Nyambung randau Puteri ga aku. Gambar kami duai ari video chat netbook diambi pagi tadi. Tang connection internet maya nya enda berapa, ngujung ke gambar enda tentu terang. Maya ari ba menua Sacramento di US endur Puteri diau , jam udah jauh malam. Ba aku ditu, manuk udah lama engkukuk ngerak bala dani ! Aku endang teleba dani pagi pukul 6:45am laban kiruh ngemas anak nurun sekula. Jari pan belabuh ga ngacuk swis PC. Enti bisi meda bala ba blog tu tauka FB lalu berandau meh nya sambil gawa bukai. Landik endar negereja pengawa dua tiga iti dalam sejam ! Nadai enda kala nyadi pengawa main tu ba aku laban udah teleba.
Enti enda irau ke time zone nya amat nyamai endar netbook video chat tu kena berandau muai ati lelenggau ke pangan diri. Ukai nangi ke apa, nangi ke salah timing! Kelia bedau bisi perengka baka tu, lelenggau meh naka iya, ka telipun suah, mar endar ga bayar bil telipun nya. Bekirum surat lagi, ngelama nya ga datai. Nyu bari cerita urang di menua baru ampit didinga ditu. Berita "sanu jadi enggau bini sanu disetak nyin" enda penting iga. Kapa nya deh! Tang berita manah baka pengada, bala nikah, nerima sijil/ijazah ari U, utai baka nya rindu endar ninga! Nyu berita tekini di terima diatu, enda agi bengap-bengap pulai ke menua enda nemu utai ke di kerandau bala mayuh maya ke begempuru.
Bah, ka nesau bala ga nunda ka Puteri, barang sapa bisi ati bevideo chat, madah ney. Ngambi ngaga jam temu janji dulu. Eh, enda ibuh ngagai saloon buk tauka besolek2...enda ulih di adu gamal ba kamera netbook tu. Peda mua kami duai nya, ni bisi ngemesai nya gamal tu, dia nyu segalo !!! hahahaha
Kami duai bechat ngena Google Video Chat .. ba gmail din alai iya. Download lah dulu Google Video Chat plugin, baru ulih enggau bechat, er, mesti bisi account gmail ga.
ReplyDeleteEndun Belalai ka enggau kitai chat ila! Iya selalu tindok laun ba M'sia din, ulih enggau tuo video chat!
Amat endar ga, kati ko moa tu ngemesai nya?!
Puteri/Lyana, ulih sekali sekala ;) alam kandang 11pm di menoa ditu ulih ngah nya; bisi aku gmail ... Aram Berandau ngena dunya litar angin? :D
ReplyDeleteEh, manah meh nya. Tang penusah ia enti ba Malaysia pukul 11pm, aku ditu udah pukul 4pm benung kiruh ngambi anak sekula. Puteri din baru pukul 8am nganjung anak sekula ga ia ! Enti nya weekend nadai salah, ulih manah jam nya.
ReplyDeleteNi ID nuan deh ?
Lawa seduai nn Puteri neh...terpantup lelenggau ngau pangan diri... :)
ReplyDeletewai ibanlady - aduiii pedis kening aku tu tepantup... !!! ;-))
ReplyDelete