Lemai tadi kira ari pukul 6:00 lemai nyentuk ke kira pukul 7:00 lemai, ari jaik amat. Angin deras, guntur, kilat enggau ujan bangat. Endang udah di pesan ba radio, ari upis penyaga ari, ari pun minggu tadi pasal kabut ngenyit nya. Kebuah tik nyadi laban ke udah betukar musim diatu. Angin celap belaban enggau angin angat ka datai, ke mai ari tu manah maya musim bunga. Rindu endar gak belajar pasal pejalai ari tu ney?!
Udah teduh ujan serta angin pan enda balat ari betiup, aku berati ke langit majak terang baru. Panas nya agi gak tampak. Tang laban ke udah nyu laun lemai, kira pukul 7:30 lemai tadi panas 'padam', betukar curak gaya remang enggau langit. Rindu endar meda. Sayau, nadai meda 'anak raja' gak. Bah, nadai betangguh agi meh, lalu nyengkau ke kamera aku. Tu dua iti gambar pemanah ari maya nya tadi. Kati deh, enda rindu kita meda iya mega??
Rindu meda! Ari rumah aku nadai entu ulih meda sunset manah. Kelalu mayuh utai ngelindung .. rumah orang, pun kayu ....
ReplyDeleteKe diatu agi ulih meda sunset nya ari rumah ku. Ila enti rangkang kayu dia udah tumbuh daun magang, nyampau meh, semina langit aja agi ulih peda.
ReplyDelete