Monday, May 12, 2008

Mulai ke Pengingat

Image Hosted by ImageShack.us

Tuan Manang (A. Thwaites), Tuan Tuai (John K. Wilson) and me. Gambar tu diambi bulan August, 1990 di rumah Tuan Tuai di Lasswade, Scotland.


Nyu nyambung cerita 'Living Legends' kaban blogger kitai Flo http://www.indukayan.blogspot.com/, ga aku tu. Kami duai kira ke bisi cerita sama di tusui pasal asal usul serta pengawa siku urang scottish ke nguji deka ngemansang ke bansa kitai dayak di menoa ulu (Budu, Entaih & Entebai) ari taun 1949 ngagai taun 1963 menya. Apai aku, Luke Tungku Wilson, ia nya siku ari 4 nembiak rumahpanjai ke diiru JK Wilson lalu di anjung ia sekula di Nairn Academy, di Inverness, Scotland. Sida nembiak iban ke bukai nya, ia nya, Jawie Masing, Liman Numpang & Bilun Numoi, sekula di Nairn ari taun 1957 - 1961.

John Kennedy Wilson tu ada di Glasgow taun 1914. Ia graduate ari Glasgow University bulih B.Sc enggau honors ba pelajar Chemistry. Udah nya ia lalu qualify jadi cikgu udah ke ngabis pelajar ia ba Jordanhill Teachers' Training College. Ia ulih ngajar ba primary enggau secondary schools.

Taun 1939 ia masuk jadi volunteer ba Royal Air Force lalu bulih pemendar nerebai ke bilun udah ke training jadi pilot ujung minggu ba Elementary Flying Training School di Prestwick. Taun 1940 ia ngabis ke training ia jadi pilot di Salisbury, Rhodesia. Menoa Zimbabwe diatu. Pun perang dunya kedua ia lalu di taga ke nerebai bilun perang ke Aden, Western Desert, Greece,Crete, Jordan & Iraq. Benung ke duty tu bilun ia kena timbak lalu labuh terempas tang nasib ia manah semina bakal ba tulang belakang ke ngasuh ia lama enda ulih bejalai. Ia lalu minta badu ari Royal Air Force lalu minta diri ngajar jadi volunteer ba Colonial Education Service taun 1949. Ia lalu di anjung perintah British ke Sarawak jadi kepala pengajar di Teacher Training College Batu Lintang, Kuching. Tang pengawa jadi principal nya enda puas ga ia lalu ngundur kediri lalu minta gawa jadi cikgu biasa di Budu.......*(right in the heart of the Dayak Communities, remote and inaccessible). Ka ia, ia lebih agi beguna ngajar urang biasa di menoa ulu, meri peransang ke sida ia ari urang ke udah mujur lantang diau di bandar. Lima belas taun ia jadi ketuai Community Development Officers, recruiting enggau nyempulang urang putih bukai ke bisi sama ati ngereja pengawa nulung bala iban maya nya ngubah pengidup enggau pendiau sida ia. Ngada ke sekula, mai masuk kuperatif dagang serta mementing ke pengerai anak mit enggau urang mayuh. Perintah British pan gaga ga ke pengawa ia nya lalu kena masa ia meri ia pangkat ke pemadu besai the O.B.E.

Bala iban pan amat bebasa ke ia lalu sampai ke ia ninggal menua Sarawak ia endang meruan di kumbai Tuan Tuai tauka Tuan Budu. Nama ia jadi legenda. Ketegal ke angkun ke pengawa ke nulung bansa iban maya nya, ia di kira ke enda tentu setuju ke Sarawak jadi siti negeri enggau Malaysia Federal Government. Taja pan ia consider pengawa ia nya ukai politik tang perintah maya nya lalu ngambi keputusan muru ia ari Sarawak lebuh Sarawak masuk Malaysia taun 1968. Ari taun tu ia lalu di ban enda tau agi ngindik/nemuai ke Sarawak agi.

*Disalin ari bup ke ditulis ia : BUDU or Twenty Years In Sarawak. Lukisan ba bup nya di lukis ke Tuan Manang ( Arthur Thwaites). JK Wilson nadai taun 1991, A. Thwaites taun 1994.



9 comments:

  1. nya meh wai kadang2 bansa urang bukai nyu asai diri sebilek meh engau kitai nama begulai manah engau pangan diri. Bisi aki iru urang putih nuan neh wai (nya nuan alu mengkang diau menua sida ribai neh hehehe)

    ReplyDelete
  2. Wah thanks for the article! Bisi ari ila aku ngasoh Apak aku macha blog tua tu (agi lelubah tudah tuai ngena internet). Mr.Lin Tajai nama Apak aku, FYI. Ena nemu ngelala enda Apai nuan, agi biak.... bedau pencen!!! Hehe.. orang ulu awik nya!

    ReplyDelete
  3. andan,

    agi mit kelia endang rauh2 aku nyabak meda urang putih, takut, buyan !! agi aku ingat ke 'pemeli' aku maya nya suba.

    nyah, diatu nadai ulih kelari agi, begulai, idup ba menua sida ia jadi aku tu! ketawa laki aku ma aku cerita, disukung sida indai aku agi, alah kawan !!

    flo,

    Thanks ga. udah aku fon apai aku tadi (dalam kereta dribing; of course!, mak aku nyaut..). Ngelala ia apak nuan, student ia kelia di Budu, good souvenirs of him, ka ia.

    Apai aku udah 'veteran' pencen! 68 yrs old ia taun tu. A real guy from Budu! woohoo!

    ReplyDelete
  4. Wah wah wah. Enti nadai blogging pasal tu, nadai meh tua ulih bercerita baka tu! Silap ari bulan, udah tu ila aku blogging pasal apai tua betemu baru. Hahaha!

    Udah bisi gambar post baru aku din!

    ReplyDelete
  5. Endu,

    Aku enda kala betemu enggau Tuan Tuai (JK Wilson), tang aku bisi macha lalu ninga cherita pasal pengawa iya di Budu. Aku mega bisi udah nulis cherita pasal pengawa iya lalu masuk dalam school magazine kami tahun 2005. Cherita asal diberi Apai Scott (Liman) ngagai aku.

    Pasal Tuan Manang, (Mr. thwaite), aku kala betemu enggau iya maya apai biak mai iya nemuai ngagai rumah sewa sida Edna di jalai mendu. Thwaite mega bisi dua tiga kali nemuai ka Drau, nepat sida Paul (Apai Anggat).

    Aku ingat ka sida Mawan selalu betundi nyabut jaku Thwaite enggau niang ini Anggat suba. "Indu Nang Nyemerai Ai Pi" (Indu Gerinang nyemerai Ai Kopi) dalam pelat urang putih. -

    Nadai salah nuan ngaga link ngagai blog aku nya. Enti bisi ari anang leju ngirum berita kitu.

    Dom.

    ReplyDelete
  6. Endu,

    E-mail aku - domnambi@gmail.com

    Dom

    ReplyDelete
  7. Terima kasih Dom. Lagi aku ngaga link blog nuan ngagai enggi aku.

    Au, pia meh, 'raun' meh selalu ke 'ruai' pangan, ngemansi ke kitai jarang endar betemu mua mata. Enda nyangka nyu beblog baru nemu berita diri sekaban. Thumbs up!!

    ReplyDelete
  8. It was wonderful to read your blog about Tuan Tuai, Tuan Manang and yourself. I am presently in Sarawak organising the 50th anniversary celebration of Voluntary Service Overseas that started in Sarawak at Budu and other places as a result of the initiative that sent Jawie, Liman, Luke, Bilun and the others to Scotland. Any help you can give in contacting all those sturdy pioneers who are still well remembered on the other side of the world would be really welcomed.

    ReplyDelete
  9. Hello David,

    Thank you for dropping by my blog and it warmth my heart to know that there is an anniversary celebration organised for the VSO now in Sarawak.

    I'm sorry to tell you that my informations stopped at Mr JK Wilson and Arthur Thwaites who are both as you know are no longer with us here..( iban way of speaking in respecting the defunt memories). But if you are in search for more futher informations, my father (Luke) and Liman Numpang are both still in excellent healthes to lend some helping hands! And both resides in Kuching.

    NB: Glad to know that you can read iban language!

    ReplyDelete