Wednesday, June 18, 2008

Monster Mosquito...nyamuk !

Enda kita arap enti aku madah ke kami ditu bisi nyamuk. Maya nyu ka musim summer tu (kira ke udah summer meh diatu) - 21hb June summer date - belabuh bisi nyamuk diatu. Baka di menua kitai, maya pun lemai ka endar sida ia nutu, nyu merengung bunyi ngelinggi kitai ka ngigit. Gaya ari diatu, tajapan udah pukul 7.00 lemai tang agi berupai terang. Matapanas belabuh nurun kira pukul 10.00 malam aja. Jadi mensia meda ari agi terang bakatu, enti nadai programme menyana peda ba TV udah tembu makai lemai (unless bisi football - diatu begau ke UEFA Cup nya) mayuh deka raun sekejap di luar dia, nganti mata ke ka tinduk. TAAANG! salah ari bulan tau kena gigit nyamuk. Pama ngetat ke belaga udah di sambar nyamuk tu. Enda nemu ari ni penatai bansa nyamuk baka tu. Nya ga pemesai ia.


Image Hosted by ImageShack.us
Bangkai nyamuk tu di temu ba jendila dapur.



Image Hosted by ImageShack.us



Peda pemesai nyamuk tu, bebanding enggau batang machis nya. Siku tu sempat masuk ke dalam rumah tang sangka aku nyu udah lalu umur ia tu. Enda tekabir agi, ka kitai, nya ke di temu luput ba sendi jendila. Ia ke endar nutu bala jelu, baka sapi enggau kambing biri-biri nyamuk bansa tu, jarang endar ga ka makai kitai mensia, semina sida ke enda benasip meh kena tempuh ia kini.

7 comments:

  1. tu aki ini nyamuk tuk. enti nginsap darah tekering gasak ya. bejimat, enggau ka ya datai baru ila mai bala anak uchu...

    ReplyDelete
  2. auk besai amai nyamuknya neh wai. Ba menua kami pan bisi nyamuk ngemesainya. Suba nadai kala meda tang diatu sekumbang nyu bisi ladang urang nama kayu kertas nyu maioh amat sida diatu nyerang menua kami nganti pulai ila nguji nyukat engau batang mancis baka engi nuan nya ahhhh

    ReplyDelete
  3. kenergy,

    akai dai...gelesi bulu meda utai ngemesai nya! anang irau, bisi spray 'Raid' aku ditu..hehehe

    andan,

    nya meh, nemu jadi 'hibride' sida ia. nemu betukar 'baju' ngambi ke ulih membiasa ke diri dini2 alai !

    ReplyDelete
  4. Apu balat pemesai nyamuk iya! Nyamuk tu ngigit ka enda? Ukai nyamuk ka nutu ai nya? Bansa ka enda ngigit?

    Enggi kami di California, takut ka nyamuk ti mai penyakit West Nile Virus .. tau munuh mensia enggau jelu penyakit tu.

    Ma hari udah lemai, enggai aku ngasuh bala anak bemain ba luar .. sigi maya nyamuk pansut. Enti bisi ujan, mayuh ai betakung sebedau summer, endang mayuh nyamuk ma udah summer.

    ReplyDelete
  5. jarang ka ngigit mensia nyamuk tu, ia ngigit jelu ke endar. ma bepansa enggau kulit mensia tau ngasuh gatal taja pan ia enda ngigit. bisi utai baka racun tauka miang ba tubuh nyamuk tu ke ngasuh kitai allegik ke ia. bendar begaru enti udah salah2 endur ia inggap ba kitai.
    aku baka stail nuan meh, ma udah lemai ari lalu bekanggau ke anak pulai ke rumah lalu betutup pintu enggau jendila. ukai enda gaga maya summer tu, rindu amat ke ari udah manah, tang nya meh, pama ga nyamuk ulih di 'ampun' mimit, ia ke lalat/langgau nya aku geram endar. ma tama rumah lalu baka ke mabuk sida ia, enda nemu jalai pansut agi. abis dinding, utai nya dia meh tempuh ka pansut baru taja pan pintu tauka jendila endur ia tama tadi agi mengkang tebuka ! palui...!!

    ReplyDelete
  6. Gelesi bulu meda gambar nyamuk nya. Aku udah teleba nadai utai nutu diau ba Aberdeen tu. Kati enda pulai ke rumah panjai ila, bendar bala nyamuk enggau kerengit ngigit pelaba aku. Angat pen angat meh, bekena ka baju panjai aja aku.

    Kulit mesti jaga punya pasal! Haha.

    ReplyDelete
  7. Diau ba negeri amat nadai nyamuk and lalat. Kami tu ba 'hameau' ka jaku urang ditu, antara bandar enggau kampung. Agi kena agriculture enggau farming zone tajapan semina 40km ari Paris.
    Bala aku pan ma pulai ke Malaysia kin, agi dua tiga ari agi takut ke bala 'indu utai' esp. nyamuk baka nuan, flo. Laki aku endang enda kala ngena 'short' din tak ngenat ke diri betanchut panjai (cotton lah!) serta bestukin agi. apuuu aku ke ka luput meda ia bakanya! gara-gara takut gigit nyamuk enggau kerengit.......

    ReplyDelete