Wednesday, June 17, 2009

Bekemas ka mupok kemisi.

Image Hosted by ImageShack.us
Puas ati saritu, dua ari tiga igi beg ke ka di bai udah siap diisi. Semina nganti barang 'last minit' agi, nya baru ngerepau iya ila. Beg ke lumur tiga nyin bedau dikira agi laban endur nyimpan bala gari. Agi bisi sekeda gari ke ka dibai deka di tuchi dulu. Nganti udah rangkai ila, ngica ke ari tu majak manah meh, baru belabuh nyimpan bala gari kami menyanak. Enda ga irau ke nadai gari kena cuti, tang lembau nurun ke pasar shopping ke gari, ka agi aku ke pasar ngiga pemakai, untung agi, perut pan kenyang ! hehe

Image Hosted by ImageShack.us
Ngumba endar, bisi lebih seminggu tu udah bilun nadai ngetu mansa kami ditu. Siang enggau malam ! Nyu udah teleba ninga, nadai tentu ngacau agi. Pemaruh bilun nya terebai nyu ulih diambi gambar ari patio rumah tu. Ngelamatu bisi ga mansa tang udu peninggi suma dipeda di langit din.

Image Hosted by ImageShack.us
Peda bilun siti tu, perati ke pemaruh iya terebai, baruh ari remang! Sekumbang ari udah manah diatu, ulih peda ari ni penatai menua bilun nya, ari kaler 'iku' iya. Pama ga penyauh endur kami diau tu ari padang bilun Roissy Charles de Gaule, kira 45 km. Gambar bilun dua iti tu diambi kilah ensanus.
Dikarang Lyana kena 6/17/2009 11:29:00 PM

18 comments:

  1. CharleneJune 18, 2009 at 2:29 AM

    Ahaks. Hitung ari urang empu eh. Ka pulai ngagai menua. Rindu ati. Endar sabar neh? Aku bekenya meh. Keni tu meh itung ari ka pulai Kuching baru bulan 12 tu! hehe. Lama bala kitak menyanak bak din wai?

    ReplyDelete
  2. PuteriJune 18, 2009 at 3:33 AM

    Wahhhh! Enggi aku agi kusong beg!! Mina siti beg aja udah diisi .. perengka dibeli aku ka apai enggau indai aku! Nadai utai kami menyanak dalam beg nya!! Tiap hari malik ngagai beg kusong ti tegaring ba carpet, tang tulang lembau endar nerika sereta milih gari ti ga dibai!

    ReplyDelete
  3. PuteriJune 18, 2009 at 3:35 AM

    Pasal penyauh padang bilun ... kami ngena San Francisco Internation Airport ... 2 jam setengah driba kin!! Nah, jauh agi!

    ReplyDelete
  4. LyanaJune 18, 2009 at 7:44 AM

    Anne - Panjai mai ari ma udah ka datai ba maya ka mupok tu !! hmmmm lelak ngenang, lalu ga enda sampai.... ehhh untung nuan pulai cuti baru bulan 12 tu. Aku enda pulai X'mas taun tu, engka taun dudi. Kira 6 minggu kami menyanak di menua cuti summer tu. Asa ati ka betemu enggau nuan, padu udah dulu cuti kita...hehe


    Puteri - haha nya meh aku mutus ati ngemas barang, ngisi beg aku nya kemari laban ke enda liat ati meda bala beg kosong tegaring baruh tangga sadau nya.
    Pama ga penyauh rumah tu ari padang bilun nya, driving ba highway (110km sejam), kurang lebih 45 mins baru datai. Enti ngena jalai mit, kira sejam setengah, mansang kin.

    ReplyDelete
  5. Chris AnakapaiJune 18, 2009 at 11:23 AM

    Apu, nya iya udah besimpan..hehe
    :-)

    ReplyDelete
  6. LyanaJune 18, 2009 at 3:00 PM

    ....ngitung ari agi tu, Chris !! :-))

    ReplyDelete
  7. claudiaJune 18, 2009 at 3:56 PM

    aunty mindu tuk ka??? sorry t ku slh urg...

    ReplyDelete
  8. LyanaJune 18, 2009 at 4:28 PM

    Claudia ?? anak sapa tu bah ?? hehe

    ReplyDelete
  9. IbanLadyJune 18, 2009 at 4:34 PM

    Pu neh...berkemas udah sida ya..selamat bercuti ngagai kitak sebilik....

    ReplyDelete
  10. claudiaJune 18, 2009 at 9:06 PM

    hurmm...ku nda nemu cara ka btusut...tapi ku ngelala aunty ( am i rude calling u dat? ) ari pangan ku, Ian Divine Hillary Bajau...hurm..anak aunty marilyn( ku nda pasti la spell ya tuk,hehe..)...knal ka?

    ReplyDelete
  11. LyanaJune 18, 2009 at 9:37 PM

    Pia !! nadai salah ngangau aku 'aunty'. Endang sigi betul...I'm honored ! Thank you for dropping by... eh, nyu spiking indah!
    Ngelala endar aku Boy Ian, anak cousin Mit ku. Apuuu...selamat bekelala enggau nuan Claudia! Nama berita bala di Sri Aman deh? Pesan ke mummy Ian, enti nadai penanggul bisi kami nyengguk sida iya ila. :-)

    ReplyDelete
  12. claudiaJune 19, 2009 at 6:39 AM

    manah a...sida nyau agai miri sarituk. ngabas alai diau Ian ngau Hans... au, ila ku madah agai mummy Ian...

    ReplyDelete
  13. LyanaJune 19, 2009 at 10:12 AM

    ohh! good news endar nya!! Sama bulih pengawa di Miri, seduai menyadi iya pia?! mayuh meh bala diabas din ila. Tang taun tu enda ke Miri kami menyanak, looking forward to go there again next year..and to meet you soon! :-)

    ReplyDelete
  14. AnonymousJune 19, 2009 at 12:51 PM

    Jeles amat deh...enjoy lebuh di menua neh..nyankung!! Pleasant flight

    ReplyDelete
  15. LyanaJune 19, 2009 at 8:49 PM

    thanks Debbie! auk, ila nyangkung nuan...nyangkung di ati, nyangkung di mata...hehe

    ReplyDelete
  16. AnonymousJune 20, 2009 at 9:45 PM

    hi..i read your blog all the time and i cant believe you are family members to aurelia fay hilary bajau.she's my classmate.anyway...ur blog is fun. nice to meet u!!!

    ReplyDelete
  17. LyanaJune 20, 2009 at 11:59 PM

    hello....Anonymous !

    Sorry to call you like that but what else can I name you..hehe

    As you mentioned that you dropped by here quite often, I presumed you do read iban language !! :-) And thank you very much for you interest here....

    Well, Aurelia is my little 'niece' as her mom is my first cousin. I haven't seen her for years, and wishing this coming holidays, my girls and I can meet them in Sri Aman. And might be able to meet you too.... :-)

    ReplyDelete
  18. Endun BelalaiJune 22, 2009 at 1:12 PM

    selamat bercuti, safe journey ... selamat datai! :)

    ReplyDelete

Subscribe to: Post Comments (Atom)