Tekenyit endar ninga berita penyanyi kumpulan tu ( Filip Nikolic, iya ke sigat agi nyin !!) udah nadai pagi kemari. Agi biak endar, baru berumur 35 taun. Kenu ka berita ke udah didinga, iya mati kena sakit jantung ketegal nelan kelalu mayuh ubat ngasuh tinduk (sleeping pills). Nama kebuah makai ubat ngemayuh nya kini? Balat endar ga mata nya enggai tinduk ! Kenu ke ari berita kaban iya siku, madah ke nadai patut iya ka munuh diri, laban benung kiruh deka ngaga konsert baru enda lama agi. Taja pan sida tiga udah 'beserara' diatu tang agi ga berambih belagu. Enda indah baka pemati tudah Michael Jackson ga.
Lydia begambar enggau group penyanyi peranchis "2 Be 3" di Crowne Square shopping complex, Kuching. Kena 12hb July 2001. Ari kiba: Adel, Lydia, Filip enggau Franck, ke kiruh nyain autographs ke sida sekaban!
Kumpulan '2 Be 3' tu bisi rembus ke Malaysia taun 2001 kelia, cun maya kami menyanak bisi nemuai kemisi ga. Laban ke baru ia ninga penyanyi ari menua peranchis ngaga konsert baka nya di menua kitai, ukai tak minat endar, mansang meh kami enggau urang meda. Enda besai iga konsert nya, engka ketegal ke belagu dalam jaku peranchis kini? Tang kena narit ati peminat ari luar negeri peranchis, sida tiga iya bisi ngaga lagu dalam jaku english. Siti ari lagu nya, benama 'Excuse my French' baka ke dibantai ba video datas nya.
Sinu ga ninga pemati siku nya laban ke udah 'bekelala' meh, taja enda lama. Nyu jadi kenangan meh nya diatu. May he (Filip) rest in peace.
Huh. Nadai kala ninga kumpulan tu. French singer ka temu aku mina iya ka ari raban Il Divo. Heheh.
ReplyDeleteAlah meh tebilang ari niang Michael Jackson sida tu! Tambah lagu sida iya mostly in French. Tang ngenang ke udah betemu mua mata enggau sida iya di Kuching ga agi, sinu ga ati ngenang. Di menua peranchis tu semina didinga aja lagu ma bisi dimain ba radio. Iya ke udah mati nya femes agi (munyi ka Andan!) laban nyu jadi pelakun diatu, seduai ke dua iku nyin muka bisness ke diri. Enda nemu nama bisness ga.
ReplyDeleteHensem nya indah kena sakit jantung. Sayau mai. Anang gamal ka ubat tinduk ngak kitai neh. Kali bisi depression ia tu kali..nya kebuah ngambik pil tinduk. Maiyoh gilak utai di runding kali?
ReplyDeleteNya meh, nama kebuah sida urang femes tu ka endar mengamalkan ubat tinduk?! Nadai milih hensem ke enda, maya udah ajal/destiny udah 'ngangau' ka jaku urang tuai.....alah bulu ga, ka sema jaku kitai !!!
ReplyDelete