Gambar lama. Diambi maya musim panas taun 2008. Siti ari gambar ba mua kompaun rumah aku.
Alai aku mantai ke gambar tu laban nyu enda sabar agi nganti musim bunga. Gagit ati deka meda ari manah. Enda kelalu celap endar. Rindu nanam bunga bemacam bansa enggau curak.
Maya ke diatu, nadai ulih pansut, mendam dalam rumah aja. Lesa serta lelak belama asai tubuh. Ngumba endar kami di menua Peranchis taun tu. Balat endar digasak ke salji. Ngelama udah diau menua tu, taun tu meh baru iya aku meda salji suah labuh. Rindu gak meda salji nya. Suah endar gak udah digambar, ambik ke pengingat.
Nitih ke ba kalinda printah, 20hb March tu ila belabuh musim bunga. Tat ke meh, enda lama nya agi ! :-)
hehe..mnh mai laman d wai..musim bunga ila mesti cantik view neh..
ReplyDeleteApu neh..ngirum ke aku bungai ke menua angat kitu auk enti udah datai musim bunga.:)
ReplyDeleteMMy Yen - enti udah maya musim bunga, aku endang jarang dalam rumah. kiruh nanam bunga, rindu ati meh. lama dah bekumbun sekumbang musim celap ari bulan 10 kutai. enda sabar gik nganti ari manah.....
ReplyDeleteEndun - hehehe ila ngambar ke nuan! :-)
Stidi amat gamal terrace kita nya. Enda teranti hari mupuk angat neh! Amat udah fed up bepakaian beserak! :-(
ReplyDeletePuteri - Amat enda teranti ke ari manah tik ka datai nya. Nasip bisi gambar ari taun ke dulu kena ngemantup ati lelenggau ke kebun bunga ! hehehe
ReplyDelete