Pun minggu nyin kemari siku geng rapat aku ditu, telefon ke aku tumu pagi. Minta tulung ngaga popia. Iya bisi temuai datai ngusung sida sebilik ari lima ila, iya nya kemari. Enti aku nadai penanggul , nadai mindah ke bukai gak sari nya ka iya. Aku nyaut iya, madah ke lama gak aku enda ngaga, nyu tetengguk gak. Iya pan gaga ati, lalu ngasuh aku ngaga list ke utai ke patut di beli kena ngaga popia. Geng aku siku tu, endang manah endar, manah ati. Iya lalu mai aku nurun ke pasar, tekala nya.
Nurun meh kami duai supping ke perangka ngaga popia. Enda sabar gamal ka makai popia, sinu meda!(Iya empu bansa peranchis.) Kala gak tudah ngaga kediri empu, tang enda nyadi ka iya, enda nyamai meh ka iya. Aku kelia pan enda nemu ngaga popia tu. Bisi 'cikgu' gak aku!hehe Indu vietnam, geng lama gak siku tu. Nyah, ba stail popia aku nya stail popia bansa vietnam...nadai beza, nadai nyelai asai ari popia ke gaga di menua kitai, asai sepi aku. Sama2 nyamai ! :p
Berita kedua saritu :
Saritu belabuh kemisi nembiak sekula ditu. Kemisi musim celap. 2 minggu kemisi tu. Munyi ka aku kutai, nadai mindah kebukai kami menyanak. Sulu ati benung sekula baru. Belajar naka iya meh tedah, ngambi ke pass peresa ke penudi maya badu kursus nya ila. Iya nya kena 20hb March.
Ketegal kedua enda mindah mega laban anak aku ke tuai nyabut ngeli iya, pagi tadi. Ngeli gam (wisdom teeth, ka ribai). 4 igi sekali gus! Laban di temu dentist, maya peresa ngeli dua bulan kutai, ngeli iya empat igi nya enda tumbuh lurus, singgit magang. Lalu ngacau ngeli ke bukai, deka ngujung ke ngeli ba ari mua, ba atas enggau ba baruh iya balat besukik ila.
Dibius meh iya pagi tadi. Sejam lutur ngereja ngeli iya. Tang enda bemalam. Semina ditan di klinik seketak ari aja. Laban puji Tuhan, nadai apa nama meh. Lemai tadi kami duai apai iya ngambi iya pulai ari klinik nya. Sinu meda belabuh ari lemai tu, nyentuk ke lusa ila, semina tau makai bubur, yoghurt enggau ais klim aja. Bubur nya enda tau diempa kelalu angat, bubur udah suam, nyilu kuku. Ampit gak tedah enggau makai popia lemai kemari.....
Bah, naka tu dulu berita aku sekali tu. Selamat ujung minggu !
apuu..nyu lapar mda popia nn eh.ku salu meh ngaga,cmpur vege+udang kering+isi ayam.kadang2 sumbat ja nama inti,ni k ka ati.
ReplyDeleteooo kasih anak dara siku nya.arap ya jampat gerai meh..
Tumu mai si Lydia nuan nyabut wisdom tooth ia? Meh empat sekali ka. (At least tudah berani, nda baka aku ka tuai ngagai takut ngagai dentist hehe). Bendar mai ngetat pemedih nya neh. 3 ari, slim terus. Nadai ngawa, lepas tu nuan nyumai sida lauk ka nyamai ngagai ia mega.
ReplyDeletemmy Yen - sama tuo! enti ngaga ke diri empu amat nadai milih inti ditepu dlm popia nya. asal utai nyamai dipakai ney.
ReplyDeleteauk, balat kembai pagi tu. mayuh ubat ditelan, ambik ke enda kelalu pedis....
Charlene - nya meh. lutur madah ke, manah agi di cabut diatu, laban balat agi pedis enti wisdom teeth nya nyu dah 'mansau' endar ila. nama kebuah gak enda lurus dlm nyin...