Friday, February 20, 2009

"Akinator"

Ke bala kita ke ngabas ruai aku sekali tu aku meri terima kasih ke kita semua! Aku deka ninggal ke ruai aku enda lama (seminggu) belabuh ari pagi pagila. Kami menyanak kemisi raun ke menua tunga ke selatan Peranchis. Auk, anang irau, aku besemaya ngambi gambar mayuh2. Semina ngarap ke ari manah. Bisi panas (natural sunlight) manah agi gambar di peda ila, enda pia?

Di baruh tu aku mai kita 'betundi' enggau Akinator. Semadi ke ngintu ruai aku enda lama meh..sinu ke Calisto kediri2 seminggu tu ila..hehehe! Klik aja ba add. website. Sapa ulih telaban ke si Akinator, dalam penemu 'tanya aja, aku landik nyaut..' tu. Anang ringat enti alah main, mayuh uban ba pala, ka urang tuai.....

http://en.akinator.com/#

How to play :

1. Click on the website.
2. Choose option 'Play'
3. Fill in your name (any) and age (up to 100yrs old or more !)
4. And you can begin.

Good Luck and Enjoy yourself !

Tuesday, February 17, 2009

Hot-air baloons.

Semina maya kemisi aja ke ulih meda mayuh macam pengawa di sekitar menua Peranchis. Sekali tu meda hot-air baloons (mongolfieres, in French) di Rocamadour (south-west of France). Gambar diambi kemisi bulan 10, taun 2007. Enti ka enggau nepan hot-air baloon tu mesti booking kira setaun dulu laban mayuh peminat, first come first serve policy! Taja rega nepan baloon tu pama ia pengemar. Ka nemu rega nepan utai tu? Nyu ka rega tambang bilun (mansang aja) ke Malaysia! Air Asia fare..hihihi! Rega siku aja. Enti bansa ke buyan baka aku tu, rugi ngapa nambang aku nepan baloon nya, wai ! Tang sapa tan ati, endang amat ka, nya deh nyu booking setaun, sangka aku enda iya nyesal. Udu pemanah menua Rocamadour tu dipeda ari baloon nya.
Tu link website manah di peda : http://rocamadour.aerostat.free.fr/index-en.php

Image Hosted by ImageShack.us
Anais ngemata ke pemesai baloon benung ka niki ke langit.

Image Hosted by ImageShack.us
Rainbow colored 'mongolfieres'.

Image Hosted by ImageShack.us
Up, up... and away !!

Image Hosted by ImageShack.us
Arrow nunjuk ke 'rumah temuai' endur kami menyanak diau.

Image Hosted by ImageShack.us
Rindu meda sida baloons tu ba langit biru, ari manah maya nya.

Image Hosted by ImageShack.us
Gambar diambi tumu pagi (pukul 7.00am), agi berambun, sendi rumah temuai.

Bah, naka tu dulu gambar ke ulih dibantai aku sekali tu. Kami menyanak deka cuti baru. Tuju penunga? Enda jauh, di France tu aja. Aku deka ninggal ke ruai aku enda lama, kira seminggu, belabuh ari enam tu lagi. So, ngarap ke ari manah alai ulih ngambi gambar mayuh agi lalu mai bekunsi(sharing) enggau bala kita baru, wai pangan, menyadi enggau kaban ke bukai. And..all comments are still happily welcome ! :-))


Sunday, February 15, 2009

La promenade du dimanche....

La promenade du dimanche... - A sunday walk...

Wah! Manah endar saritu. Bisi panas. Langit pan cerah. Berasai nyamai seput. Nyu puas ngetat ke celap dalam rumah. Tajapan bisi heater kena bekindu enda meh sebaka ari ke pansut keluar rumah ngasai ke pemanah ari di luar din. Lama udah bejanji enggau pangan ke suah enggau raun tiap ari minggu. Nyuka sebulan lebih bala kami sebuat nadai udah raun bejalai kaki ngelinggi menua kami tu ketegal ari suah enda manah. Endur menua Crecy tu kira ke agi 'country side' tajapan semina 40 km ari bandaraya Paris. Tu sekeda gambar ke ulih di bantai maya ke raun tengahari tadi.


Image Hosted by ImageShack.us
Kala kita meda kayu ngeninggi tu nadai agi bedaun? Maya musim celap tu, gugur magang daun kayu, tinggal rangkang aja agi.

Image Hosted by ImageShack.us
Anak kuda burak bebintik celum.

Image Hosted by ImageShack.us
Bandar Crécy.

Image Hosted by ImageShack.us
Canal de Morin, Crécy.

Image Hosted by ImageShack.us
Gambar di tengah pasar Crécy.

Image Hosted by ImageShack.us
Restaurant cina, 'Le Dragon de Crécy" - The dragon of Crécy. Ditu aja endur muai ati lelenggau ke popia, sio-bee, spring chicken, cantonese rice, sweet-sour porc enggau manuk gulai tubu !

Image Hosted by ImageShack.us
Siti ari view canal ba Crécy.

Image Hosted by ImageShack.us
Enda berapo gamal pun kayu tu nadai agi daun!

Image Hosted by ImageShack.us
Padang bul ampuh ai, ketegal ujan enda ngetu serta salji ke udah luluh.

Image Hosted by ImageShack.us
Sekeda rumah dipeda ari padang bul.

Image Hosted by ImageShack.us
Ta raaaa !! Just for the pleasure. Gambar penudi tu diambi udah datai di rumah. Calisto ngali ke diri ba tikai. Tikai dianyam sida ibu dibai pulai kemisi bulan 8 taun 2008.


Friday, February 13, 2009

Valentine's Day !

Image Hosted by ImageShack.us
My valentine forever!

"For hearing my thoughts, understanding my dreams and being my best friend... for filling my life with joy and loving me without end... I do." (anonymous)



Everyone !!


Wednesday, February 11, 2009

Ikan 'koi' (carp fish).

Ketegal kabut balat tu tadi nyu tepagang enda lama aku ke ka mantai ke gambar bukai. Gambar sekali tu maya kami menyanak nemuai ke menua di kumbai La Bugue kira 30km ari Sarlat (south-west of France) maya kemisi sekula bulan 10, taun 2007. Sekeda endur ke bisi di pansa di La Bugue ia nya akuarium ikan sungai (fresh water aquarium). Ba akuarium tu mayuh macam ikan sungai bisi di tupi tang ikan ke balat narit ati bala temuai ke kia iya nya ikan 'koi' ka kitai. 'Carp fish' ka english. 'Carpe' ba Peranchis.

Image Hosted by ImageShack.us
'Koi merah'

Image Hosted by ImageShack.us
Maya jam meri ikan 'koi' makai. Menu ikan koi, ulat tanah, anak ikan mit enggau 'indu utai' (insects).

Image Hosted by ImageShack.us
Siku tu ka endar di tundi. Nyu ketik-ketik !

Image Hosted by ImageShack.us
Nemu ngemansut ke pala ari ai, lalu merangap ke nyawa minta sapi makai.

Image Hosted by ImageShack.us
'Silver colored koi' (ikan koi warna perak).

Image Hosted by ImageShack.us
Peda kita penyinak ikan tu, nyu kecup2 nginsap tunjuk Lydia...endang teleba meda urang mayuh.

Image Hosted by ImageShack.us
Tu siti ari pegung kaca ke endur nupi bala ikan koi. Rindu endar meda pemanah urang ngintu sida ia. Endang ninting ari diberesi tempat ikan tu diau.


The word "koi" comes from Japanese, simply meaning "carp." It includes both the dull grey fish and the brightly colored varieties. A homophone of koi means "love, affection" and koi are therefore symbols of love and friendship in Japan. (wikipedia)

Tuesday, February 10, 2009

Windy Winter Day!

Image Hosted by ImageShack.us

The wind howls outside
Sounds of wind chimes ringing
Slowly drift inside

The chimes fall silent
As the wind turns to a breeze
Preparing for its next burst

With its energy regained
The wind resumes its howling
And the chimes resume their song

The wind tries to stifle it
But the song only gets stronger
Bringing happiness and warmth

The song warms the heart
Combating against the chill
That the howling wind brings

By Kjersti W.

*****************************************************

Pantun di temu aku ba net pagi tu. Kena ngereda ke pengirau ati laban semalam-malam tu ninga kabut ribut balai mangka menua Peranchis tu baru. Pagi tu pan agi umbas ia peneras ribut nya di luar din. Sekali tu di puput ke Quinten. Minggu nyin kemari Klaus. Manah endar nama kabut. Puput kabut ke benama Quinten tu seari-ari tu meh, kira 100km sejam. Berasai endar teguyat kena sambar angin ngeneras tu.

Besampi dalam ati meh kitai, Puji Tuhan, ngarap ke kabut, ujan bangat, menua kena ampuh bah serta kemarau ke ngelanda sekeda menua di dunya maya ke diatu nadai meri mayuh penusah.

Saturday, February 7, 2009

Semnoz Station

Image Hosted by ImageShack.us
Semnoz Hotel & Restaurant.

Image Hosted by ImageShack.us
Ooiii...makai dulu, enggai ke lembut tulang, ka main ba salji bala lagi.(NB: udah badu makai baru begambar....)

Image Hosted by ImageShack.us
Anais linsau laban panas ba salji kelalu manchar ngagai mata. Mesti ngena cermin mata celum (sunglass) tang iya tu suah enda ingat mai maya beguna.

Image Hosted by ImageShack.us
Bukit Alpes di peda ari sepiak menua peranchis.

Image Hosted by ImageShack.us
Nyah, gaga ati Anais merurut ari bukit salji ngena 'luge'...enda nemu kati ke nyebut utai ke kena ia bemain nya.

Image Hosted by ImageShack.us
Lydia ngena luge (sebut kitai "lussh"..) kaler biru. Engka laju agi kini??

Image Hosted by ImageShack.us
Ngetu belelak enda lama....

Image Hosted by ImageShack.us
Ka mai aku, ke enda? Tukang gambar ni ulih dikacau..hehehe

Image Hosted by ImageShack.us
Mountains of snow...so white and so pure !!

Image Hosted by ImageShack.us
Weeeeeeeeee!! Rindu endar ati bemain ba salji neh...

Kami menyanak nemuai ke Semnoz tunga ke north-east France, maya kemisi sekula bulan Februari, taun 2006. Semnoz station tu endang tebilang endur ngerindang ati kelebih agi maya salji balat endar diatu. Aku bisi mandang ke website endur tu tang mamau endar nadai di translate ngagai jaku English. Taja pia aku deka mantai ke ia ditu ngambi ke kita ulih nemu tempat tu ke bendar. Address website ba gambar ke terubah.

Thursday, February 5, 2009

Winter blues.

Nama penyadi ari tu tak selalu mambam. Ma enda turun salji , ujan ga ari . Langit selalu mendung dilambun remang ari pagi nyentuk ke malam. Penyelap ari nyu mantik ngagai tulang, enda nyamai endar pendiau baka tu.

Seminggu agi semester break nembiak sekula. Dua minggu sida ia cuti. Kami menyanak pan deka cuti ga, ngiga endur ke bisi ayan matapanas mimit. Kami sebuat deka belelang seminggu aja. Enda jauh. Baka selama tunga ke selatan menua peranchis. Ba menua ke dikumbai Murviel-Les-Beziers. Ngarap ke ari manah agi din ila.

Engka ari tu dini2 alai sebaka enda tau enda ga mai baju tebal, kasut but kena bejalai dalam salji ga. Ni tak tepagang enda ulih raun nadai pekakas yang bepatutan kenu. Kada enda jauh ari pasar besai? Rumah temuai endur diau udah ga dibooking. Aku meda gambar rumah serta kawasan ngelinggi nya, baka chateau mit. hehehe enda sabar agi asai ka kin.

Endur menua ke ga digagai (baka ke tau rari!) tu ila kira 7 jam ari Paris tu. Enti enggai kiruh driving, kira 2 jam setengah ari tu ngena bilun. Kami menyanak laban ke teleba mindah jauh baka tu ngena kerita, suah ngetu rantau jalai. Pelaba aku, kira 10jam baru datai din. Selalu ia, ma nuju menua jauh bakatu mupuk tumu pagi, kira pukul 7.00 berangkat enggai ke tepagang laban traffic jam sebelah jalai. Puas driving ngelama tu. Lelak. Kempis burit!

Taja pia kasih ga ngenang tudah Calisto ditinggal mindah baru. Udah dipadah 'aunty' ia sepiak nya. Ka belama ia ngintu Calisto laban mayau nelap, ka ia. Bisi ga ati ka mai Calisto mindah tang ngenang ke ditu ia selalu pansut keluar kin enggai ke datai ba menua enda teleba ia, ia tau tesat. Lama berai ke ia, enti ia enda pulai agi. Unimaginable penyinu ati nya!!

Eh, nyu udah jam badu berandau! Ngarap ke ari tu enda seruran gelap bakatu belama. Pedis ka ngenang musim bunga enda lama agi datai. My favourite season. Baka enda tampak agi ari pengelama udah enda meda mata panas. Nemu linsau mata pansut keluar, kulit pan cerah mimit. Tang enggi aku enda lama kulit cerah. Betemu enggau panas enda lama lalu pulai itam...laban endang ada itam manis deh...heheheh
Bah, pagila ari lima, enda berasai ujung minggu baru..Selamat ujung minggu ke kita semua!


Image Hosted by ImageShack.us

Monday, February 2, 2009

Snowy Monday !!

Image Hosted by ImageShack.us
Nya ia besalji baru kami saritu. Sida Google pan gagit diri meda salji tu. Nyu nurun gawa ngena ski sida ia !!

Image Hosted by ImageShack.us
Gambar diambi pukul tujuh pagi tadi. C'est un déjà vu! Kira 2cm penebal salji nya dia. Enda mayuh ga salji nya tang baru ia sekumbang udah diau ditu meda suah besalji maya tu.

Image Hosted by ImageShack.us
Pure white snow ! Rindu meda tang ngacau laban ngasuh jalai licin.....

Image Hosted by ImageShack.us
Ais udah ditunyau tayar kerita!

Image Hosted by ImageShack.us
Pemandangan dipeda ari dalam rumah. Lembau ka kini kini saritu.

Image Hosted by ImageShack.us
huhuhu...drink with moderations! Ka jaku lalau kena perintah ditu nagang mensia enda kelalu ngasuh ngirup ai bisa. Road safety first. Yup...but today, just one small gulp please !! brrrrrrrr.....