Tuesday, March 30, 2010

Nadai ai paip....



Lemai tu teringat ke video mayau ke ngirup serta mandi ba ai paip nya. Jeles aku ke mayau nya !!

Kebuah jeles, laban kami nadai ai ari paip lemai tu. Amat merinsa nadai ai. Ka pan enda, ngena ai mineral (ai dalam butul) meh beberus ngeli serta empungas mua lagi. Nasip ari enda angat, tambah saritu enda gawa di luar din. Bedau engkasak ba kebun bunga. Ari agi enda tentu berapa gak ditu. Nadai bepeluh kami sebuat. Nadai nyangka ke ngelama nya gak putus ai nya. Nadai gak urang ari municipal kunsil tadi ngerah ke nimbun ai. Aku enda gak irau ati. Nya alai enda nimbun ai. Sekumbang ke diau ditu, nyu udah 20 taun, terubah iya meh nadai ai ditu.

Kebuah alai nadai ai, ketegal paip besai ke nuju ke kami kitu pecah tengah ari tadi. Nyu buchur2 ai meruap ari lubang tanah. Nyu baka ai sungai ngalir ke jalai besai pemayuh ai udah pansut. Kira 2 jam lebih udah nya baru bala pekerja ari municipal kunsil nya datai lalu nutup paip penatai ai nya.

Ngarap ke pagila ulih diadu ke paip nya. Enda tan nadai ai. Sapa tan enda mandi, tajapan enda bepeluh balat. ishhhhh
Dikarang Lyana kena 3/30/2010 10:01:00 PM

6 comments:

  1. PuteriMarch 30, 2010 at 10:36 PM

    Bekasam enda ngawa, anang aja jamban sumbat laban nadai ai kena flush! Apu ... pansut keluar kita menyanak numbak lubang alai melabur ma jamban sumbat! heheheheh.

    ReplyDelete
  2. LyanaMarch 30, 2010 at 10:47 PM

    ahahahaha....nyu belabuh irau aku ke nya ! akai dai.... :-/

    ReplyDelete
  3. Indai DaraMarch 31, 2010 at 4:05 AM

    Auk enda lama urg ngadu ke paip ke bocor nya deh he3 anang irau engi kami ditu nyu keruh n bau tanah aik Laban kemarau

    ReplyDelete
  4. SJNathanielMarch 31, 2010 at 9:17 AM

    puu pedis mai nti ndai ai..

    ReplyDelete
  5. Anna SerenaApril 1, 2010 at 9:48 AM

    Apo..nemu mandi si calito nuan nya pia wai...hahaha..comel mai pendiau tudah tuai nya mandi ba singki..hahaha

    ReplyDelete
  6. LyanaApril 1, 2010 at 7:04 PM

    andan - nyu lemai ari kemari baru tembu adu sida iya......puuu kemarau di Tanah Latak pia?

    mummy Yen - nya meh. ukai bisi sungai semak endur nyawuk ai ! hehehe

    Anna - ahahahaha...saru nuan pia? ukai nya Calisto. tang nyuka sebaka bulu enggau iya....enda kala meda mayau rindu main ai....

    ReplyDelete

Subscribe to: Post Comments (Atom)