Tuesday, July 28, 2009

Regatta & River Floats.

Upload images

Upload images

Upload images

Upload images

Upload images



Tumu bala kami ke ka meda regatta ba sungai Sarawak nurun ke pasar kemari laban irau ke jalai tutup. Pukul 3.00 lemai udah ba waterfront lalu sempat ga meda lumba perau nya. Mayuh urang ! Taja pan ari bisa panas.....

Pun lemai bisi ga ampit mimit meda 'kapal berhias' (river floats). Semaya belabuh pukul 8.00 lemai bala kapal belayar tang ditungah ngagai pukul 9.30 malam. apuuuu..berasai kaki penat laban seari ari nya bejalai nadai ngetu serta bediri belama nganti kapal nya mindah lalu enda engkubut !! Tang nadai ngawa ampit ga ngambi gambar mimit, ngambi ke bisi di kunsi ditu.

Wednesday, July 22, 2009

Netbook vs typewriter.

Image Hosted by ImageShack.us


Image Hosted by ImageShack.us



Ke kitai rebak diatu dunya IT endang ukai pekara baru agi. Kemaya ari tu, tuai tauka biak, nyuka semua bisi ngembuan komputer, netbook, telipon bimbit, iPod enggau bemacam macam agi tengkira moden bukai. Kemisi sekali tu aku mai netbook aku 'nemuai' enggau aku. Laban ke mit, umbas iya pemesai, rumpas di bai. Tepu dalam handbag kitai indu ke besai, lalu meh nya nadai beleman kitai mai iya. Nadai meh aku kiruh baka taun ke udah nutu cyber café ke ngirum e-mel ke apai tuai aku ke suah datai dudi ari kami tiga menyanak. Iya pan selalu meh ngirum berita ke kami ditu! Tepantup lelengau ke sulu ati...hehe

Nyadi aku ka nusui ke cerita lucu apai aku ke agi angkun ke typewriter lama iya. Iya madah ke aku, nyamai agi ngena typewriter iya ari ke natuk ba keyboard netbook nya. Tekelalu mit serta alus ari enggi typwriter. 'Kati netbook nya, nadai agi besai ari enggi nuan nya, Endu?'..ka iya. Bisi ka aku, tang kumbai urang 'laptop' ka aku. Enti nuan ka ila, aku ngiga ke nuan, ka aku ga. Eh, ukai nadai ati ke utai nya, ka iya, tang agi manah typewriter aku tu, enda ibuh besend send ney..hand to hand berita aku, ka iya !! Alai iya ke nyebut munyi tu, laban iya suah ngaga surat gerah gerija ke bala sida iya ke enggau iya belajar ke bup kudus (bible study). Kena ngaga copy gerah nya, iya agi beguna ke carbon paper, ngambi ke tiap iku kaban iya ampit magang! Bah, sapa bala kita ke agi ingat naip surat gerah tauka surat perintah ngena carbon paper ba typewriter ??

Wednesday, July 15, 2009

River Cruise

Upload images

Upload images

Upload images

Upload images

Upload images

Upload images

Upload images

Upload images

Upload images

Upload images



Like promised...ka ribai, saritu aku mandang ke gambar di ambi kemari. Gambar bala kami sebuat, belayar dalam kapal temuai meda rampa negeri Kuching nebing ke sungai Sarawak. Pengelama ngerindang ke ati di bai kapal nya kira 2 jam. Belabuh ngejang ke pengkalan(di waterfront) kira pukul 5:30 lemai nyentuk ke pukul 7:30 lemai. Sambil ke meda pemanah negeri Kuching ari sungai, pemakai baka kuih lapis Srawak enggau local cakes bukai serta ai irup pan bisi disadung ke temuai. hihihi jadi temuai meh kami kemari..tuhiss, neyyy !! Nyu penudi iya, sekeda ari tanda asal menua kitai pan bisi di bantai ke bala raban penari ari kelab budaya Kuching. siku ari sida iya pan bisi datai nebah ke sape. Rindu ati...anang enda ngelepas peluang tu, meda pemanah rampa menua kitai ari 'ai'.

Tuesday, July 14, 2009

Saritu France National Day.

Saritu 14hb Julai, baka tiap taun menua France ngintu ari besai sida iya. Laban ke udah lama netap din, nyu asai ke menua diri empu ga. Dalam ati asai ke bisi dua iti menua. Sama-sama ngemanah nya!

Baka tiap taun mega kami menyanak nadai kala ngintu ari besai tu di menua France empu. Suah di Malaysia maya nya. Bah, lemai tu lagi kena ngingat ke ari 'merdeka' Peranchis tu, aku mai sekeda kami sebilik 'river cruise' ba Waterfront din. Belayar ngili/ngulu sungai Sarawak, meda rampa negeri Kuching. Deka meda maya mata panas ka padam mega...sunset, ka ribai. Tu meh gaya kami menyanak deka ngerami ari besai Peranchis sekali tu.

Ila bekunsi gambar ditu.... :-)

Friday, July 10, 2009

Raun-raun...

Upload images
Lydia, Léa (anak kaban ari France), Anais,'berendam' di Stampak Water World pool.

Upload images
Hock Lee Shopping Centre.

Upload images
Shopping di Hock Lee.

Upload images
Wisma Satok

Upload images
Riverside Bank Suite - condominium urang beduit !

Upload images
Sida anak begambar ba logo negeri Kuching - statue mayau.

Upload images
Sempat ga 'beposing' ba lobby di Holiday Inn. Rari ke angat !

Monday, July 6, 2009

Nemuai ke Simunjan.

Upload images
Selamat datang ke Pekan Simunjan!

Upload images
Kami sebilik ngemelakang ke Batang Sadong.

Upload images
Pekit nyumpit.

Upload images
Bala penyumpit benung mandang ke pengelandik sida iya nyumpit.

Upload images
Siti ari view pekan Simunjan.

Upload images
Logo menua Simunjan, burung munjan.

Upload images
aieee...baka gamal Eiffel Tower, tiang pemancar TV tu !


Pekan Simunjan tu kira 3 jam lebih, dribing ngena kerita ari Kuching. Tu keterubah iya aku nemuai ke menua Simunjan. Ari mit kelia suah ninga bala becerita ke pemanah menua tu tang lalu nadai bisi ari deka nemuai kitu. Pengelama menyadi aku udah bebini ke 'sekuntum bungai' ari tu, baru iya ga ngindik kaki kitu taun tu. Tang sayau endar, suntuk ari kami sebuat, enda ga sempat bemalam. Beguai ga pulai ke Kuching baru, laban mayuh bala gawa ari satu. Enti bisi ari dudi ari ila, deka nemuai baru...agi belala.

Saturday, July 4, 2009

Lauk kitai.

Image Hosted by ImageShack.us
Sambal belimbing masam.

Image Hosted by ImageShack.us
Lauk upa apong.

Image Hosted by ImageShack.us
Lauk buah enggau batang keladi

Image Hosted by ImageShack.us
Lauk pansuh manuk enggau terung masam.

Image Hosted by ImageShack.us
Rojak...last but not least(di beli di pasar).

Image Hosted by ImageShack.us

Baru seari kami menyanak udah datai, bala kami sebilik lalu ngintu ari pengada anak menyadi enggau anak petunggal aku sereta. Bala nembiak ke empat iku(ke mit agi dalam gambar tu) ari mua nya semua ada bulan enam magang tang enda ada sama taun lah. Udah ke tembu serimoni nyepu lilin enggau ngetak kuih baday sida iya, bala lalu 'menjamu selera' lemai meh.

Apuuu..asai ke terejun ke ai sungai (..enda dalam!) meda lauk ke dibantai lemai nya. Nemu endar petunggal aku nya enggau laki iya ngaga lauk ngemadas tu...TQs wai! Setaun udah ngidam! hehe tuchum lelegum ipar aku siku ke baru ngandung empat bulan...sama nyera kami duai !!

Ke diatu bedau bisi ari deka mindah ke bukai agi, semina udah nemuai ngagai sekeda kaban ke bisi di menua Kuching tu aja. Pagila ari minggu, menyadi aku deka mai kami sebuat ke Semunjan, ngusung sida mentua iya din. Baru iya aku nemuai kin. Nama lauk urang Semunjan neh ???

Wai Charlene...ingat aku ke pesan nuan. Ila aku mantai ke gambar lauk daun empasa ditu. :-)

Wednesday, July 1, 2009

Broadband.

Image Hosted by ImageShack.us
Tu maya jam aku ulih ngena internet demalam. Nyu lelak bebai ke netbook kiba kanan ke pasar kin, nyenyadi ke bulih free wifi, nya alai aku mutus ati meli broadband ari Celcom. Nyamai agi nyalin berita ari rumah ari ke digelut urang mayuh di pasar din. Enda nemu/teleba meh aku nusui berita begulai enggau urang enda kelala taja pan sama-sama ngati kediri ba mija masing2.

Image Hosted by ImageShack.us
Tu gamal wireless modem nya ke 'ngidup' ke netbook nya! Bendar ga nganti ke 'idup', nyu 24jam udah di rejista baru tau dikena. Lemai 29hb ari nya aku meli serta rejista broadband nya, baru ulih kena nyuka tengah malam demalam laban mayuh endar kerenah diadu dulu ba netbook tu. Enda tak tau di kena tekala nya.

Image Hosted by ImageShack.us
Nasip ga anak dara aku tu nemu ngatur ke semua utai nya. Enti nganti aku tu, tak tekalat kalat meh aku enda nemu endar pasal 'installing' prugrim tik betul kena ngemendar serta ngurus ke pejalai internet nya enggau lancar. Ka pen enda, minta tulung Cina di pasar din. Enti pri, pama ga agi neh?! Agi 'L' wai!! Lalu 'L' meh, semina nemu 'basic' aja ditu pama meh....ukai bula deh. Nyah, lantang meh ati kami sebuat ulih betenet tenet ari rumah, enda agi nutu 'cyber center' tauka nunga ai 'vanilla latté' di Starbuck ! hehe ukai murah ga agi...hmmm