begambar baru.

Monday, September 22, 2008

Jaku Gerah!

Rindu ati udah tembu ngadu ke ruai baru aku. Bala ke sudi ngabas, aku mai kita nilik ia ba add. tu http://lyana-kitchen.blogspot.com . Arap ke kita anang nganu. Minta ampun mayuh2 dulu. Ruai aku siti tu di tulis ngena jaku ribai. Kira ke enda pass meh aku tu enggau besalin ke ia ke jaku kitai. Enggai ke abis salah, saru kini ditulis ila. Pecuma resipi ka diuji kita enda jadi laban salah kupi!

Aku mantai ke lauk pauk, kuih muih ke suah ditunda aku maya ke bisi ari meda ari bup tauka website. Enti bala kita bisi penemu bukai pasal masak memasak tu, nadai salah mai bekunsi ditu ga.

Wednesday, September 17, 2008

Musim buah apples!

Untung aku diberi ke jiran aku buah apples. Mayuh apples seduai ia taun tu, nyu enda ulih empa ka ia. Tang endang sigi tiap taun ga seduai ia melaki bini magi ke kami menyanak apple tanam sida ia empu ari turun menurun. Alai aku madah munyi tu, sida ia endang urang asal ba menua tu. Kemayuh bala kami ke diau ditu kira ke urang datai magang. Nyu kira ke baka kitai ke diau ba rumah panjai urang asal menua tu meh jiran aku nya. Madang apples sida ia ba endur aku ke mai Anaïs enggau geng ia raun ari enam nyin suba.

Apples ari kebun nya nadai ditundi macam-macam jenis ubat kena ngetan ke ngambi ke manah dipeda. Anang kira deh gaga endar ga sida anak ulat dalam nyin. Nyu gegemuk!! Anang saru wai, buai dulu ga sida ulat tu sebedau di panduk. Mayuh agi ke tebasau laban tu. Berasai manis agi ari buah apple ke di jual di kedai, sepi aku. Sekeda apple tu udah dipanduk aku ke stewed apple. Pama meh stewed apple nya jadi ke 'pencuci mulut' udah badu makai. Local delicacy ga tu.



Image Hosted by ImageShack.us
Bebesai buah apple nya.

Image Hosted by ImageShack.us
Rindu munsi buah apple, sambil makai ga!

Image Hosted by ImageShack.us
Sirap umbas ia pemesai, dua mangkuk mit gula enggau segelas ai amat.

Image Hosted by ImageShack.us
Panduk sampai apple nya lembut, nyu baka stail baka jam tang kurang pekat.

Image Hosted by ImageShack.us
For your eyes only!

Image Hosted by ImageShack.us
Apple Pie.


Gambar apple pie ke penudi nya di gaga aku minggu dulu suba. Tang ngena apple dibeli di pasar.Sekeda apple ke agi tinggal dia ka di gaga aku ke 'creamy apple salad'. Nunda resipi Puteri. Ila ngambi gambar.

Stewed apple tau mega kena ngaga inti kuih serta tan disimpan lama dalam peti ais.


Randau Ari.

Balat ari kami ditu majak celap. Pagi tadi semina 5°C aja. Lembau dani, agi ka bebungkur enggau pua. Tang jam udah ngerak ngasuh dani cun pukul 6.45 pagi. Enti enda ngira ka ngemas anak nurun sekula, endang apin ka angkat.

Majak celap meh ari tu. 22hb September, kena ari satu lagi, belabuh musim luruh(autumn season). Diatu deh nyu puas nyapu muai daun-daun ba kompaun rumah. Enti enda di buai, nyu penuh laban daun, nyu nadai meda rumput idup agi! Pengawa siti ga tu, ngasuh kiruh maya dia tu. Bebuai ke daun-daun , rumput, bungai layu enggau dan kayu ke mit rarah kediri. Pemanah sebengkah ditu, bisi luri datai dua minggu sekali ngumpul serta mai ia ke kilang. Datai ba kilang din, di tapis urang baru ga, daun-daun kayu enggau rumput sekeda nya di ambi ke baja, sekeda dan kayu ditunu, sekeda di putung bela, lalu di jual kena bekindu musim winter ila. Nadai tebasau.

Taja pia, belabuh ari minggu suba, ari manah nadai ujan. Semina ke celap. Nyu udah ngalih ari tau ga berasai nyamai mimit, celap kuku ka kitai. Maya nya temperature niki ngagai 19°C aja baka saritu. Nyu begiga ke baju tebal ga bala ma ari udah baka tu. Tambah mega umbas ia ga angin muput ari demalam, sepoi-sepoi bahasa...bahasa perancis!! Sapa tan, taja pan lama udah diau di menua ribai tu agi meh gut-gut enda tan celap. Angat lagi merepek ga, nyu nadai ngena! :)

Monday, September 15, 2008

Pengawa ari enam.

Anaïs, anak aku ke biak udah nyambut ari pengada ia ke bendar kena 13hb August tu tadi. Tang maya nya ia enda ulih 'invite' bala geng ia, laban ke agi kemisi sekula. Jadi Anaïs besemaya enggau bala ia deka mai serumpu tengahari ari enam tu tadi. Gaga endar tudah tuai, 5 iku ari kawan rapat ia ulih datai berami enggau ia, makai kuih serta betundi enggau diri sama diri.



Image Hosted by ImageShack.us
My friends & me!

Image Hosted by ImageShack.us
Cookies, chocolates, pancakes (!), and more cookies !

Image Hosted by ImageShack.us
Ari kiba ke kanan : Juliette, Esther, Alicia, Charlayne, Anaïs & Alyson.

Image Hosted by ImageShack.us
Cheeeeeeeeeeeeese!

Tu meh pengawa aku ari enam tu tadi. Kiruh sekejap baru, nyambut bala 'pengabang' Anaïs. Ari kira ke manah, tajapan udah berasai celap mimit diatu. Bisi endur sida sebuat ngelantang ke ati 'bemain' enda lama di luar rumah.


Image Hosted by ImageShack.us

Thursday, September 11, 2008

Semadi berandau........

Serbia 1 - France 2

Lemai kemari France ngalah ke menua Serbia... 2 - 1. Niki mimit points sida peranchis sekali tu dalam pekit main bul berebut ke Piala Dunia 2010 ila. Kena 11hb Oktober ila ngelaban pemain ari menua Roumania. Kemaya ka meda bala pemain kitai ari Malaysia belaban berebut ke Piala Dunia tu?

Saritu mega kitai bela agi ingat ke trajedi 11hb September 2001 suba. Ari ke pemadu nyinu ke ati kitai, lebuh seluruh dunia 'ngemata' ke beribu iku mensia mati pecuma lebuh 'The Twin Tower' di New York ke runtuh ketegal pengawa jai sekeda urang ke nadai ati 'peri kemanusian'. Ngarap ke pengawa baka tu enda agi berulang ke dudi ari ila.

Lemai tu tadi, kami ditu balat dipuput kabut, ujan serta guntur! Berita ari upis ramalan cuaca ditu, madah ke ribut nya datai ari 'iku' typhoon ke benama Hannah, ke udah mangka Lousiana di US, Haiti, Cuba enggau Gulf of Mexico. Nasib enda lama, bisi ampit meda ujan batu ga. Mesai leka buah guli ke mit. Bisi sekeda endur rumah bisi ampuh laban ai bah serta nadai karan lemai tu. Endur kami ditu kira ke selamat, tajapan agi ujan beberis.

Bah, nyu udah jauh malam tu, ka ninduk ke diri.......z z z z z z z :o

Monday, September 8, 2008

BBQ

CHARTRES, 7 sept 2008 (AFP) - Un millier de cochons ont péri samedi matin dans l’incendie d’un hangar d’une exploitation agricole située à la Bazoche-Gouët (Eure-et-Loir) près de Nogent-le-Rotrou, a-t-on appris dimanche auprès des gendarmes.

Le feu s’est déclaré peu avant 5 heures du matin, pour une raison encore inconnue, précise-t-on de même source. L’exploitation comptait 1.800 bêtes de 40 à 150 kilos, réparties dans deux hangars. Un seul bâtiment a été touché par le feu. (AFP)

******************************


Berita tu di peda aku ba suratkhabar net tu tadi. Enggai enda bekunsi enggau bala kita pagi tu laban balat pemayuh jelu babi tu mati sereta pagi ari enam ensanus.


Kenu ka berita nya madah ke lebih 1800 iku anak ngut, pemerat enda kurang ari 40 - 150 kg siku, parai retung empa api di ladang nupi jelu tu di menua ke di kumbai 'la Bazoche-Gouët (Eure-et-Loir)' di menua peranchis tu.

Ka urang ke empu ladang nya, api belabuh nyerarai balat endar ari kira pukul 5.00 pagi. Siti ari gudang kayu ke endur ia nyimpan sekeda jelu nya, sama enda jauh ari endur ia ke angus nya, nadai apa nama. Penatai api agi di pansik gendarmes (pulis).


*******************************



NB : Apu..kasih ga bala jelu tu tak diteju retung enda nemu diri. Taja pan nya jelu pakai kitai ari ari. Balat bau wai, siku anak ngut di bbq umbas tepuk asap ia, anang ke nyu lebih 1000 sereta !!

Saturday, September 6, 2008

Austria - France

Nasib nadai progrem manah ba channel bukai lemai tu. Laling aku enggau anak aku ke biak benung genung-genung ngemata ke football secara langsung ari L'Ernst-Happel Stadium di Vienna (Austria) ba TV channel 1 kami ditu.

Benung ke nulis post tu, Austria udah bulih dua gol. Arap ke udah abis 'half-time' lagi sida peranchis ngemasuk ke siti gol, pama meh. Sapa bala kita bisi dani jam diatu meda main bol ? Hehehe...agi 'biak' malam kami maya tu, nya jam baru nunjuk ke pukul 10.00pm. huhuhu...masam mua laling aku nya, ka ga ia madah ke aku match ke siti tu endur milih sapa ke qualified masuk ke tingkat atas agi, berebut ke tempat terubah ngagai Group 7, ka ia. ceh..ceh..ceh..pia, agi ga blur, 'nge..au' ke ngapa ga aku. Ngarap ke pasukan peranchis ulih ngalah ke sida Austria.

Lemai tu ari terubah ia bala 'kelab pemain bola europah', belabuh belaban main bol kena ngenatai ke diri ke 'World Cup 2010' ila di menua Afrika Selatan din.


**********************************************************************************

Berita bukai.....

Pagi tadi aku temujanji enggau lutur kami sebilik. Aku ngaga temujanji nya kena ia ngemendar ke aku enggau masuk kelab ngerai serta ngenan ke tubuh. 'Club de Gym.' ka kaban ditu! Tiap-tiap taun maya dia tu mesti di 'renew' ke kad jadi member nya.

Siku-siku kitai nadai sebaka, jadi, sebedau diterima dalam kelab tu, kitai mesti ngembuan setipikit pengerai ari lutur dulu. Enti enda sihat, enda di terima mandur!

Udah di cek tadi, nadai apa-apa, sah!, enggau baru bersenam dua kali seminggu. Rindu ga enggau masuk kelab tu, laban bisi geng. Enti nadai urang enggau enda nyamai ga mansang kediri. Taun tu masuk ke 6 taun bala kami segeng besenam ba kelab senam nya.

**********************************************************************************

apu...3 Austria - 1 France... Allez les bleus !! ( agi nyukung peranchis :), tajapan alah.


Note : Udah betukar kaler 'ruai' aku, ilham baru !

Wednesday, September 3, 2008

Raja Mayau !

Nama 'ayam' kami sebilik tu, Calisto. Ulih ngiga ba wikipedia nama ia tu http://en.wikipedia.org/wiki/Callisto_(mythology). Taja pan anak raja nya indu, mayau kami tu laki. Nya ke semina bisi siti huruf 'L' ba nama ia. Umur ia baru 4 taun. Berat tubuh 5 kilo. Ka amat 'ngasu' enda tau meda anak burung serta anak chit! Tang taja rajin bakanya, ia enggai makai jelu asu ia empu, semina ka beduwan sida aja, udah nya di lepas ia baru.

Pasal tinduk lumur satu. Dini-dini alai! Taja pan bisi khas endur ia empu. Tu bala gambar ia diambi sida anak maya ke ke enda nemu diri.



Image Hosted by ImageShack.us
Baru dani, tekenyit ke diri kena gambar. Di temu tinduk dalam sangku bilik mandi!

Image Hosted by ImageShack.us
Asal bakul gari tu puang, ia lalu ngambi peluang....

Image Hosted by ImageShack.us
Ba atas katil, di bilik tinduk Anaïs.

Image Hosted by ImageShack.us
Berambih tinduk enggau Anaïs ba sofa.

Image Hosted by ImageShack.us
Sekali tu ia ditemu dalam bilik Lydia.

Image Hosted by ImageShack.us
Nya ia asai ke ia kediri aja empu sofa nya!

Image Hosted by ImageShack.us
Tu endang endur ia empu, tang jarang ia ka tinduk ditu.

Image Hosted by ImageShack.us
Nemu ringat, ka gamal ia. Ketegal kutak kasut enda umbas endur tinduk!

Image Hosted by ImageShack.us
Favourite past time, ngemata ke mayau bukai ari perabung rumah !

Image Hosted by ImageShack.us
Favourite food! Wiskas 'crocquets'...NO.1 !!


Apu, nadai nemu mayau mereti baka Calisto tu. Nemu kemi enggau bira dalam agu ia empu. Kiau-kiau ia ngangau enti sema pintu bilik jamban ke endur nyimpan 'talam' ia nya di tutup. Rindu amat nupi jelu baka tu.

Tuesday, September 2, 2008

2nd September, Ari Pengada Lydia

Image Hosted by ImageShack.us
Gambar Lydia enggau main jimnastik taun 2003.

Image Hosted by ImageShack.us
Equitation Club, Mai 2008.

Image Hosted by ImageShack.us
Lydia




Saritu ari pengada ke 15 taun anak aku ke tuai, Lydia. Amat enda berasai ga bisi anak dara 'ngenuai' tu! Taun tu (ari empat tu lagi) ia masuk kolej, udah pass peresa secondary school ia ujung bulan enam tadi. Baka anak remaja kemaya ari tu, ia mayuh pengerindu.

Terubah suba enggau main jimnastik ari taun 1998-2003, rindu meda ia ngena baju belik-belik bemacam kaler maya bisi persembahan. Lama ia rindu ke jimnastik tu.

Udah nya pengerindu kitai siku-siku tau berubah, enda? Nadai ka enggau, nadai agi meda baju belik-belik, bemacam cura agi! Taun tu masuk ke empat taun udah ia dalam kelab nepan kuda tu.

Well, Lydia, Gros Bisous et Bonne Anniversaire à toi !