Wah! Manah endar saritu. Bisi panas. Langit pan cerah. Berasai nyamai seput. Nyu puas ngetat ke celap dalam rumah. Tajapan bisi heater kena bekindu enda meh sebaka ari ke pansut keluar rumah ngasai ke pemanah ari di luar din. Lama udah bejanji enggau pangan ke suah enggau raun tiap ari minggu. Nyuka sebulan lebih bala kami sebuat nadai udah raun bejalai kaki ngelinggi menua kami tu ketegal ari suah enda manah. Endur menua Crecy tu kira ke agi 'country side' tajapan semina 40 km ari bandaraya Paris. Tu sekeda gambar ke ulih di bantai maya ke raun tengahari tadi.
Kala kita meda kayu ngeninggi tu nadai agi bedaun? Maya musim celap tu, gugur magang daun kayu, tinggal rangkang aja agi.
Anak kuda burak bebintik celum.
Bandar Crécy.
Canal de Morin, Crécy.
Gambar di tengah pasar Crécy.
Restaurant cina, 'Le Dragon de Crécy" - The dragon of Crécy. Ditu aja endur muai ati lelenggau ke popia, sio-bee, spring chicken, cantonese rice, sweet-sour porc enggau manuk gulai tubu !
Siti ari view canal ba Crécy.
Enda berapo gamal pun kayu tu nadai agi daun!
Padang bul ampuh ai, ketegal ujan enda ngetu serta salji ke udah luluh.
Sekeda rumah dipeda ari padang bul.
Ta raaaa !! Just for the pleasure. Gambar penudi tu diambi udah datai di rumah. Calisto ngali ke diri ba tikai. Tikai dianyam sida ibu dibai pulai kemisi bulan 8 taun 2008.
Manah gambar diambi leboh ka raun ngelingi Crecy. Amat, sigi cabin fever ma lama enda ulih pansut ari rumah tegal hari ka jai!!
ReplyDeleteKami ditu benong kabut ... ujan serta angin balat. Ari demalam angin balat. Abis charik tarp ti kena ngelindung kerita. Enda berapa.
Nya ga pemanah menua tu, mayuh endur raun. Mayuh endur trekking. Asal rajin mupuk. Urang ke rajin endar enda ibuh ke ujan panas, ari kabut, besnow tauka enda. Kami sida geng aku semina 'amateur' aja!
ReplyDeleteAu, arap ke nadai nama2 bukai kelimpah ari nyarik ke tarp kerita kita, angin kabut nya. Kabut ke mangka kami keutai udu penguat ahh nya deh, pagar penama nyu tekuyas. Lalu bedau bisi ari ngadu ke iya. Nganti udah pulai cuti ke ka datai tu ila bekira ka ngerepair iya manah agi. Amat enda berapa angin tu !
gap ndar gak gambar diambi nuan nya. balat ah bujang kelisto dudok ba tikai... nya baru mayau Iban.. ehhehe..saritu ekon ba upis nyo nda berasai, mbal ke aku kipas agi dikena nyelap ke isi akai... mandi laun baru malam legik.. angat mat
ReplyDeletecih cih cih nadai ka jai endur ia! Diatu benung bekuruh tinduk ngimbai heater atas kushen iya empu. Une belle vie !!
ReplyDeleteNya ia ga! Kami ditu asai ka pahai celap, kita dia ka pahai angat!! Dini tunga arah dunya ke betul endur diau?? Saberrrrrrr aja lah...
Nyau ka sebaka da post tua pasal ari manah. :P
ReplyDeleteKiut amat Calisto ngali ka diri dia. Aku geram meda mayau... what a life - lazying around and eating! :)
Bah, kemaya aku ulih bejalai kia Lyana? Bisi endor diau ka? Bed & breakfast semak rumah nuan dia ka.. hehe.
Nuan bisi prugrim ka nemuai ke aku kitu? Kemaya deh? Padah aja maya, ila berunding, auk.
ReplyDeleteAnang irau, bisi bed & breakfast semak ditu - chambre d'hote - in french. Tang enti semina nuan aja, bisi alai aku ditu, unless of course enti nuan datai bedua tauka betiga, nya again berunding ga kitai..hehehe keep me in touch ok!