Monday, March 17, 2008

Makai ba restoran.

Image Hosted by ImageShack.us
*
*
Manah amat gamal decoration ba capak aku nya. Menu nya ikan di balut bacon panggang, sejeput sayur buah kechula di sirap halus di gulai enggau bawang telur/besai di sirap mit mega. Udahnya, tumpuk utai ke kuning nyin, ubi kentang rebus gulai butter enggau sigi tomato panggang ga. Lalu semoa tu tadi di sempulang ke sos gulai minyak olives. Ai irup ? Sorry, nadai ai ngapa, mesti ngirup white wine. Ngerecam moa sida waiter enti kitai minta ai buah!
*
Kami duai apai tuai aku makai ba restoran tu kena ngingat ke sari nya, Ari Indu Sedunya (08/03/08) minggu nyin suba. Manah amat, rindu ga, orang mai bebasa ke kitai, enda pia? Lemai nya gaga meh nadai berapi di rumah, taja pan udah nya meda rega utai ke diempa nya, pejam mata! Tambah mega, ka madah ke enda nyamai, tau ga di pakai maia ke lapar, tang enda aku inggap ditu kediri. Tersinggin ati din ngarap ke orang mai ngagai restoran Cina tauka restoran Pizza, ngambi ke ulih makai lauk panduk Cina tauka pizza gaga orang Italian. Tang nadai ka enggau lah, titih aja, laban ke enda kala makai ba endur tu, ka nguji ia. Diatu udah di uji, tau di keliah lah! Tang anang saru ga, enda semoa ga masakan orang peranchis style baka tu, maioh udah resepi sida udah di uji, tau di kenang penyamai ia. Ila aku mai kitai, nguji siti ari utai panduk orang ditu.
*
Dalam semoa menoa Europah tu, pemakai panduk orang peranchis ke terbilang agi di seluruh dunya. Sida ia mega amat megah ke keju/cheese sida ia. Mesti makai keju, manah ke pengerai, nguat ke tulang kelebih agi ke nembiak ke baru mansang. Kenu ka sida ia, menoa tu ngundan 365 bansa keju! Reti nya nuan makai, cukup bansa keju tiap ari dalam setaun. Dalam statistik aja tu, ni tan makai semoa keju nya, makai ia tiap ari, tambah sekeda ia, amat enda tan kitai nyium bau ia. Aku terubah suba ka ga enggau nyengkau mimit, diatu kira ke neju sida anak aja, manah ke sida ia deh! Aksen..................

8 comments:

  1. Lyana,

    Ya ka rindu aku makai utai empa org putih (french, italian - NOT ENGLISH), sida iya empu presentation. Kurang garam pun nyadi nyamai meh. Sida iya sigi particular pasal utai empa.

    Tang utai empa kitai di menoa din, mayoh asai. Mayoh macam utai dicampur enggau kitai udah teleba makai... nyamai agi!

    Selalu ga aku makai ba restoran ditu tang aku milih ka manah aja. Sekeda nya muai duit aja enti makai tang enda nyamai.

    Alang-alang udah makai di luar, ngiga endor ka sigi nyamai neh?

    ReplyDelete
  2. Nyamai amat gamal ikan digulung enggau bacon! Tang susun utai dempa nya kurang peda aku. Nama tak kediri hari sida pemakai nya? Besai endar pinggai tang susun yg nyelai amat peda aku.

    Amat munyi ko flo sigi asai masau duit ma enda puas ati pulai ari restoran! Agi belala ngiga utai ka tau mantup ati! Heheh.

    ReplyDelete
  3. Flo,

    Presentation sida ia anang kira, lebih agi penting ari penyamai utai di empa. Gut2 kediri aku udah nya, puas ati agi enti makai steak & ubi kentang guring enggau local herbals ba 'Buffalo Grill' aja.

    Puteri,

    Endang sigi gaya ia, utai dempa nya di tusun baka nya, kena ngerindang mata aja tang enda ngerindang ati.........!!

    ReplyDelete
  4. emm... baka nyamai neh Lyana.... Tang aku enda ulih ngirup wine. Sigi sebingau pala aku.

    ReplyDelete
  5. presentation sigi superb engi urang menua penyamai bedau temu. makai cheese hehehe enda berapa aku tang enti kitai empu cheese aka belacan nya baru enda tau enda hehehe lawa nuan neh wai bai laling makai di luar

    ReplyDelete
  6. endu hornbill,

    Apuuuu, enda ulih 'yamseng' enggau nuan lah enti nyu meda bintang udah ngirup wine ??? hehehehe....


    andan,

    eh, lawa ga bai laling aku nya pansut makai sari nya, tang munyi ka aku enti di menoa kitai, bai aku makai pemakai kitai ia, puas agi ga ati...enda ibuh ngirup wine, sky juice udah sedap!

    ReplyDelete
  7. Lain drp yg lain baka best aja neh, kira menjamu selera serta menjamu mata meh maia makai neh. Lelengau kak makai bacon, aku pun enggai makai cheese Lyana, kak jeluak. Inti lauk aku enggai aku mesti disagi enda dicampur cheese enggai ke enda alah diempa.

    ReplyDelete
  8. Cuthess,

    nya ke sema kitai, baka style pemakai orang putih, canggih aja, tang jauh alah citarasa sida ia ari enggi kitai.

    ReplyDelete