Sunday, August 30, 2009

Camping party.

Ari pengada Anais ke bendar iya nya kena 13hb August. Taun tu genap 12 taun anak biak aku nya. Kemari iya ngintu ari pengada iya enggau geng rapat serta sekeda bala jiran kami ke rapat enggau begulai ditu mega. Alai ke ngintu 2 minggu 'kemudian' baday iya, munyi ka kaban melayu kitai, ketegal bala mayuh udah pulai kemisi magang diatu. Betebus bala mupok kemisi maya musim summer tu! Nya meh 'penusah' tudah anak aku siku tu ada tengan maya cuti. Ukai nya enda tau enda diintu gak ari pengada nya, jemah ila ngicha ke matang agi runding, ngintu sama diri sebilik aja umbas meh. Tang nadai gak hal, tambah nyu rami diri gak kami sebuat. Nyuka 3 bulan udah enda betemu mua enggau bala jiran aku ditu, nemu lelenggau gak ke pangan diri. Enti urang enda berapa enggau kitai, nadai kebuah gak kitai ka majak ke diri, lelenggau ke urang ngapa, enda pia ??

Prugrim Anais taun tuk, lain ari taun ke udah. Lama iya udah madah ke kami duai apai iya, iya ka ngintu 'camping party' maya baday iya sekali tuk. Pyjama party, swimming pool party, kala gak aku ninga. Camping party ba kompaun rumah kami din. Ukai dalam babas! Mansang meh aku udah pulai cuti ari menua kutai, ngiga tent ke tau ngundan 5 iku mensia dalam nyin. Nadai beleman gak aku ngiga, laban maya tuk, endang sigi maya urang putih beguna ke tent. Macam-macam pengawa sida iya sekumbang musim panas tuk. Laban ke lama udah tuk ila enda ulih ngeransing ke diri ba luar (outdoor activities). Musim celap belabuh ari bulan sepuluh, nyentuk ke bulan lima taun baru ila! Kitai di menua nadai ibuh ke utai baka tuk, sapa ka tan empa angat bekemping !! Syukuuur gak wai, ari manah endar kemari...siang ari umbas iya angat, malam udah celap diatu.


Upload images
Baday kek Anais, di gaga serta diiyas Lydia.

Upload images
Besampi ke diri empu...bepengerai serta maju selalu ba sekula !! amen...

Upload images
Dikelinggi bala geng...

Upload images
Gaga ati geng rapat iya, ke ari kiba nyin, Allyson, ada sama ari, sama taun enggau Anais empu, bisi datai.

Upload images
Sekeda apai indai serta jiran ke enggau ngulu pengerami baday Anais.

Upload images
Nyah, udah maya niri ke tent. Lydia, apai Allyson enggau laling, diujung nyin, ngadu tent kena Anais enggau 4 iku geng iya bekemping.

Upload images
Nyamai diadu tent bansa tu. Dalam sejam udah tembu. Peda Calisto, mayau aku, ngenung ngemata ke utai 'nyelai' ba endur iya selalu bemain! eeechak ka ati iya; nama utai nya??!

Upload images
Gamal sida 5 iya nyendia ke diri ka bemalam dalam tent nya.

Upload images
hahaha! Tumu nutup tent, utai enda disangka datai. Nyamuk !!! Nasip semina datai maya pun lemai aja, udah nya nadai agi...nemu takut ke celap nyamuk kini??

Upload images
Semalam malam nadai tinduk, buntau! Berandau enggau betundi ulah sida 5 tuk. Pagi tadi tumu makai pagi, lapar endar.

Upload images


Udah tembu breakfast, ngemas diri serta ngemas perengka bekemping sebedau apai indai sida iya ngambi pulai, begambar baru, ke pengingat. uhuhu...bejangkit pengawa tuk! Tadi Allyson telipon madah ke apai enggau indai iya setuju ngasuh iya, mai Anais serta geng iya gak bekemping ba rumah sida iya minggu baru ila. hehe aku enggai kiruh agi...buntau gak aku laban kerja nembiak, ka tinduk tumu malam tuk.......

Friday, August 28, 2009

Hibiscus and Chrysanthemum.

Upload images
Hibiscus

Upload images
Chrysanthemum

Maya aku pulai kemisi tu tadi, balat endar repa kompaun rumah. Bala bunga ke benung galak ngembai tinggal mupok ujung bulan enam suba nyu layu serta sekeda mati. Laban nadai dipanjah ai. Ngumba endar gak, menua tu ampit kena pangka kemarau taun tu. Serta rakyat lalu ditagang enda diasuh manjah bunga enggau nuci kerita, laban pengawa nya masau ai ngapa.

Udah bekau ke belelak enda lama, seminggu udah pulai kemisi nya, aku lalu belabuh nerajin ke diri, muai rumput, meresi sekitar kompaun nya dia. Lantang meh ati diatu meda kmpaun rumah diri nyu pulai manah, beresi baka ke selama tu. Taja pan bedau suah meda ujan, tang malam ari udah berasai celap. Nyamai agi ari maya baru datai kutai.

Keran endar notis dilekat sebelah tiang api litrik enggau notis board, madah ke barang sapa dipeda pulis masau ai, bepanjah ke bunga tauka nuci kerita, deka diukum saman kira 200 euros, kurang lebih 1000 ringgit enti ditemu salah...balat ukum nya!! Laban ke enda tan ati, maya nyu udah malam (kira pukul 10:00 malam) belalai manjah sekeda bunga ke disayau endar. hehehe... Nyah, dua bansa bunga aku 'idup' baru diatu, iya nya bunga raya (hibiscus) enggau bunga chrysanthemum. Kapa aku ibuh ke saman nya, ukai pulis nya deka kiruh meronda malam berati ke pengawa tiap iku mensia ditu! Mayuh pengawa bukai ke berat agi patut di perati sida iya maya tu ari ke beterupong ke tudah aku bepanjah ke bunga neyy!!

Bah, bunga hibiscus enggau chrysanthemun agi majak ngembai diatu. Rindu endar meda seduai iya galak baru. :-)

Monday, August 24, 2009

Ujan oh ujan !!

Upload images

Tu gambar kompaun rumah udah bekau rumput 'diinjin' pagi tadi. Lembau ka ngambar maya ke agi repa tadi. Iya ga nyu rangkai, laban ke nadai ujan nyu lebih sebulan tuk udah. Kemarau mih kami ditu ga.

Upload images


Ketegal ke balat rangkai, tanah nyu balat bedebu serta berupai merekah. Bala utai tanam aku sebedau ke mupok kemisi ujung bulan kutai, nyu nadai gamal agi! Layu semua, lalu sekeda mati. Tudah laling aku ke tinggal enda enggau kemisi taun tuk, madah ke udah pansut notis ari perintah, kira sebulah udah, enda ngasuh manjah bunga, utai tanam bukai, serta nuci kerita maya tuk. Aku baru nemu pagi tadi...nasip pulis nadai mansa benung Anais ke manjah ai ba sekitar kompaun udah bekau rumput diinjin. Enti enda, pechuma kami menyanak mayar denda masau ai musim kemarau...cihhh!


Upload images

Sinu meda pun bunga hibiscus(bunga raya) aku taun tuk. Nyu semadi kak gamal bak teluk kompaun nya.


Upload images

Laban ke lama enda dipanjah, bunga hibiscus enggai ngembai. Sayau endar! mayuh endar nyumbuk nya dia.

huhu! Oohaaaaaaaaa! God Bless !! Malam tuk ujan !! Nyangka enda nyadi tadi laban balat endar guntur, kilat serta ribut. Pama gak pemalat ujan nya nurun....puji Tuhan !! Ngarap ke bala bunga ke agi betan di sekeliling rumah tuk, tau idup baru. Kelebih agi bunga hibiscus nya....agi ingat ke semaya aku enggau nuan, wai Mau aka Bintang Ati. hehe.... :-))

Thursday, August 20, 2009

Pengabis cuti musim panas.

Upload images
Chateau Monbazillac.

Upload images
Chateauneuf sur Cher.

Upload images
The Basilique of Chateauneuf.

Upload images
**Sungai Argent sur Sauldre.

Upload images
Bandar Argent sur Sauldre.

Upload images
Kebun bunga di Argent sur Sauldre.

Upload images
Hotel de Ville. Upis datuk bandar dikumbai 'Hotel'. Tang ukai 'hotel' endur bemalam!

Upload images
Tu baru 'hotel' endur temuai diau.

Upload images
Gerija.

Upload images
Belakang gerija, Argent sur Sauldre.

Baru dua ari datai di rumah, ari cuti Malaysia, kamai menyanak berangkat mupok raun baru. Sekali tu sambil ngabas mentua aku ke diau di selatan Peranchis. Sempat gak aku ngambi sekeda gambar ba siti menua ke bisi dipansa jalai nya. Pama penyauh endur mentua aku nya diau ari kami tu, kita 7 jam ngena kerita mansang kin. Agi berasai penat enggau lelak meh tubuh ke bai nemuai baru nya. Agi kena pangka 'jet lag' gak. Siang ari ngantuk, malam enggai tinduk. Nyu madai asai tubuh. Mayuh endar vitamin C dipapak ngambi ke ngering ke tubuh! Tambah enggai ke tabin, enggai di bai ke spital di sangka kena jangkit H1N1 tajapan kena sakit renggak biasa! Bisi berita ke udah mansa pending aku, madah ke bala ke diau di menua Peranchis tu, enti tabin dalam jangka masa 3 ari udah pulai ari menua ke bisi enggau dijangkit penyakit H1N1, enda tau enda beperesa ke spital enggau lengkas. Lembau endar naban diri ke spital ketegal, semina renggak laban enda tan sembur air-cond, 12jam lebih dalam bilun !!

Diatu udah tembu cuti panas kami menyanak. Taja pia, bala nembiak agi nganti 2 minggu ke sekula tebuka. Iya nya kena 02hb September ila. Pagila, belabuh supping ke perengka sekula bala anak. Kiruh baru kami sebuat. And back to the routine everyday life....ka ribai!

Bah, nama berita bala kita semua? Agi kemisi gak kita, wai?

**NB : Argent sur Sauldre reti nya, menua Argent atas sungai Sauldre.

Tuesday, August 11, 2009

Betemu enggau Lee, Puteri, Chris & Coki.

Upload images
Lydia, Anais, Duncan & Denise gaga ati betemu baru taun tu.

Upload images
Fr.Ronnie, Douglas & indai aku benung 'menjamu selera'.

Upload images
Lee, aku empu, Puteri. Little Gayle enggau indai iya Mildred.
Lemai ari sida Puteri semenyanak datai ari Miri, kami duai Lee (indaistarz) enggau pangan lama Puteri, Mildred, di bai dinner ba Topspot. Gaga endar ati, laban ke udah lama endar kami tiga ngaga temu janji tu.

Upload images
Tengahari ari siti, aku, Coki, Puteri enggau Chris betemu janji sekali tu ba Grand Magherita. Iya ke bendar kami besemaya enggau 3 iku agi kaban blogger ari Kuching tang laban penanggul ke enda ulih di seliah ke, naka 4 iku aja kami sebuat ulih be'high tea' enggau Puteri.

Upload images
Ari mija kiba, cigu Kathy enggau Coki. Ari kanan (ari ujung mija), Puteri, Chris enggau cigu Sumang. Kathy enggau Sumang nyempulang Chris ke Kuching. Nyu rami ga kami sebuat tengah ari nya. Berenyang hotel !! :-)

Upload images
Anang irau....she is as soft as a kitten! Luv ya cuzzy...hehehe

Upload images
hey Chris...thank you for being there! Agi belala berandau.

Upload images

To Charlene and Debbie, enggau netbook tu, tajapan seduai jauh (di Australia), sempat ga seduai iya enggau kami sebuat berandau maya 'high tea'. Puteri ukai enda mai netbook iya, tang enda ulih kena dalam restoran nya, laban nadai 'free wifi'. Kami duai Coki ngena celcom broadband...semina di luar sendi pool bisi 'free wifi' nya, tang bala abis enggai kin, nadai 'air cond' ! Coki...betemu baru jemah ila, anang enda ingat mai kain batik....hihihi



Monday, August 10, 2009

Kemisi udah tembu...

....all nice things comes to an end, ka ribai! Bah, udah datai di France pagi tadi. Sari tumu pulai ari dijangka. Agi belelak dulu ney, ila aku nusui berita panjai agi serta bekunsi enggau kita gambar baka selama. :-)