Friday, June 26, 2009

Udah datai.

Apu..puas endar laban nadai 'free online' ba sida indai aku din serta enda ulih ngena netbook baka selama. Saritu aku pansut enggau bala anak ke 'Spring' ngenyadi ke free wifi di Starbucks. Gaga deh !

Tang aku bedau ulih upload gambar diatu, bedau bisi gambar dikunsi ditu :-( ...

Balat ga ari di luar dia, di peda ari 'café' tu, bendar endar bekilat serta beguntur. Manah ga ari ka ujan nya, ngica ke malam lagi celap mimit. Balat angat! hehe nyu enda teleba angat bakatu. Udah dua tiga ari, ila pama agi ga tubuh tu ngenat ke angat nya. Tak agi madai, bai terebai 13 jam ari menua Peranchis nyin serta bemalam semalam di menua 'tapa singa' !

Bah, ila berandau baru. Ka bejalai, 'eye supping' meda utai di jual sebelah kedai dia.....kaung2 ga anak ka meli chocolate waffles ba 'Chocolate Fountain'....beli meh, asal enda ngacau agi..hehe

Tuesday, June 23, 2009

Au revoir, Paris !

Netbook tu penudi iya ka di kemas. Nya deh, agi dikena tu..hehe Bedau deka nyimpan dalam beg, hand luggage wai. Enggai nyimpan ke bukai, enggai ke pecuma enda meda iya agi. Rusak kini, tauka di jengkau bala ke bisi ngembuan antu ' panjai jari ' rantau jalai ila !

Bilun kami menyanak deka berangkat pukul 11:30 malam lagi. 13 jam ngenat ke diri dalam nyin, terebai semalam malam ila. Meda ka enti, kelalu lelak tinduk sejam dua kini. Enti enda buntau meh! Ukai nyamai tinduk duduk !! Aku udah bebekal ke bup siti
deka di baca. Enti cerita wayang ba in flight movie enda berapa tauka cerita udah dipeda, lembau ga nunga cerita 'ulang tayang'. Rugi enda ulih ngena netbook tu benung ke terebai dalam bilun nya, pama ga pandak mimit jam nganti ke datai.

Bah, nyu udah pukul 4:15 pm diatu. Ka berapi dulu. Makai lemai dulu kami sebuat sebedau berangkat. Badu makai lagi, ngemas sekeda utai ke patut dikemas agi ga, nutup beg ke agi lelengga nganti barang 'last minit'. Deka berangkat ari rumah tu kira pukul 8:00 pm lagi.

Datai di Singapore lemai pagila baru berandau baru...bye !! :-)

Sunday, June 21, 2009

The Fête de la Musique.

Saritu (21hb June), lalu baka tiap taun kena ngintu ari terubah musim panas (summer), ninting endur di menua France tu, bisi ngatur ke pengerami kunsit muzik. Taun tu pengawa tu diatur ba Parc de Bagatelle di Paris.

Ba menua Crécy endur kami menyanak diau tu, pelaba aku benung meh bala ke ka mantai ke penau diri belagu dia. Aku nurun ke pasar pagi tadi meda pentas udah disedia ke endur pengerami lemai tu. Lembau endar tulang tu ka dianjung meda pengawa nya kin. Nyamai agi meda ba TV bala penyanyi tekenal ke bisi jadi tetamu khas di Parc de Bagatelle nya. Rindu ati udah meda Jason Mraz nyanyi ke lagu "I'm yours..", Seal mai lagu lama "Knock on wood..", Alesha Dixon mai lagu ia empu ga "Boys does nothing....", James Morrison...nyu enda ingat ke nama lagu bai siku tu tadi. Sekeda penyanyi ke udah di peda ketebal agi penyanyi Peranchis ke majak niki diatu, ukai niki tangga...hehe....niki ka jadi tebilang !!

Aku tu semadi meda TV nya, agi mayuh pengawa lemai tu. Bedau tembu barang dikemas ke ka bai kemisi. Ngetu enda lama ga ari bekemas, bisi ga ari natuk berita ngambi ke dikunsi ditu lemai tu.....:-))

ahhhh..gagit ga ati ka enggau bala anak meda 'bunga api' di pasang lagi. Enda ibuh mindah ga, meda ari jendila bilik tinduk Lydia, pama meh...'bunga api' di timbak ari Euro Disney Parc...free show !!! woohooooo...

Saturday, June 20, 2009

Selamat Hari Apai!

Image Hosted by ImageShack.us
Apai aku.

"A Father Just Like You"

"I just want you to know
you mean the world to me,
Only a heart as dear as yours
would give so unselfishly.

The many things you've done,
all the times that you were there,
helps me know deep inside
how much you really care.

Even though I might not say,
I appreciate all you do,
Richly blessed is how we feel
having a father just like you."
(Funmunch.com)

Nuju bala 'apai' ke mansa ruai aku : 'Selamat Ngintu Ari Apai' ke kita semua! :-)



Wednesday, June 17, 2009

Bekemas ka mupok kemisi.

Image Hosted by ImageShack.us
Puas ati saritu, dua ari tiga igi beg ke ka di bai udah siap diisi. Semina nganti barang 'last minit' agi, nya baru ngerepau iya ila. Beg ke lumur tiga nyin bedau dikira agi laban endur nyimpan bala gari. Agi bisi sekeda gari ke ka dibai deka di tuchi dulu. Nganti udah rangkai ila, ngica ke ari tu majak manah meh, baru belabuh nyimpan bala gari kami menyanak. Enda ga irau ke nadai gari kena cuti, tang lembau nurun ke pasar shopping ke gari, ka agi aku ke pasar ngiga pemakai, untung agi, perut pan kenyang ! hehe

Image Hosted by ImageShack.us
Ngumba endar, bisi lebih seminggu tu udah bilun nadai ngetu mansa kami ditu. Siang enggau malam ! Nyu udah teleba ninga, nadai tentu ngacau agi. Pemaruh bilun nya terebai nyu ulih diambi gambar ari patio rumah tu. Ngelamatu bisi ga mansa tang udu peninggi suma dipeda di langit din.

Image Hosted by ImageShack.us
Peda bilun siti tu, perati ke pemaruh iya terebai, baruh ari remang! Sekumbang ari udah manah diatu, ulih peda ari ni penatai menua bilun nya, ari kaler 'iku' iya. Pama ga penyauh endur kami diau tu ari padang bilun Roissy Charles de Gaule, kira 45 km. Gambar bilun dua iti tu diambi kilah ensanus.

Sunday, June 14, 2009

Penatai kaban baru.

Tengah ari tadi baka ke udah di janji, kaban baru aku ari FB datai ngusung kami menyanak ditu. Alice, indu iban ari Sri Aman, baka aku ga udah lama diau di menua France tu. Rindu endar betemu enggau kaban 'semenua' sama diau semak ditu. Laban jarang endar betemu enggau diri sama bansa di menua peranchis tu. Enti enda ari ke 'bejegau' ma dunya IT tu, nadai nemu jalai kati ka ngiga pangan/kaban tau dikelala ngemudah nya. Ngena kerita, penyauh alai kami duai Alice diau kira setengah jam aja. Sida iya ba bandar. Kami menyanak ba 'countryside'.


Image Hosted by ImageShack.us
Maya 'coffee time' sida menyanak datai. Ka jaku 'coffee time' tang siku pan nadai meh ngirup ai kupi. Ai manis enggau champagne...ehemmm...kena nyambut bala baru betemu! Kuih di gaga...apple pie enggau cerodok pisang. :-)

Image Hosted by ImageShack.us
Alice enggau 2 iku anak 'bujang' iya...ke biak benama Romain. Ke tuai benama Guillaume, ngena T-Shirt mihah....hehe

Image Hosted by ImageShack.us
Bemain enggau mayau...apuu...nelap endar mayau jiran aku nya, dikerebuk ke Romain mata iya, enda meh lari. Nyu ulih apai iya nagang enggai ke mayau nya ngeramak Romain !

Image Hosted by ImageShack.us
'Heros' kami duai (Jean-Jacques & Nico) agi belala berandau.....

Saturday, June 13, 2009

Nuchi patio.

Mayuh endar pengawa di luar rumah maya ari manah. Tambah ka mupok kemisi enda lama agi, enggai enda dikemas ga rumah, ari dalam tauka di luar nyin. Puas ka asai ati din, enda ninggal rumah tak temerak, kompaun seruran beresi kenu. Lemai tadi udah badu nginjin rumput, kami duai laling aku berunding deka meresi patio ba mua rumah tu ga. Nyu bekerak lama enda di tuchi. Maya rangkai enda berupai kerak nya tang ma udah basah laban ujan tauka kena ai maya manjah bunga, enda rajin mata meda. Kamah endar ! Lama udah anggur kami duai ka meresi patio nya, tang nya meh, laban penanggul pangan ke masuk spital ujung bulan lima ari nya, nyu betangguh rancangan nya.

Nyamai endar bisi injin baka 'pressure washer' tu kena nuchi kerak ba patio nya. Enda kiruh diberus enggau ai sabun, ngena ai paip aja. Lengan, jari kitai pan enda pedis ga. Semina ngetan ke hose aja. Baka pemesai patio kami dia, enda datai sejam nuchi ngena injin tu.

Image Hosted by ImageShack.us
Injin 'high pressure washer.

Image Hosted by ImageShack.us
Gamal patio sebedau di beresi...kamah amat!

Image Hosted by ImageShack.us
Nadai kiruh, asai ka patah berang agi! :-)

Image Hosted by ImageShack.us
phewitttt ! hehe...rindu ati meda udah beresi baka tu !



NB : Pagila siku ari pangan FB aku deka datai nemuai, ngusung kami menyanak. Ngarap ke ari agi manah, deka duduk ba luar din berandau baru bekelala meh kami sebuat ila. Suspense wai...ila madah sapa kaban baru tu.....

Friday, June 12, 2009

Perpetuum Jazzile - Africa

Aku rindu meda choir group ari menua Slovenia tu, mantai ke lagu kumpulan Toto - Africa, ngena cara ke paling unik. Aram sama sama mending enggau meda sida iya ngaga persembahan nya. :-)

Wednesday, June 10, 2009

Pun cherry.

Image Hosted by ImageShack.us
Pun kayu cherry

Image Hosted by ImageShack.us
Buah cherry bedau mansau.

Image Hosted by ImageShack.us
Buah cherry udah mansau.


Benung musim buah cherry diatu. Bala ke bisi pun cherry kediri, enda kiruh meli ke pasar. Kemari aku meda sekilo cherry tu, balat pengemar. Kami bisi sepun cherry ba kompaun mua rumah din. Tuai endar udah. Nyu ka ditebang aku, laban balat 'sakit' iya suba. Ditebuk serta endur semut celum besarang. Nyu ka parai tudah. Nadai cara ka ngidup, bebuah pan semadi ga. Aku deka nebang mega ngambi ke kompaun nya luas agi, nyamai endur ngasur ke injin rumput.

Lebuh apai enggau indai aku datai nemuai kitu, taun 2003 suba, apai aku enda ngasuh aku muai pun cherry nya. Sayau ka iya, agi ulih di 'selamat' enti di beresi serta di'ubat' endur ke 'sakit' ba pun cherry nya. Seminggu apai aku, bekira ngidup ke pun cherry nya. Dua botol racun semut, ke main spray nya, beli aku kena munuh semut. Ukai enda mayuh bala semut besarang dia! Dan kayu ke udah tuai, ditebang iya magang. Pun cherry nya di berus, ari baruh nyentuk ke puchuk (enda tinggi cherry tu). Udah nya lalu spray ga enggau ubat kena nagang bala ulat serta 'indu utai' bukai 'belangkau' dia baru. Setaun udah nya, bedau ga pun cherry tu bebuah. Rugi ngapa ngemalat nya apai aku ke bedaya ke iya. Berunding ga ka nebang iya baru, aku tu! Angkat musim buah taun 2005, peda nyu baka 'chinang'...sempama sida niang inik kelia...buah cherry mansau !! Lantang ga ati. Belabuh ari nya, tiap taun iya selalu bebuah. Enda mayuh, tang pama meh sama ampit makai buah cherry, enda ibuh meli di pasar.

ahhhh asai cherry tu? Manis serta bau rengut. Enda bau ngelu. Ukai bau ubat kitai agi mit kelia, Chris. !! hehe Nemu gian....ma udah nyepi sekali. Semina enda tan lama. Enti udah mansau mesti di ambi lengkas laban jampat merekah ba pun iya din.

Sunday, June 7, 2009

Bonne fête des mères !

Image Hosted by ImageShack.us


Menua peranchis ngintu hari indai kena tiap ari minggu ke terubah ba bulan enam.

Gaga indai aku di beri 'Selamat Hari Indai' dua kali dalam setaun !

Pia mega, "Selamat hari indai" ke dua kali, ke semua bala indai ke bisi mansa ruai aku saritu. :-)

Saturday, June 6, 2009

Sedutan cerita katun 'Mulan'.





Cerita Mulan tu di tuju ke Puteri enggau anak-anak iya.

Perati ke sarang buntak bai inik Mulan ! Jadi Mulan ba sedutan siti tu, diasuh apai iya betemu enggau 'match maker', diasuh belaki, laban enggai ke iya masuk jadi soldadu. Mulan deka nganti apai iya di panggil ke raja menua Cina maya nya mansang ngelaban munsuh, sida Han. Jadi kenu ka cerita enti dalam bilik nya nadai anak lelaki ke udah berumur jadi soldadu, apai iya tau nganti. Mulan laban ke nadai menyadi lelaki, ka pan enda apai iya meh mansang beperang. Apai iya nya enda bepengerai serta udah tuai. Lalu Mulan bebendar deka nyaru diri jadi lelaki ngambi ke apai iya enda diambi raja, belaban enggau sida Han, munsuh perintah Cina ke pemadu iya bekuasa maya nya. Against his will, kenu ka ribai, Mulan lalu rari ari rumah disempulang ke buntak, ke nyadi 'guardian angel' iya.

Can you raed tihs?

Aoccdrnig to a rscheearch at Cmabrigde Uinervtisy, it deosn’t mttaer in waht oredr the ltteers in a wrod are, the olny iprmoetnt tihng is taht the frist and lsat ltteer be at the rghit pclae. The rset can be a total mses and you can sitll raed it wouthit porbelm. Tihs is bcuseae the huamn mnid deos not raed ervey lteter by istlef, but the wrod as a wlohe. Pettry amzanig huh?


Thanks to: Lynda Richman - Oxnard - CA - USA.

Thursday, June 4, 2009

La liberté !

Tu siti pengawa Calisto ke ngasuh geli ati. Maya iya ka pansut keluar, enti udah leju diau di rumah ! Ukai bisi pengawa bukai, ma enda makai, tinduk, ulah iya. Nyamai endar. Kepuas ke berati ke iya, semadi nadai pengawa ga ulah aku tu, aku deka mantai ke gaya iya 'muka' pintu. Pemayuh pintu dalam rumah tu, ulih di tulak iya enggau pala iya aja enti iya ka masuk dalam bilik. Suah agi iya tama dalam bilik Lydia tauka Anais. Bilik bukai seruran ditutup. Kelebih agi pintu bilik mandi. Kala ninga mayau rindu tinduk ba bilik mandi? Bah, Calisto tu lah siku mayau ke rindu endar tinduk ba bilik mandi, nadai ke bukai, dalam shower cabine agi ! Suah amat tekenyit meda utai tak engkubut dalam nyin.

Mulai ke cerita iya ke 'muka' pintu tadi. Nyadi pintu penama tu meh siti aja pintu enda ulih dientung iya ngena pala iya empu. Enti tudah bisi jari baka kitai, pegai gagang pintu dulu baru pintu ulih dibuka. Tang ga jelu nadai meh jalai tudah muka pintu bakanya! Enti iya ka pansut keluar, 'mengiyau' iya, madah ke diri ka pansut, lalu ngempil diri ke pintu nya. Tang mesti ditukang besai ga pintu nya baru iya nemu ngemansut ke diri...tambab kekadang mayau tu ! Puas bala anak ngajar iya kenyau ari mit kati ngemansut ke diri baka ke ba gambar di baruh nya. Temil... tak temati kutu iya enda nemu cara pansut ari pintu nya. Baka ke irau ke diri di kapit ke pintu. Taja pia, belabuh ari lemai kemari, engka nyu kepuas di ajar kini, belabuh masuk akal mimit iya kati ka bedaya ke pintu nya. Bendar uchak berunding......


Image Hosted by ImageShack.us
Miaowwww...aku ka pansut. Tulung aku, buka pintu tu.

Image Hosted by ImageShack.us
Pintu udah di buka....tang agi irau.......

Image Hosted by ImageShack.us
oii.....tau aku pansut ?!

Image Hosted by ImageShack.us
Whatever......me go now.........

Image Hosted by ImageShack.us
Me head first !

Image Hosted by ImageShack.us
Me neck...

Image Hosted by ImageShack.us
Me body.........yahooo!!

Image Hosted by ImageShack.us
Miowwww...me free!!! Je suis libre....

Image Hosted by ImageShack.us

"Time spent with cats is never wasted." ~Colette~

Monday, June 1, 2009

Gawai Mood!

Image Hosted by ImageShack.us
Opening ceremony......

Image Hosted by ImageShack.us
'Temuai' udah datai.

Image Hosted by ImageShack.us
Duduk nganti disadung ke pemakai kena ngerami ke ari besai kitai.

Image Hosted by ImageShack.us
BBQ janik udah mansau.

Image Hosted by ImageShack.us
Buah melon. Asai buah honey dew.

Image Hosted by ImageShack.us
Buah grapes.

Image Hosted by ImageShack.us
Ai 'bisa' cherry manis.


Kami menyanak pan 'gawai mood'. Nunu janik (porc chops), dagin kerindu bala aku tiga iku nya. Nadai utai bukai. Rami diri ga kami sebuat tang enda masang tabuh enggau sape baka Puteri. Ninga lagu peranchis aja. Cultural mix meh nya ! Laban laling ke agi makai ubat (antibiotiks) enda mantai ke tuak tauka wine, iya. Tang ngirup setunjuk arak cherry manis. Enti iya gerai, ngeriut mua tudah pangan di tunga arak cherry. hehe

Bah, kati gaya kita nyambut hari gawai taun tu deh? Mayuh pengabang datai? Arap ke anang kelalu palau, jimat2 ke maya dribing ba jalai alun. Awas selalu !