Wednesday, June 25, 2008

Cuti musim panas

Image Hosted by ImageShack.us



........kami menyanak ka pulai kemisi ke Malaysia. Enti nadai penanggul deka berangkat kena ari satu tu lagi 30hb June. Maya tu nembiak sekula belabuh cuti ke summer (3 bulan). Jadi kami menyanak deka 'ngenjoy' ke diri sampai 9hb August ila di Kuching. Kena 11hb July ila deka nemuai 5 ari ngagai petunggal aku Puteri di Miri din. Lama ga udah kami duai enda betemu mua. Ke penudi ia kami duai begulai berambih ia nya lebuh ia datai nemuai ke kami kitu (taun 1995 kelia). Sebulan ia enggau kami menyanak ngasai ke pengidup urang di menua peranchis ditu. Maya nya, agi single kawan kitai nya. Nya lah ia agi ingat endar ke dibai raun ke Rocamadour, siti ari endur palan pelancung tunga ke selatan menua France tu. Bejalai ke Paris malam ari, sama-sama gagit meda jalai di hias enggau lampu bermacam kaler laban kena nyambut X'mas enggau taun baru maya nya. Udah nya singah enda lama ke Geneva, tang kena ari minggu, haiya...kedai mayuh tutup, nadai ulih shopping tang bisi sempat begambar kena pengingat, rugi suntuk ari kami, kemisi kami sebuat nyu datai ba adan tang lantang ati rindu meda pemanah rampa menua urang. Ngarap ke maya bukai ulih berambih baru ga kitai, wai.


Baka aku ka bisi peluang ngeruh ai urang ditu, ukai muji serta ngelangkung ke diri, tang enggau ati ke rindu serta gaga aku mai kita bekunsi enggau aku ngasai ke pait manis diau ba menua jauh tu. Jauh ari apai indai, diri menyadi serta kaban belayan ke disayau. Bala pangan sekula menya, serta pangan bukai ke enggau begulai kenyau ari mit endang meruan di ati belama. Nya meh, ma maya kemisi panjai baka tu, ninting taun kami menyanak enggau iring tuhan kitai, endang kena aku muai ke lenggau meh, mulai ke diri ke menua asal kin. Taja pan sebulan nya pandak amat kena ngemantup ke ati ke lelenggau tang ba aku udah cukup umbas. Enggau dunya IT diatu, tau pandak ga ari, kenu ka engkatak! Sebelas bulan bejauhan kira enda ibuh di kenangi ke agi.


Maya aku bisi ari udah tu ila, engka bisi ga nyengguk sekejap ngagai ruai aku tu. Bedau ngema litup, munyi ka ini Andan ! Nya ke enda temu maya ka nyengguk. So, selamat cuti ga ke bala bukai ke bisi pulai ke menua kin tauka bala ke endang netap din mega, enti bepansa di pasar tauka dini-dini alai anang malu nyapa neh!


Like they say here, "Au revoir et a bientôt !" (bye and 'see' you soon !)

9 comments:

  1. Ahh.. aku nadai cuti panjai enti summer time. Besimpan ka Xmas aja... udah taun dudi nadai pulai. Taun tu legi ulih pulai ka enda, bedau temu. Asai ati ka meh pulai tang mayoh mat utai di runding kia kitu.

    Anang enda nyenguk ruai nuan tu enti udah bercuti. Sekali seminggu pama meh. Aku nemu amat asat bercuti tu, nadai ari ka beronline-online!

    Sama-sama meh kitai bekunsi cerita. Ambi gambar mayoh2 enggau Puteri. Enti bisi ari, anang enda ngabas ruai indu kayan din.. hehe.. mayoh update nya enti udah sebulan! :P

    ReplyDelete
  2. selamat nemuai ke menua wai. auk alu nemuai ke miri nuan neh betemu engau puteri, ulih nuan meda secara live neh booster canggih gaga puteri hehehe. enda jauh ari rumah puteri langkau aku di miri wai sayau nadai peluang betemu din. Enjoy amat=amat kala ke cuti.

    ReplyDelete
  3. flo,
    arap ke nuan ulih pulai cuti meh x'mas ila. bisi ga ati aku tu ka pulai x'mas ila, tang meda ka dulu. sekumbang udah diau ditu nadai kala udah enggau kami sebilik gempuru x'mas. agi bala anak aku mit kelia kala pulai gawai (2 kali aja), pama meh.

    enda aku 'muai batu' ke ruai aku tu, bisi aku ngabas ia ila maya aku bisi ari, abis PC sida meyadi aku ila endur aku 'numpang kaseh' hehehe...enti urang sinu ga ;)

    ReplyDelete
  4. andan,

    au, ila kami sebuat posing sendi 'booster' gaga Puteri di miri din ila. bendar ngeringgik laban tu !!!

    nama kebuah enda nyengguk langkau nuan ga deh, mesti ngambi gambar ga !! hehehe ke pengingat cuti 2008!

    ReplyDelete
  5. selamat becuti...ngelepas ke pengelengau ati ngagai menua neh..au ah ulih meda booster gaga puteri neh anang enda ingat begamabra ba tisi booster puteri ila post ngagai semua bala blogger hehe

    ReplyDelete
  6. Nadai lama agi nuan kak berangkat. Amat enda lama nuan pulai ke menua kak sebulan aja. Manah meh nya. Ukai pedis kak kin kia maia diatu, pedis agi ngga cuti neh. Maioh macam cara kitai ulih mnemak ke diri enggau bala kaban ti jauh ba menua. Alang-alang amat dik pulai 9 August. Puteri ba Sibu maia nya ila, datai ia ngagai wedding reception aku maia nya. Arap ke nuan sebilik selamat datai selamat pulai ke menua diri.

    ReplyDelete
  7. dara,
    itu mestiiiiiii....!!

    cuthess,
    enti nitih ka ati ka lama meh, tang nya meh, menua tu, alai diau ga, 'nitih ke periuk nasi' ka sempama urang tuai, enda pia?
    Dalam family aku bisi meh wedding kena 2hb August ila, adi aku ke biak kahwin maya nya. Kira ke kiruh kami sebuat kemisi sekali tu.

    Don't worry, i'll be thinking of you for your 'big day' too !!!!

    ReplyDelete
  8. nya ya Lyana ka pulai. bah dini nuan diau di Kuching ila deh???? ulih betemu kitai wai..

    sms aja aku..016-8763800 -Pat

    ReplyDelete
  9. bah, enti munyi nya aku kontek nuan ASAP ! thanks for the hp no.

    ReplyDelete