Sekumbang kemisi nembiak ujung taun tu, ke beserempak enggau ngintu Ari Krismas serta nyambut taun baru dideka datai ila, memanah wayang dibantai ba TV maya lemai ari belabuh ari pukul 8:30 malam. Prugrim siang ari ungkup ke bala nembiak. Baka cerita ari Disney Channel enggau wayang katun.
Lemai tu aku meda cerita wayang baka ke dibantai diatas nya. Cerita burung - 'Winged Migration'. Rindu endar meda pasal penunga serta penyauh sida iya terebai ari siti endur ke siti endur. Ngiga endur ngenduh ke diri betelu ngambi ke enda pupus. Ukai nya ari sungai ulu ke sungai ili aja penunga sida iya nya terbai. Alit gak ati meda sida iya ngidup ke diri ari menua celap (nitih ke gaya ari mega), lalu ngiga menua ke angat, lalu mulai ke diri baru ke menua asal sida iya. Besai meh kuasa Tuhan meri tiap jelu ke idup didunya tu penemu taja pan ukai baka gamal kitai mensia.
Benung meda bala burung tu mega aku ingat ke Puteri ke rindu begambar ke burung. Bah, Puteri, enti bisi ari anang enda meda cerita tu nuan, lots of useful ideas here, ka ribai!! hehehe
Nyah naka tu berita aku lemai tu. Ka meda pengujung cerita burung nya. Mupuk aku.
Selamat nyambut tahun baru 2010.
ReplyDeleteBisi dvd nya dijual ba Amazon. Adui, aku alu gian meda bisi dvd bukai pasal burung mega! Pengujung iya lagi, 3 iti dvd dibeli! Udah ga meli 4 dvd kutai ... abis duit Krismas!
ReplyDeleteJay - Selamat Taun Baru ke nuan mega !
ReplyDeletePuteri - hehehe...auk anang enda meda cerita burung nya, manah amat! Cerita penguins udah aku meda...lalu minat ke burung penguins diatu ! kiuttttt !!! :-))