Durian mania!

Mayuh bala ngirum ke aku ngena e-mail gambar musim buah di menua diatu. Lalu meda bala buah-buahan menua kitai baka ba 'ruai' kenergy http://roundraun.blogspot.com ngasuh balat agi ati tu lelenggau ka pulai...makai buah..daki nik!!

Ditu aku mantai ke gambar di ambi adi aku, Eileen, di Sebuyau, dua minggu ke udah. Aku besemaya enggau ia, deka mandang ke bala gambar ke sekeda nya diambi ia empu, sekeda nya bala bukai. Ma meda ia dalam gambar, assistant tukang gambar meh megai kamera! hehehe

Bandar Sebuyau.


Diana (cousin-in-law) ari kiba endar enggau adi aku Eileen, ngena tupi mirah. Sori, kaban dua iku ke bukai nya enda aku ngelala.


Ramzi (brother-in-law) enggau cousin aku, James, ari kanan. Eh, enda nemu pengawa seduai tu, ngumpul durian, tauka ka nugal ??


Langkau mit, endur nyimpan durian ke udah di gumpul.


Di tancang enggau tali buah durian, enggai ke lepas rari !!


Nyu sarat kerita sida ia endur ngangkut buah durian.

Gambar penudi pulai raun.

'All good things must comes to an end' ka ribai. Bah! Naka tu aja bala gambar kami menyanak cuti sekali tu. Arap ke bala kita, tepantup ati meda ia, lalu bala ke bisi ati deka nemuai ke Peranchis kitu maya cuti ila-ila, anang nemuai naka menua Paris aja. Enti ulih, gumpul umbas ia belanja, meda menua tu jauh agi. Tang amat munyi jaku sema kitai, ma ke Egypt enda meda 'Pyramide', ke menua Merika enda meda 'The Statue of Liberty' lalu nemuai ke Peranchis enda meda 'Eiffel Tower' amat enda sah pejalai kitai nya, enda pia?

Nyu netap ditu, lain ga runding tu, pemanah negeri besai endang enda ulih di banding tang sepi aku rindu agi aku nemuai bejalai ngagai menua mit/pendalaman. Rindu ke betemu enggau urang empu menua, sida ia lebih agi mesra, welcoming ka ribai. Enda beguai baka ke ka tinggal bas aja! Castles (istana lama), rumah lama, endang meruan diintu, rindu ninga sida 'tourist guide' nusui cerita pengawa urang kelia, lalu di ambi ke teladan urang ke maya ari tu. Menua rimba ditu jauh agi beresi ari negeri besai. Bedau dikacau sebun tauka asap kerita. Kayu balak enda di tebang ngapa. 'La nature est sacré'..the nature is sacred.

Endur sungai Vezere (kiba) enggau sungai La Dordogne betemu.


Pintu penama ke Limeul.


Limeul perihistorique village.


Siti agi pintu penama.


Daun bunga tumbuh atas atap rumah.


Rumah 'troglodyte' di Limeul. Bisi meda rumah siti agi atas nya?


Rumah setengah kayu enggau batu di Trémolat.


Bandar mit, Trémolat.


Kedai souvenirs di Domme.


'Sunset' ari Domme.


Anais nepan kuda mit (pony) di Cenac.


aha!..enggi Lydia stidi agi kuda ia.

Sida ia sari nya asuh 'cikgu' sida ia nepan kuda enda ngena saddle 'penuduk' maya halloween. Balat basah tanchut ka anak, ketegal jelu kuda nya ke bepeluh! Adat halloween, kenu.......

Gambar pulai raun..2

Alai ke ngambi gambar menua tu malam ari (baru pukul 6.00 lemai maya nya) laban kami menyanak ke udah raun dalam babas maya agi siang, tukang masak tu 'mogok', lembau berapi. Udah besiap bekemas ngadu ke diri, kami menyanak nurun makai ke restoran di bandar Sarlat.

Ansa gaga ari temaga, tanda menua Sarlat. Endur temuai beposing!


Boutique nyual wine.


Boutique nyual 'foie gras', ati ansa.


Restoran endur kami menyanak makai. Sapa ka duduk makai di luar nya, celap!!


Kedai nyual souvenirs enggau alai ngirup.

**********


Rumah batu dalam bukit tau mega di kumbai 'troglodyte', di Reignac. Di gaga maya abad ke 14 kelia ulih siku urang kaya ke megai kuasa ditu kelia. Nyentuk ke saritu, endur tu agi diintu bala 'historians' lalu di jadi ke muzium.


Landik amat urang ke ngaga tempat tu kelia nebuk bukit nya endur berumah.


Jalai penama.


Endur meli tikit enggau kedai souvenirs. Zaman modern ni !


Kaki tangga.


Bilik dapur.


Bilik makai.


Bilik endur nyambut temuai.


A knight armor.


Bilik tinduk. Alai katil tu pandak peda kitai, bansa ribai dulu kelia enda tinduk gali. Mali ke penemu sida ia. Tinduk duduk! Semina urang udah mati tau di gali atas katil.


Nadai sida kuda agi kena mindah, aram nepan kerita! Rampa menua di peda ari atas rumah troglodyte.

Gambar pulai raun..1

Mai bup (Into The Heart of Borneo), di tulis Redmond O'Hanlon. Di baca dalam kerita kena ngerindang mata, ka jaku. : )


Rumah temuai endur kami menyanak diau.


Mansang bejalai dalam babas, mansa sida sapi.


Palan endur nyimpan jagung, kena nupi ansa enggau manuk.


Gaya babas menua ribai. Jauh 'mipau' ari utan rimba menua kitai.


Bunga tu di kumbai 'la monnaie du pape' (the pope's money)! Bunga babas.


Apai enggau anak bendar ngiga 'chestnuts'.


Bejimat megai kulit chestnuts laban beduri. Chestnuts dalam babas tau digumpul urang mayuh.


Gamal chestnut nyuka baka buah berangan tang besai agi.


Kulat tanah.


Siti agi bansa kulat tanah. Bansa peranchis rindu amat makai kulat.


Tembus ari babas, meda 'chateau', manah amat. Ukai istana bunian tu!


Bendar Anaïs bejalai, nyu enda malik!


Kira sekilo lebih nyampau chestnuts gumpul kami menyanak.


Chestnut udah dikupak, ka di rebus.


Sempat nepan kuda sida anak, ba esquestrian club menua tu.


Enggau ngintu halloween ga kami sebuat ba endur club kuda nya.


Beserumpu bbq halloween.


Chestnuts tunu, sedap endar!

Berita pulai raun.

Paris ba arrow ke mit, lalu La Dordogne tunga ke selatan France.

Menua ke di tuju kami menyanak sekali tu endang selalu di gagai. Taja pan selalu endur nemuai, ukai tak selalu nuju siti tempat aja. Pemesai menua tu enti di banding ke enggau indu negeri ia, Paris endang besai. Jadi tiap kali kin ke, nguji netap ba endur ke apin di abas meh. Menua tu di kumbai La Dordogne, lalu bandar ke tau endur bala temuai, baik ari luar tauka dalam negeri ngerindang ati bebeli ke bala saguhati tauka souvenirs ka ribai kira ke dikumbai umbas ia mayuh. Tang ia ke tebilang agi ke selalu di sebut bala ke udah nemuai kitu ia nya Sarlat-le-Caneda. Penyauh endur tu, ngena darat ka kitai, dribing kira 6 jam enti ngena jalai highway aja. Enti deka raun meda menua ngena jalai 'route national' ka peranchis kira 7-8 jam. Tumu berangkat enti deka main tu. Anang agi enti kitai udah bisi temujanji enggau urang ke endur kitai ka diau sekumbang cuti tu.

Kami sebuat nyewa lodge (rumah temuai) di endur ke di kumbai La Roque-Gageac kira 10 km ari Sarlat. Lodge tu kira ke besai agi ari 'bed & breakfast'. Ulih ungkup 4 iku diri sebilik serta enti bisi temuai nyempulang maya nya, ulih nyangkung kira 4 iku agi urang bukai. Kira ke nyiwa rumah siti, seminggu kami sebuat diau ditu. Endang asai ke diau ba rumah diri empu. Selalu ia lodge tu, jauh ari bandar. Ia ke endar sida urang bumai tauka peladang ke nyewa rumah baka tu ke temuai. Meli utai diempa diri empu. Cukup pemisi dalam nyin. Baka peti ais, dapur endur berapi, capak mangkuk, washing machine enggau pekakas rumah bukai mega. Endur kami sekali tu, bisi endur nembiak bemain, bisi ayun enggau basket ball court ba kompaun di luar rumah. Gaga endar bala anak.

Supermarket serta market endur nyual bemacam hasil babas urang empu menua endang meruan bisi taja pan enda semesti ia semak ari rumah. Maya dia tu, maya musim kulat serta entekai, labu, sayur baka luba, celeri, tomatoes. Benung musim buah ga kami ditu! Tang sayau nadai sida durian, rambutan, langsat...akai rai!

Lodge ke endur kami menyanak sekali tu, di kelinggi ke jelu tupi. Tang diau dalam pagar. Ninting pagi di gerak ke kukuk manuk serta perak sida ansa. Bala sapi nyu rerauh ma dipansa, sida kuda baka ke ngerising, ngelesey ka gamal. Kambin biri-biri nyu sesegau baka ke ngundan panggal laban bulu tebal, apin maya nguntin bulu kambin ga diatu. Ari majak celap. Tang celap baka ni pan sepi aku, enda ga kempang merap kambin siku tauka sendi kambin nya. Balat bau sida wai, pama perfume sida ucak tu! Bendar ngerara bala anak aku, ke ka endar murus jelu tu.

Jadi jelu ansa tu ditupi baka kitai ke nupi anak ngut. Lebih penting agi ari manuk, ansa ba menua tu. Belabuh ari maya dia tu nyentuk ke pun bulan duabelas ila, tiap ari di beri 'dose' leka jagung. Dose ka aku nya, kira sekilo leka jagung ke siku ansa, ari pagi, tengah ari enggau lemai. Endang bisi cuan kena meri sida ia makai. Ukai siku aja ansa nya, sampai beratus! Penyamai mimit, bisi injin kena urang kemaya ari tu. Enti nitih ke cerita lama, urang kelia ni bisi injin, tan enggau dua iti jari diri empu lalu siku nuang ke cuan ke dalam rekung ansa nya. Kira ke merinsa ke jelu. Alai ngaga ansa bakatu, diteju ke besai gemuk lalu di sembelih maya semak Christmas ila. Lalu enti kita kala ninga pemakai tebilang menua peranchis ke kumbai 'foie gras' datai ari 'ati' ansa ke dipajak makai leka jagung dalam urung pun bulan sebelas tu meh. Baka 'turkey' dinner menua Amerika din, kami ditu pengerami Christmas enda tau enda bisi 'magret de canard' (duck's brest) enggau 'foie gras'.

Bah, panjai cerita aku tu. Nyu tesangkut kin kitu. Lebuh ke supping sekali ngagai supermarket ke enda jauh iga ari lodge kami menyanak nya (7 km!) aku bisi meli 2 butul oyster sos (ayam brand) enggau sebutul chili sos (ayam brand mega) ari Malaysia. Bendar ngusuk mata, asai ke bemimpi!! Kini ke tau bisi din. Puas aku ngiga sos dua iti tu ba endur aku diau ditu maya ke suntuk, nadai kala meda. Pama meh tau di kenyadi.

Au, ila upload gambar, mayuh amat nya dia.