Wednesday, December 23, 2009

Biskit krismas.



Tengah ari tadi aku sempat ngaga dua macam biskit tu. Butter cookies bepuak ke jam enggau butter cookies 'cap' gaga Anais. Gagit ati anak dara aku ke lumur dua nya bai aku ngaga biskit nya. Siku tu endang sigi rajin enggau aku didapur. Bagas ringat ngelamatu laban suah diburu ari dapur. Endang sigi gaya kitai ke indai tu, enggai tentu diselut anak maya ke kiruh 'entepa' kin kitu baka maya dia tu.

Pagila deka ngaga kek kami duai. Lemon pie iya ke endar udah diati aku. Rindu makai lemon pie, laban bisi asai masam!

Tajapan nadai nyambut pengabang datai maya krismas ila, tang semampai begaga ke pemakai bemacam bansa gak kami sebuat. Baka taun ke udah mai jiran siku dua beserumpu enggau kami menyanak. Tang taun tu, kami menyanak aja, bala jiran mayuh 'balek kampung' taun tu.

Taun siti nyin suba, enda enggau ngintu krismas di menua peranchis tu kami menyanak. Terubah iya pulai ke Malaysia ngintu krismas enggau kami sebilik. Naka pengerindu bala aku meda pengerami kitai ngintu ari besai Tuhan Jesus kitai din. Nya meh, enti nitih ke ati endang ka pulai belama maya tu.....

Bah, ka nyendia ke bala utai panduk ke pagila. Tumu berapi laban ka nurun sembiang lemai. Ngarap ke ari enda kelalu jai (ramalan cuaca naga ke ari kabut lemai pagila)....endO berapO !

3 comments:

  1. MmmmmMMmmm... sedap... although aku enda berapo enti ke bisi 'jam' nya, pedis ngeli laban manis...:-)

    ReplyDelete
  2. Merry Christmas ngagai kita sebilik wai. Sedap amai dipeda aku gamal biskit nuan nyak. Meri resipi.

    Aku nadai ngagai taun tu laban enda ulih cuti. Semina meli aja.

    Benong aku naip comment tu, aku agik ba office. Malam legi bisi presentation sebedau service berengkah.

    Ila aku engkah ka photo ba blog aku, ngambi ka nuan ulih meda pengerami malam 24/12 ba gereja.

    Have a blessed day.

    ReplyDelete