Monday, December 1, 2008

Bulan Penudi 2008

Image Hosted by ImageShack.us
Guess whooooo ?


Apai enggau indai urang tu, kala jadi keling enggau kumang menyarung semalam aja, dalam taun 1990 kelia. Tu meh ke penudi ia aku ngena ngepan iban. Gamal tak relax aja dia, maklumlah pengantin baru ! Tang...apuuu...naka merinsa ngenat ke diri di gambar baka nya ! Malu naka ia ga agi...enti baka tekura asai ke enggai pansut agi ari tempurung. Lebih 20 kamera nuju kami duai, nyu keli-kelip kin kitu, remban semengat enti enda tan !!

Diatu bisi anak dara ngambi alih tempat. Anak aku ke tuai nya ka bengepan. Manah endar costume iban ka ia. Nemu ngerara, madah ke ngepan kena aku enda penuh ka ia. Ia meda bala gambar sida petunggal ia bengepan bisi ngena 'head dress' (sugu tinggi). Lalu nama kebuah aku nadai ngena malam nya. Alai kebuah enda ngena laban buk udah disep ba saloon, enggai kiruh agi. Amat cawey ga pala enda ngena sugu tinggi. Anak aku ke biak nya, rindu ngena baju cina 'cheongsam'. Sapa ka purih ia ??! Nadai ga kami sebilik bisi bekaban enggau cina.

Enda berasai, ari beganti minggu, minggu beganti bulan, bulan beganti taun. Umur pan majak meningkat. Sayau amat enda nemu iga nusun ke leka pantun ngena jaku bansa diri kena nyema ke tu. Aku rindu besema besampi ngena jaku iban ke bebungai-bungai ke ka urang tuai. Engka nya meh nanda ke diri udah berumur diatu. Kelia menya nadai bisi ati ka belajar. Nyesal asai ati.

Nasib kitai mensia endang nadai sebaka. Tuah limpah dijari Tuhan, enda pia? Ari-ari aku meri puji Tuhan ke udah meri ke aku pengidup umbas ia meruan, celap lindap ninting ari. Nadai tentu beguna ka mayuh reta asal diberkat enggau pengerai tubuh, likun dalam rumah tangga diri serta ulih limpang nemuai tiap taun betemu enggau kami sebilik, diri sekaban ke disayau di menua din. Puji Tuhan.....


"Selamat Nyambut Ari Christmas" ke ka datai ke semua temuai, pangan, kaban belayan ke mansa ditu.


Dikarang Lyana kena 12/01/2008 12:11:00 AM

17 comments:

  1. Chris AnakapaiDecember 1, 2008 at 2:06 AM

    apu...stidi amat gambar nikah seduai nya.
    aku pun baka anak nuan nya, rindu amat bekena/meda bala sida ngepan, asai very ladylike (chewah)..enda nemu ka madah bakani tang ati sigi rindu bekena ka ngepan.
    tambah agi sigi ari mit belajar ka sida ngajat nya (enti org ngajat sengapa especially maya ngaga show, pedis amat asai ati meda nya). semina enda nemu nganyam (ketupat, tikai, etc) serta ngebat. jari teleba megai pen, kenu ko inik ku..haha

    ReplyDelete
  2. KumangDecember 1, 2008 at 5:13 AM

    lama nganti gambar pengantin nya pansut lalu enda gak..hehe...

    ReplyDelete
  3. LyanaDecember 1, 2008 at 8:20 AM

    Hi Christ,

    Stidi ahhhh..endang unik ngepan iban. Nya bala tourist ma datai menua kitai rindu endar bebeli ke perengka ngepan kitai. tang enda nemu ngena, lalu di frame...manah ga tang rindu agi meda ba tubuh neyy. Pama nuan nemu ngajat, aku enda nemu..ngica ke anak ka belajar ga.



    Endath,

    Enda nemu kebuah enggai pansut tadi. Nyu diadu baru...kasih nuan nemuai enda di tunga..hehehe

    ReplyDelete
  4. AnonymousDecember 1, 2008 at 9:07 AM

    Phewitt bisi orang ngensung ba teluk meda gambar seduai nyu baka buah pinag dibelah dua, amat sigat laki nua agi baiak neh patut ati tekait, pengantin indu nyu tucum lelegup malam nyadi bini orang neh, amat stidi ambar seduai dik malam nya neh. Aku pun kak ngiga gambar kami duai bear bekena ke ngepan kelia tang ukai kena kahwin. maia kahwin enggai ngena ngepan laban tusah kak engkebut laban nyu kak bedansa ngansar ke kai balat balat hehe.

    ReplyDelete
  5. Mizz CokiDecember 1, 2008 at 10:03 AM

    nyo yo gambar ipar hahahahah.. amat stidi ipar kami ngena baju burung...

    nyameh.. kelia bisi ku sijil belajar ngajat diajar gerempung indu ba ndor km diau.. tang anak ku muntat ndar ngajat.. ngajat KFC nemulah ya...

    ReplyDelete
  6. LyanaDecember 1, 2008 at 2:47 PM

    Cath,

    Nya meh , jadi kenangan manis aja, ke anak cucu jemah ila pama meh...
    hehehe..diatu pan agi sigat, sulu buah ati nya !!!


    Pat,

    Mak mentua ia empu nenun baju burung nya ke ia. Siru indai aku enggau menantu ia nya...maklumlah menantu pertama tek konon !!

    ihhh...anang guai ngumbai Gabby muntat diatu. Bisi maya ia ila, tak ka, ka ia...then you know what a talent she had...ni nemu talentine ngajat KFC ??!!

    ReplyDelete
  7. CharleneDecember 2, 2008 at 3:41 AM

    Phewiitttttttt...(turn aku gik bunyi mcm burung tiong ;p)

    Enfin vous avez trouve votre vieilee photo de mariage. Tous les deux toi semblent magnifiques portant ce hehehe de costume d'Iban....

    Ampit ngak nuan jadi 'Kumang of the Day'...sayau nadai ngena sugu tinggi neh?

    ReplyDelete
  8. DCampbell aka PuteriDecember 2, 2008 at 5:01 AM

    Peeewiiitttt! Bajik enggau sigat pengantin nya!! Slim gamal orang muda maya nya eh! Keterubah aku betemu enggau Nicolas suba, iya enda becermin mata. Kumbai aku anak bayi iya! Hahaha, nyu ulih nanya indai Nestor, bansa apa laki ka dibai siko nya? Hahahaahahahaha ... kenangan lama you!~

    ReplyDelete
  9. LyanaDecember 2, 2008 at 8:24 AM

    Merci Charlene !

    C'était il y a longtemps, mais ce sont des memorable souvenirs....

    As promised wai, ingat ari nya aku madah ke nuan, well, the occasion to show the iban costume on me particularly, is the moment..hehehe



    Wai cousin,

    Ukai enda slim agi, dua2 kurus kering, baka ke enda cukup makai..maklum lah agi biak konon!
    And ukai semina nuan ngumbai ia anak bayi. Ia ka endar mai raun suping ngagai India Street di KCH din..diatu pan agi meh ia minat, ma mansa kedai tambi, lalau di kerandau tambi enggau jaku sida ia. Bengap2 mua kawan ! : ))))

    ReplyDelete
  10. IbankiihDecember 2, 2008 at 1:55 PM

    ehmm..wow..nya gaya keling sigat datai ari menua France ney... amat setidi ga seduai nya ngakun amat deh..
    amat munyi ko nn nya ...dini bc lebih ari berkat pengerai tubuh enggau pengelikun rmhtngga ke dipinta arr...pemisi bukai nya kira ke bonus ari petara meh nya..

    ReplyDelete
  11. LyanaDecember 2, 2008 at 3:46 PM

    Udah tengan umur tu kira ke lain agi ga penemu tu. Less materialistic but more to the well being of oneself, ke penting agi sepi aku. Ngajih ke diri gayu, ka meda bala anak besai panjai, mujur dlm pengawa sida ia serta betesak beranak ka urang tuai...ihhh nemu ga nusun leka jaku, baka ke bepantun hehehe

    ReplyDelete
  12. Mama DoyeeDecember 2, 2008 at 4:30 PM

    Nya stidi amai gambar kawin urang empu. Rindu meda gambar nikah seduai.

    ReplyDelete
  13. LyanaDecember 2, 2008 at 9:10 PM

    Wai Dolly,

    Aku empu pan lama udah enda meda gambar tu. Enti enda ka ngayan ba blog tu, lalu teperam meh nya dalam album din...at least pama ga pansut ia, lalu mulai ke mayuh amat pengingat..masam manis semua bisi hehehe

    ReplyDelete
  14. -f-l-o-December 3, 2008 at 2:49 PM

    Nya ya gambar udah pansut!!!! Naka penyigat enggau pemajik pasangan nya!

    Eh Lyana, uji email ngagai aku address rumah nuan, aku rindu agi bekirum ka kad Krismas... :)

    Email aku: flo@indukayan.com

    ReplyDelete
  15. LyanaDecember 3, 2008 at 3:15 PM

    Hi Flo,

    hehehehe

    Ok msj received loud and clear. Ka pansut udah tu, lagi aku ngirum ke nuan e-mail.

    ReplyDelete
  16. daradesaDecember 4, 2008 at 6:26 AM

    nya ya gambar org agi biak suba....mar rega gambar nya anang macam2 neh..ngepan kitai iban sigi manah/unik..bini cousin aku ke laut semenanjung nya tiap kali pulai ngena ngepan sida menyanak..pulai baru2 tuk tadi meli baru ya ngepan mina nadai meli kain jak laban dah bisi beli ya maia duai baru nikah suba..aku rindu meda org ngena tang lebuh aku ngena berat mai adei enda ulih engkebut(dah ga sigi mit tudah)..anang ke kitai anak indu anak anty aku ke laki(3yr) sibuk ka ngena ngepan iban bisi aku 'show' ba blog suba..

    ReplyDelete
  17. LyanaDecember 4, 2008 at 2:06 PM

    Sigi amat ka nuan dara. Enda tau di lelong sebarang...tau dibanding enggau rega gambar 'Monalisa'!! aisehhhehhh.....
    Au, ila aku raun lama agi ngabas ruai nuan kin...ka meda gambar bujang mit bengepan iban :)

    ReplyDelete

Subscribe to: Post Comments (Atom)