Thursday, November 6, 2008

Berita pulai raun.

Image Hosted by ImageShack.us

Paris ba arrow ke mit, lalu La Dordogne tunga ke selatan France.


Menua ke di tuju kami menyanak sekali tu endang selalu di gagai. Taja pan selalu endur nemuai, ukai tak selalu nuju siti tempat aja. Pemesai menua tu enti di banding ke enggau indu negeri ia, Paris endang besai. Jadi tiap kali kin ke, nguji netap ba endur ke apin di abas meh. Menua tu di kumbai La Dordogne, lalu bandar ke tau endur bala temuai, baik ari luar tauka dalam negeri ngerindang ati bebeli ke bala saguhati tauka souvenirs ka ribai kira ke dikumbai umbas ia mayuh. Tang ia ke tebilang agi ke selalu di sebut bala ke udah nemuai kitu ia nya Sarlat-le-Caneda. Penyauh endur tu, ngena darat ka kitai, dribing kira 6 jam enti ngena jalai highway aja. Enti deka raun meda menua ngena jalai 'route national' ka peranchis kira 7-8 jam. Tumu berangkat enti deka main tu. Anang agi enti kitai udah bisi temujanji enggau urang ke endur kitai ka diau sekumbang cuti tu.

Kami sebuat nyewa lodge (rumah temuai) di endur ke di kumbai La Roque-Gageac kira 10 km ari Sarlat. Lodge tu kira ke besai agi ari 'bed & breakfast'. Ulih ungkup 4 iku diri sebilik serta enti bisi temuai nyempulang maya nya, ulih nyangkung kira 4 iku agi urang bukai. Kira ke nyiwa rumah siti, seminggu kami sebuat diau ditu. Endang asai ke diau ba rumah diri empu. Selalu ia lodge tu, jauh ari bandar. Ia ke endar sida urang bumai tauka peladang ke nyewa rumah baka tu ke temuai. Meli utai diempa diri empu. Cukup pemisi dalam nyin. Baka peti ais, dapur endur berapi, capak mangkuk, washing machine enggau pekakas rumah bukai mega. Endur kami sekali tu, bisi endur nembiak bemain, bisi ayun enggau basket ball court ba kompaun di luar rumah. Gaga endar bala anak.

Supermarket serta market endur nyual bemacam hasil babas urang empu menua endang meruan bisi taja pan enda semesti ia semak ari rumah. Maya dia tu, maya musim kulat serta entekai, labu, sayur baka luba, celeri, tomatoes. Benung musim buah ga kami ditu! Tang sayau nadai sida durian, rambutan, langsat...akai rai!

Lodge ke endur kami menyanak sekali tu, di kelinggi ke jelu tupi. Tang diau dalam pagar. Ninting pagi di gerak ke kukuk manuk serta perak sida ansa. Bala sapi nyu rerauh ma dipansa, sida kuda baka ke ngerising, ngelesey ka gamal. Kambin biri-biri nyu sesegau baka ke ngundan panggal laban bulu tebal, apin maya nguntin bulu kambin ga diatu. Ari majak celap. Tang celap baka ni pan sepi aku, enda ga kempang merap kambin siku tauka sendi kambin nya. Balat bau sida wai, pama perfume sida ucak tu! Bendar ngerara bala anak aku, ke ka endar murus jelu tu.

Jadi jelu ansa tu ditupi baka kitai ke nupi anak ngut. Lebih penting agi ari manuk, ansa ba menua tu. Belabuh ari maya dia tu nyentuk ke pun bulan duabelas ila, tiap ari di beri 'dose' leka jagung. Dose ka aku nya, kira sekilo leka jagung ke siku ansa, ari pagi, tengah ari enggau lemai. Endang bisi cuan kena meri sida ia makai. Ukai siku aja ansa nya, sampai beratus! Penyamai mimit, bisi injin kena urang kemaya ari tu. Enti nitih ke cerita lama, urang kelia ni bisi injin, tan enggau dua iti jari diri empu lalu siku nuang ke cuan ke dalam rekung ansa nya. Kira ke merinsa ke jelu. Alai ngaga ansa bakatu, diteju ke besai gemuk lalu di sembelih maya semak Christmas ila. Lalu enti kita kala ninga pemakai tebilang menua peranchis ke kumbai 'foie gras' datai ari 'ati' ansa ke dipajak makai leka jagung dalam urung pun bulan sebelas tu meh. Baka 'turkey' dinner menua Amerika din, kami ditu pengerami Christmas enda tau enda bisi 'magret de canard' (duck's brest) enggau 'foie gras'.

Bah, panjai cerita aku tu. Nyu tesangkut kin kitu. Lebuh ke supping sekali ngagai supermarket ke enda jauh iga ari lodge kami menyanak nya (7 km!) aku bisi meli 2 butul oyster sos (ayam brand) enggau sebutul chili sos (ayam brand mega) ari Malaysia. Bendar ngusuk mata, asai ke bemimpi!! Kini ke tau bisi din. Puas aku ngiga sos dua iti tu ba endur aku diau ditu maya ke suntuk, nadai kala meda. Pama meh tau di kenyadi.

Au, ila upload gambar, mayuh amat nya dia.

4 comments:

  1. Hi Lyana, nya berita nuan neh, ni gambar enda diupload deh. Nyamai amat sekali sekala meda country side org menua din gunung tinggi. Peii enda tinggal bak bala sida buah durin enggau rambutan neh, benung musim buah ba menua diatu. Lawak amat, bendar ketawa ke cerita nuan, balat amat perfume sida uchak kambing haha! sapa ngasuh megai kambing, nang sigi bau jelu tupi ba rumah panjai enggai endar aku semak alai orang nupi ngot naka naka kak mutah. Tang kak gak makai ia nyamai. Have a nice day.

    ReplyDelete
  2. Endang amat ka nuan, makin gamal utai nya enda menyana, makin nyamai agi diempa. hedeh...

    Udah di upload bala gambar, agi mai kita meda mayuh agi.....

    cheers, cath!

    ReplyDelete
  3. Haha, ba menoa mit tetemu ka Ayam Brand!! Kapa mina meli dua butul tauka sebutul? Berangkut lah!

    La Dordogne, enda bisi kin kitai suba? Asai ka bisi mai postcard ari menoa nya maya kin kelia.

    Rindu begulai enggau sida jelu tupi! Haha, sigi asai ba farm amat2!

    ReplyDelete
  4. kena penabat aja. enda lama agi pulai cuti X'mas ke Kuc. oops! Pecah rahsia aku..hehehe

    Udah nuan enggau ke La Dordogne, Sarlat, Beynac, Ceynac.....menua spelling ending enggau "ac" magang!
    Ingat nuan ke tekenyit meda 'mammouth' dalam perihistoric muzium/parc di Thot? Bendar ngerising udah nya.

    ReplyDelete