Friday, November 28, 2008

Pengerindu ke jelu tupi.

Calisto, mayau kesayau sida anak kena rekak mayau jiran kena ari lima minggu nyin kemari. Balat endar ga abi telih tudah tuai, nyu tebabak kulit lalu bisi bekau gigit umbas ia dalam ba kaki kanan ari belakang. Bendar ngubat, enggai ke abi telih ia buruk. Lalu kena nagang ia nilat kaki ia nya, enggai ke enda gerai manah, pala tudah tuai di karung dalam 'colleret' ka kami ditu. Manah endar ga utai tu, lalu jenuh ia. Enda tegasak-gasak agi ka nilat serta ka muai balut ba kaki ia nya. Empat ari ia enda diasuh keluar ari rumah. Colleret ia diingkas maya ka makai. Geli ati meda tudah diibun ke jamban. Ia endang meruan bisi dulang endur ia kemi enggau birak dalam bilik jamban din. Rindu endar ngintu mayau mereti baka tu.

Calisto endang ari mit selalu dibai peresa ngagai lutur jelu (setaun sekali). Di menua tu, ma kitai bisi nupi jelu dalam rumah endang ditangkan mesti di tuchuk ngena ubat kena nagang jelu nya mai penyakit ngerampit ke kitai sebilik lalu nyentuk ke sepengayu jelu nya begulai enggau kitai mega. Dalam kulit pending kanan Calisto bisi 'tatoo' mandang ke lumur IC ia ! Enti sema lenyau, tauka di curi urang, ia ulih digiga. Sekeda urang ke ka, jelu sida ia bisi ngembuan 'digital code' mega. Elektronik 'chip' di tebuk ba belakang jelu nya, ngambi ke jelu sida ia nyamai di giga sema ia belelang. Pama ga ungkus belanja bisi jelu tupi ditu...tutup mata...for the love of Calisto !!

Image Hosted by ImageShack.us
Calisto ngena colleret.

Image Hosted by ImageShack.us
Z Z Z Z Z....aksen tinduk !!

Image Hosted by ImageShack.us
I'm fine now..miaow ! David Bowie's eyes. Sepiak kaler biru, sepiak kaler cokelat.

12 comments:

  1. ko urang lah, manah enti mayau nilat telih yo laban saliva ya natural cure for any wound. kasih mat Calisto nya.. uji kirum ke aku kitu ku merekoh ya hahahaha..

    ReplyDelete
  2. Endang amat Pat. Meda ke enda ngetu bedarah bekau gigit enggau keramak mayau gila jiran aku nya, nya ke mungkus kaki ia serta becolleret enda indah...ari dua tu ila dicek lutur baru ia.

    Tak bolehhhh.."For your eyes only leeee"..hehehe !!

    ReplyDelete
  3. eeee.. rindu amai ga aku meda mayau kita nya..kiut... ish

    ReplyDelete
  4. Kasih amai Calisto nya neh. Teringat ke mayau kami kelia bulu nyau ka baka nya sampai tuai iya diibun kami. Buta mayau kami nya suba empa penuai ia nya baru parai. Pedis ati meda mayau jiran nuan nya neh. Beli endar mangah ga mayau urang nya.

    ReplyDelete
  5. Hi Cikgu Grace,

    Lama nadai berita ari nuan.

    Au, kiut ahh si Calisto tu...pama ga pemerat ia, nyuka 5 kg diatu. Sigi bansa mayau besai gamal. Anang agi maya winter tu, tebal endar bulu ia....



    Wai Dolly,

    Ka mangkung mayau urang nya engggai ga nyadi, suah endar ngemba ia ngena pemancit ai...baka ke ngelesey, rari sekejap datai ga ia baru. Semua mayau kami ditu udah di jamah ia magang, ihhhh geram endar aku meda siku nya. Selalu aku mucau ngambi ke dilantak kereta !!

    ReplyDelete
  6. Eeeiiii...kiut amat mayau nyak...aku sigi gila bulu mayau bisi stripe..hehe. Amai keno nuan Lyana, sigi maiyoh perengkah utai tek ka di adu mun bisi pet. Bisi check pegi vet doctor lah, cucuk pemaiyoh ubat di cucuk kena jaga penyakit..mayau ku Pixie, akai, beri mandi sekali sebulan..beri ubat cacing..etc..mun bansa kitai bak benua, nadai ka kiroh..

    ReplyDelete
  7. apuuu apin bala kita meda mayau ku ke nama Putin nyo... mayau cikgu jawa spiak rumah ka ndar ngerekak ya.. anang ke mayau, kitai ke mensia tu takut meda mua mayau nya gangster amattt.. nyo rumbak spiak mua ya buruk nggai meh tuan ya nganjung ke klinik...akaidaii..ka mutah nti ngenang.uwekkk...

    ReplyDelete
  8. wai cbhardman,

    ukai enda kiruh, tang lantang ati laban ukai semina sida ia bepengerai, tang nyamai di educate ga agi. Kami kelia di menua din mayuh amat mayau, sampai nupi enam iku sekali...tang semua enda nemu reti, birak kemi sebarang endur, bendar bedisiplin ke sida ia, tak enda ngasi nyentuk ke mati !! Tang apai aku siru ga, ia mai ngagai ke vet.

    Hehehe Pat,

    Enti ditu enda tau ngaga mayau tauka jelu tupi baka nya. Lalu datai health inspector jelu.(Under somebody's complaints lah..) Terubah ia diwarning ia dulu, enti agi ga jelu nuan nya enda di kibuh...baka rumbak mua, ka nuan...lalu di angkut ia, nuan lalu kena saman !!

    ReplyDelete
  9. wow...special endar ga mata calisto nn nya ney...hehe...train lasak ke agi ba luar rumah..kuat ia berekak ila arr..hhehe..gamal enda nyalah2 gaya arr...

    ReplyDelete
  10. hehehe..ibankiih, kala ninga pasal 'castra opera singer' nuan?
    Well, Calisto tu, tajapan enda nemu belagu tang it's the same kind !! Nemu betundi aja ia, tang belaban nya lubah..nadai agi pengering. kasih ga tudah !!!

    ReplyDelete
  11. Nya kebuah aku bedau ka nupi jelu! Kelalu besai belanja!

    ReplyDelete
  12. Puteri,

    It was too strong to resist to all those desagreable consequences.
    Endang ari mit nupi mayau, enda complete asai sepi aku rumah nadai jelu tupi. Madah ke anak ke ka ke nupi mayau, diri empu pan gagit..hehe

    ReplyDelete