Megève & Geneva

Mont Blanc dipeda ari Megève.

Kedai kayu, Megève.

Megève town.

Geneva, Switzerland.

Lake Geneva.

Geneva

Megève tu, siti ari bandar menoa Peranchis ke pemadu semak enggau sempadan menoa Switzerland. Kami raun ke Megève enggau Geneva cun setaun udah kena 16/04/07 suba. Kami menyanak deka cuti baru, nembiak sekula diatu benung cuti sekula ke musim bunga. Nya aku ninggal ke 'ruai' aku tu sekejap (2 minggu). Endur aku raun sekali tu ia nya ke Jura Mountain Ranch tunga ke timur menoa Peranchis ke agi mega berkunsi sempadan enggau Switzerland. Ngarap ke ari manah endur bejalai meh.

Salji di musim bunga

Surprise! ..........or am I only dreaming?

White spring!

Tudah bunga..................

Icing roof!

Pama meh pemayuh salji ke labuh pagi nya, nyu burak perabung rumah. Naka pagi aja, nyu tengah ari nadai agi meda setitik salji tinggal. Kasih endar ninga bala anak mit ke ka ngaga snowman pulai sekula enda jadi. Sinu ga meda bala utai tanam nyu layu tang ka orang, ia celap baka tu diatu manah ke bala pun kayu buah, ngasuh ia lebat agi bebuah musim summer ila.

Le Panthéon, Paris

Eiffel Tower ba 'background' kami duai menyanak.


The Pantheon

Pasu bunga di rintai ba pintu penatai Panthéon, kena nyambut musim bunga.

Place de Contrescape, typical french backstreet next to the Panthéon.

Tenggan minggu bulan tiga nyin suba kami menyanak, kami tiga aja, laban anak aku ke tuai enda enggau, bisi temu janji enggau doctor di hospital ke di ungkup ke anak mit di Paris. Udah ke tembu peresa, kami lalu deka mulai ke diri, nya ke mansa Latin Quarter. Suah ga udah mansa dunya tu, tang nadai ati deka begambar dia. Aku endang selalu meruan mai kamera, laban ke mit, nyamai endar di simpan dalam handbag. Ba Latin Quarter nya tadi lalu posinglah enda lama, jadi 'orang temuai' sekejap nunga Panthéon, siti agi endur alai temuai luar negeri inggap.

Le Panthéon tu di gaga dalam taun 1758 lalu siap taun 1789, udah lebih 200 taun penuai bangunan tu. Ia di gaga diatas bukit St. Genevieve, Latin Quarter, di Paris. Tempat tu terubah ia dulu menya di taga ke jadi basilic, tang udah menoa peranchis ke badu kacau maya 'the French Revolution' (1791) kelia ia di ambi perintah maya nya jadi 'mausoleum' (endur ngubur orang ke terbilang nama) nyentuk ke diatu. Sekeda orang ke terbilang ke udah di bai nyenduh ditu ia nya, Voltaire, Victor Hugo, Emile Zola, Pierre enggau Marie Curie, Louis Braille (terkenal ngaga alphabets ke orang buta), lalu ia ke penudi endar di kubur ditu, Alexandre Dumas - 28 Nov. 2002. Anang saru, ukai reti nya ia baru di kubur diatu, lama udah Alexandre Dumas udah nadai, tang sentubong ia di gali baru, lalu udah nya di bai ke Panthéon kena masa lalu ngingat ke pengawa ia ke udah 'ngemesai' ke menoa peranchis ba mata dunya bukai.

Bakery and viennoiserie

Le 'Pain au chocolat' - di salin ke jaku iban, kumbai kitai ruti paun berinti cokelat.

Un 'Croissant au beurre' - uuh, berbelit dilah! Butter croissant ka kitai.

The famous french bread, la baguette !

Sapa rajin ngaga kediri, meli tepung dalam pikit baka tu. Pikit siti tu kena ngaga baka 'baguette' tang ukai panjai . Enti ia segala baka dalam gambar nya kumbai orang 'boule' .

Ba belakang pikit nya, nyamai endar endang meruan bisi 'instructions' ari step A ke step Z !

Viennoiserie ba jaku peranchis pulai ke jaku kitai reti ia bermacam bansa kuih. Baka di menoa kitai pagi ari bisi orang nyual bread enggau kuih ga ditu. Nyu rauh-rauh munyi hon moto indu ke nyual nya. Pagi tadi aku bisi meli sida kuih dia kena breakfast. Ngambi ke manah di show ba blog tu, nya ke ngerintai ke manah ba talam nya, enti enda, dalam karung kertas ia, udah di buai!

Ngalih tengah ari tadi aku nurun ke pasar, terpeda ke pikit tepung kena ngaga french bread, beli, ka nguji ngaga ke diri empu. 'Baguette' tu di empa baka kitai ke makai asi, kena nyempulang lauk enggau cheese.