Pun kayu cherry
Buah cherry bedau mansau.
Buah cherry udah mansau.
Benung musim buah cherry diatu. Bala ke bisi pun cherry kediri, enda kiruh meli ke pasar. Kemari aku meda sekilo cherry tu, balat pengemar. Kami bisi sepun cherry ba kompaun mua rumah din. Tuai endar udah. Nyu ka ditebang aku, laban balat 'sakit' iya suba. Ditebuk serta endur semut celum besarang. Nyu ka parai tudah. Nadai cara ka ngidup, bebuah pan semadi ga. Aku deka nebang mega ngambi ke kompaun nya luas agi, nyamai endur ngasur ke injin rumput.
Lebuh apai enggau indai aku datai nemuai kitu, taun 2003 suba, apai aku enda ngasuh aku muai pun cherry nya. Sayau ka iya, agi ulih di 'selamat' enti di beresi serta di'ubat' endur ke 'sakit' ba pun cherry nya. Seminggu apai aku, bekira ngidup ke pun cherry nya. Dua botol racun semut, ke main spray nya, beli aku kena munuh semut. Ukai enda mayuh bala semut besarang dia! Dan kayu ke udah tuai, ditebang iya magang. Pun cherry nya di berus, ari baruh nyentuk ke puchuk (enda tinggi cherry tu). Udah nya lalu spray ga enggau ubat kena nagang bala ulat serta 'indu utai' bukai 'belangkau' dia baru. Setaun udah nya, bedau ga pun cherry tu bebuah. Rugi ngapa ngemalat nya apai aku ke bedaya ke iya. Berunding ga ka nebang iya baru, aku tu! Angkat musim buah taun 2005, peda nyu baka 'chinang'...sempama sida niang inik kelia...buah cherry mansau !! Lantang ga ati. Belabuh ari nya, tiap taun iya selalu bebuah. Enda mayuh, tang pama meh sama ampit makai buah cherry, enda ibuh meli di pasar.
ahhhh asai cherry tu? Manis serta bau rengut. Enda bau ngelu. Ukai bau ubat kitai agi mit kelia, Chris. !! hehe Nemu gian....ma udah nyepi sekali. Semina enda tan lama. Enti udah mansau mesti di ambi lengkas laban jampat merekah ba pun iya din.
buah cherry.. yum yum digaga jem nyamai amat nya!
ReplyDeletePat - ukai enda agi , memang sedap gaga ke jem. aku suah ngaga 'clafoutis'(cherry pie) ngena buah cherry tu. French resipi. Sodappp !! hehe
ReplyDeleteVery difficult for me to forget the association between cherry flavor = ubat.
ReplyDeleteMaybe it's the synthetic flavouring in the syrup and the 'preserved' cherries that give that nasty 'sweet' smell. Bedau kala test fresh 'real' cherries. Ila nuan tapau ke aku..LOL!
Chris - Sayau enda ulih tapau buah cheries tu. Very fragile type ! Jampat jai ma udah di ambik ari pokok iya. Unless iya ke dijual di pasar din, laban udah di sembur enggau ubat ngambi ke tan agi.
ReplyDeleteLyana - Luckily I'm not living next door to your house. Otherwise, ehem..anang heran meda indu tuai mch macam kera bejelakit bak pun ceri nuan hehehe..
ReplyDeleteHaha...just joking. No need to tapau la, as I said, am not a big fan of cherries.
ReplyDeleteAnne - ahaha balat gamal kitai deh baka jenggin ba kayu ceri ari jalai nyin !! alai aku munyi tu ketegal kompaun rumah aku di peda ari jalai alun pansa urang mayuh nurun niki ngena kerita ke bandar kin. hihi...enggi aku ngena tangga tinggi kena nyengkau buah ceri ke tinggi, nya pen begetar pala patung, rawan ati !!
ReplyDeleteChris - hehe tapau utai bukai ga ila. :-)
apu! Balat ngak penakut nuan..hehehe...aku iboh! Sigi ari mit gila bejelakit bak pun kayu. Meh bisi labuh cun ngagai lubang parit penuh alai taik, udah meh aku tu. Hahaha..Tomboy agi keliak. Skydiving enggau urang udah meh aku tu!
ReplyDelete