Monday, October 13, 2008

Hair Saloon

Ari enam tu tadi Lydia ngadu buk ia. Buk ia balat panjai. Setaun udah enda ngadu buk ia. Ukai nama, semina nguntin ujung ngambi ke enda rusak. Rindu endar meda gelung buk ia laban endang sigi asal buk ia baka tu. Sari nya aku mai ia ke saloon, ukai semina nguntin mimit tang ia ka ngasuh buk ia kurang begelung, ka ngasuh ia lurus. Nunda pisin bala anak biak kemaya ari tu. Stail buk indu cina, ka aku. Laban endang asal buk ia balat 'wavy', enggai tentu ka lurus endar tang bala indu ke gawa ba hair saloon nya endang udah biasa kami menyanak, nemu sida ia ngatur ngasuh ia lurus baka ka ati ke deka Lydia. Taja pan sementara lurus aja buk tudah tuai.

Image Hosted by ImageShack.us
Nuchi buk dulu.

Image Hosted by ImageShack.us
Tu pemanjai buk Lydia, enti lurus nyuka datai ba punggung ia.

Image Hosted by ImageShack.us
Bediri dulu beguntin.

Image Hosted by ImageShack.us
Nguntin muai ujung buk mimit.

Image Hosted by ImageShack.us
Nya baru seduai tu belabuh ngelurus ke buk tudah anak. Setengah jam!

Image Hosted by ImageShack.us
Gaga ati deh!

Image Hosted by ImageShack.us
Tu gaya buk ia udah diadu. Rindu ga meda buk ia baka tu.


Enti enda ngemar nya ngadu buk ditu ka mai selalu agi ke saloon. Tang nya meh menua tu ditu semua utai mar magang. Masu buk enggau ngering buk aja udah 26 euros. Satu euro kira ke 5 ringgit duit Malaysia. So, pansut ke kalkulater kita, mulai ke ringgit. Ngadu buk baka enggi Lydia tu, 41 euros! Semua saloon ditu endang lebih kurang sebaka rega ia. Saloon siti tu, laban ke udah teleba endur kami menyanak ka ga meri diskaun seuro dua. Pama meh.

8 comments:

  1. nya meh wai ama anak nyu dara maintence pan pama ga ka enda kasih ga meda sida bunjik diri empu kelia nadai peluang bansanya. engi aku tu alu bedau ka touch up merinsa enda ga buk buban nama nyu sebulan aetengah enda di touch up sigi abis burak ba tisi pending nadai ulih diselalai enda sputing enda sida uban aha

    ReplyDelete
  2. Aku tadi nyepi pala gatal amat, lalu ka nuchi buk. Aku empu nuchi, rugi muai 26 euros! Sebedau belabuh masu ia, perening dulu ba cermin, akai, mayuh amat uban baka cuit! Tambah mega buk ke udah di 'dai' nyu ayan ga pun uban din. Aku lembau ngadu dai kediri diatu, di bai ke saloon legi mar endar ga.
    Amat ka nuan, enda sputing uban nya! mana boleh...40+ agi biak bah!!

    ReplyDelete
  3. Nya gaya bisi anak dara, indai seputing anak. Ba amalsyai suba pun mar meh straighten buk, pama ngena ubat ke manah konon sampai rm200 termasuk cuci buk etc, enti ngelung sampai rm300 termasuk cuci gunting pun charge mega meli produk saloon agi ngica ke badas konon. Enti set buk sementara lenyau rm50 enti stail ke manah. Ukai mit ngadu ke buk. untung enti muka bussiness saloon, nge aku set buk kena kahwin semak rm500 laban 3 kali ngagam ceh ukai senang maintain buk. Nya nge aku enda nemu bakani kak nganjung diri ke saloon, aku empu ngunting buk ba depan cermin, rata pia pia gak tau dikarap ke.

    ReplyDelete
  4. Amat untung muka saloon. Ba saloon tu, mesti appointment dulu, selalu penuh.
    Kasih ga nuan, nyu ngadu kediri buk. Ngingat maya terubah aku ditu kelia, bedau bisi urang kelala, baka nya meh. Kekadang hubby aku nya dikenyadi ke aku nguntin buk aku. Ba ujung aja, enda berani ngasuh ia nguntin mayuh agi, pahai jadi Kojak!! Diatu nye, nadai beleman, nurun kediri ma enda tan agi.

    ReplyDelete
  5. Aku bisi begunting minggu nyin tadi. Issshhhh, enda puas ati aku meda gunting indu Cina-Vietnam nya! Iya ka nemu agi, op sahari nya. Amat enda kala puas aku begunting ba menoa ditu. :-(

    Aku bisi meli ... er, apa nama utai nya .. baka ka kena org straighten bok. Manah ga bok, ka straight laban nya .. sahari dua lah! :-)

    ReplyDelete
  6. eh, aku enggai bula, ngarap ke indu, ia ke baju putih nya, lama gawa dia. Ia tu udah teleba aku endar, nemu ia nguntin buk aku, just LIKE I WANT.

    Au, bisi aku utai ka nuan nya, " 4 in 1 styler BABYLISS". Kena penabat aja, enda tentu nemu ngena. Buk bala aku balat frizzy!

    ReplyDelete
  7. Lyana, here are some tips.

    Maya nuan pulai ka Malaysia ujung taun tu, beli ka hair straightener. Enda iboh meli ka mar iga, iya ka brand manah umbas meh.

    Udahnya bai pulai ka France kia, kena 1-2 kali every fortnight. Jauh jimat agi ari ngagai kedai belurus ka bok. Anang selalu ngena enggai ka bok rangkai, udah ga menoa kitai ditu balat rangkai ka musin chelap tu.

    Bisi straightener ba France engka mar pelaba aku.

    ReplyDelete
  8. Ok, thanks for the tips!

    Amat jauh murah meh rega ia ari ditu. thanks again!

    ReplyDelete