Wednesday, October 15, 2008

Mekanik Komputer

Komputer kami siti tu kena sakit raya ujung bulan sembilan suba. Seminggu ia berulah maya online, selalu padam kediri. Merinsa endar. Di tilik ke hubby aku nya, nadai ga ia meda balat endar kebuah ia baka nya. Ia endang enggai nganjung ke kedai, laban teleba ngadu komputer tu kediri. Endang sigi pengawa ia ga, mekanik elektrician. Ia meh kiruh ngiga dini penatai pengerusak komputer sekali tu.


Image Hosted by ImageShack.us
Sinu meda ia sakit!

Image Hosted by ImageShack.us
Titih ke arrow, dia endur ia rusak.

Image Hosted by ImageShack.us
Enda nemu nama utai tu, tang tu meh kebuah ia sakit.

Image Hosted by ImageShack.us
Tali wire ke celum tu baka ke kena tunu (shortcircuit).

Image Hosted by ImageShack.us
Hubby aku madah, nama utai tu 'capacitor', retung ka ia.

Image Hosted by ImageShack.us
Udah di temu nama kebuah, hubby aku lalu ngoder ari kedai 'GrosBill' di Paris din bala spare parts kena 'ngidup' ke komputer tu baru. Sori, enda ingat ngambar bala spare parts baru.

Image Hosted by ImageShack.us
Semadi ke nganti ia ke tuai nyin diadu, kekadang nginjau komputer sida anak di bilik atas din. Nganti giliran ga, jauh lemai baru giliran aku! Nadai urang ngacau agi.


Cerita lama tu. Diatu udah diadu gerai nadai apa nama agi. Dipasang pagi ari, jampat amat nyadi. Nadai agi padam kediri. Enda ibuh nganti lama nganjung e-mail, beblogging pan mujur, ngereja online komunikasi bukai pan jampat ga. Nyamai nemu jadi mekanik. Banggalah!!

8 comments:

  1. Pama endar Nicolas, bisi dianjong ngerepair computer!! Doug endang sigi nemu ngadu computer, nadai kala ngasoh org. Puh semengat, so far pc baru aku tu nadai bisi kala sakit.

    Knock on wood eh! Enti sakit, isshhh, meli baru! Heheh, good excuse!

    ReplyDelete
  2. Enti di anjung ke kedai mar endar ga deh. Bala ke udah nganjung ke kedai mucau magang. Ukai nya garanti 100% gerai, agi ga bisi pemedis bukai udah datai di rumah.
    Ka ati aku, asal ia agi ulih diadu kediri empu, agi tau di kenyadi.

    ReplyDelete
  3. Lyana, aku diatu benong survey ka laptop baru. Ba UK tu bisi deal handphone: enti meli handphone, contract 18 bulan, bayar fixed rated tiap bulan (mayoh tauka mimit ngena, sebaka rate), diberi sida laptop free asal contract nya nadai diapus ka kitai dalam sekumbang 18 bulan nya.

    Nya meh benong berunding ka enda ngambi laban aku diatu ngena laptop kompeni. Tu nyau ka badu gawa da, laptop tu legi dianjong pulai ngagai kompeni ga, nyau ka ngiga baru kena blogging. :)

    Enti utai jai ba Malaysia nyamai amat anjong ngagai cina. Ba menoa ribai tu, semoa DIY!

    ReplyDelete
  4. Aku nyukung nuan meli laptop ke nuan empu. Transportable, maniable and it's yours! Aku pan bisi meh sekali dua nurun ngagai supermarket besai berati ke laptop. Nyamai bai mindah.

    Hubby aku nya endang 'Prince of DIY'! Ukai semina komputer nya aja udah diadu ia. Semua barang elektronik dalam rumah tu including kereta kami duai empu, ia ngadu. Ma enda ulih adu ia agi, urang bukai pan give up meh! hehehe
    Seriously, bansa ke enda arap ke pengawa gaga urang.

    ReplyDelete
  5. Nyamai bisi urang ngadu computer deh. Ba penemu aku lelaki sigi teror ba pengawa tu. Amai sida nadai pengelandik belajar computer tang baka ka di ajar sida nemu ngadu ka ia. Engka nya kelebihan lelaki kini, manah ba ngerepair utai. Uji aku asoh kita Lyana, kudi ari enti nyadi. He..he..

    ReplyDelete
  6. hahaha ngelantak paku lawang ,jari diri empu di pangkung ngena tukul!!

    taya kereta pancit tengan jalai aku enda nemu nganti ia. nasib bisi handfon diatu, tau call laki minta tulung...hehehe

    kudi kudi ari mamadoyee......

    ReplyDelete
  7. Giving my one sen word of advice to our charming Nicola...Peda aku computer nuan beguna ke voltage regulator..enti bedau meli asoh Nicola ngiga nemu ia utainya. Laban utainya beguna kena ngelancar ke arus letrik. Bisi a bit of fluctuation dalam karan rumah kita jangka aku. Enti nadai then my advice is only half sen (turun laban krisis ekonomi sub-prima!!)

    ReplyDelete
  8. hehehe another pro in the family?!!

    udah aku nanya BIL nuan nya, ia madah for France enda beguna ke nya laban quite stable pejalai karan ditu. Ukai nama wire nya 'ancur' keutai, ventilator ia empu dalam nyin weak. Overheated meh reti nya. Diatu nadai tentu bemunyi komputer tu, silenceeeeee!

    ReplyDelete