Monday, May 4, 2009

Bunga Wisteria

Image Hosted by ImageShack.us

Semadi meda ba 'wikipedia' baru aku nemu nama bunga tu di kumbai 'wisteria' ba jaku english. Laban ke teleba ngumbai nya 'glycines' ditu. Bala kitai ke kala meda cerita drama ba TV, 'Desperate Housewives' teleba endar ga ninga dama bunga tu. Wisteria Lane...anyone ??

Image Hosted by ImageShack.us

Pun kayu bunga wisteria enggi aku tumbuh ari baruh peti surat lalu ngerayap nyentuk ke pintu pagar penama. Taun tu ke empat taun iya udah galak endar bebunga. Rindu endar meda pemanah gamal bunga tu, mayuh endar sekali ngembai. Nadai curak bukai, semina biru engkudu aja kaler bunga tu.

11 comments:

  1. auk rindu amat meda menua kita din maia tu neh wai - kiba kanan bungai nyentuk ke sida rumput ngapa bebungai meh. Aku alu bedau betanam bungai sebelah tisi rumah agi betugung sida pasir, batu, sampah etc agi bedau ulih enseput kemaia meh rumah aku tu nyadi rumah akaidaiiii agi sendat seput tu ahhhhh

    ReplyDelete
  2. Rindu amai meda menua kitak din wai, aku sigi rindu ka bungai tapi nadai endor aku betanam ka bungai laban ti diau ba flat.

    Rajin amai nuan ngemeresi compound rumah nuan. Patutlah nuan slim, rajin gawa.

    ReplyDelete
  3. Kami bisi endar ati ka nanam wisteria tang lama ka besai bunga tu. Amat rindu endar meda wisteria ma udah galak. Peda aku neighbour kami sebarai jalai besai kami ditu bisi nanam wisteria.

    ReplyDelete
  4. Wah cantik amat bungai nya neh.Sakai gi aku baru ninga bungai nya wai.Sigi nda nemu nama bungai kelimpah ari Ros,Tulip,Orchid ermm bunga raya,bunga kebangsaan Malaysia nya nemu ga aku :).

    ReplyDelete
  5. Wa, love the flowers.
    (tapi aku tok malas betanam ka bungai..nti ngujak ka batang cangkuk enggau empasa engka gak rajin cimit) LOL!

    ReplyDelete
  6. andan - nya meh, aku semadi ditu baru gagit nemu betanam bunga, serta ransing ati meda bunga! Kelia, kapa aku ibuh, tambah frust ga, bunga ditanam ka jaku tau enggai nyumbuk. Lubah2 meh, udah tembu rumah nuan ila, baru nuan bekira ka ngereja pengawa bukai. Udah kala aku bepengelaman baka nuan nya. Puteri udah jadi saksi, meda gaya rumah aku kelia, baka tembawai !!ish ish panjai cerita nya....


    Indai Mit - Slim aku peda nuan pia?? adeh heh gara gara ngasur injin rumput !!hahaha


    Puteri - Endang amat, enggi aku nya dua taun ia tak bedaun aja, baru iya suba. Nyu kelama baru galak. Taun tu iya manah endar peda aku. Gaga ati ! Enggi jiran aku ke seberai jalai nya, ba mua pintu rumah iya bunga tu ngerayap, tang puas endar iya laban nya, tiap ari tudah tuai nyapu muai bunga ke labuh ke dalam rumah!


    Endun - Bisi aku nanam bunga raya dia. Dua pun , beri jiran aku sepiak nya. Ila udah bebunga aku mandang ke ditu ga. Nguji ngapa, nya meh, syukur, tau ga nyadi.


    Chris - Wah ! pama nya, tau di empa daun cangkuk enggau empasa, enda rugi nanam. Bunga semina manah di peda.

    ReplyDelete
  7. Ukai nama rajin ngujak ka batang cangkuk enggau empasa, laban enggai kiruh nanjah sereta ngintu iya. LOL!

    ReplyDelete
  8. Chris - Bunga wisteria nya, engka bekaban enggau sika cangkuk enggau empasa (°_°) nadai ibuh dipanjah enggau ai tauka di baja, tak ngati ke diri ! Rindu meda bunga tang ngelusu ngintu aku tu. hihihi

    ReplyDelete
  9. apu, tau amat aku nanam nya. LOL! anang aja rumah ambis dibalut ia nyau baka sleeping beauty's castle la pulak...

    ReplyDelete
  10. Christ - amat balat ngerayap bunga tu enti enda ditagang. hehe one thing about sleeping beauty's castle, bisi Prince Charming datai ila! landik Sleeping beauty ngiga ambai, asuh iya repa rumah iya dulu. Rumah aku nadai Prince charming agi ka malik, nadai babas ditebas iya agi !! hahaha

    ReplyDelete
  11. LOL!
    manah nti baka sleeping beauty's castle, nti nyau repa mereba baka haunted castle deh?
    LARI!!!!
    LOL

    ReplyDelete