Chateau Monbazillac.
Chateauneuf sur Cher.
The Basilique of Chateauneuf.
**Sungai Argent sur Sauldre.
Bandar Argent sur Sauldre.
Kebun bunga di Argent sur Sauldre.
Hotel de Ville. Upis datuk bandar dikumbai 'Hotel'. Tang ukai 'hotel' endur bemalam!
Tu baru 'hotel' endur temuai diau.
Gerija.
Belakang gerija, Argent sur Sauldre.
Baru dua ari datai di rumah, ari cuti Malaysia, kamai menyanak berangkat mupok raun baru. Sekali tu sambil ngabas mentua aku ke diau di selatan Peranchis. Sempat gak aku ngambi sekeda gambar ba siti menua ke bisi dipansa jalai nya. Pama penyauh endur mentua aku nya diau ari kami tu, kita 7 jam ngena kerita mansang kin. Agi berasai penat enggau lelak meh tubuh ke bai nemuai baru nya. Agi kena pangka 'jet lag' gak. Siang ari ngantuk, malam enggai tinduk. Nyu madai asai tubuh. Mayuh endar vitamin C dipapak ngambi ke ngering ke tubuh! Tambah enggai ke tabin, enggai di bai ke spital di sangka kena jangkit H1N1 tajapan kena sakit renggak biasa! Bisi berita ke udah mansa pending aku, madah ke bala ke diau di menua Peranchis tu, enti tabin dalam jangka masa 3 ari udah pulai ari menua ke bisi enggau dijangkit penyakit H1N1, enda tau enda beperesa ke spital enggau lengkas. Lembau endar naban diri ke spital ketegal, semina renggak laban enda tan sembur air-cond, 12jam lebih dalam bilun !!
Diatu udah tembu cuti panas kami menyanak. Taja pia, bala nembiak agi nganti 2 minggu ke sekula tebuka. Iya nya kena 02hb September ila. Pagila, belabuh supping ke perengka sekula bala anak. Kiruh baru kami sebuat. And back to the routine everyday life....ka ribai!
Bah, nama berita bala kita semua? Agi kemisi gak kita, wai?
**NB : Argent sur Sauldre reti nya, menua Argent atas sungai Sauldre.
Cantek musin panas kita dia, agi mayoh bunga. Enggi kami daun aja tinggal. :(
ReplyDeleteEnti sema Bordeaux enggau endor kita semak, sigi dilawa aku bala kita menyanak dia. :) Aku kin 3 ari kena ujung bulan tu legi (next weekend), bisi wedding ka dititih kin.
Tapi apakan daya.. jauh la pulak endor kita ari Bordeaux. :P
Flo - agi rindu meda pemanah bunga ditanam ba sebelah square, public garden ditu.
ReplyDeleteNya meh jauh endar ke Bordeaux kin ari Paris. Enti semak ka ngambat nuan, mai bemalam enda lama ba aku ditu.
Selamat raun ke Bordeaux ! :-)
Rindu amat meda gambar diambi nuan! Boleh tahan nuan bisi dibai raun! Heheh, kami ditu lembau, mina diau rumah ngetat jet lag. Bala anak mina dua tiga hari tu bisi pansut bemain ba ayun maya pagi hari. Alu apin over jet lag kami.
ReplyDeleteSekula sida anak start 8hb September. Back to school shopping bedau agi .. engka weekend tu kini nurun shopping. List pen alu bedau dipeda!
makceh makceh...for ur compliments !! ukai enda lembau ke bai mindah, baru 2 ari datai ari M'sia nya. Tang laban ke bisi pengawa diadu ba rumah mentua aku nya, alai kami menyanak kira ke 'dipaksa' mupok.
ReplyDeleteKemarik udah shopping ke school list. One thing at the time..mayuh endar utai ka dikemas dlm rumah tu, bala beg gari agi dugau2 datas din. Iya ke bai ari M'sia bedau diruah...kompaun rumah sama, baka enggi nuan nyu repa...akaidaiiii...hahaha....bisi certia lucu ka ditusoi pasal tuk ila..... :-)