Monday, February 15, 2010

Meli DVD


Pagi tadi aku enggau anak dara ke tuai aku nya supping ke supermarket ke pemadu besai sendi endur kami diau ditu. Tak muat ati ke mansang supping kia. Nadai besemaya. Nyadi Lydia nadai kelas ga saritu laban pagila sida iya deka belabuh exam. Peresa ke semester ke kedua.

Enda lama kami duai din. Tang sempat meli utai ke diati. Bisi meli mee hoon enggau oyster sos tadi. Gaga ati laban nyu udah abis stock ke dibai ari menua. Taja pan enda sebaka baka ke selalu dibeli ngelama tu. Brand di gaga di Thailand. Tang pama meh, asal bisi ney.

Udah nya, kami duai menyanak mega mansa kedai nyual perengka hifi enggau perengka musik ke bukai, tekenyit meda agi bisi jual murah(WINTER MEGA SALE) gak. Taja WINTER SALE udah badu minggu nyin kutai. Sapa enggai meli DVD ngemurah nya di jual dia. 30euros aja enti meli 5 iti DVD nya. 10euro enti meli siti aja! huhuhu Aku lalu milih 5 iti cerita 'light comedy' ka ribai, ke sigi diati ngelamatu. Kenu ka ati, enti bisi ari deka meda DVD nya maya kemisi nembiak sekula ke belabuh ujung minggu tu ila. Nadai mindah jauh kami menyanak kemisi nembiak sekali tu. Sulu ati agi kursus ke pengawa iya. Lama kursus iya sekali tu, nyentuk ke tengan bulan 3 ila. Nyu sekula baru tedah...

Bah, naka tu aja berita aku sekali tu. Selamat ngenat ke diri ke bala ke diau maya kemisi ngintu Taun baru Cina tu.
Dikarang Lyana kena 2/15/2010 11:46:00 PM

6 comments:

  1. Chris AnakapaiFebruary 16, 2010 at 6:06 AM

    In her shoes...manah cerita nya.
    Marley & me: sesingut ku nyabak meda movie tu. tang bisi part ke ngasuh ketawa engkakah...hehe

    ReplyDelete
  2. mmyyenFebruary 16, 2010 at 6:24 AM

    ku sama meh baka chris nya..in her shoes aja dah peda ku.k bukai bedau..

    benung season apa ktk dia y?t benung spring cantik mai view neh..

    ReplyDelete
  3. LyanaFebruary 16, 2010 at 7:38 AM

    Chris - Aku rindu meda Jennifer Aniston nya melakun ba comedy drama baka tu. Lucu gak indu tu. Jim Carrey endang long time favourite ! Bisi cherita seduai iya JA nya sama begulai. Polly & Me. Udah meda ? Aku udah. manah Chris.

    Sati - auk, anang guai madah, ka meda suspen cherita nya hehehe

    Agi musim celap y. 20hb March ila musim bunga/SringTime ditu.

    ReplyDelete
  4. Endun BelalaiFebruary 16, 2010 at 9:05 AM

    apuuu mar endal dvd neh? movie ke diatas 3 iti udah aku meda, wai! manah cerita .. enjoy! :)

    ReplyDelete
  5. lystherFebruary 16, 2010 at 2:57 PM

    Aku sekumbang ke diau ditu, nadai kala enggau orang bebeli ke DVD, suah agi meda 'online movies' ke bisi bak internet.
    Ka ngiga cerita nya bak internet, sigi rindu ke cherita ngasuh ketawa.

    ReplyDelete
  6. LyanaFebruary 16, 2010 at 5:00 PM

    EB - mar y ! enti enda meli ari online, maya sale gak aku meli DVD. enggi aku semina cherita ngasuh ketawa aja di kerindu endar. Bisi gak maya deka meda cherita sinu tang jarang....lelak ngensing insak bai nyabak !! wakakaka


    Lysther - hehehe...aku jarang enggau meda online movies. enda nemu kebuah. kira ke nadai ari meh kini.....
    auk, sama kitai rindu meda cherita ngasuh ngerising ! heeeeeee

    ReplyDelete

Subscribe to: Post Comments (Atom)