Saturday, June 13, 2009

Nuchi patio.

Mayuh endar pengawa di luar rumah maya ari manah. Tambah ka mupok kemisi enda lama agi, enggai enda dikemas ga rumah, ari dalam tauka di luar nyin. Puas ka asai ati din, enda ninggal rumah tak temerak, kompaun seruran beresi kenu. Lemai tadi udah badu nginjin rumput, kami duai laling aku berunding deka meresi patio ba mua rumah tu ga. Nyu bekerak lama enda di tuchi. Maya rangkai enda berupai kerak nya tang ma udah basah laban ujan tauka kena ai maya manjah bunga, enda rajin mata meda. Kamah endar ! Lama udah anggur kami duai ka meresi patio nya, tang nya meh, laban penanggul pangan ke masuk spital ujung bulan lima ari nya, nyu betangguh rancangan nya.

Nyamai endar bisi injin baka 'pressure washer' tu kena nuchi kerak ba patio nya. Enda kiruh diberus enggau ai sabun, ngena ai paip aja. Lengan, jari kitai pan enda pedis ga. Semina ngetan ke hose aja. Baka pemesai patio kami dia, enda datai sejam nuchi ngena injin tu.

Image Hosted by ImageShack.us
Injin 'high pressure washer.

Image Hosted by ImageShack.us
Gamal patio sebedau di beresi...kamah amat!

Image Hosted by ImageShack.us
Nadai kiruh, asai ka patah berang agi! :-)

Image Hosted by ImageShack.us
phewitttt ! hehe...rindu ati meda udah beresi baka tu !



NB : Pagila siku ari pangan FB aku deka datai nemuai, ngusung kami menyanak. Ngarap ke ari agi manah, deka duduk ba luar din berandau baru bekelala meh kami sebuat ila. Suspense wai...ila madah sapa kaban baru tu.....
Dikarang Lyana kena 6/13/2009 09:57:00 PM

8 comments:

  1. Chris AnakapaiJune 14, 2009 at 4:26 AM

    Phewit...
    nya baru iya. Hehe, bendar amat bekemas neh. Ba ditu mesti dituci belama luar rumah nya laban mayuh 'buk undang'. Pressure washer nya semak dua iti udah berasap kena nuchi luar rumah. Kadang2 tabur enggau klorin aja kena nuchi nya...

    ReplyDelete
  2. PuteriJune 14, 2009 at 6:47 AM

    Wah, rajin amat!! Dah tembu enggi nuan dia, kitu nulung aku agi! Enggi aku ditu kamah laban daun enggau pasir gasak angin berapa hari tu udah. Bedau ka meresi laban hari agi bisi angin.

    Anang enda begambar enggau Alice! Ka meda kita baru iya betemu!

    ReplyDelete
  3. CharleneJune 14, 2009 at 7:22 AM

    Aisey! Mentang mentang nadai lama agi ka pulai ngagai menua. Meh betambah rajin urang empu bekemas,betuci, bekebun ka utai bak rumah neh. Tu sigi bekilat rumah rupa gaya ia. Bah mayau nuan Calisto agi beri mandi wai. Hehehe..
    Pama meh nuan, bisi geng baru bak FB neh. Bedating meh seduai tu ila. Kekekehh

    ReplyDelete
  4. LyanaJune 14, 2009 at 9:15 AM

    Chris - endang amat. injin baka tu enti suah dikena, jampat ga iya 'lelak' ! enggi kami dua kali setaun nuchi patio nya, enda tan ga singkap tile nya selalu di sembur ngena 'prssure washer' tu, jampat jai (pecah) kenu. ingin ga ati meda patio nya ari-ari beresi... hehe! nama utai 'buk udang' nya ?? baru iya aku ninga jaku tu *ngaru pala*


    Puteri - Penagawa di luar din kira udah tembu magang. Di dalam tu nganti 2 - 3 ari sebedau mupok ila ngemas iya bendar agi. Ka belabuh packing ari pagila, udah siap utai beli bai pulai, ka jaku.....

    auk...mesti, mesti begambar kami sida Alice ! Enda sabar ka betemu kami duai...hehe


    Anne - Gaga meh Calisto di beri mandi !! Ni ke suah tinduk dalam shower cabine ka aku kutai. Tu kedua iku mayau ditupi aku (siku di Kuching kelia) enggau mayau kami empu nya, nemu enda takut ke ai.

    Ukai enda pama bc geng ari FB serta ari menua nyin ga enggau aku begulai semak ditu. Ari Sri Aman, Alice nama iya, sama belaling ke bansa peranchis....hehe ila kami begambar sama2.... :-)

    ReplyDelete
  5. Chris AnakapaiJune 14, 2009 at 9:54 AM

    Buk undang is moss/lumut...:-)

    ReplyDelete
  6. LyanaJune 14, 2009 at 11:46 AM

    Chris - hihi pia nya utai ke 'buk undang' !thanks :-)

    ReplyDelete
  7. Mizz CokiJune 14, 2009 at 3:22 PM

    Whaaaaaa.... rajin eh ... i love the last pic. OMG.. nice angle.. hehehe

    ReplyDelete
  8. LyanaJune 14, 2009 at 8:41 PM

    hehe Pat, injin gawa, ni enda rajin! :-)

    aha ! for the foto, i thank my digital cam. Canon Power Shot A70 who followed me , where ever i might be.... :-))

    ReplyDelete

Subscribe to: Post Comments (Atom)