Thursday, February 5, 2009

Winter blues.

Nama penyadi ari tu tak selalu mambam. Ma enda turun salji , ujan ga ari . Langit selalu mendung dilambun remang ari pagi nyentuk ke malam. Penyelap ari nyu mantik ngagai tulang, enda nyamai endar pendiau baka tu.

Seminggu agi semester break nembiak sekula. Dua minggu sida ia cuti. Kami menyanak pan deka cuti ga, ngiga endur ke bisi ayan matapanas mimit. Kami sebuat deka belelang seminggu aja. Enda jauh. Baka selama tunga ke selatan menua peranchis. Ba menua ke dikumbai Murviel-Les-Beziers. Ngarap ke ari manah agi din ila.

Engka ari tu dini2 alai sebaka enda tau enda ga mai baju tebal, kasut but kena bejalai dalam salji ga. Ni tak tepagang enda ulih raun nadai pekakas yang bepatutan kenu. Kada enda jauh ari pasar besai? Rumah temuai endur diau udah ga dibooking. Aku meda gambar rumah serta kawasan ngelinggi nya, baka chateau mit. hehehe enda sabar agi asai ka kin.

Endur menua ke ga digagai (baka ke tau rari!) tu ila kira 7 jam ari Paris tu. Enti enggai kiruh driving, kira 2 jam setengah ari tu ngena bilun. Kami menyanak laban ke teleba mindah jauh baka tu ngena kerita, suah ngetu rantau jalai. Pelaba aku, kira 10jam baru datai din. Selalu ia, ma nuju menua jauh bakatu mupuk tumu pagi, kira pukul 7.00 berangkat enggai ke tepagang laban traffic jam sebelah jalai. Puas driving ngelama tu. Lelak. Kempis burit!

Taja pia kasih ga ngenang tudah Calisto ditinggal mindah baru. Udah dipadah 'aunty' ia sepiak nya. Ka belama ia ngintu Calisto laban mayau nelap, ka ia. Bisi ga ati ka mai Calisto mindah tang ngenang ke ditu ia selalu pansut keluar kin enggai ke datai ba menua enda teleba ia, ia tau tesat. Lama berai ke ia, enti ia enda pulai agi. Unimaginable penyinu ati nya!!

Eh, nyu udah jam badu berandau! Ngarap ke ari tu enda seruran gelap bakatu belama. Pedis ka ngenang musim bunga enda lama agi datai. My favourite season. Baka enda tampak agi ari pengelama udah enda meda mata panas. Nemu linsau mata pansut keluar, kulit pan cerah mimit. Tang enggi aku enda lama kulit cerah. Betemu enggau panas enda lama lalu pulai itam...laban endang ada itam manis deh...heheheh
Bah, pagila ari lima, enda berasai ujung minggu baru..Selamat ujung minggu ke kita semua!


Image Hosted by ImageShack.us

6 comments:

  1. Hari kami sahari tu ujan. Ujan pagila mega ko ramalan cuaca. Inconvenient ma ujan tang kami ditu beguna ka ujan, laban sepemanjai taun lagi nadai ujan, mina winter aja bisi ujan.

    Bala nembiak ditu break seminggu maya Easter tu ila. Engka ka Los Osos baru kami maya nya ila.

    ReplyDelete
  2. Ditu endang ari musim summer keutai endang udah enda berapa. Selalu ujan. Nadai nemu suntuk ai ba baruh tanah din pelaba aku. Uji bubuh ke ujan nya di menua ke beguna ke ai baka sekeda menua di Afrika din.

    Easter ila, sekali ga agi semester break ditu. Tang apin temu penunga ke kini maya nya ila. Summer holidays endang baka selama.... balik kampung !!

    ReplyDelete
  3. lawa sida ia neh cuti2 peranchis! aku ka meh engau kita ( dalam mimpi aja) hehehe. Ari ditu bakanya meh ujan nyu enda nemu ngelak ka mata panas pansut akai daiiiii.

    ReplyDelete
  4. hehehe maya aku tengantuk2 dalam kerita, jarang aku driving ma long distant (anang irau, wai) aku nyangkung mai nuan, kitai dua jadi tourists !!:-)))

    Lembau berunding ke ari sedunya tu..ngumba endar. :-((

    ReplyDelete
  5. Hhmmm best bisi salji. BA kuching agi mengkang lembau mua hari. ngarap ke udah Cap Goh Meh ila hari panas baru. aku rindu enti hari cloudy janji nda turun ujan, chelap aja nti ka bejalai2 ba luar.

    ReplyDelete
  6. Happy Cap Goh Meh, Pat!

    Lama udah enda ninga pengerami kaban cina kitai siti tu. Nya meh arap ke badu agi ujan udah tu ila. Kami ditu enti nitih ke urung bulan 3 ila nadai agi salji labuh. Enda nemu diatu, ari enda milih season agi.

    ReplyDelete