Monday, January 11, 2010

Raun ke Paris malam ari.







Lama udah besemaya enggau sida anak ka mai raun ke Paris maya malam ari. Kenyau ari urang belabuh masang api pelip2 kena ngintu ari krismas kutai. Tang semaya tu sudah tebengkalai, ketegal ari enda manah. Enti celap aja kira ke ulih ditat ke. Tang enti nyu enggau ujan kabut, celap gak agi, tau enda ibuh nurun. Ukai nyamai sakit renggak tegal celap.

Demalam kami menyanak mujur mupuk raun ke Paris. Begari naka iya, mayuh kereneh. Bebaju berapa lapis, baju jikit tebal, betupi, bestukin tebal, bekarung jari, ngena kasut ke betul. Laban ari agi balat celap, taja -2°C, pama ngenat ke nya deh enti di luar din. Pasal kasut, enda aku ka ngena kasut tunjik lawa nya, taja ke Paris kin. Manah agi ngena kasut ke endang malut kaki,ngambi ke enda celap lalu tan kena bejalai ba endur ke licin. Licin laban ais.

Sebedau datai din, aku telipun ke pangan aku siku, ke baru pindah gawa di menua Peranchis tuk. Kami sebuat lalu betemu janji ba siti kedai sendi Champs Elysée. Laban tudah ke bedau tentu lama udah ditu, ngiga kaban meh enggau raun di Paris din, maya ke bisi peluang. Bendar kami sebuat bejalai. 3 jam bejalai lubah sambil begambar ke endur ke badas dipeda, baka sida turis kenu ! :p

5 comments:

  1. Jeles amat aku meda! Wished I was there, sama enggau kita ngelaban chelap meda api!

    ReplyDelete
  2. hehehe...nadai berubah endur nya. agi baka taun nuan enggau raun X'mas 1995 kelia. sama celap, sama pemayuh mensia taja ari udah malam. api agi pelip2 ! lol

    ReplyDelete
  3. auk kita ke belama celap enda tan kami nama agi neh nyu bepedih asai mua hehehe

    ReplyDelete
  4. andan - nadai tan celap, wai! urang empu menua deh nemu komplen! enggi aku, tunjuk kaki amat enda tan celap, asai ka tingkil enti enda ngena stukin tauka kasut ke betul....

    ReplyDelete
  5. auk amat ko nuan nya wai bai agi tubuh sepi aku agi ulih ditat ke tang tapak kaki engau jari akaidaiiiiii sigi asai ke ka tingkil. Tang rindu ga ngambi ensepi keni ka asai musim celap ngiga pengalaman munyi ko orang

    ReplyDelete