Tuesday, November 11, 2008

Durian mania!

Mayuh bala ngirum ke aku ngena e-mail gambar musim buah di menua diatu. Lalu meda bala buah-buahan menua kitai baka ba 'ruai' kenergy http://roundraun.blogspot.com ngasuh balat agi ati tu lelenggau ka pulai...makai buah..daki nik!!

Ditu aku mantai ke gambar di ambi adi aku, Eileen, di Sebuyau, dua minggu ke udah. Aku besemaya enggau ia, deka mandang ke bala gambar ke sekeda nya diambi ia empu, sekeda nya bala bukai. Ma meda ia dalam gambar, assistant tukang gambar meh megai kamera! hehehe


Image Hosted by ImageShack.us
Bandar Sebuyau.

Image Hosted by ImageShack.us
Diana (cousin-in-law) ari kiba endar enggau adi aku Eileen, ngena tupi mirah. Sori, kaban dua iku ke bukai nya enda aku ngelala.

Image Hosted by ImageShack.us
Ramzi (brother-in-law) enggau cousin aku, James, ari kanan. Eh, enda nemu pengawa seduai tu, ngumpul durian, tauka ka nugal ??

Image Hosted by ImageShack.us
Langkau mit, endur nyimpan durian ke udah di gumpul.

Image Hosted by ImageShack.us
Di tancang enggau tali buah durian, enggai ke lepas rari !!

Image Hosted by ImageShack.us
Nyu sarat kerita sida ia endur ngangkut buah durian.


10 comments:

  1. Apu nyamai amat, indai aku maioh amat buah rian taun tuk, buah dabai pun maioh, nyamai amat dabai campur enggau durian, slurrpppp.Nya malam tadi nyu bermimpi pulai ke menua kak makai daun ubi, tang dalam mimpi kelalu lama nganti bas nyu enda sempat manduk daun ubi, tedani lalu punek bedau makai daun ubi. Lucu amat.

    ReplyDelete
  2. hahaha gelik ati ke mimpi nuan nya.
    apu..favorite aku meh buah dabai. Ditu bemimpi meh enti bisi china nyual buah durian.

    Hubby aku suah madah, ia airline staff, maya dia tu, bilun cargo datai ari Malaysia, balat bau buah durian. Bah! kini penunga bala sida durian, nadai kala meda di jual di market china din. heran !!

    ReplyDelete
  3. Ha nya ya, nyau sarat bunit kerita jamah rian.. pama air freshner perisa durian ba entuka nya..

    ReplyDelete
  4. Lyana rindu meda gambar raun kita menyanak. Enda sempat ninggal ka kumen laban sibuk jamah sida anak ke ka concert. Bisi rezeki ka nemuai ngagai menua kita dia, manah amai rampa menua dia. Apu... mayoh endar rian neh. Berapa pun nya? Ko urang kena ngenyau ka bau rian dalam kereta tusun roti paun atas buah ngambi nyerap bau ko kenu.

    ReplyDelete
  5. nya ia musin rian - rindu diri nganti rian labuh ba langkau. Nya meh di menua macam musim diatu ukai mina rian aja. Musim lauk umai meh diatu sida daun entimun benung manah sida labu sida entekai. Tetenguk amat ninga indai becerita maia ke talipaun minggu nyin kemari. Enda ngawa wai enda lama agi nuan pulai tepantup tetenguk

    aku tu ncuri nunga pc sekejap nyu sebingau pala betusun ke barang - kemaia enda tembu akai daiiii

    ReplyDelete
  6. kenergy,

    Enda ulih di lalai meh bau freshner durian! Nadai ulih di laban....hehehe


    Wai Dolly,

    Au, bisa endar ga belian nuan nagang anak enda tinduk enggai ke miss concert.

    Endai wai, balat pemayuh bungkus ruti paun kena muai bau perfume durian dalam kerita sida ia nya !!
    hehehe


    Andan,

    Sayau urang di menua latak enda nemu makai sayur babas, dadak amat!

    Nya meh, enda sabar agi ka pulai.
    Nama kebuah enti kita udah pulai ke S'wak baru, bisi ari kitai betemu ila.

    ReplyDelete
  7. Rian bisi dijual ditu tang enda berani meli laban nadai endor makai. Kami diau ba apartment, enggai ka capuh org nyium bau!

    Enti bisi rumah kediri nadai ngawa, nadai org sepiak rumah nyium bau.

    Kasih amatttttttttttttt.

    ReplyDelete
  8. wahhhhh! untung nuan tetemu ke durian di Aberdeen.

    Ditu nadai kala aku meda china nyual. Engka bisi ba black market kini ??!

    ReplyDelete
  9. akai indai...jeles ku...untung amai neh...sempat enggau urang makai durian...kenek takut kempunan..hehe

    ReplyDelete
  10. wai cbhardman,

    nyangkung mata meh kitai ke merantau menua jauh tu..... :(((

    ReplyDelete