Wednesday, February 17, 2010

Pengawa saritu.

Ok sebedau aku mantai ke berita aku nya. Sapa bisi berati ke ruai aku udah bisi insur mimit ?? hehehe Enggai enda madah. Lantang agi ati aku meda ruai aku tu nyu luas agi. Ulih engkah gambar besai. Enda mit, nyu juling mata meda sapa bagi urang ke digambar. Bah, baka selama, minta ajar mentor aku. Taja pan aku bisi penemu seleka dua dalam dunya IT tu tang agi beguna ke cikgu ngajar y. Kira ke bedau bisi pengelandik ngati ke diri meh. Sekali agi aku meri besai terima kasih ke Puteri ! Terima kasih , mayuh2 y petunggal! :-))

Berita saritu: Tadi sebedau sida anak mupuk ke kelas 'nunggang kudo' bepesan gak siku, madah ke aku enti ulih ngaga 'crepes'. Pancakes nipis tauka 'ruti canai' stail gaga ribai.

Kemari kena 16hb Feb, iya nya ari ngintu 'Mardi Gras'. Tiap ari dua, ke ketiga dalam bulan dua. Nyadi sarinya, belabuh ari rami nanda ke musim bunga nyu ka datai. Ba kelinda kitai Kristin, nya nanda ke sari sebedau ash Wednesday. Pia mega berengkah musim Lent. Sekeda endur diau di menua Europe bisi mansut ke mayuh macam pengerami, baka Carnival of Venice di Italy din.


Mask parade, Carnival of Venice. (courtesy from Google images)

Taja pan ba endur kami menyanak ditu bedau ngintu pengawa nya secara tebuka tang bala mantai ke adat nya ba ruang bilik diri aja. Nyadi sekeda ari pengawa ke kena nanda ke maya tu udah Mardi Gras, iya nya ngaga 'crepes'. Nadai bemacam cara makai crepes. Empa cara masin tau, manis pan tau. Bala aku , rindu ke manis. Di gulai enggau butter enggau honey. Tauka dipalit ngena cokelat nutella. Gulai gula aja pan nyamai. Sekeda urang ke endang landik endar, lalu diinti enggau dagin pepat mit serta di balut keju udah diparut. Enggau pengelandik jari di dapur meh.


Tu gambar diambi saritu. Tengah ari tadi, manduk spaghetti bolognaise kena makai tengah ari. Mee panduk cara Italian. Gaga ati anak siku tu deh! Endang sigi pemakai dikerindu iya.

Aku agi tengguk ka ngulam crepes nya...... :P

6 comments:

  1. Mmmmm, aku tenguk meh ka crepes! Minta gaga nuan!

    ReplyDelete
  2. hehehe...endang ruti canai ribai crepes nya! nyamai diempa enggau kari manuk gak...slurppp!

    ReplyDelete
  3. Nya baru lantang seput bak ruai baru..hehe..bisi dikeretuk html template nuan ulih cigu pia wai? Sedap crepes nya, aku kadang mun tenguk, temu meli instant aja. Sedap mai spaghetti bolognaise bak gambar peda ku..kenyang mata meda.

    ReplyDelete
  4. aduhai, manah endal blog kita wai! aku tu nguji ngubah harinya, pedis muka ko keda, dipulai ngagai template ke biasa. ulih belajar ari cikgu tu enti pia! siko nie cikgu?

    ReplyDelete
  5. cantik mai msak parade nya neh..rindu mai meda nya...

    au ehh..nyu lawo amai ruai ktk y..ku ka meh ngaga header bru..tp ila ila g meh

    tetenguk mda spagetti ya nya..

    ReplyDelete
  6. Charlene - auk, ngerituk html template meh kami duai Puteri. tang dikhas ke aku header nya, iya empu ngambi gambar bunga.... :)
    Jarang meli crepes dipasar. Milih mai nyawa tuk. Enggai enda makai ke digaga diri empu. ishhh

    EB - Tq wai! pia?? enti munyi nya minta ajar Puteri gak nuan. Iya meh cigu aku.

    mmyYen - bisi ati meh jemah ila deka meda mask parade nya idup2. Suah dah meda ba TV, nyu tetengguk hehehe
    Tq! lawo dah ruai aku ! :D

    ReplyDelete