Wednesday, September 17, 2008

Randau Ari.

Balat ari kami ditu majak celap. Pagi tadi semina 5°C aja. Lembau dani, agi ka bebungkur enggau pua. Tang jam udah ngerak ngasuh dani cun pukul 6.45 pagi. Enti enda ngira ka ngemas anak nurun sekula, endang apin ka angkat.

Majak celap meh ari tu. 22hb September, kena ari satu lagi, belabuh musim luruh(autumn season). Diatu deh nyu puas nyapu muai daun-daun ba kompaun rumah. Enti enda di buai, nyu penuh laban daun, nyu nadai meda rumput idup agi! Pengawa siti ga tu, ngasuh kiruh maya dia tu. Bebuai ke daun-daun , rumput, bungai layu enggau dan kayu ke mit rarah kediri. Pemanah sebengkah ditu, bisi luri datai dua minggu sekali ngumpul serta mai ia ke kilang. Datai ba kilang din, di tapis urang baru ga, daun-daun kayu enggau rumput sekeda nya di ambi ke baja, sekeda dan kayu ditunu, sekeda di putung bela, lalu di jual kena bekindu musim winter ila. Nadai tebasau.

Taja pia, belabuh ari minggu suba, ari manah nadai ujan. Semina ke celap. Nyu udah ngalih ari tau ga berasai nyamai mimit, celap kuku ka kitai. Maya nya temperature niki ngagai 19°C aja baka saritu. Nyu begiga ke baju tebal ga bala ma ari udah baka tu. Tambah mega umbas ia ga angin muput ari demalam, sepoi-sepoi bahasa...bahasa perancis!! Sapa tan, taja pan lama udah diau di menua ribai tu agi meh gut-gut enda tan celap. Angat lagi merepek ga, nyu nadai ngena! :)

8 comments:

  1. Dah chelap Europe din diatu neh. Kami agi angat , dua tiga ari tuk enda ibuh ngena baju tebal aku. mula datai suba aja celap amat selalu ujan, daun kayu dah kuning dah luruh. aku buruk kak bejalai laban sunyi amat.

    ReplyDelete
  2. Tumu kami belabuh celap ari kita. Amat lembau pansut keluar.
    Tadi geng aku siku mai aku 'nyual mata' ka ia, ngagai Thursday market enda jauh ari kami diau ditu. Market tu baka market ari minggu menua kitai. Macam2 utai jual urang dia. Ka jaku kami duai ke 'nyual mata', sekali bulih blouse siti siku! hehehe
    Ka meli sweater nadai si minat di ati....

    ReplyDelete
  3. Oh kami ditu sama bakanya meh Lyana... bendar chelap seminggu-minggu tu, semadi dua ari ka udah tu bisi angat mimit.

    Masa untuk membeli kasut but baru ka dikena musin chelap... hehehe

    ReplyDelete
  4. Udah seminggu tu temperature pagi ari enda tinggi ari 5°c. Nyu udah ngena winter coat enggau kasut diatu.

    Balat meh penyelap maya musim winter taun tu neh. brrrrrrrrr

    ReplyDelete
  5. Kami ditu pen mupok chelap hari. Arap ka badu meh iya angat baka minggu dulu! Pagi tadi bepasang ka baju chelap mipau tang udah tengah hari bisi antara 25-27 C ga hari. Gali ba sofa enggai enda bebungkur enggau pua! Ba endor kami ditu nadai berupai pun kayu bebali. Tebal ka agi pun kayu evergreen ditu.

    ReplyDelete
  6. enda aku tan engau kita wai pemadu enda tan celap tusah ga hehehe kesakaian + kejakunan celap.
    kami ditu seminggu tu dah start panas baru - angat meh (tang relaku kepanasan ari kecelapan hehehe)

    ReplyDelete
  7. oh! agi manah ia ari kita nya. Nya penyelai ga, ari manah endar, nyu nadai ujan seminggu udah, tang balat celap. Langit biru, malam ari meda mayuh bintang, jarang endar meda bintang terang amat kami ditu, selalu di lamun remang maya diatu tu bulan.

    ReplyDelete
  8. eh, enda ingat ke nuan andan. Nama berita wai?

    nya ka aku, celap merepek ga, angat merepek ga!

    Dini endur di dunya tu, musim just in between ka urang neh?!!! ingin ka kin.......

    ReplyDelete