Friday, September 26, 2008

Pont d'Austerlitz enggau Gare de Lyon, Paris.

Kemari kami tiga menyanak (Lydia enda enggau, agi sekula), ke Paris. Kami kin laban mai Anaïs temujanji enggau lutur pakar di siti spital ungkup ke anak mit. Tiap tiga bulan sekali temujanji nya. Anaïs tepaksa minta pemendar ari cigu ia, ponteng seketak ari.

Udah tembu diperesa, lutur madah ke ia tau enda ibuh dibai ke spital nya agi, tau diperesa lutur kami sebilik ditu di Crecy. Semak meh, ke Paris kin nyu dua kali betukar keretapi baru datai ba spital nya. Tang nadai ibuh ke tu ga, asal tudah anak aku nya gerai, sihat. Nadai pemedis ngirau ke ati agi.

Baka selama, aku endang ngambi peluang ma kami bisi ari ke Paris, mesti mai kamera. Laban taja pan diau enda jauh ari negeri besai tu, jarang endar ka kin. Enti nadai kebuah endang sigi lembau ga. Tambah, lembut pala patung diving kin, balat pemayuh kereta ba jalai highway. Enti enda teleba endang temati kutu meda trafik bakanya! Nya kami sebuat ke ngena keretapi tiap kali kin. Pia mega jam tebasau ngiga endur parking. Enda nemu mindah agi bala mensia ma udah tulih ke endur parking!



Image Hosted by ImageShack.us
Pont Charles de Gaulle (jembatan Ch. de Gaulle) di peda ari Pont d'Austerlitz.

Image Hosted by ImageShack.us
Bangunan ke baruh nya, endur bala 'CSI'(France) mansik ke jenayah.

Image Hosted by ImageShack.us
Siti ari bangunan ke tebilang di Paris ulih peda ari jembatan Austerlitz, the cathedral of Notre Dame.

Image Hosted by ImageShack.us
Notre Dame de Paris, sungai Seine & jalai George Pompidou.

Image Hosted by ImageShack.us
Anaïs & me.

Image Hosted by ImageShack.us
The clock tower ba stisin keretapi, Gare de Lyon.

Image Hosted by ImageShack.us
Pasar enggau restoran seberai Gare de Lyon.

Image Hosted by ImageShack.us
High Velosity Train nganti penumpang dalam Gare de Lyon.


Image Hosted by ImageShack.us
Apu..lelak jadi tourists!


Tu aja gambar ulih ambi aku kemari. Bisi ari nemuai ke Paris, ila begambar baru.

10 comments:

  1. Apu manah amat menua nuan Lyana, romantic city, arap ila ku ulih kin ma dah bisi kerja, diatu enda ulih bedau mampu. lalu bedau ngindik Europe,

    ReplyDelete
  2. Manah Cath, ari pan manah sari nya. Taja bisi celap mimit. Bai bejalai enda berasai.

    Au, anang enda nemuai nuan enggau Brett ila.

    ReplyDelete
  3. Such a beautiful city...I miss Paris...hopefully we will return someday

    ReplyDelete
  4. Kala ninga lagu "April in Paris" by Frank Sinatra? Well, this song resume all about this wonderful city.

    ReplyDelete
  5. nda kala...baru ajak aku checked out in you tube :)

    ReplyDelete
  6. Originally endang by Sinatra, but I prefer the new version diatu by Kurt Elling. Anyway, either by any one of them I like this song, esp. sung by these two very romantic voices!

    ReplyDelete
  7. ti bisi peluang arap taun baru ulih nemuai kin baru ko kitai. Geli ati aku teringat ke kaban ke engau aku kin suba ka amat ngumbai lift ba endur kami diau cute amai baru kala meda kenu tudah hehehe muat 2-3 iku aja ti urang ke besai 2 iku pan kada ulih)

    ReplyDelete
  8. Au, ngarap ke nuan ulih nemuai baru meh wai.
    Nemu aku lift ka nuan nya, baka sangkar burung. Tak kitau2 ka asai kitai dalam nyin. Enti bebanding enggau lift zaman modern diatu endang amat antik sigi nya. Semina agi di kembuan urang ba bangunan lama, nemu urang ditu, agi angkun ke perangka lama kelia.

    ReplyDelete
  9. Bisi endar ati ka kin baru eh! Taun baru kini? Heheh. Enti bisi modal .. anak agi pedis dibai!

    ReplyDelete
  10. hohoho! angan2 udah aku tu, deka betemu enggau kita semua, datai nemuai melancung ke Paris tu. Anang enda ney, y.

    ReplyDelete