Friday, December 5, 2008

Mai Calisto check-up.

Image Hosted by ImageShack.us
Gamal Calisto ringat di bai annuel check-up. Bendar ngumpan ia ngambi ke ka masuk dalam sangkar tu. Alai nyimpan ia dalam sangkar, ketegal undang2 ditu. Kena saman pulis enti jelu di peda enda dalam sangkar dalam kerita. Enggai ke ngacau kitai driving.

Image Hosted by ImageShack.us
Datai dalam bilik klinik ungkup ke jelu, ia enggai pansut agi ari sangkar. Getar-getar takut. Ukai keterubah ia, ga ia dibai kitu tang endang sigi gaya Calisto. Nangi ke urang bukai kelimpah ari kami sebilik. Pansut ari sangkar ulih nyungkil ga, lalu meruk ka diri baruh sink!

Image Hosted by ImageShack.us
Udah di peresa ngeli, jantung enggau ditimbang (6 kg), ia lalu di cucuk enggau ubat kena nagang dirampit penyakit jelu ke di kenangi baka penyakit 'gila ukui' ka kitai. Di jeling ia lutur nya, enti ulih engka ka direkak ia kini ?! Di beri ubat pil kena muai cacin dalam perut meh. Kiruh aku sari nya laban ia. Calisto tu rindu makai pemakai mayau dalam pikit, cap Wiskas. Enda anchi-anchi utai pakai ia, nya besai baka nya. Enggai makai lauk ikan, lauk dagin aja. Raya jelu tu !!

Image Hosted by ImageShack.us
Udah tembu peresa, sekali tu ia empu ngenama ke diri dalam sangkar. Lalu terus mai pulai ka gamal. Enti tau bejaku, baka nya meh runding ia, sangka aku. Kaki ia ke bakal minggu nyin kemari udah gerai. Diatu 'on diet' ia, ditagang lutur enda asuh lebih ari 6 kg pemerat ia. Asuh besenam ga..tuchum serta geli ati ninga ajar lutur nya. Baka ke ngajar ngasuh ngibun anak mit !

10 comments:

  1. haha...nya deh pengujung tudah calisto tu kemariq ney...sekumbang ke udah kena rekak..lalu runggu..asuh diet& bsenam gi nya..hehe...ulu ke meh...huhuu..

    ReplyDelete
  2. mayuh amat penemu lutur nya..di 'auk' ke aja..asuh keluar nangkap tikus, besenam meh ia nya !!

    ReplyDelete
  3. Beli ke treadmill calisto nya. kena ia bsenam... jogging...hahaha

    ReplyDelete
  4. apuu..balat mai maintainance calisto nya wai..hehe...beruntung amai ia bulih pengibun baka kita. senyum ku ninga cerita nuan nya. Kami enti diau rumah terengkah bak tanah pelabaku baka zoo,balat rindu ke jelu.. nasib amai diau apartment hehe...

    ReplyDelete
  5. Ukai kitai mensia aja tau obese. Ba menoa kami ditu endang mayoh sida ukoi enggau mayau ka obese!! Kasih tudah - kaki baka ka enda ulih mai tubuh diri agi!

    Kurang ka Wiskas Calisto nuan nya! Heheh.

    ReplyDelete
  6. Grace,

    Ka berunding meli pekakas kena ia bemain meh laban agi rindu di tundi ga mayau tu. Tang nya meh, lembau meda rega ditu mar endar ! Meda ka maya SALE enda lama gi...


    Endath,

    Enti nitih ke ati enggau sida anak (ulih nagang !) ka nupi mayuh agi mayau. Baka kami ke bagas mindah tu, nyu berunding 2-3 kali, sinu ke jelu merinsa tinggal kediri selalu. Tajapan bisi jiran siku nya ke siru endar enggau kami menyanak laban ia empu bisi jelu mayau ga.


    Puteri,

    Nya meh, takut ke ia jadi obese. Kediatu ia agi biak, agi ulih diintu, enti udah berumur ila, tau kena sakit jantung, diabetes, athritis etc sida mayau tu. Baka kitai mensia.

    Udah di kurang Wiskas ia, setengah pikit sari diatu. Gara2 bisi jelu tupi hehehe

    ReplyDelete
  7. Awwwww... kemaya enda aku tu ka bebela ka mayau enggau ukui... hmmm.

    ReplyDelete
  8. Flo - Nupi mayau dulu..hehe Nupi ukui mayuh amat pengiruh......

    ReplyDelete
  9. oh wai, apuuu mentang mentang ka pulai Kch. Sibuk amat nganjung si tudah mayau becheck doctor..hehehe..nadai enggau si calisto pulai kemisi piak?

    ReplyDelete
  10. Hi Charlene,

    Enda ulih mai Calisto. 10 ari aja kami di KCH. Quarantine period ba animal care di airport 40 ari !!

    No no..he stays, nyaga rumah. Kasih ga ninggal tudah tuai. Alone under the X'mas tree tu ila......

    ReplyDelete