Aku geli ati kediri ke nulis post aku tu. Sida anak mayuh endar ulah, bisi aja subjek bai ngerising.
Lebuh ke kemisi tu tadi, rindu endar meda jalai raya ke nuju negeri Kuching din endang udah diiyas ke urang ngena bendera menua Sarawak enggau Malaysia. Lalu belalau ke jaku 'patriotik' meh di gantung ke sebelah tiang lampu. Nyu ngerami mata, serta ati laban malam diiyas enggau lampu bemacam cura. Jaku 'Merdeka' endang kiba kanan enda ulih diseliah.
Jadi aku suah mai bala anak aku empu enggau bala anak menyadi mega raun maya malam ari udah badu makai lemai. Ngica ke air-cond dalam kerita ga. Kiak2 bala mai pansut enda tan angat! Kepuas ke dibai pansut baka nya dia anak aku ke tuai nanya, ka ia :'Mama, nyelai amat jaku tulis ba bendera ditu, tak nyebut utai kamah!' ihhhhhh..ka aku, anang munyi nya, taja pan nuan jaku french, enda nuan tau nyebut utai baka nya! (ukai madah ringat, tang sigi baka indai ngajar anak deh). Agi ga tudah anak aku nya bendar nanya aku. 'No!', ka ia, 'nuan enda mereti, peda nuan jaku nya, di France, nya jaku kamah! ka ia ga. Aku lalu ngambi peluang madah nama reti jaku ke peda seduai ba sebelah jalai alun nya, endang bangga ati madah ke seduai ia menua kitai Sarawak keudah merdeka dalam Malaysia, lalu enda lama agi ka nyambut ari ulangtaun besejarah tu meh, kena 31hb. Ogos ila.
Au, ka ia ke biak nya ga. Tang nuan bedau mereti utai ka kami duai, ka seduai ia ga. Nama agi deh anak, ka aku baru.Di saut ia ke biak ga...'Alors, c'est de la merde, mama!' (well, it's s**t, mama!') ahhhhh...endaiiii...nya ia aku ka latah! pahai...ulah anak.. ka ke biak ga agi, '...enti nadai 'ka' ba 'merde' nya, jadi jaku kamah!' Apu..amat nadai aku kala betati ke nya baka nya. Jadi 'merde' ba jaku peranchis reti ia 's**t' ba english, taie ba kitai. Naka meh, ka ati ku din, bala temuai ke nemuai ke Malaysia ari menua tu serantu jalai di Malaysia kumbai sida ia kitai tu nyumpah pangan diri tauka ngemesai ke utai sebengkah nyin!
Baka siti ga jaku ke lain ga reti ba jaku peranchis ia nya 'balai' baka 'balai polis'. Bisi reti ga jaku tu ba kami ditu, 'balai' (sebut ditu 'balay') reti ia penyapu. Jadi 'balai polis' peda sida ia 'penyapu polis'! Senyum kambin bala ma mansa ditu.
Bah!..... aram ngambi penyapu kitai wai, nyapu ruai kitai ngambi ke beresi kena ngintu Ari Merdeka ! MERDEKA !!!
*************************************************************************************
Laksa Sarawak
-
[image: Image Hosted by ImageShack.us]
One of my sambal laksa packet I brought back from home last holidays, Dec.
2008. I finally decided to make this de...
15 years ago
Hehehe... sigi gaya jaku kitai enda sebaka. Baka kaban Kayan aku selalu ngangau ke aki tauka ini ini ia suba... 'pui kek' enggau 'pui do' enti aku enda silap. Selalu amat aku ngasoh ia nukar suba...
ReplyDeleteBakanya mega aku selalu madah agai kaban Semenanjung aku... "Burit enko kotorlah" Ni aku nemu burit nya utai depan... hahaha...
hahahah.. best eh..
ReplyDeletebaka aku mdh ke kawan ku ya blaki French mega.. nama mayau aku Putin.. ya ketawa rakah2.. ba France 'Putein' nya celaka ko ya.. ahhaaa matila celaka mayau aku hahahaa.. patut kurus kering.hahahaha
Grace,
ReplyDeleteaku kelia kala meh begulai gawa enggau kaban kayan. lama aku enggai nyebut jaku 'tama', laban ba jaku sida ia reti ia 'pengawa jauh malam' nya!!
imagine deh ngelalu ke sida ke rumah bai kitai 'tama'!! hahaha
Pat,
hahaha kasih tudah mayau di beri nama putin!(sebut putan ditu)
jaku 'putain merde'(sebut 'putan merde') sama meaning as 'f**king s**t'!! huhu balat kitai belajar ke jaku enda senunuh ditu. ;)!
minta ampun sekalian, sekali-sekala!