Raun cuti.

Aku ninggal ke ruai aku enda lama. Baka ke semaya enggau Flo. Diatu benung nembiak sekula 'semester break' serta kemisi ke 'All Saints Day'. Kami menyanak deka raun baru. Enda lama kemisi sekali tu 10 ari aja.

Sebedau aku mupuk, aku deka mai kita meda penyelai sekeda rumah ke ditemu aku, ba ruai 'Google' din.

Rumah Senyum!


Rumah kempis!


Rumah ngeredut!


Rumah siti tu ga nyelai endar. Kati ka asai diau dalam nyin ney? Tunsang meh pala ia ke ngembuan rumah tu!

Bah, mupuk aku. Ila berandau baru. Anang irau ke mayau, bisi jiran ngintu ia. hehehe

Saritu 24 aribulan Oktober

Saritu genap 43 taun ari pengada aku empu. Happy baday to...me!! Tuai meh umur nya. Kati ka madah asai ati tu meda lumur nya...but it's just a number, ka ribai. Enti baka anak mit udah nyu chit-chit nyalak apai-indai, nanya dini alai bala presents. Nadai ibuh ke berapa umur ia sari nya. Tu, laban ke lama udah ninggal ke zaman anak mit, nyu manggai zaman 'indai urang' enti nyu tekenjit-kenjit minta urang meri present, nyu lain ga cerita nya, 'sut' ka urang! Enggau gaga ati aku saritu, terubah ia ngerami ke ari pengada aku ba ruai tu. Aku mega deka bepeluang, meri terima kasih enggau jari sepuluh ke penatai kita ngelama tu. Sigi ke bisi temuai ke enda, maya mansut ke berita aku ari menua tu, enda aku ibuh ke nya iga. Tang aku selalu lantang ati berandau enggau kita semua. Bedua penemu, ka sida inik, ngambi ke teladan ari-ari. Taja pan udah berumur, jaku ajar ari urang tuai tauka biak ari aku, endang nadai di belah bagi. Semua di terima, asal ukai jaku jai, jaku nganu, jaku betenah pangan. Jaku urang tuai, tu kini??

Bah, ambi gelas kita aram kitai sama-sama ngirup enggau aku. Yamseng!!


Gambar baru diambi lemai tu. Nadai tetamu di jemput, kami menyanak aja. Bala sulu ati, tampun puji!

Belumba 'cross-country'.

Belumba 'cross-country' tu diatur ke nembiak sekula secondary tiap taun sebedau kemisi 'semester break', selalu ia dipejadi ke tunga ke pengujung bulan sepuluh baka saritu. Taun tu ke terubah ia Anaïs enggau ngulu pengawa tu. Jadi aku enggau sekeda apai-indai nembiak ke bisi ari maya tu, endang selalu kena 'invite' sida cikgu enggau sida ia ngemata ke nembiak. Ngemata ke pengelikun bala nembiak. Laban ari pengelaman, apin 5 minit belanda lalu udah kekakung enda tan, pedis kaki, pedis perut, pedis pala, macam2 pemedis! Lucu endar ga ulah sida ia. Sekeda ke endang bebendar ka bulih midul (medal) lumur satu, ka kitai, naka penguat ia ga tudah belanda. Enggau tempik jari, enggau nyawa rauh-rauh meh meri sukung ke sida ia.

Anaïs ngena jogging biru (ari kiba), pama bulih lumur 50. hehehe 50 ari 120 iku sida sekaban ari kelas Form 1 (6 classes).


Penyelap pagi tadi 10°c aja.


Bala nembiak benung 'beraksi'.


Woohooo!! Ai kupi panas datai! Ari 8.00 pagi bediri dalam celap...HOT coffee pleaaase!


Palan 10. Endur alai aku ngemata ke nembiak.


Nyukung sida ke tinggal enggai ke enda datai ba adan.


Bala 'pom-pom' girls!

Anne-Lyse

Cute ke enda??? My 'god-daughter' Anne-Lyse. Baru berumur 7 taun. Ari pengada ia kena (?)...10 ari sebedau enggi aku empu. Taun aja kami duai jauh ari pangan!! Jeng jeng jeng apin ka madah maya ari. Enda lama agi. Apai-indai Anne-Lyse tu endang pangan rapat kenyau ari aku datai di menua ribai tu kelia. Nyamai endar begulai enggau bansa urang tu, nyentuk kediatu nadai bisi bebali ati, angkun ke pangan baka diri sebilik. Indai anak mit tu madah ke aku, maya ia bisi ke anak kedua ia suba. Enti indu baru ia deka meri nama senimbal enggau enggi aku serta aku jadi 'god-mother' ia mega. Tambah mega kami duai sama ada bulan sepuluh. It's a GREAT honor!

Anne-Lyse and me.

Bup ari Eric Hansen

Bup tu (Stranger in the Forest, On Foot Across Borneo) di tulis Eric Hansen. Terima kasih ke Flo (indukayan.blogspot) ke mai maca bup tu. Datai saritu bup tu, Flo. Enda mungkir janji amazon.co.fr ke madah ke dalam 2 ari, datai bup tu. Di order aku ari dua tu tadi. Ka ati, ka dibaca udah ngintu b'aday aku tu lagi. Tang enda sabar, udah di jengguk. Aram sama-sama maca kitai.

For the pleasure of reading, enggai aku madah ke kita cerita bup tu. Semina madah ke pasal penulis ia Eric Hansen, warganegara Amerika ke nemuai ke Borneo ari taun 1976 suba......

Ba lambar terubah bup ia, tu jaku puji sekeda urang ke udah maca bup tu.

Happy Reading!

Mekanik Komputer

Komputer kami siti tu kena sakit raya ujung bulan sembilan suba. Seminggu ia berulah maya online, selalu padam kediri. Merinsa endar. Di tilik ke hubby aku nya, nadai ga ia meda balat endar kebuah ia baka nya. Ia endang enggai nganjung ke kedai, laban teleba ngadu komputer tu kediri. Endang sigi pengawa ia ga, mekanik elektrician. Ia meh kiruh ngiga dini penatai pengerusak komputer sekali tu.

Sinu meda ia sakit!


Titih ke arrow, dia endur ia rusak.


Enda nemu nama utai tu, tang tu meh kebuah ia sakit.


Tali wire ke celum tu baka ke kena tunu (shortcircuit).


Hubby aku madah, nama utai tu 'capacitor', retung ka ia.


Udah di temu nama kebuah, hubby aku lalu ngoder ari kedai 'GrosBill' di Paris din bala spare parts kena 'ngidup' ke komputer tu baru. Sori, enda ingat ngambar bala spare parts baru.


Semadi ke nganti ia ke tuai nyin diadu, kekadang nginjau komputer sida anak di bilik atas din. Nganti giliran ga, jauh lemai baru giliran aku! Nadai urang ngacau agi.


Cerita lama tu. Diatu udah diadu gerai nadai apa nama agi. Dipasang pagi ari, jampat amat nyadi. Nadai agi padam kediri. Enda ibuh nganti lama nganjung e-mail, beblogging pan mujur, ngereja online komunikasi bukai pan jampat ga. Nyamai nemu jadi mekanik. Banggalah!!

Hair Saloon

Ari enam tu tadi Lydia ngadu buk ia. Buk ia balat panjai. Setaun udah enda ngadu buk ia. Ukai nama, semina nguntin ujung ngambi ke enda rusak. Rindu endar meda gelung buk ia laban endang sigi asal buk ia baka tu. Sari nya aku mai ia ke saloon, ukai semina nguntin mimit tang ia ka ngasuh buk ia kurang begelung, ka ngasuh ia lurus. Nunda pisin bala anak biak kemaya ari tu. Stail buk indu cina, ka aku. Laban endang asal buk ia balat 'wavy', enggai tentu ka lurus endar tang bala indu ke gawa ba hair saloon nya endang udah biasa kami menyanak, nemu sida ia ngatur ngasuh ia lurus baka ka ati ke deka Lydia. Taja pan sementara lurus aja buk tudah tuai.

Nuchi buk dulu.


Tu pemanjai buk Lydia, enti lurus nyuka datai ba punggung ia.


Bediri dulu beguntin.


Nguntin muai ujung buk mimit.


Nya baru seduai tu belabuh ngelurus ke buk tudah anak. Setengah jam!


Gaga ati deh!


Tu gaya buk ia udah diadu. Rindu ga meda buk ia baka tu.


Enti enda ngemar nya ngadu buk ditu ka mai selalu agi ke saloon. Tang nya meh menua tu ditu semua utai mar magang. Masu buk enggau ngering buk aja udah 26 euros. Satu euro kira ke 5 ringgit duit Malaysia. So, pansut ke kalkulater kita, mulai ke ringgit. Ngadu buk baka enggi Lydia tu, 41 euros! Semua saloon ditu endang lebih kurang sebaka rega ia. Saloon siti tu, laban ke udah teleba endur kami menyanak ka ga meri diskaun seuro dua. Pama meh.

Indian Summer

Baka ke diubah ngena prugrim 'photo shop' bala gambar tu. Ukai nama aku mai kita meda gambar tu. Saritu manah amat ari. Dua ari udah manah baka tu. Taja pan temperature nya berasai endar ga udah penyelap. Endang sigi gaya ia, ga diatu udah musim luruh. Anang ngumbai nya ari bisa panas, kitai angat bepeluh maya tu. Semadi ga kitai nya gawa kasar baka mantun tauka nginjin rumput tauka betukang diluar din, nya baru pansut peluh mimit.

Ngenang ke ari manah tu, aku lalu ngambi peluang pansut bejalai ngelinggi pejiranan kami ditu kediri. Bala anak apin pulai sekula ga, hubby gawa lemai. Kediri meh tudah aku. Enggai ga ngacau bala jiran mai pansut. Ia ke endar aku endang sigi ka kediri, jadi tukang gambar konon! Puas niri ke jari, ditabi ke bala urang kelala ke mansa dalam kerita merening ulah aku tadi. Nadai hal, kena aku muai stress, lama enda meda panas ila.

Gambar kompaun rumah.

Sekeda bunga ke agi ngembai musim luruh.

Geraniums

My humble demeure!

Rumah 'indai apple', jiran aku.

Jalai anak aku nurun nganti bas sekula, nyin jauh kebaruh kin.

Stail rumah bala jiran.

Enggi siku tu, pasu bunga geranium ba tiap iti jendila.

Ladang jagung udah di ketau.

Rampa madang jagung.

Endur raun lemai ari, badu makai (evening walks).

Rindu ati aja.

Me..and my shadow..........

Anak jiran (Mathieu), pansut ngambi adi ia pulai sekula.

Bas sekula datai. Jalai sempit.


Pukul 5.00 pm, jam nembiak enggau apai-indai ngerami jalai!

**********************************************************************************

Dua iti gambar tu, diambi aku kilah ensanus. Seminggu ari jai baka tu. A typical autumn season. Langit celum, ujan nadai milih maya, ati pan selalu sinu berai enda temu tuju......


No good!